Morgunblaðið - 06.12.2018, Blaðsíða 6

6 MORGUNBLAÐIÐ FIMMTUDAGUR 6. DESEMBER 2018FRÉTTIR
Smiðjuvegi 9 · 200 Kópavogi
Sími 535 4300 · axis.is
Vandaðar íslenskar innréttingar
HLUTABRÉFAMARKAÐUR
Björgólfur Jóhannsson, stjórnar-
maður í Festi og fyrrverandi forstjóri
Icelandair Group, keypti í gær 80 þús-
und hluti í Festi fyrir tæplega 9,1 millj-
ón króna. Viðskiptin fóru fram á geng-
inu 113,5 kr. á hlutinn. Björgólfur var
kjörinn í stjórn Festar í lok september
síðastliðins og átti hann ekki hlut í fé-
laginu fram að viðskiptum gærdags-
ins. Gengi Festar hækkaði um 0,22% í
342 milljóna króna viðskiptum í Kaup-
höll Íslands í gær og stóð í 114,75 kr.
við lokun markaða. Frá áramótum hef-
ur gengi félagsins sveiflast töluvert.
Hæst fór það í byrjun mars er verð á
hvert bréf nam 131,5 krónum. Lægst
fór það í seinni hluta júlí er verðið nam
103 krónum. Samkeppniseftirlitið
heimilaði samruna N1 og Festar í lok
júlí á þessu ári. peturhreins@mbl.is
Björgólfur
kaupir í Festi
Fleiri Íslendingar þekkja til hljóð-
bóka en rafbóka, og fleiri hlusta á
hljóðbækur á Íslandi en lesa raf-
bækur. Þetta er meðal niðurstaðna í
könnun sem hljóðbókafyrirtækið
Storytel gerði hér á landi nýverið.
„Þetta er kúvending frá því sem áð-
ur var. Reyndar er þetta sama þró-
un og víða erlendis, en það sem er
sérstaklega merkilegt er að hljóð-
bækur voru ekki gefnar út í neinu
magni fyrr en nú á þessu ári,“ segir
Stefán Hjörleifsson landsstjóri
Storytel á Íslandi.
Hann segir að nú stefni í að fyrir-
tækið nái markmiði sínu um að gefa
út 200 bækur á þessu ári, og stefnt
sé á 50% aukningu á næsta ári, eða
300 bækur. Stefán segir að Storytel
á Íslandi hafi þá sérstöðu að fyrir-
tækið framleiði sjálft meira en 90%
allra íslenskra bóka sem það býður
upp á í áskriftarveitu sinni, en hann
bindur vonir við að fleiri aðilar fari
að framleiða hljóðbækur og bjóða
upp á þær í kerfum Storytel. Á
hann þar við bæði bókaútgefendur
hérlenda, sem og einstaklinga og
aðra.
Stærri en Audible
Í fyrrnefndri könnun kom í ljós
sterk staða Storytel á markaðnum,
þrátt fyrir ungan aldur. „Fleiri Ís-
lendingar þekkja og nota Storytel
en Audible, sem þó er yfir 20 ára
gamalt fyrirbæri,“ segir Stefán, en
Audible er í eigu Amazon netversl-
unarrisans.
Spurður um ástæðu þessa góða
árangurs, segir Stefán að Íslend-
ingar séu vitanlega bókaþjóð og að
auki orðnir vel kunnugir streymis-
hugtakinu, en Storytel svipar mjög
til bæði Netflix og Spotify að því
leiti. „Um 70% heimila hér á landi
eru með Netflix, og um 20% þjóð-
arinnar með Spotify. Fólk er orðið
vant þessu fyrirkomulagi, að borga
mánaðargjald, og fá aðgang að öllu
efninu sem í boði er.“
Í níu mánaða uppgjöri Storytel
sem birt var á dögunum kemur fram
að Storytel á Íslandi sé farið að skila
hagnaði, og sé fjórða landið af alls
15 löndum þar sem Storytel er í
boði, sem nær þeim áfanga. „Þetta
er að gerast mun fyrr hér á landi, en
á öðrum stórum mörkuðum, og er til
marks um hvað Íslendingar eru að
taka þjónustunni vel. Það sem er
sérstaklega ánægjulegt við þetta er
að meira en helmingur tekna okkar
skilar sér beint til rétthafa og þær
eru nú þegar orðnar umtalsverð inn-
spýting í íslenska bókahagkerfið.“
Áskrifendafjöldinn vex jafnt og
þétt að sögn Stefáns, en ekki eru
gefnar upp nákvæmar tölur þar um.
„Starfsmannafjöldinn hefur sjöfald-
ast á íslensku skrifstofunni. Ég var
einn fyrir ári, en núna erum við sjö.“
Fjölskylduáskrift nýjung
Ný þjónusta, fjölskylduáskrift, er
nú farin af stað hjá Storytel. „Þetta
byrjar fyrst í Skandinavíu og svo
verður hún í kjölfarið boðin á öðrum
mörkuðum. Þetta er ólíkt
fjölskylduáskrift Netflix að því leyti
að hjá Storytel er hver fjölskyldu-
meðlimur með sína eigin bókahillu
sem enginn hinna fjölskyldumeðlim-
anna sér, og hver og einn fær per-
sónumiðaðar ábendingar um bækur
til að hlusta á.“
Þjónustan er útfærð þannig að
með einni áskrift fylgir ein barna-
áskrift frítt með, með tveimur
áskriftum fylgja tvær barna-
áskriftir, og með þremur fullorðn-
isáskriftum fylgja þrjár fríar barna-
áskriftir sem allir geta notað
samtímis. Stefán segir að það færist
í vöxt að börn noti þjónustuna.
„Foreldrar hafa dálítið verið að nota
Storytel til að lesa fyrir börnin á
kvöldin, og taka sér smá pásu frá
því sjálfir.“
Tímamót verða hjá Storytel móð-
urfyrirtækinu í dag, þegar hlutabréf
þess verða tekin til viðskipta á Nas-
daq First North markaðnum í Sví-
þjóð. „Við höfum verið skráð á lítinn
markað í Stokkhólmi, sem gerði al-
þjóðlegum fjárfestum erfitt um vik
að eiga viðskipti. Núna geta Íslend-
ingar t.d. auðveldlega fjárfest í bréf-
um félagsins.“
Eins og fram kom í samtali Við-
skiptaMoggans fyrr á þessu ári við
Jón Baldur Hauksson, annan stofn-
anda Storytel, þá er talsvert um að
bækur séu gefnar út eingöngu á
Storytel. „Ég get nefnt eitt dæmi
hér á landi. Það er bókin Ferðin eft-
ir Söndru Clausen. Hún kemur ein-
göngu út hjá okkur, en ekki sem
hefðbundin bók.“
Fréttatengt efni á leiðinni
Fleiri nýjungar eru á leiðinni.
„Við hyggjust feta okkur á næsta ári
yfir í framleiðslu á heimilda- og
fréttatengdu efni, sem er þá gjarnan
svona 30 mínútur að lengd. Þá ætl-
um við að fara að gefa út eigin
skáldverk undir merkinu Storytel
Originals, eins og er orðið vinsælt
erlendis. Þá semja höfundar sér-
staklega fyrir hljóðbókaformið.
Þetta eru eins og sjónvarpsþættir,
um klukkutímalangir, og gjarnan í
tíu þáttum. Þetta er gert því við er-
um búin að læra svo vel inn á hvað
fólk hlustar helst á og hve lengi í
einu.“
Deilur stóðu yfir fyrr á árinu milli
útgefenda og höfunda hér á landi,
um hlutdeild höfunda í tekjum af
hljóðbókaútgáfum bóka sinna. „Það
tókust samningar nú í haust, og eftir
því sem ég best veit ríkir almenn
sátt um samninginn.“
En hvað með jólabækurnar, koma
þær á Storytel?
„Já, ætli við verðum ekki með
svona 10-15 af nýju jólabókunum.
Svo bætast fleiri við fljótlega eftir
jól.“
Spurður um kynja- og aldurs-
skiptingu í notendahópnum segir
Stefán að meira sé um að yngri ald-
urshópar noti Storytel. „Ungir karl-
menn eru stærsti hópurinn. Annars
er ekki mikill munur á milli kynja í
notkun hljóðbóka, öfugt við hefð-
bundnar bækur þar sem konur eru
stærri kaupendahópur.“
Enn ein nýjungin sem er á leið-
inni er hlaðvarp. „Við erum að hitta
hlaðvarpsfólk. Þetta er aðeins að
byrja hjá Storytel allsstaðar. Hlað-
varp er líka fín leið til að byrja að
hlusta á hljóðbækur. Við hyggjumst
líka búa til hlaðvörp þar sem við
kynnum bækur og erum með viðtöl
við höfunda.“
Hljóðbækur vinsælli en rafbækur
Morgunblaðið/Eggert
Stefán segir að fjölskylduáskrift, hlaðvarp, fréttaefni og Storytel Originals sé allt á leiðinni innan skamms.
Þóroddur Bjarnason
tobj@mbl.is
Hljóðbókafyrirtækið Story-
tel mun auka bókafram-
leiðslu sína um 50% á
næsta ári. Íslenska útibúið
er farið að skila hagnaði,
hraðar en stærri markaðir.
Útbreiðsla Storytel
H
ei
m
ild
: S
to
ry
te
l
Skilar hagnaði
Svíþjóð, Danmörk,
Noregur og Ísland
Í vexti
Holland, Pólland,
Finnland, Rússland,
Spánn, Tyrkland og Ítalía
Í undirbúningi
Indland, Sameinuðu
arabísku furstadæmin,
Búlgaría, Mexíkó,
Singapúr og Brasilía