Fréttablaðið - 05.04.2019, Blaðsíða 22

Ein fallegasta á sem höf-undur hefur veitt lax í er á efra svæði Hítarár á Mýrum,
sem nefnist Grjótá/Tálmi og þar
kosta veiðileyfin talsvert minna
en í Hítaránni. Þarna er ægifalleg
náttúra eins og hún gerist fegurst
við íslenskar veiðiár og víða
grasi gróið að bökkum árinnar.
Veiðihúsið sem fylgir veiðileyfinu
er fremur stór sumarbústaður
þar sem veiðimenn elda sjálfir,
eitthvað sem margir veiðimenn
kunna að meta. Á neðri hluta
þessa veiðisvæðis Grjótár/Tálma
breiðir áin úr sér og auðvelt fyrir
veiðimenn að athafna sig. Rétt
fyrir ofan veiðihúsið rennur áin
hins vegar í fremur þröngu gili að
hluta, ægifögru en þó ekki mjög
djúpu.
Þangað var haldið á öðrum degi
veiðiferðar fyrir nokkrum árum
og ákveðið að klöngrast í upp-
hafi dags fyrir neðan foss einn í
grunnu gljúfrinu. Þarna er ekki
auðvelt að athafna sig og veiði-
maður þarf að standa milli stór-
grýtis og fátt sem telst þokkalegt
undirlag. Fyrir því var sem sagt
ekki mikið hugsað hvernig landa
ætti laxi ef hann biti nú á, en það
var nú seinni tíma vandamál!
Ekki bætti úr skák að veiðifélagi
minn hafði þurft að bregða sér
í bæinn á fund um morguninn
og því enginn til að hjálpa til við
löndun ef lukkan gengi í lið með
veiðimanni.
Hann er á!
En hver veit, rétt um mínútu eftir
að færið var lagt út og látið renna
niður hylinn neðan fossins kom
þessi líka flotti kippur, hann var
á og miðað við lætin mátti fullt
eins búast við tveggja ára fiski af
vænni gerðinni. Svo mikil voru
lætin í fiskinum að hann var brátt
kominn langt niður ána. Ekki
vill betur til en svo að áin tekur
hægri beygju, séð niður eftir ánni,
steinsnar neðan fossins og þangað
stormaði laxinn og hvarf sjónum
í bili. Því lá línan utan í kletti við
beygjuna og engan lax að sjá í
dágóðan tíma.
Þá voru góð ráð dýr, líklega
myndi línan sargast í sundur við
átökin, en ekki var annað í boði en
að taka sénsinn og reyna að hala
hann inn, leikurinn var hvort sem
er tapaður að öðrum kosti. Það var
ekki sérlega huggulegt að heyra í
línunni sargast utan í klettinum
þegar dregið var inn og við því
búist að fá línuna í andlitið er hún
slitnaði við átökin. En lengi má
vona hið besta og það var einmitt
það sem gerðist, línan hélt og allt í
einu fór að sjást í spriklandi laxinn
sem ekki linnti látunum. Fátt var
annað að gera en að taka á honum
og stytta vegalengdina á milli
okkar, en ekki vildi ég missa hann
aftur niður fyrir beygjuna. Ekki
þarf að taka það fram að enginn var
árbakkinn til að fikra sig eftir niður
eftir, bara klettar niður að ánni.
Þegar laxinn var halaður inn í
rólegheitum sást betur og betur
að þarna var þokkalega vænn
fiskur sem full ástæða væri til að
ná, þó ekki væri fyrir annað en að
sanna þessa lygilegu veiðiaðferð
fyrir veiðifélögunum. Laxinn fékk
um hálftíma til að klára krafta
sína og oft var hann kominn
að fótum veiðimanns, er hann
tók eina rokuna enn. Ávallt var
honum gefin lína en ekki of löng
og aldrei full hersla á bremsunni.
Ekki var þó skemmtileg tilhugsun
um hvernig mætti landa þessum
óþekktaranga, engin var eyrin,
bara hyldýpið neðan stórgrýtisins
og bara klettar fram að árbrún að
neðan.
Stönginni fleygt
og laxinn handsamaður
Því var líklega eina aðferðin fólgin
í því að sporðtaka gripinn þegar
hann væri kominn að fótum veiði-
manns. Fyrsta tilraunin til þess
mislukkaðist, en með stöngina í
annarri var hin höndin komin með
tak framan sporðs en þá bilaðist
allt aftur og laxinn tók enn eina
rokuna. Næsta tilraun var enn
frumlegri, en þegar laxinn virtist
orðinn örmagna við fætur veiði-
manns henti hann stönginni á milli
stórra steina, beygði sig samstundis
að fiskinum og tók hann báðum
höndum og handsamaði eins og
galvaskur laganna vörður. Svo mikil
hræðsla var við að missa laxinn
að honum var troðið í geil á milli
tveggja steina þar sem hann gæti
alls ekki hreyft sig.
Hægt og rólega var hann þó
losaður þaðan til að losa færið og
tryggja að hann ætti ekki aftur-
kvæmt í ána, þ.e. rota hann. Stoltur
veiðimaður var svo úrvinda eftir
þessa óvæntu veiði og óvenju-
legu löndun að haldið var aftur
að veiðihúsi með laxinn í hendi,
enda þurfti líka að koma honum í
kælingu og vigta hann. Mætti ég þá
tveimur veiðifélögum mínum sem
trúðu náttúrulega ekki sögu minni
og trúa henni væntanlega ekki enn.
Laxinn reyndist vera 11 pund og
bragðaðist bara ágætlega reyktur,
ef til vill enn betri vegna þess hvað
mikið var fyrir honum haft.
Undarlegasta löndunin
Laxveiðimenn huga oftast að mögulegum löndunarstöðum er þeir stunda veiðar. Í þessu klaufa-
lega tilviki var alls ekki hugað að slíku. Laxinn náðist samt á land, en líklega með frumlegasta hætti.
Laxinn reyndist vera 11 pund og bragðaðist bara ágætlega reyktur,
Pabbi er elsti byssusmiður landsins og útskrifaðist úr byssusmíði frá Colorado
School of Trades í Denver í júní
1986. Hann er landskunnur meðal
skotveiðimanna fyrir af bragðs
byssuviðgerðir og umboð fyrir
heimsþekktar og margverð-
launaðar byssur frá Winchester og
Browning,“ upplýsir Ívar Agnars-
son, sölustjóri Byssusmiðju Agnars
og sonur hins frækna byssusmiðs.
Í Byssusmiðju Agnars hefur
verið rekið rómað byssuverkstæði
og byssuverslun í 33 ár og rétt fyrir
síðustu jól opnaði fyrirtækið nýja
og glæsilega sérverslun skotveiði-
manna í Hverafold 1-3 í Grafar-
vogi.
„Okkur langaði að stækka við
okkur, bjóða upp á enn meira
vöruúrval og opna heillandi sér-
verslun þar sem skotveiðifólk
finnur allt sem þarf fyrir veiðina.
Við seljum nú hágæða veiði- og úti-
vistarfatnað fyrir bæði kynin frá
danska framleiðandanum Härkila
en hann vann nýverið til verð-
launa fyrir Pro Hunt Move-herra-
línuna og Freyju-dömulínuna
á British Shooting Show sem er
stærsta og virtasta byssusýning
Bretlandseyja,“ upplýsir Ívar með
stolti yfir því að geta nú boðið
íslensku skotveiðifólki fatnað og
skó frá Härkila.
Kvennatvíhleypur á leiðinni
Ný sérverslun Byssusmiðju Agnars
hefur hlotið frábærar viðtökur
veiðimanna.
„Úrval veiðivarnings í búðinni
er fjölbreytt og einstakt. Við
erum meðal annars með umboð
fyrir þýsku Minox-sjónaukana
og einnig sjónauka og sigti frá
Truglo. Einnig einstakan fatnað
og byssur frá Browning, sem og
byssur frá Winchester. Hér er til
dæmis að finna verðlaunabyss-
una Winchester SX4 sem hefur
eina hröðustu skiptingu í hálf-
sjálfvirkum haglabyssum í dag en
ítalski heimsmeistarinn Raniero
Testa skaut þrettán leirdúfur á
1,6 sekúndum með SX4. Þá völdu
Landssamtök byssueigenda í
Bandaríkjunum (NRA) Winchest-
er SX4 haglabyssu ársins í fyrra,
enda algjörlega ómótstæðileg
byssa á frábæru verði,“ segir Ívar
og handleikur SX4 sem fæst svört
og í felulitum og gagnast við allar
aðstæður.
Síðsumars bætist við kærkomin
nýjung fyrir skotveiðifólk í Byssu-
smiðju Agnars.
„Þá tökum við inn sérstakar
kvennatvíhleypur frá Akkar sem
eru sérstaklega sniðnar að kven-
líkamanum. Það er bæði ánægju-
legt og tímabært að bjóða upp á
léttari og meðfærilegri byssur fyrir
konur í skotveiði,“ útskýrir Ívar
um Churchill-tvíhleypurnar frá
Akkar.
Þess má geta að Byssusmiðja
Agnars býður upp á vandaðar
vöðluviðgerðir.
„Við gerum við allar vöðlur, stór
göt sem lítil, og hvort sem vöðlurn-
ar eru úr Goretex eða Neo prene,“
segir Ívar sem hvetur skotveiðifólk
til að fylgja Byssusmiðju Agnars
eftir á Facebook þar sem reglu-
lega bjóðast spennandi tilboð og
nýjungar.
Byssusmiðja Agnars er í Hverafold
1-3 í Grafarvogi. Sjá nánar á galleri-
byssur.is og á Facebook.
Verðlaunabyssur
og vöðluviðgerðir
Vart þarf að kynna Agnar Guðjónsson byssusmið fyrir íslensk-
um skotveiðimönnum enda er hann sá elsti í faginu og hefur
rekið byssusmiðju frá haustinu 1986. Nýlega opnaði hann
nýja og glæsilega sérverslun fyrir skotveiðifólk í Grafarvogi.
Agnar Guðjónsson byssusmiður og Ívar Agnarsson sölustjóri. MYNDIR/ANTON
Winchester SX4 var valin haglabyssa ársins hjá NRA í Bandaríkjunum 2018. Dönsk verðlaunahönnun Härkila.
Finnur Thorlacius skrifar
finnurth@frettabladid.is
En lengi má vona
hið besta og það
var einmitt það sem
gerðist, línan hélt og allt
í einu fór að sjást í sprikl-
andi laxinn.
4 KYNNINGARBLAÐ FÓLK 5 . A P R Í L 2 0 1 9 F Ö S T U DAG U R
0
5
-0
4
-2
0
1
9

0
8
:2
6
F
B
0
5
6
s
_
P
0
3
5
K
.p
1
.p
d
f
F
B
0
5
6
s
_
P
0
3
4
K
.p
1
.p
d
f
F
B
0
5
6
s
_
P
0
2
2
K
.p
1
.p
d
f
F
B
0
5
6
s
_
P
0
2
3
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
2
B
F
-C
1
4
0
2
2
B
F
-C
0
0
4
2
2
B
F
-B
E
C
8
2
2
B
F
-B
D
8
C
2
7
5
X
4
0
0
.0
0
1
8
B

F
B
0
5
6
s
_
4
_
4
_
2
0
1
9
C
M
Y
K