Fréttablaðið - 05.04.2019, Blaðsíða 46

Það var gríðarleg stemm-ing í Borgarleikhúsinu laugardaginn 30. mars þegar undankeppni fyrir Dance World Cup var haldin í fyrsta sinn
hér á landi. Foreldrar, systkini og
vinir voru mætt til að styðja sitt
fólk og skólafélagar létu vel í sér
heyra fyrir og eftir atriðin. Það var
greinilega mikil spenna fyrir því að
komast í „landslið“ Íslands í sviðs-
dansi fyrir 25 ára og yngri. Alls voru
300 einstaklingar skráðir í keppni á
aldrinum 6 ára til 25 ára en sá fjöldi
var miklu meiri en skipuleggjendur
höfðu gert ráð fyrir. Keppt var í fjór-
um aldurshópum; níu ára og yngri,
tíu til þrettán, fjórtán til sautján og
átján til tuttugu og fimm og í mis-
munandi flokkum eftir fjölda nem-
enda í atriði, þ.e. eindansi, tví- og
þrídansi, litlum hópum og stórum
hópum.
Lokakeppnin í Portúgal
Í Dance World Cup er öllum stílum
sviðsdansins gert jafn hátt undir
höfði. Í keppninni í Borgarleikhús-
inu var keppt í f lokkunum hip hop,
street dance, commercial dance,
nútímadansi, lyrical, ballett, sam-
tímadansi, akróbatik, steppi, djass-
dansi, söngleikjadansi, söng og
dansi og show dansi. Þannig voru
krakkar og ungmenni frá mismun-
andi dansskólum og mismunandi
stílum leidd saman á einn stað til
að keppa um sæti í lokakeppninni
sem haldin verður í Braga í Portúgal
í júní þetta árið. Veitt eru verðlaun í
hverju flokki fyrir sig en til að öðlast
þátttökurétt í lokakeppninni þurftu
einstaklingar og eða hópar að ná
lámarksstigafjölda fyrir atriðin sín.
Miðað við hvað stór hópur náði því
lágmarki þá er dansmenntun hér á
landi í góðu málum.
Árleg keppni
Dance World Cup er alþjóðleg
keppni í sviðsdansi fyrir nemendur
og unga dansara (ekki atvinnudans-
ara) undir 25 ára. Hún hefur verið
haldin árlega síðan 2004 til skiptis í
þátttökulöndunum og er markmið
keppninnar að gefa börnum og ungu
fólki sem stundar hina fjölbreytt-
ustu stíla sviðdansins tækifæri til
að hittast, reyna með sér, kynnast,
fara í tíma hjá færustu kennurum
og ekki síst að sjá hvað aðrir eru að
gera. Hugmyndina að keppninni má
rekja til danskeppninnar All Eng-
land sem haldin hefur verið frá 1923
fyrir börn og unglinga sem stunda
alla mögulega stíla sviðsdansins.
Þaðan þróaðist hún til Þýskalands
en árið 1983 var fyrsta danskeppnin
með þessu sniði haldin í München.
Sú keppni átti eftir að draga til sín
börn og ungmenni frá öðrum lönd-
um auk þess sem keppnir með þessu
sniði spruttu upp út um allan heim.
Það var svo 2004 sem ákveðið var að
taka hugmyndina lengra og stofna
til alþjóðlegrar keppni í þessum
anda undir nafninu Dance World
Cup. Árið 2018 tóku um tuttugu og
fimm þúsund nemendur frá 54 lönd-
um þátt í undankeppnum fyrir hina
eiginlegu lokakeppni sem haldin var
í borginni Sitges á Spáni en þar voru
um fimm þúsund nemendur saman
komnir ásamt kennurum, foreldr-
um og öðrum stuðningsaðilum.
Kvenleg orka
Það eru dansskólarnir sem standa
á bak við skráningu nemenda
sinna og það er frábært að sjá
hversu margir skólar eru starf-
andi hér á landi en þátttakendur
í undankeppninni komu frá 15
dansskólum, flestum af suðvestur-
horninu en einnig Akureyri. Fjöldi
nemenda sem tóku þátt og þeirra
sem unnu sér inn þátttökurétt í
lokakeppninni sýnir glögglega að
mjög gott starf er unnið í öllum
þessum skólum. Undankeppnin
í Borgarleikhúsinu var eins og
aðrir viðburðir tengdir dansi lituð
af kvenlegri orku. Stúlkur voru
í miklum meirihluta keppenda,
aðeins örfáir strákar stigu á svið.
Dansinn er hugðarefni stelpna og
því er það ótrúlega mikilvægt starf
í þágu tómstunda fyrir stúlkur sem
unnið er í þeim skólum sem sendu
fulltrúa í keppnina. Þessir skólar
eru grunnurinn að tómstundavali
hundraða stúlkna. Skólar sem allir
eru til vegna dugnaðar kvenna sem
leggja allt sitt í rekstur þeirra.
Sesselja G. Magnúsdóttir
DANSINN ER HUGÐAR-
EFNI STELPNA OG ÞVÍ
ER ÞAÐ ÓTRÚLEGA MIKILVÆGT
STARF Í ÞÁGU TÓMSTUNDA
FYRIR STÚLKUR SEM UNNIÐ ER Í
ÞEIM SKÓLUM SEM SENDU
FULLTRÚA Í KEPPNINA.
Landslið í sviðsdansi horfir til Portúgals
Alls voru 300 einstaklingar skráðir í keppnina sem var mun meira en búist hafði verið við. MYNDIR/JÓHANN JÓHANNSSON
Stúlkur voru í miklum meirihluta keppenda.
Undankeppnin
fyrir Dance World
Cup var í fyrsta
sinn haldin hér á
landi. Sjálf keppnin
fer fram í Portú-
gal í júní. Sesselja
G. Magnúsdóttir
mætti í Borgarleik-
húsið og fylgdist
með hinum ungu
dönsurum.
Síðastliðinn sunnudag lauk vel heppnaðri þriggja daga bóka-messu sem haldin var í hafnar-
borginni Gdansk í Póllandi. Ísland
var heiðursgestur messunnar og
höfundunum frá Íslandi var afar
vel tekið og sýndu Pólverjar þeim og
íslenskum bókmenntum einstak-
lega mikinn áhuga. Fjölmenni var á
messunni alla dagana og fjölbreytt
dagskrá; pallborð, upplestrar,
vinnustofur og fleiri viðburðir sem
voru vel sóttir og messustaðurinn,
Polish Baltic Philharmonic, iðaði
af lífi.
R it höf u ndar nir Ha llg r ímu r
Helgason, Einar Kárason, Sigríður
Hagalín Björnsdóttir og Elísabet
Kristín Jökulsdóttir voru sérstakir
heiðursgestir messunnar og tóku
öll þátt í pallborði um bækur sínar,
íslenskar bókmenntir, þýðingar,
menningu, stjórnmál og annað
sem brann á spyrlunum og gestum
messunnar sem tóku virkan þátt í
málstofum. Á íslenska básnum voru
nýjar íslenskar bækur sem og bækur
eftir íslenska höfunda í pólskri þýð-
ingu.
Einar Kárason ræddi við Agötu
Lubowicka og Karolinu Droz-
dowska frá pólsku þýðendasam-
tökunum um norrænar bókmenntir
fyrir fullu húsi. Hann tók einnig
þátt í pallborði með pólskum útgef-
anda sínum, Marpress, þar sem rætt
var um Stormfugla, sem von er á í
pólskri þýðingu í haust. Útvarpið í
Gdansk tók einnig viðtal við Einar.
Sigríður Hagalín Björnsdóttir
ræddi við bókmenntablaðamann-
inn Adam Szaja um bækur sínar en
Eyland kom út í Póllandi á síðasta
ári og von er á Hinu heilaga orði
í pólskri þýðingu Jacek Godek á
næstunni. Að því loknu áritaði Sig-
ríður Eyland, eða Wyspu eins og
hún heitir á pólsku, fyrir áhuga-
sama og seldist upplag útgefandans
upp á staðnum.
Hallgrímur Helgason tók þátt í
pallborði um lýðræði og bókmennt-
ir. Með Hallgrími voru borgarstjóri
Gdansk, Aleksandra Dulkiewicz, og
höfundurinn Tomasz Swoboda.
Elísabet Kristín Jökulsdóttir var
einnig í málstofu um verk sín, líf og
skáldskap og las upp úr ljóðabók-
inni Ástin ein taugahrúga. Enginn
dans við Ufsaklett og einnig las
þekkt pólsk leikkona, Małgorzaty
Brajner, ljóð úr bókinni í pólskri
þýðingu Jacek Godek. – kb
Íslenskum rithöfundum vel tekið í Gdansk
Sigríður Hagalín Björnsdóttir áritar kampakát pólsku útgáfuna af Eylandi.
5 . A P R Í L 2 0 1 9 F Ö S T U D A G U R22 M E N N I N G ∙ F R É T T A B L A Ð I Ð
MENNING
0
5
-0
4
-2
0
1
9
0
8
:2
6
F
B
0
5
6
s
_
P
0
5
1
K
.p
1
.p
d
f
F
B
0
5
6
s
_
P
0
4
6
K
.p
1
.p
d
f
F
B
0
5
6
s
_
P
0
0
6
K
.p
1
.p
d
f
F
B
0
5
6
s
_
P
0
1
1
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
2
B
F
-A
3
A
0
2
2
B
F
-A
2
6
4
2
2
B
F
-A
1
2
8
2
2
B
F
-9
F
E
C
2
7
5
X
4
0
0
.0
0
1
5
B

F
B
0
5
6
s
_
4
_
4
_
2
0
1
9
C
M
Y
K