Fréttabréf Ættfræðifélagsins - 01.04.2017, Blaðsíða 14

14http://www.ætt.is
Fréttabréf Ættfræðifélagsins í apríl 2017
aett@aett.is
vegar ekki í Biskupasögum sínum að Sigurður „yngri“,
sonur þeirra biskupshjónanna, drukknaði í Ölfusá, 32
ára gamall, frá nýfæddri dóttur sinni, árið 1617, en þá
voru liðin um fimmtán ár frá broti steinbogans.
Skálholt átti heldur betur eftir að koma við sögu
Jóns Halldórssonar. Hann var kosinn til biskups
árið 1720, við jarðarför Jóns Vídalíns, og ári síð-
ar við prestastefnu, en konungur valdi Jón Árnason
í staðinn til biskups. Ekki fékk Jón því sjálfur not-
ið biskupsembættisins, en sneri sér í staðinn alfar-
ið að fræðastörfunum. Finnur sonur hans varð aftur
á móti Skálholtsbiskup og sonur hans, Hannes
Brúará. Steinboginn frægi mun hafa legið yfir gjána sem liggur eftir miðjum botni árinnar. Árið 1602 á Skáholtsbrytinn
að hafa brotið hann niður, með ráði, eða vitund, Helgu biskupsfrúar. Stuttu seinna drukknaði hann í ánni.
Finnsson, sömuleiðis, en hann varð síðasti biskup-
inn í Skálholti og lést þar 1796. Seinni kona hans,
Valgerður Jónsdóttir, giftist síðar Steingrími Jónssyni
biskupi og bjuggu þau í Laugarnesi við Reykjavík.
Dóttir Valgerðar og Hannesar var Þórunn, móðir
Steingríms Thorsteinssonar skálds og rektors Lærða
Skólans, arftaka Skálholtsskóla. Þórunn bar nafn fyrri
konu föður síns, en hún var dóttir Ólafs Stephensen
stiftamtmanns í Viðey.
Og lýkur þar með frásögninni um steinbogann og
hústrú Helgu með ögn af sagnfræðilegu, jarðfræðilegu
og ættfræðilegu ívafi.
Smælki
Selir og akrar
Í elsta máldaga Reykjavíkurkirkju frá 1397 kemur
fram að Jónskirkja í Vík eigi land að Seli, akurland
og sellátur í Örfirisey, auk þess akurland í Akurey
og rekann við Kirkjusand. Af þessu sést að stund-
uð hefur verið kornyrkja í báðum þessum eyjum á
þessum tíma, auk þess sem selur hefur verið veidd-
ur í Örfirisey.
Skólavörðurnar
1793 hlóðu skólapiltar Hólavallarskóla fyrstu
vörðuna á Skólavörðuholtinu sem þá var kallað
Arnarhólsholt. Sú varða hrundi upp úr aldamót-
unum 1800. 1834 lét Krieger stiftamtmaður hlaða
vörðuna upp á nýtt. Sú varða hrundi 1858 og tíu
árum seinna var þriðja varðan hlaðin, eftir teikningu
Sigurðar Guðmundssonar málara. Sú varða vék fyrir
styttu Leifs Eiríkssonar árið 1931. Margir sáu eftir
skólavörðunni, en hluti af grjóti hennar hefur varð-
veist,og er nú á Árbæjarsafninu.
Ef hann væri...
Ættarútkoman byggist að sjálfsögðu á makavalinu
og þá er betra að vanda sig. Þegar á reynir eru menn
misánægðir með makann eins og konan sem sagði
um manninn sinn:
Ef hann væri vettlingur, þá rekti ég hann upp.