Morgunblaðið - Sunnudagur - 17.02.2019, Blaðsíða 28

28 MORGUNBLAÐIÐ SUNNUDAGUR 17.2. 2019
HEILSA
Þegar ég meiddist á baki árið 2015 þásteinhætti ég að hlaupa. Það voru mikilviðbrigði og ekki kærkomin. En það
sem verra var, ég hafði ekki döngun í mér til
að finna aðra hreyfingu í stað hlaupanna.
Kannski skýrist það af því að bakmeiðsli eru
þeirrar gerðar að nær öll hreyfing verður erf-
ið. Hvaða hreyfingu stundar maður þar sem
bakið kemur ekki við sögu?
En svo tók ég ákvörðunina sem leiddi til
þess að ég fór að skrifa vikulega pistla hér í
sunnudagsútgáfu Morgunblaðsins. Hún fól í
sér, eins og áður hefur komið fram, að lyfta og
leita ólíkra leiða til að koma mér af stað að
nýju. Og í þessum æfingum öllum hefur eitt
staðið óhaggað allan tímann. Það eru bak- og
magaæfingarnar.
Eftir nokkrar vikur af æfingum sem miðuðu
að því að styrkja „miðjuna“ eins og það er
kallað, dró úr bakverknum og ég fann sífellt
minna fyrir brjósklosinu. Eftir tvo til þrjá
mánuði var verkurinn alveg farinn. Og hann
hefur ekki gert vart við sig að nýju utan dags-
ins þegar ég ákvað að bera einn og með sjálf-
um mér þurrkara milli hæða og koma honum
upp á innréttingu. Þá refsaði líkaminn mér, og
það réttilega, fyrir heimskupörin. Það tók tvo
daga að losna að nýju við verkinn. En verkur-
inn, eins hvimleiður og hann nú var, ýtti mér
út í fjölbreyttari hreyfingu. Lyftingarnar en
einnig margt fleira, jóga, hjólreiðar og skíða-
vélar hafa reynst vel. Og svo má ekki heldur
gleyma róðrarvélinni sem ég hef verið óþreyt-
andi að tala um að undanförnu. Það tæki er
reyndar einnig búið þeim kosti að með notkun
þess æfir maður „miðjuna“, styrkir bæði
maga og bak.
Og þessar æfingar allar gerðu það að verk-
um að ég ákvað að láta reyna á hlaupin að
nýju. Líkt og ég fjallaði um á þessum vett-
vangi 27. október síðastliðinn, lagði ég einnig
leið mína til Göngugreiningar og hef frá þeim
tíma notast við hækkunarpúða undir hægri fót
og sérstök innlegg sem sniðin eru að fótalagi
mínu og mislöngum löppunum. Þessi „rétting“
auðveldaði mér skrefið að hnýta reimarnar á
hlaupaskónum að nýju.
Lengra hlaup en ég ætlaði mér
Og svo fór ég að hlaupa og hef farið nokkrum
sinnum á brettið að undanförnu. Að ráði þjálf-
arans aðeins stutt í fyrstu í von um að hægt
verði að lengja hlaupin jafnt og þétt.
Reynslan af fyrsta hlaupinu var góð. Svo
góð að þrátt fyrir fögur fyrirheit um að hlaupa
fyrst aðeins 1 til 2 km urðu þeir allt í einu 6.
Nokkrum dögum síðar að nýju og þá 7 km.
Þessi hlaup voru ánægjuleg af tveimur ástæð-
um. Í fyrsta lagi þeirri að ég fann ekkert fyrir
bakinu – bara eins og nýsleginn túskildingur.
Og í öðru lagi vegna þess að þolið býr lengur
með manni en mann grunar. Fjölbreyttar æf-
ingar viðhalda ágætu hlaupaformi, þótt maður
hafi ekki hlaupið neitt síðustu árin.
Það vita þeir sem stundað hafa hlaup af ein-
hverju viti að sú tilfinning að komast aftur af
stað er frelsandi. Ótrúlega góð tilfinning að
„safna kílómetrum“ og finna að eftir því sem
hlaupinu vindur fram verður manni léttara
undir fæti.
Það að komast aftur á hlaupabrettið er
kannski stærsti sigurinn sem ég hef unnið á
þessum tæpu 6 mánuðum sem verkefnið hefur
staðið. Þar hefur vissulega hjálpað til að ég er
orðinn léttari og sterkari heilt yfir – en að
geta að nýju stundað það sem ég hafði í raun
og veru misst er afar ánægjulegt.
Og ég er svo glaður með þetta að ég er far-
inn að undirbúa „hlaupasumarið“ en það var
afar fjarlægur draumur síðastliðið haust.
Raunar ekki draumur, heldur veruleiki sem
ég hafði gefið upp á bátinn. En nú er ég hrein-
lega að hugsa um að skrá mig í Jökulsár-
hlaupið í sumar. Alla vega ætla ég að koma
mér upp utanvegaskóm, nýta mér nálægðina
við Heiðmörkina sem er í nokkurra mínútna
fjarlægð frá heimilinu og Rauðavatn sem er í
túnfætinum að Hádegismóum.
Langþráðu
marki náð
Þegar einar dyr lokast, opnast gjarnan aðrar. Stundum
leynist eitthvað óvænt á bak við þær, en stundum ekki. En
það merkilega er að hinar nýopnuðu dyr geta á stundum
leitt þig aftur að þeim sem lokast höfðu. Kannski má opna
þær að nýju og þá hinum megin frá.
Hversu skemmtilegt er að reima á sig hlaupaskóna að nýju? Mjög! Næsta vers er utanvegahlaup.
Eitt af því sem hélt mér gang-
andi á sínum tíma í hlaup-
unum var að lesa um hlaup.
Mér þótti það ekkert síður
áhugavert en að reima á mig
skóna. Þar leitaði ég heilmikið
í hið þekkta tímarit Runner’s
World sem útgáfufélagið
Hearst hefur gefið út um ára-
bil. Blaðið kemur út mánaðar-
lega og þar er fjallað um allar
tegundir hlaupa og þar er
höfðað til hlaupara af öllum
stærðum og gerðum.
Það hefur þó lengi setið í
mér að kaupa mér tímaritið
enda hefur það kostað í lausa-
sölu um 1.300 krónur. Ég hef
því oft brugðið á það ráð að
tylla mér niður á bókakaffi-
húsum, kaupa mér góðan kaffi-
bolla og renna yfir helstu
greinarnar. Þegar nálgast hefur
stór hlaup eða langar æfinga-
lotur hef ég svo splæst í blöðin
ef þar er að finna efni sem
höfðað hefur sérstaklega til
mín.
En svo rak mig í rogastans
um daginn þegar ég rölti í
gegnum Costco. Beint á móti
apótekinu þar er að finna
blaðarekka. Þar eru til sölu
nokkur af helstu tímaritum
sem gefin eru út alþjóðlega,
bæði er varða tísku og heilsu.
Þar rakst ég á Runner’s
World. Mér til mikillar ánægju
rakst ég þar á blaðið fyrir rétt
rúmar 700 kr. Þar var einnig
að finna blaðið Women’s
Health sem kostað hefur um
1.500 kr. hér á landi en kostar
í Costco um 750 kr. Þarna get-
ur fólk sem er áhugasamt um
heilsutímarit því gert afar góð
kaup.
GOTT EFNI Á GÓÐU VERÐI
Vönduð heilsutímarit
Pistill
Stefán Einar
Stefánsson
ses@mbl.is
ÞYNGD SKREFAFJÖLDI MATARÆÐI ÆFINGAR
92,9 kg
84,9 kg
85,0 kg
Upphaf:
Vika 22:
Vika 23:
16.109
18.128
16.249
14.529
2 klst.
4 klst.
HITAEININGAR
Prótein
26,3%
Kolvetni
34,9%
Fita
38,8%
Ertu með fæðuóþol?
Mikilvægt er að melta fæðuna vel svo við getum tekið upp
og nýtt næringu fæðunnar betur og fengið þannig meiri orku
ásamt því að losna við bæði meltingarónot og ýmiskonar
fæðuóþol.
l Hentar vel gegn ýmiskonar fæðuóþoli
l Styður meltingu á glúteini, laktósa, kaseini, próteini og fenóli
l Hentar allri fjölskyldunni
l Viðurkennt af Autism Hope Aliance
Fæst í flestum apótekum, heilsubúðum, Hagkaupum og Fræinu Fjarðarkaupum.
„Ótrúlegt en satt þá fann ég mun frá fyrsta
degi. Á skömmum tímaminnkuðu öll einkenni
fæðuóþolsins til muna og mörg jafnvel hurfu.
Svo hafa aukakílóin einnig farin að losa takið og
greinilegt að Digest Spectrum verður hluti af lífi
mínu áfram“.
Guðbjörg Inga Guðmundsdóttir, kennari.
Reynslusaga:
Spectrum
Orkuleysi, verkir og sjúkdómar orsakast oft af
vöntun eða truflun á ensímframleiðslu líkamans.
Digest