Morgunblaðið - 20.03.2019, Qupperneq 4

4 FRÉTTIRInnlent
MORGUNBLAÐIÐ MIÐVIKUDAGUR 20. MARS 2019
laugavegi 47 www.kokka.is kokka@kokka.is
Pronto bolli og undirskál
Verð 3.780 kr.
Veður víða um heim 19.3., kl. 18.00
Reykjavík 2 skýjað
Hólar í Dýrafirði 3 snjókoma
Akureyri 5 skýjað
Egilsstaðir 4 léttskýjað
Vatnsskarðshólar 4 slydduél
Nuuk -13 snjóél
Þórshöfn 6 skýjað
Ósló 5 heiðskírt
Kaupmannahöfn 5 heiðskírt
Stokkhólmur 3 léttskýjað
Helsinki 2 rigning
Lúxemborg 9 heiðskírt
Brussel 10 alskýjað
Dublin 12 skýjað
Glasgow 10 skúrir
London 11 súld
París 12 heiðskírt
Amsterdam 11 léttskýjað
Hamborg 8 léttskýjað
Berlín 7 léttskýjað
Vín 7 heiðskírt
Moskva 4 rigning
Algarve 18 heiðskírt
Madríd 15 heiðskírt
Barcelona 12 léttskýjað
Mallorca 13 léttskýjað
Róm 13 léttskýjað
Aþena 16 léttskýjað
Winnipeg -2 þoka
Montreal -2 léttskýjað
New York 6 skýstrókar
Chicago 6 léttskýjað
Orlando 15 rigning
 20. mars Sólarupprás Sólsetur
REYKJAVÍK 7:29 19:43
ÍSAFJÖRÐUR 7:34 19:48
SIGLUFJÖRÐUR 7:17 19:31
DJÚPIVOGUR 6:59 19:12
VEÐUR KL. 12 Í DAG
Á fimmtudag Suðvestan 18-23 m/s NV-til og an-
nesjum NA-til en lægir með morgninum.
Á föstudag Suðlæg átt, 3-8 og dálítil él, en þurrt að
kalla á N-landi. Gengur í vestan 8-15 með éljum V-til.
15-23 með snjóéljum. Hægari og þurrt að kalla NA-til. Kólnandi, hiti kringum frostmark.
Gengur í suðvestan 18-25 m/s NV-til á landinu seint í kvöld.
Guðni Einarsson
gudni@mbl.is
Hjartaaðgerð sem Rósa Poulsen,
bóndi í Biskupstungum, þarf að
gangast undir á Landspítalanum
hefur verið frestað þrisvar á rúmum
mánuði. Fyrst var skurðlæknirinn
veikur, í annað skipti þurfti hann að
gera stóra aðgerð til að bjarga sjúk-
lingi sem var í lífsháska og í þriðja
skiptið var ekkert pláss á gjörgæslu-
deildinni og aðgerðir felldar niður.
Rósa segir að þetta hafi tekið á sig
ekki síður en starfsfólk spítalans
sem hefur ítrekað þurft að snúa
henni við eða senda hana heim.
Kvíðinn sótti að
Fyrst átti að gera aðgerðina fyrir
um þremur vikum. Rósa fór í mörg
undirbúningsviðtöl og blóðprufur
tveimur dögum fyrir aðgerðardag.
Daginn fyrir aðgerðina var hringt
frá Landspítalanum og Rósu til-
kynnt að henni þyrfti að fresta
vegna veikinda hjartaskurðlæknis-
ins. Rósa sagði að þá hefði sótt að
sér mikill kvíði sem hún hefði ekki
áður kynnst.
„Ég er bjartsýnismanneskja að
eðlisfari. Mér varð flökurt við kvíða-
köstin, alltaf flökurt, var orkulaus og
lystarlaus. Þetta var erfiðast fyrst.
Ég hef lýst því eins og ég sé ófrísk
þegar flökurleikaköstin koma. Í
hvert skipti sem einhver fer að
spyrja um aðgerðina eða tala um að-
gerðina þá verður mér flökurt,“
sagði Rósa. „Mér fannst konan sem
hringdi frá spítalanum vera miður
sín yfir því að þurfa að afboða að-
gerðina. Ég gat ekki annað en hugs-
að til starfsfólksins á spítalanum ef
það þarf að gera þetta aftur og aftur,
að afboða fólk í aðgerðir. Mér skilst
að vandamálið sé að gjörgæsludeild-
in sé ekki nógu stór. Þegar kemur
manneskja í lífshættu þá tekur hún
rúmið mitt á gjörgæslunni.“
Samúð með starfsfólkinu
Hún kom á spítalann snemma í
síðustu viku þegar aftur átti að gera
aðgerðina. Það var búið að undirbúa
Rósu og taka blóðprufur. Hún sagði
að sér hefði verið flökurt alla leiðina
til borgarinnar á leið í blóðpruf-
urnar. Um leið og hún kom á biðstof-
una hvarf kvíðinn. Hún var lögð inn
og undirbúin fyrir aðgerðina. Rósa
sagðist hafa verið alveg tilbúin að
fara í aðgerðina.
„Þá kom ekki hjartalæknirinn.
Hjúkrunarfræðingurinn var orðinn
vandræðalegur og sagði að læknir-
inn væri alveg að koma,“ sagði Rósa.
„Loks kom læknirinn og sagðist því
miður ekki geta gert aðgerðina þá
því hann væri að koma úr annarri
stórri aðgerð. Ég fann hvað honum
leið illa yfir þessu. Hann sagði mér
að það hefði samt komið manneskja í
rúmið mitt. Þetta var rosalega erfitt
fyrir mig og ég held að það sé líka
erfitt fyrir starfsfólk spítalans og
hlýtur að slíta því. Ég hef mikla
samúð með því. Ég er ekki í lífs-
hættu og það verður alltaf að ganga
fyrir að bjarga mannslífum. En
þetta kemur hjá mér.“
Hjartaaðgerðir felldar niður
Enn átti að gera aðgerðina í gær.
Rósa ætlaði í blóðprufu á mánudag-
inn var en sagðist ekki hafa verið
komin út úr sveitinni þegar hringt
var frá Landspítalanum og sagt að
fella hefði þurft niður hjartaaðgerðir
í þessari viku.
Rósa býr austur í Biskupstungum
og sonur hennar hefur ekið henni því
Rósa keyrir ekki í Reykjavík. „Þetta
var rosalega erfitt fyrir okkur öll af
því að ég var tilbúin. Það er ekki
bara ég heldur er öll fjölskyldan eins
og hengd upp á þráð þangað til þetta
er búið. Hún reynir á þessi bið. Um
leið og aðgerðin er búin snýst þetta
við,“ sagði Rósa. Hún kvaðst hafa
fundið aðferð til að glíma við kvíðann
og bægja honum frá.
„Ég læt mig dreyma um það þeg-
ar ég kem heim eftir aðgerðina. Þá
koma allir til mín og ég ætla að eiga
góðar kökur að bjóða þeim. Það
hjálpar mér að fara í þennan pakka
og hugsa um þetta.“
Aðgerðinni frestað aftur og aftur
Morgunblaðið/KHK
Bíður og bíður Rósa Poulsen (t.h.) ásamt Agnesi dóttur sinni. Rósa segir að
öll fjölskyldan sé sem hengd upp á þráð þar til hjartaaðgerðin er að baki.
 Rósa Poulsen hefur þrisvar verið boðuð í hjartaaðgerð sem alltaf er frestað  Biðin og kvíðinn
taka á  Hefur samúð með starfsfólki Landspítalans  Hugsar um þegar aðgerðin er að baki
Rósa Poulsen, fullu nafni Guð-
rún Sigurrós Poulsen, er bóndi í
Biskupstungum, fædd 1953.
Hún er með meðfæddan hjarta-
galla. Hann uppgötvaðist í kjöl-
far þess að hún fékk lungna-
bólgu fyrir tveimur árum. Hún
hafði verið með háþrýsting í
lungum og fjölskyldusögu um
hjartatengda sjúkdóma. Rósa
varð að hætta að vinna enda
með talsvert mikið skert and-
rými. Hún var send í hjarta-
þræðingu og þá sást að það var
opið á milli hjartahólfa.
„Það var einstök heppni að
þetta fannst. Það þarf að loka
gatinu og vegna þess hvað það
er stórt er ekki hægt að gera
það í gegnum æð. Svo þarf að
hnika til lungnaæð. Ég er því að
bíða eftir opinni hjartaaðgerð.
Lungun virðast ekki hafa
skemmst og mér eru gefnar
vonir um að ég verði alveg heil
takist aðgerðin vel. Ég fái fullan
bata og verði betri en ég hef
verið.“
Meðfæddur
hjartagalli
BÓNDINN RÓSA
Lögreglan á höfuðborgarsvæðinu
handtók þrjá mótmælendur sem
hlýddu ekki fyrirmælum um að
víkja frá inngöngum Alþingishúss-
ins í gær. 20 til 30 mótmælendur í
samtökunum No Borders trufluðu
aðgang að Alþingishúsinu nokkru
fyrir þingfund sem hófst 13.30.
Mbl.is greindi frá því í gær að
a.m.k. tveir þeirra sem handteknir
voru eftir að þeir hlýddu ekki fyr-
irmælum lögreglu hefðu verið Ís-
lendingar. Milli 10 og 15 lög-
reglumenn tóku þátt í aðgerðinni
við Alþingishúsið.
Að sögn Helga Bernódussonar,
skrifstofustjóra Alþingis, trufluðu
mótmælin ekki störf þingsins. Mót-
mælendunum þremur var sleppt
síðdegis í gær. ge@mbl.is
No Borders trufluðu aðgengi að Alþingishúsinu
Þrír mót-
mælendur
handteknir
Morgunblaðið/Eggert
Rannsóknardeild lögreglunnar á
Suðurnesjum rannsakar nú innbrot
í spilakassa sem átti sér stað nýlega
á veitingastað í umdæminu.
Þetta kemur fram í fréttatilkynn-
ingu frá embættinu. Um er að ræða
þrettán spilakassa sem voru
skemmdir, með því að spenna þá
upp, og tæmdir.
Í tilkynningu lögreglunnar kem-
ur fram að ætla megi að sex til átta
milljónir króna hafi verið saman-
lagt í þeim. Tekið er fram að ekki
sé unnt að veita nánari upplýsingar
að svo stöddu.
Stálu 6-8 milljónum
úr spilakössum
Morgunblaðið/Sverrir
Spilakassar Alls voru 13 kassar tæmdir.