Fréttablaðið - 27.06.2019, Page 4

jeep.is
JEEP ® RENEGADE
SUMARTILBOÐ
JEEP® RENEGADE LIMITED MEÐ TILBOÐSPAKKA - LISTAVERÐ: 5.702.000 KR. - TILBOÐSVERÐ: 5.390.000 KR.
JEEP® RENEGADE TRAILHAWK MEÐ TILBOÐSPAKKA - LISTAVERÐ: 6.202.000 KR. - TILBOÐSVERÐ: 5.690.000 KR.
Bjóðum nokkra Jeep® Renegade Limited og Trailhawk
með tilboðspakka. 2.0 lítra dísel vél 140 hö. Limited - 170 hö. Trailhawk

9 gíra sjálfskipting, hátt og lágt drif, álfelgur, 7” upplýsinga- og
snertiskjár og Bluetooth til að streyma síma og tónlist.
Tilboðspakki: Þægindapakki, LED ljósapakki, svart þak og
8,4” upplýsinga- og snertiskjár (aðeins í Trailhawk.)*
ALVÖRU JEPPI - ALVÖRU FJÓRHJÓLADRIF

*Aukahlutir ekki í tilboði: kajak og kajak festingar
UMBOÐSAÐILI JEEP® Á ÍSLANDI • ÞVERHOLT 6 • 270 MOSFELLSBÆR • S. 534 4433
WWW.ISBAND.IS • ISBAND@ISBAND.IS • OPIÐ VIRKA DAGA 10-18
LOKAÐ LAUGARDAGA FRÁ 8. JÚNÍ TIL OG MEÐ 3. ÁGÚST
ÍSLANDSPÓSTUR „Það hefur lengi
verið mín skoðun að þegar búið
er að koma lagaumgjörð um þessa
starfsemi í betra horf, eins og við
höfum verið að gera núna, og gera
nauðsynlegar breytingar á rekstr-
inum þá sé ekkert því til fyrirstöðu
að ríkið selji þennan rekstur,“ segir
Bjarni Benediktsson, fjármála- og
efnahagsráðherra, spurður um
framtíð og framtíðareignarhald
Íslandspósts. Ríkisendurskoðun
birti svarta úttekt sína á Íslands-
pósti á þriðjudag.
Bjarni kveðst ekki hafa náð að
fara yfir skýrsluna sjálfur en á
þriðjudag var hún kynnt stjórn-
skipunar- og eftirlitsnefnd og fjár-
laganefnd Alþingis, áður en hún
var birt opinberlega. Bjarni segir
Íslandspóst með sjálfstæða stjórn
sem honum sýnist á fréttum að
hafi brugðist við sumu af því sem
fram kemur í skýrslunni. Líkt og
greint hefur verið frá var starfsfólki
Íslandspósts tilkynnt um viða-
miklar skipulags- og hagræðingar-
aðgerðir í aðdraganda þess að
úttekt Ríkisendurskoðunar var birt.
Þar verður framkvæmdastjórum
meðal annars fækkað og skrifstofur
fyrirtækisins fluttar.
Aðspu rðu r hvaða þýðing u
skýrslan hafi fyrir næstu skref og
framtíðina með tilliti til reksturs
Íslandspósts og eignarhalds ríkisins
segir Bjarni að hans vilji sé að einka-
væðing eigi sér stað.
„Hins vegar held ég að það hafi
ekki verið aðstæður til þess undan-
farin misseri eða ár að hefja undir-
búning að slíkri sölu vegna þess
hvernig reksturinn hefur gengið.
Okkur er það ljóst núna að til
dæmis alþjónustukvöðin sem hvílt
hefur á fyrirtækinu hefur ekki verið
nógu vel fjármögnuð sem birtist
meðal annars í nýlegum úrskurði
Póst- og fjarskiptastofnunar.“
Bjarni segir að þegar nauðsyn-
legar umbætur á lagaumgjörðinni
og rekstrinum verði farnar að skila
árangri sé engin ástæða fyrir eignar-
haldi ríkisins á fyrirtækinu.
„Þá er ég sérstaklega að vísa til
þess að við höfum öll tök á verð-
lagningu þjónustunnar sem við
viljum hafa, þessari grunnpóst-
þjónustu í landinu. Að öðru leyti
getur hún bara farið fram á sam-
keppnisgrundvelli. Það er hluti af
þeirri þjónustu sem ber sig ekki á
samkeppnisgrundvelli og þá verður
ríkið að gera þjónustusamning um
það og í þeim þjónustusamningi
getum við ákveðið þjónustustigið
og verðlagningu. En að öðru leyti
eigi þetta fyrirtæki bara að vera að
keppa á samkeppnisgrundvelli.“
Bjarni segir að af opinberri
umfjöllun að dæma séu málefni
Íslandspósts í góðum farvegi innan
stjórnarinnar nú og margt af því
sem tiltekið sé í skýrslunni tilheyri
fortíðinni.
mikael@frettabladid.is
Íslandspóstur verði seldur við
fyrsta tækifæri segir ráðherra
Þegar umbætur á lagaumgjörð, sem gerðar hafa verið, og nauðsynlegar breytingar á rekstri Íslandspósts
fari að skila árangri er ekkert því til fyrirstöðu að ríkið selji reksturinn, segir Bjarni Benediktsson fjármála-
ráðherra spurður um framtíðareignarhald fyrirtækisins. Ríkisendurskoðun gaf Íslandspósti hirtingu. 
Þá sé ekkert því til
fyrirstöðu að ríkið
selji þennan
rekstur.
Bjarni Benedikts-
son, fjármála- og
efnahagsráð-
herra
Tilkynnt var í vikunni um viðamiklar skipulags- og hagræðingaraðgerðir hjá Íslandspósti. Bjarni segir að þegar búið
verði að koma fyrirtækinu á rétt ról sé ekkert því til fyrirstöðu að ríkið selji eignarhlut sinn. FRÉTTABLAÐIÐ/ERNIR
UMHVE RFISMÁL Landeigandi á
Seljanesi á Ströndum, Elías S. Krist-
insson, stillti sér upp fyrir framan
beltagröfu á Ófeigsf jarðarvegi
á þriðjudag og stöðvaði þannig
framkvæmdir verkamannsins sem
starfaði þar í umboði VesturVerks.
Eins og Fréttablaðið greindi frá hóf
orkufyrirtækið framkvæmdir á vegi
þrátt fyrir kæru sem landeigendur
Drangavíkur lögðu fram gegn fram-
kvæmdaleyfi þeirra.
„Hann má nú eiga það, gröfumað-
urinn, að hann var ljúfur sem lamb
og mjög kurteis. Hann hætti strax
störfum eftir að ég sagði honum að
ég myndi ekki færa mig af veginum,“
sagði Elías í samtali við Fréttablaðið
í dag. Hann brunaði beint á staðinn
á þriðjudagskvöld eftir að hann fékk
veður af framkvæmdunum.
„Mér finnst þetta alveg ótrúleg
ósvífni, að daginn eftir að það
kemst upp að þeir eigi ekki stóran
hluta af vatnssvæðinu sem þeir
þurfa, þá hefji þeir framkvæmdir,“
segir Elías. „Allir eðlilegir menn
hefðu ákveðið að bíða eftir að fá úr
þessum málum skorið. Þetta sýnir
bara hvað þetta er ósvífið lið.“
Elías segir verktakann á gröfunni
þá hafa staðfest að Gunnar Gaukur
Magnússon, framkvæmdastjóri
VesturVerks, hafi sent hann af stað
í framkvæmdirnar kvöldið áður,
sama dag og landeigendur lögðu
kæruna fram. „Ætlun þeirra er að
eyðileggja eins mikið og hægt er í
sumar svo að það verði ekki hægt að
hætta við virkjunina. Þessir menn
hugsa bara um peninga og hluta-
bréfin sín og svífast bara einskis.“
– ókp
Stöðvaði gröfu
VesturVerks
Elías S. Kristinsson.
VIÐSKIPTI Fjárhagslegur ávinningur
ríkissjóðs af sölu eigna á Ásbrú er
um 14 milljarðar króna en síðustu
eignirnar sem heyrðu áður undir
gamla varnarliðssvæðið voru seldar
á árinu. Þá hefur Reykjanesbær feng-
ið um 370 milljónir króna í gatna-
gerðargjöld af verkefninu.
„Þessi ávinningur verður að telj-
ast mun meiri en vonir stóðu til við
brotthvarf Varnarliðsins á sínum
tíma,“ segir Ísak Ernir Kristinsson,
stjórnarformaður Kadeco, Þróunar-
félags Keflavíkurflugvallar ehf.
Kadeco, sem er félag í eigu ríkisins,
hefur leitt þróun og umbreytingu á
gamla varnarliðssvæðinu frá árinu
2006 þegar bandarísk stjórnvöld
skiluðu svæðinu til íslenskra stjórn-
valda. Nú búa á fjórða þúsund
manns á Ásbrú og á þriðja hundruð
fyrirtæki eru skráð á svæðinu sem
skapa um þúsund störf.
Síðustu eignir Kadeco voru seldar
á árinu og því eru allar eignir sem
félagið fékk til umsýslu árið 2006
komnar í borgaraleg not.
Samkvæmt greiningu sem stjórn
félagsins lét vinna er fjárhagslegur
ávinningur ríkissjóðs, eiganda
félagsins, af verkefninu um 14 millj-
arðar króna.– ab
14 milljarðar ávinningur ríkisins af sölu eigna á Ásbrú
Þessi ávinningur
verður að teljast
mun meiri en vonir stóðu til
Ísak Ernir Kristinsson, stjórnarfor-
maður Kadeco
2 7 . J Ú N Í 2 0 1 9 F I M M T U D A G U R4 F R É T T I R ∙ F R É T T A B L A Ð I Ð