Fréttablaðið - 27.06.2019, Side 29

Tískuvitund Michaels Jack­son er vel þekkt en popp­kóngurinn féll frá fyrir tíu
árum. Trúlega þekkja allir rauða
leðurjakkann sem Jackson birtist í
í Thriller. Demantsskreytti hansk­
inn fylgdi í kjölfarið og svo birtist
hann sem eðaltöffari, skreyttur
leðri og smellum þegar Bad kom út
1987. Þvílíkt lúkk.
Jackson birtist oft í kvenmanns­
jökkum sem Givenchy og Balmain
hönnuðu. „Ef tískuheimurinn segir
að eitthvað sé bannað þá geri ég
það,“ skrifaði Jackson forðum daga
í Moonwalk árið 1988.
Rushka Bergman starfaði sem
persónulegur stílisti hans um tíma
og kom honum í Tom Ford, Dior
og gyllta og svarta jakkann sem
Givenchy gerði.
„Hann var frumkvöðull í tísku
og vildi eitthvað nýtt. Hann vildi
helst líta út eins og enginn hafði
gert áður,“ sagði Bergman við
Vogue í tilefni af sextugsafmæli
hans.
Hún benti á að uppáhalds­
hönnuðir hans hefðu verið Hedi
Slimane, Tom Ford, Christophe
Decarnin sem starfaði fyrir Bal­
main, Riccardo Tisci hjá Givenchy
og Kris Van Assche hjá Dior
Homme. Enginn komst þó með
tærnar þar sem John Galliano
hafði hælana í huga Jacksons.
Dexter Wong og Ann Demeule­
meester sáu um Scream­mynd­
bandið sem Jackson gerði með
systur sinni en þar birtust þau í
fötum sem vöktu meira en litla
athygli.
Í bókinni The King of Style:
Dressing Michael Jackson sem
Michael Bush skrifaði kom fram að
Jackson elskaði breska hersögu en
hermannajakkar urðu nánast hans
lúkk undir það síðasta.
Superbowl-
frammistaða
hans árið
1993 er ekkert
minna en goð-
sagnakennd.
Ótrúleg í alla
staði. Íklæddur
svörtum jakka-
fötum með gull-
slegna borða.
Hatturinn, jakkinn og hvítur rifinn bolur undir. Lúkk sem lifir góðu lífi. Kóngurinn í gulli að syngja á sviði í Ástralíu 1996.
Rauði jakkinn úr Thriller er enn flottasti rauði jakki sem gerður hefur verið.
Michael Jackson
1958
29. ágúst er Michael Joseph
Jackson í heiminn borinn.
1979
Off the Wall kemur út og selst í
sjö milljónum eintaka.
1982
Thriller býður heiminum góðan
dag og selst í 65 milljónum ein-
taka.
1983
Moonwalk-dansinn sést í sjón-
varpi í fyrsta sinn.
1984
Stærsti samningur sem gerður
hefur verið við Pepsi.
1987
Bad kemur í búðir og Neverland-
búgarðurinn keyptur.
1988
Sjálfsævisagan Moonwalker
dettur í búðarhillur.
1991
Skrifar undir 65 milljóna dala
útgáfusamning við Sony.
1995
HIStory kemur út
2008
Jackson og AEG live tilkynna
um 50 tónleika í O2 höllinni í
London.
2009
25. júní lést Jackson á heimili
sínu í Beverly Hills.
Kóngur poppsins
og tískunnar
 Hatturinn, sólgleraugun, hvítu sokkarnir og hanskinn.
Allt eru þetta tískutákn sem poppkóngurinn sjálfur Mich-
ael Jackson gerði ódauðleg. Tíu ár voru í vikunni liðin
síðan Jackson lést en hann var ekki aðeins stórkostlegur
tónlistarmaður heldur hugsaði hann mikið um tískuna.
6 KYNNINGARBLAÐ FÓLK 2 7 . J Ú N Í 2 0 1 9 F I M MT U DAG U R