Fréttir - Eyjafréttir - 08.06.2016, Blaðsíða 10

10 Eyjafréttir / Miðvikudagur 8. júní 2016
Sjómannadagshelgin 2016
heppnaðist vel að vanda, veðrið var
gott og dagskráin til fyrirmyndar.
Hátíðarhöldin voru með nokkuð
hefðbundnu sniði þetta árið en
helgin hófst með skemmtikvöldi
Árna Johnsen og félaga á fimmtu-
dagskvöldinu. Stemningin var góð
og fólk söng og skemmti sér
frameftir kvöldi.
Föstudagurinn hófst svo með opna
sjóaramótinu í golfi, þar sem ræst
var út klukkan 8.00. Þátttaka á
mótinu var góð en rúmlega 100
þáttakendur tóku þátt að þessu
sinni. Keppt var í þrem flokkum og
hefur sjómannaflokkurinn aldrei
verið eins stór, en nú tóku þátt 36
starfandi sjómenn.
Gylfi Ægisson opnaði glæsilega
afmælissýningu um árabátasjómenn
í Einarsstofu í Safnhúsinu. Um var
að ræða nýjar og nýlegar myndir til
heiðurs kempum hafsins. Um
kvöldmatarleytið var Togarabjórinn
frá Brothers brewery formlega
kynntur á Einsa Kalda.
Leó Snær leit þar við og tók
nokkur lög og var fólk almennt
hrifið af þessum nýja bjór.
Skemmtilegt framtak hjá strákunum
og má til gamans geta að á
laugardagskvöldinu var Togarinn
valinn bjór ársins 2016 á bjórhátíð
sem haldin var á Hólum um
helgina.
Um kvöldið var svo rokkað til
heiðurs sjómönnum og fjölskyldum
þeirra í Höllinni. En það voru þeir
félagar í Skonrokk sem tóku alla
helstu rokkslagara áttunda áratugar-
ins. Höllin var troðin líkt og síðustu
ár á þessum tónleikum og stemn-
ingin var gríðarleg. Þessir tónleikar
Skonrokks hafa svo sannarlega
slegið í gegn og er orðinn fastur
liður hjá mörgum um sjómanna-
dagshelgi.

Vel heppnaður dagur
á Vigtartorgi
Laugardagurinn hófst svo með
dorgveiðikeppni Sjóve og Jötuns á
Nausthamarsbryggju, þar sem
vegleg verðlaun voru í boði fyrir
stærsta fiskinn og flestu fiskana. 62
hressir krakkar tóku þátt en Birta
Agnarsdóttir veiddi stærsta
marhnútinn, Miguel Smári var með
stærsta kolann, Þorbjörn Hinriksson
stærsta krabbann og stærsta ufsann
veiddi Reynir Þór Egilsson.
Reynir Þór fékk einnig tegundar-
verðlaunin og veiddi flesta fiska.
Síðan lá leiðin á Vigtartorgið þar
sem skemmtileg dagskrá var í boði
fyrir börn og fullorðna. Veðrið var
hið þokkalegasta og fjölmennt var á
svæðinu. Ribsafari bauð upp á
ódýrar ferðir, Björgunarfélagið var
með opinn klifurvegginn sinn og
Leikfélag Vestmannaeyja var á
svæðinu og skemmti gestum og
gangandi. Að sjálfsögðu voru svo
hoppukastalar í boði fyrir börnin og
Halli Geir stóð fyrir keppni í
sjómann. Kappróðurinn var á sínum
stað, en þar unnu Ísleifsmenn
áhafnarbikarinn og tímabikarinn.
Skipalyftumenn unnu landkrabba-
bikarinn, félagsbikarinn vann
Jötunn og stöðvarbikar vann
Vinnslustöðin bæði í kvenna- og
karlaflokki. Sæþór Ágústsson vann
svo sjómannaþrautina.
Skemmtileg stemmning í
Höllinni
Glæsileg dagskrá var svo síðar um
kvöldið í Höllinni þar sem sjómenn,
eiginkonur og aðrir gestir komu
saman og borðuðu ljúfengan
veislumat frá Einsa Kalda og
skemmtu sér fram á rauða nótt.
Skemmtikraftar kvöldsins voru ekki
af verri endanum, en það voru þau
Ágústa Eva Erlendsdóttir, Þorsteinn
Guðmundsson, Leó Snær, Sunna
Guðlaugsdóttir og Sarah Renee sem
sáu um að gestir Hallarinnar
skemmtu sér konunglega. Síðar um
kvöldið mætti svo brekkusöngs-
kóngur eyjanna, Árni Johnsen og
kveikti í liðinu fyrir ballið sem
strákarnir í Buff sáu um.
Sjómannadagurinn
tileinkaður Landhelgisgæslu
Íslands
Sjálfur sjómannadagurinn á
sunnudeginum var svo með
hefðbundnu sniði, en dagurinn að
þessu sinni var tileinkaður sjó-
mannskonunum, Sísí Garðarsdóttur
og Sigríði Ágústu Þórarinsdóttur, en
báðar létust þær fyrir skömmu eftir
stranga barráttu við krabbamein.
Dagurinn hófst með hinni árlegu
sjómannamessu í Landakirkju og að
henni lokinni lögðu hjónin
Ríkharður Zoëga Stefánsson og
Matthildur Einarsdóttir blómsveig
við minnisvarða drukknaðra.
Hátíðardagskrá á Stakkagerðistúni
fylgdi í kjölfarið og var vel mætt
enda veðrið fínt. Lúðrasveit
Vestmannaeyja opnaði dagskrána
undir stjórn Jarls Sigurgeirssonar og
Karlakór Vestmannaeyja söng
nokkur lög undir stjórn Þórhalls
Bárðarsonar. Virkilega skemmtilegt
að sjá þarna flotta og hæfileikaríka
Eyjapeyja syngja fyrir framan fullu
túni af fólki. Ræðumaður sjó-
mannadagsins var Sveinn Rúnar
Valgeirsson. Verðlaun voru veitt
fyrir þær keppnir sem höfðu verið í
gangi alla helgina.
Heiðrun sjómanna
Að vanda voru menn heiðraðir
á sjómannadaginn fyrir vel unnin
störf í þágu sjávarútvegsins í
Vestmannaeyjum og sá Snorri
Óskarsson um það eins og
síðustu ár.
Að þessu sinni heiðraði Sjómanna-
félagið Jötunn Ríkharð Zoëga
Stefánsson sem einnig var heiðr-
aður af Sjómannadagsráði fyrir vel
unnin störf, Skipstjóra- og stýri-
mannafélagið Verðandi heiðraði
Sigurjón Óskarsson, Vélstjórafé-
lagið heiðraði Matthías Sveinsson
og Sjómannadagsráð Vestmanna-
eyja heiðraði þá Stefán Birgisson,
Gretti Inga Guðmundsson, Sigurð
Sveinsson, Sigurð Þór Hafsteins-
son, Óttar Gunnlaugsson, Guðjón
Gunnsteinsson og Ríkharð Zoëga
Stefánsson sem allir eru að hætta í
ráðinu eftir langt og gifturíkt starf.
Áhöfnin á Frá Ve 78 fékk heiðurs-
skjöld Sjómannadagsráð fyrir
giftursamlega björgun á Gunnlaugi
Erlendssyni er bátur hans Brandur
Ve 220, brann austur af Eyjum þann
25. nóvember síðastliðinn. Að
lokum er vel við hæfi að hrósa
Sjómannadagsráði Vestmannaeyja
fyrir vel heppnaða helgi. Það er
mikil vinna sem lögð er í helgi eins
og þessa og eiga þeir heiður skilið
fyrir að undirbúa fjöruga helgi sem
allir bæjarbúar geta tekið þátt í.
Vel heppnuð hátíðarhöld sjómannadagsins í góðu veðri:
Frændurnir Sigurjón Óskarsson
og Matthías Sveinsson heiðraðir
:: Áhöfnin á Frá Ve 78 fékk heiðursskjöld fyrir giftursamlega björgun
á Gunnlaugi Erlendssyni:
SædíS EVa BirgiSdóttir
seva@eyjafrettir.is
Sjómannadagsráð Vestmannaeyja 2016.
Að lokinni sjómannamessu í Landakirkju lögðu hjónin Ríkharður Zoëga Stefánsson og Matthildur
Einarsdóttir blómsveig við minnisvarða drukknaðra.
Matthías Sveinsson og Sigurjón Óskarsson voru heiðraðir fyrir sín störf. Hér má sjá Matthías ásamt
eiginkonu sinni Kristjönu og bræðurnar Viðar og Gylfa sem tóku við plattanum fyrir hönd föður síns.