Fréttir - Eyjafréttir - 08.06.2016, Blaðsíða 18

18 Eyjafréttir / Miðvikudagur 8. júní 2016
Það er mikið um unga og efnilega
leikmenn hjá ÍBV um þessar
mundir en fjöldinn allur af
leikmönnum er í yngri landsliðum
Íslands. Nokkrir hafa þegar fengið
tækifæri í meistaraflokki og má þar
nefna Dag Arnarsson, Nökkva Dan
Elliðason og Elliða Snæ Viðarsson
sem hafa allir spilað nokkuð stórt
hlutverk í liðinu. Þessa þrjá þarf
varla að kynna fyrir ykkur þar sem
þeir eru allir uppaldir Eyjamenn
sem fólk hefur séð í meistaraflokki
félagsins síðustu ár. Aðrir óþekktir
leikmenn eru á leiðinni og einungis
tímaspursmál hvenær þeir brjóta sér
leið inn í meistaraflokkinn. Hér
verða nokkrir slíkir nefndir.
Logi Snædal Jónsson er einn af
efnilegri leikmönnum sem eyjan
hefur alið af sér. Leikur í stöðu
skyttu eða miðjumanns og er
einstaklega klár leikmaður.
Leikskilningur Loga er upp á tíu og
hefur hann verið burðarás í liði 3.
flokks sem unnið hefur hvern
titilinn á fætur öðrum undanfarin ár.
Logi er einnig með frábær skot en
hann hefur mikið spilað með
landsliði síns árgangs og er einn af
betri leikmönnum þess. Logi var
virkilega drjúgur hjá ÍBV gegn FH
fyrir stuttu þar sem ÍBV varð
Íslandsmeistari í 3. flokki karla.
Logi skoraði sjálfur sigurmarkið og
lagði upp tvö af síðustu þremur
mörkunum.
Andri Ísak Sigfússon markvörður
er jafnaldri Loga og hefur líkt og
hann spilað með landsliðinu í sínum
árgangi. Andri hefur þá einnig verið
hluti af 3. flokks liði ÍBV sem hefur
unnið nokkra titla undanfarin ár.
Andri hefur tvisvar sinnum verið í
hópi hjá meistaraflokki ÍBV, gegn
ÍR og gegn Akureyri á þessu
tímabili. Andri er gríðarlega
skapstór og getur það háð honum í
leikjum en þegar hann nær að
stjórna reiði sinni er hann einn af
betri markvörðum síns aldurs.
Ágúst Emil Grétarsson er örvhent-
ur hornamaður sem hefur leikið í
sama liði og strákarnir hér að ofan
undanfarin ár. Hann hefur verið
aðalkostur í hægra horninu í mörg
ár og á oftar en ekki góða leiki
þegar mikið er undir. Nú fyrir stuttu
var hann valinn maður leiksins í
úrslitaleik liðsins gegn FH-ingum í
Íslandsmótinu þar sem hann skoraði
átta mörk. Ágúst mun að öllu
óbreyttu koma inn í meistaraflokks-
hóp ÍBV á næstu leiktíð þar sem
fáir örvhentir leikmenn eru í liðinu.
Ágúst var nú á dögunum valinn í
landslið síns árgangs í fyrsta
skiptið.
Friðrik Hólm Jónsson hefur einnig
fengið smjörþefinn af meistara-
flokknum en hann var í hópi liðsins
í einum leik í vetur. Hann hefur líkt
og strákarnir að ofan spilað stórt
hlutverk í sigursælasta liði ÍBV í
yngri flokkum karla frá upphafi.
Hann er fyrsti kostur í landsliði sínu
og spilar einnig vel þegar mikið er
undir. Hann átti fínan leik um
daginn þar sem ÍBV sigraði FH í
úrslitum Íslandsmótsins en hann
mun líklega koma við sögu hjá
meistaraflokki á næstu leiktíð ef
hann heldur áfram hjá ÍBV.
Einungis einn hornamaður er í
meistaraflokkshópi ÍBV vinstra
megin.
Daníel Örn Griffin er örvhent
skytta sem leikið hefur með báðum
3. flokks liðum ÍBV karlamegin á
tímabilinu. Hann lék lykilhlutverk í
báðum liðum sem urðu Íslands-
meistarar og sigruðu B-úrslitin um
helgina. Miklar vonir eru bundnar
við þennan frábæra íþróttamann
sem mun eflaust ná langt í hand-
bolta ef hann velur þá íþrótt. Daníel
hefur mjög snöggar hreyfingar og
góð skot en hann er einnig sterkur
og frábær varnarmaður. Daníel
hefur orðið Íslandsmeistari síðustu
þrjú ár en í fyrra og hitteðfyrra með
FH-ingum.
Aðra leikmenn 3. flokks má einnig
nefna en þeir gætu sprungið út á
næstu árum. Darri Viktor Gylfason
er stór og stæðileg skytta sem hefur
verið partur af þessu 3. flokks liði í
nokkuð langan tíma. Hann hefur
gríðarlegan stökkkraft og er frábær
varnarmaður. Ingvar Ingólfsson
hefur verið í sama liði og allir hér
að ofan upp alla yngri flokka. Fáir
hafa tekið jafn miklum framförum
og Ingvar sem bætir sig með hverju
árinu. Dugnaður og vilji lýsa
Ingvari best en hann leggur yfirleitt
aðeins meira á sig heldur en hinir.
Gabríel Martinez Róbertsson er
örvhent skytta og hornamaður sem
ber ekki mikið á inni á vellinum en
skilar alltaf sínu. Gabríel er með
snöggar og góðar gabbhreyfingar og
er einkar góð vítaskytta.

Þessar myndir tók Sigfús Gunnar
á handboltaslútti yngri flokkanna
þar sem veitt voru verðlaun fyrir
góða frammistöðu í vetur. Í hópnum
eru margir efnilegir krakkar sem
gaman verður að fylgjast með í
framtíðinni.
Handbolti | Ungir og efnilegir í handboltanum:
Logi, Andri Ísak, Ágúst Emil,
Friðrik Hólm, Daníel Örn,
Darri Viktor, Ingvar og Gabríel
Martinez eru framtíðarmenn