Fréttir - Eyjafréttir - 08.06.2016, Blaðsíða 13

13Eyjafréttir / Miðvikudagur 8. júní 2016
Viðurkenningar
Að venju voru veittar viður-
kenningar fyrir góðan námsár-
angur þar sem hæst stóð
árangur Guðnýjar Charlottu
Harðardóttur sem dúxaði á
vorönn. Fékk hún viðurkenn-
ingu fyrir mjög góðan árangur
á stúdentsprófi en meðal-
einkunn hennar var 8,92. Næst
kom Kristín Edda Valsdóttir
sem líka fékk viðurkenningu
fyrir góðan árangur á stúdents-
prófi en hún var með meðal-
einkunnina 8,63.
Baldur Haraldsson, Guð-
mundur Tómas Sigfússon,
Magnús Karl Magnússon og
María Björk Bjarnadóttir fengu
merki ÍBV vegna góðrar
ástundunar í íþróttaakademí-
unni. Guðný Charlotta fékk
viðurkenningu fyrir mjög
góðan árangur í félagsgreinum
frá Drífanda stéttarfélagi. Hún
fékk líka viðurkenningu frá
Eymundsson fyrir góðan
árangur í íslensku.
Kristín Edda fékk viðurkenn-
ingu fyrir afburða árangur í
íslensku frá Landsbankanum.
Hallgrímur Þórðarson fékk
viðurkenningu fyrir góðan
árangur í dönsku frá Danska
sendiráðinu. Mirra Björgvins-
dóttir fékk viðurkenningu fyrir
góðan árangur í þýsku frá
Þýska sendiráðinu. Viðurkenn-
ingu fyrir besta árangurinn í
hjúkrunargreinum fékk
Sigríður Jóhanna Sigurbjörns-
dóttir frá Vestmannaeyjadeild
sjúkraliðafélags Íslands.
Sú venja hefur skapast að
veita nemendum með 100%
raunmætingu fría innritun á
næstu önn og þar skaraði Lísa
María Friðriksdóttir fram úr.
Framhaldsskólinn í Vestmanna-
eyjum er með stærstu vinnu-
stöðum í Vestmannaeyjum. Á
vorönn starfaði 21 kennari við
skólann, tveir stjórnendur og
annað starfsfólk telur átta
manns. Þá eru ótaldir nem-
endur sem voru 221 í upphafi
annar í mismörgum einingum.
Brottfallið á önninni var um 7%
sem er minna en á fyrri önnum.
Þetta var meðal þess sem kom
fram í yfirliti Björgvins Eyjólfs-
sonar, aðstoðarskólameistara
þegar skólanum var slitið.
Björgvin sagði brottfall samt
sem áður litið alvarlegum
augum og betur megi ef duga
skal. Hefur skólinn fengið styrk
frá Menntamálaráðuneytinu til
áframhaldandi baráttu við þetta
vandamál og verður ráðinn
verkefnisstjóri í haust.
Starfið á önninni var nokkuð
hefðbundið. Í janúar var FAB LAB
smiðjan formlega opnuð í húsnæði
skólans og voru kenndir þar þrír
áfangar. Góðir gestir komu í
heimsókn, Héðinn Unnsteinsson
höfundur bókarinnar Vertu Úlfur
hélt mjög athyglisverðan fyrirlestur
fyrir nemendur og starfsfólk.
Marítafræðslan kom í sína árlegu
heimsókn og fræddi nemendur um
forvarnir og skaðsemi fíkniefna og
félag læknanema Ástráður var með
kynfræðslu að venju.
„Samráðsfundur kennara okkar og
Grunnskólans var haldinn þar sem
ræddar voru leiðir til nánara
samstarfs skólanna á ýmsum
sviðum. Mjög gagnlegur fundur og
vonandi verður áframhald á þessu
góða samstarfi,“ sagði Björgvin og
nefndi að stjórnendur og forsvars-
menn vélstjórnarbrautar hafi boðað
fulltrúa málmiðnaðarfyrirtækja í
Eyjum til fundar þar sem leitað var
leiða til að auka samvinnu skólans
og þessara fyrirtækja til eflingar
iðnnáms í Vestmannaeyjum.
„Vonandi verður þetta kveikjan að
árangursríku samstarfi því vöntun á
iðnlærðu starfsfólki er stækkandi
vandamál í samfélaginu.“
Skólanum bárust nokkrar höfðing-
legar gjafir á önninni. M.a. bókagjöf
frá Einhug, foreldrafélagi Eyjabarna
á einhverfurófinu sem nýtist vel í
skólastarfinu.
Oddfellow Rebekkustúkan Vilborg
gaf kennslugögn fyrir starfsbrautina
og OLÍS styrkti vélstjórnarbrautina
með kaupum á rafgeymum.
„Kunnum við þessum aðilum bestu
þakkir. Það er skólanum ómetanlegt
á þessum niðurskurðartímum að
eiga slíka velunnara,“ sagði
Björgvin.
Framhaldsskólarnir standa á
tímamótum með nýrri námskrá sem
miðast við þriggja ára nám.
Björgvin sagði þessar breytingar
taka tíma og í FÍV væri sá háttur á
að fara yfir námsferil hvers
nemanda við útskrift og ákveða í
samráði við hann hvort hentar betur
að hann útskrifist samkvæmt nýju
eða gömlu námskránni. „Að þessu
sinni eru það tveir nemendur, þeir
fyrstu frá FÍV sem útskrifast
samkvæmt nýju námskránni en þeir
verða fleiri á næstu önnum,“ sagði
Björgvin.
Þau sem útskrifuðust eru Agnes Líf Sveinsdóttir á félagsfræðibraut, Alma Rós Þórsdóttir á stúdentsbraut, Andrés Egill Guðjónsson á félagsfræði-
braut, Baldur Haraldsson á náttúrufræðibraut, Berglind Ósk Sigvarðsdóttir á sjúkraliðabraut, Brynja Rut Halldórsdóttir á félagsfræðibraut,
Guðmundur Tómas Sigfússon á náttúrufræðibraut, Guðný Charlotta Harðardóttir á félagsfræðibraut, Hallgrímur Þórðarson á náttúrufræði-
braut, Hjalti Jóhannsson á félagsfræðibraut, Kristín Edda Valsdóttir á félagsfræðibraut, Magnús Karl Magnússon á félagsfræðibraut, María
Björk Bjarnadóttir á félagsfræðibraut, Marta Karlsdóttir á stúdentsbraut, Mirra Björgvinsdóttir á félagsfræðibraut, Ólafur Ágúst Guðlaugsson á
náttúrufræðibraut, Sigríður Jóhanna Sigurbjörnsdóttir á sjúkraliðabraut, Sólveig María Birkisdóttir á sjúkraliðabraut og viðbótarnámi til
stúdents af starfsnámsbrautum, Sólveig Sverrisdóttir á félagsfræðibraut, Svanhildur Eiríksdóttir á félagsfræðibraut, Tinna Karítas Finnbogadótt-
ir á náttúrufræðibraut, Tómas Árni Johnsen Arnarsson á félagsfræðibraut, Valbjörg Rúna Björgvinsdóttir á félagsfræðibraut og Valtýr Snæbjörn
Birgisson í vélstjórnarnámi.
„Góðan daginn kæru gestir og takk
fyrir komuna. Fyrir hönd útskriftar-
hópsins vil ég þakka ykkur
kennurum og skólastjórnendum
fyrir alla leiðsögnina og hjálpina á
undanförnum árum. Ég veit að án
ykkar og án allra þeirra sem hér í
salnum sitja, hefði leiðin verið mun
grýttari.
En okkur tókst það! Við erum að
útskrifast,“ sagði Kristín Edda
Valsdóttir nýstúdent í þakkarræðu
sem hún fluttu fyrir hönd útskriftar-
nema.
Hún lauk námi á þremur árum og
sagði að margt hefði breyst og gerst
á ekki lengri tíma. „Ef þið hefðuð
sagt mér fyrir þremur árum að ég
ætti eftir að standa hérna í dag fyrir
framan ykkur öll haldandi ræðu
hefði ég álitið ykkur eitthvað
rugluð. En ég hef líka breyst helling
á þessum þremur árum og það sama
má örugglega segja um ykkur hin.“
Hún sagði þetta merkan áfanga
fyrir útskriftarnema sem megi vera
stoltir yfir að hafa náð að ljúka
náminu. „Saman höfum við gengið
í gegnum súrt og sætt hérna í
skólanum en nú er öllu fjörinu að
ljúka. Við yfirgefum skólann,
skiljum eftir góðar minningar og
munu minningarnar úr þessum
skóla ávallt vera með okkur.“
Kristín Edda sagði þau eiga margs
að minnast ekki síst þegar þau sátu
brosandi og glöð að gantast hvert í
öðru, fyrir utan kennslustofurnar.
„Við eigum eftir að minnast
hljóðsins í inniskónum ykkar, kæru
kennarar, er þið genguð taktfast inn
ganginn, lyklarnir klingjandi aftan
úr öðrum rassvasanum, með blöð
og bækur undir annarri hendinni og
rjúkandi heitan kaffibolla í hinni.
Við eigum eftir að minnast þess til
dæmis er ákveðinn kennari kom
haltrandi niður stiga skólans eftir of
erfiða æfingu sem og skemmtilegra
rökræðna við kennarana í tímum,
sérstaklega þær sem snerust um allt
annað en námsefnið. Við eigum
eftir að minnast með hlýju tímans
sem við eyddum hér saman, en eins
og er erum við ofsa spennt fyrir því
að hefja næsta kafla lífsins,“ sagði
Kristín Edda og fór næst inn á það
sem framundan er.
„Og nú tekur alvaran við. Hjá
flestum okkar er kominn tími til
þess að standa á eigin fótum og yfir-
gefa hótel mömmu, allavega um
óákveðinn tíma. Ég veit að sum
hérna eru þó löngu flutt að heiman
og og hafa staðið í öllu þessu, en
þið vitið allavega um hvað ég er að
tala.
Núna er kominn tími til þess að
hætta að treysta á pabba sem
vekjaraklukku á morgnana og á
mömmu til að segja manni að
kominn sé matur, já eða nú er bara
kominn tími til þess að fara að
útbúa matinn sinn sjálfur.
Það er kominn tími til þess að
fullorðnast og fljúga burt af eyjunni
okkar fögru, fyrir flest okkar
allavega. Mér finnst við hafa verið
heppin að geta fengið tækifæri til
þess að vera aðeins lengur heima og
náð meiri þroska áður en haldið er
út í hinn stóra heim. Það er þetta
sem skólinn okkar, FÍV hefur veitt
okkur. Og fyrir það er ég þakklát.
Sama hvert við stefnum eftir þetta
þá eigum við daginn í dag saman.
Við eigum þennan áfanga og við
eigum þennan frábæra skóla sem
stutt hefur við bakið á okkur. Til
hamingju allir með þennan áfanga
og megi þetta verða ykkur kraftur
til að halda áfram á ykkar leið í
lífinu sama hvert hún liggur,“ sagði
Kristín Edda sem að endingu
þakkaði fyrir sig og hópinn.
Þakkarræða
útskriftarnema
Björgvin aðstoðarskólameistari :: Yfirlit vorannar
2016 :: 24 útskrifuðust:
Tveir útskrifuðust
samkvæmt nýju
námskránni
:: Samráð við nemendur hvort hentar betur
að útskrifast samkvæmt nýju eða gömlu