Dagblaðið Vísir - DV - 26.04.2019, Page 35
Golfblaðið 26. apríl 2019 KYNNINGARBLAÐ
ÁSBYRGISVÖLLUR:
Spilaðu golf í
goðsagnakenndri
náttúrufegurð
Golfklúbburinn Gljúfri er starfandi við Ásbyrgisvöll. „Við erum ekki stór klúbbur, rétt um 10 félagar. En allir erum við dyggir
golfiðkendur og þykir vænt um Ásbyrgisvöll,“ segir
Marínó Eggertsson, forstöðumaður Ásbyrgis-
vallar.
Ásbyrgisvöllur er staðsettur á einum goð-
sagnakenndasta stað Íslands. Með hamraveggi
Ásbyrgis í bakgrunni er þessi níu holu völlur algjör
gimsteinn í guðsgrænni náttúrunni. „Það er rosa-
lega flott að vera þarna með þessa háu hamra-
veggi í kringum sig. Sérstaklega eru sumar-
kvöldin falleg. Eftir heita daga þá geislar hitinn
frá berginu á vangann og það er hægt að spila
golf langt fram eftir kvöldi.
Við rekum ekki golfskála en erum með þjónustu
í verslun við Ábyrgi, rétt við völlinn við þjóðveg 85.
Verslunin er opin allan daginn. Þar geta menn
fengið sér að borða, drukkið kaffi og komist á
snyrtingu. Þar er einnig hægt að fá golfsett leigð.“
Dagurinn á Ásbyrgisvelli fyrir einn fullorðinn
kostar 2.000 krónur. „Það góða við völlinn er
að það eru ekki margir sem sitja um hann. Þar
er yfirleitt engin ös og sjaldan sem maður þarf
að bíða eftir rástíma. Við erum svona að huga
að því að opna völlinn fyrir notkun. Þeir sem eru
áhugasamir um að skella sér í golf á Ásbyrgis-
velli mega endilega hafa samband við mig í síma
892-2145.“
Ásbyrgisvöllur
671 Kópasker
Sími: 465-2145 og 892-2145