Skessuhorn - 11.10.2006, Blaðsíða 17

^kuouiiu^i
MIÐVIKUDAGUR 11. OKTÓBER 2006
17
Efla samstarf Safiiahúss og
Landnámsseturs í Borgamesi
Sigríður Margrét Guðmundsdóttir og Amar Gauti Helgason kokkur kynntu fyrir gestum nýjungar á
matseðli og opnunartíma veitingastaðarins í Landsnámssetrinu.
Mikill fjöldi gesta
hefur heimsótt Land-
námssetrið í Borgar-
nesi á fyrstu starfs-
mánuðum fyrirtækis-
ins, en það opnaði 13.
maí í vor. Eins og gef-
ur að skilja með nýj-
ung sem slíka, var að
talsverðu leyti rennt
blint í sjóinn með
hvaða viðtökur stað-
urinn og starfsemi
hans fengi. Þó er mál
manna að vel hafi tek-
ist til þessa fyrstu
mánuði og um sé að
ræða eina athyglis-
verðustu nýjung í ís-
lenskri ferðaþjónustu
á þessu ári.
Eigendur Land-
námssetursins eru
sífellt að þróa nýjungar, breyta
áherslum og bæta við þjónustu. I
síðustu viku var m.a. kynnt sú til-
raun að hafa veitingastað Land-
námssetursins opinn oftar en verið
hefur. Undanfarið hefur hann ein-
vörðungu verið opinn þegar sýn-
ingar hafa verið í húsinu, en hér
eftir verður það öll kvöld. Þá býð-
ur veitingastaðurinn framvegis
upp á salatbar í hádeginu. Einnig
er hægt að fá þar kaffi og kökur
alla daga, bregða sér á Internetið
og eiga notalega stund í gamla
Búðarklettshúsinu. „Við erum að
feta okkur áfram í starfseminni og
viljum bæta nýtingu hússins og
auka um leið fjölbreytnina í þjón-
ustunni hjá okkur,“ sagði Sigríður
Margrét Guðmundsdóttir, þegar
hún og eiginmaður hennar Kjartan
Ragnarsson, kynntu ýmsar breyt-
ingar fyrir gestum sl. fimmtudag.
„Við viljum koma til móts við íbúa
hér á svæðinu með því að auka
vægi veitingasölu. Þá höfum við
ráðið Arnar Gauta Helgason kokk
til starfa og væntum við góðs af
vinnu hans enda kemur með pilt-
inum ferskur blær og margar góð-
ar hugmyndir,“ sagði Sigríður
Margrét.
Auka samstarf
við Safnahúsið
Kjartan Ragnarsson sagði í sam-
tali við Skessuhorn að mikill og
gagnkvæmur vilji væri milli Land-
námssetursins og starfsfólks Safna-
húss Borgfirðinga að auka samstarf
þessara aðila og vonandi myndi
það samstarf leiða til góðs. „Við
hefjum í raun samstarf okkar
formlega með ákveðinni þjónustu
við Safnahúsið. I framhaldi þess að
safnið setti upp einkar áhugaverða
sýningu í Englendingavík í haust
til að minnast Pourqui Pas? slyss-
ins, munum við taka að okkur leið-
sögn um þá sýningu fyrir Safna-
húsið og leiða þannig gesti okkar á
vit örlaga Dr. Jean Baptiste
Charcot vísindamanns sem fórst á-
samt áhöfn út af Mýrum fyrir 70
árum síðan. Við og Asa S Harðar-
dóttir, forstöðumaður Safnahúss-
ins höfum ákveðið að efla samstarf
þessara tveggja aðila með það fyrir
augum að koma í góðum takti til
móts við óskir íbúa og gesta um
áhugaverða þjónustu. Við höfum
ýmsar góðar hugmyndir í fartesk-
inu og héraðið býr yfir ríkri sagna-
hefð sem þarf að miðla. Safhahús-
ið hefur á að skipa þekkingu, hefð
og góðu starfsfólki og Landnáms-
setrið býr yfir tengslum við marga
hagsmunaaðila, virkri markaðs-
setningu og þörfinni til að vera sí-
fellt að skapa eitthvað spennandi
fyrir gesti. Við viljum nýta styrk
hvors annars og báðir aðilar hafa
sínar hugmyndir um framboð efn-
is fyrir íbúa og ferðafólk og við
eigum að vinna saman og það höf-
um við ákveðið að gera,“ sagði
Kjartan.
Meðal þess sem í undirbúningi
er á næstu misserum í starfseminni
nefna þau Kjartan og Asa hjá
Safnahúsinu, dagskrá fyrir börn,
kvöldvökur vikulega á fimmtudög-
um sem hefjast 2. nóvember og á-
framhald sýninganna sem opnar
eru á báðum stöðunum. Leiksýn-
ingin Mr. Skallagrímsson eftir
Benedikt Erlingsson hefur t.d.
notið mikilla vinsælda í Lands-
námssetrinu í sumar og er nú upp-
selt á allar þær sýningar sem fyrir-
hugaðar eru á þessu ári. Hlé verð-
ur gert á þeim eftir þennan mánuð
þar sem Benedikt hverfur til ann-
arra verkefna. Þráðurinn verður
síðan tekinn upp í sýningum á
verkinu í apríl á næsta ári.
Ratleikur í fótspor Þor-
gerðar og Skalla-Gríms
Leiðsögn Kjartans hjá Lands-
námssetrinu með hópa um Egils-
slóð hefur einnig notið vinsælda.
Nú hefur hann búið til nýjan rat-
leik þar sem hann leitast við að feta
í fótspor Þorgerðar Brákar og
Skalla-Gríms. Leikurinn hefst í
Sandvík og berst niður bæinn að
Brákarsundi. „Ratleikurinn, sem
tekur um klukkutíma, er af sumum
talinn fara um einhverja dæma-
lausustu söguslóð Islendingasagn-
anna, en á þessari leið flúði Þor-
gerður Brák niður í gegnum nú-
verandi bæjarstæði Borgnesinga
undan Skalla-Grími eftir knatt-
leikinn fræga. Ambáttin Brák
bjargaði þar með lífi Egils Skalla-
Grímssonar en lét sitt eigið líf. Eg
flétta ýmislegt inn í ferðina og
meðal annars þurfa menn að finna
nokkra viðkomustaði þar sem von
er á hressingu sem yljar. Eftir leik-
inn geri ég svo að sjálfsögðu ráð
fyrir að allir verði svangir og taki
vel til matar síns á veitingastaðn-
um hjá okkur,“ segir Kjartan.
Hann hefur nú í undirbúningi
nýtt leikverk sem, líkt og Mr
Skallagrímsson, byggir á sögunni.
„Við höfum sótt um styrk frá leik-
listarráði til að skrifa verk út frá
Pourque Pas? slysinu úti af Mýr-
um. Það verður Bryndís Guð-
mundsdóttir leikari, sem brilleraði
í Edit Piaf, sem mun þar segja
sögu fransmannanna og leiðang-
ursins sem tók svo snöggan enda
fyrir 70 árum síðan. Sýning sú fer
síðan á fjalirnar næsta vetur ef allt
gengur upp,“ sagði Kjartan að lok-
um.
MM
Snæfeflsbær styrldr uppbyggingn
í Bosníu
Bæjastjórn Snæfellsbæjar sam-
þykkti á fundi sínum sl. föstudag að
veita 100 þúsund króna styrk til
söfnunar vegna uppbyggingar í
Bosníu. Fyrir fundinum lá erindi
frá Sadik Crnac, en hann er ættað-
ur frá Sibenica nálægt borginni
Jajce í Bosníu. Hann hefur búið hér
á landi síðan árið 1996. Heimabær
hans varð illa úti í stríðinu á
Balkanskaga á árunum 1992-1996.
Eitt af þeim verkefnum sem eru í
gangi til uppbygginar svæðisins, er
endurgerð vegarins frá heimabæ
hans til Jajce, sem er um 6,5 kíló-
metra langur. Nú, tíu árum eftir að
átökum lauk, á eftir að leggja 4.8
km af veginum. Fjórir einstaklingar
ffá þessu svæði eru búsettir í Snæ-
fellsbæ og fóru þeir þess á leit við
bæjaryfirvöld að þau styrktu verk-
efnið sem þau hafa nú samþykkt.
Kristinn Jónasson, bæjarstjóri í
Snæfellsbæ, sagði í samtali við
Skessuhorn að um móralskan
stuðning við verkefnið væri að
ræða. Bæjaryfirvöld litu svo á að um
mannúðarverkefni væri að ræða.
„Hingað hefur komið töluvert af
fólki frá fyrrum Júgóslavíu og það
hefur lagt sitt af mörkum til samfé-
lagsins. Okkur finnst að okkur beri
skylda til að hjálpa þeim og sýna
þeim móralskan stuðning. Þetta er
ekki há upphæð en hún hefur von-
andi sitt að segja,“ segir Kristinn að
lokum.
Enn er verið að safna fé til þessa
verkefnis. Þeim sem áhuga hafa á
að styrkja það er bent á að hafa
samband við Sadik Crnac í Olafs-
vík. KÓP
Afinæflshátíð
Grundaskóla lokið
Nemendur og starfsmenn
Grundaskóla á Akranesi fögnuðu
aldarfjórðungsafmæli skólans sl.
fimmtudagsmorgun með mikilli
skrúðgöngu. Safnast var saman um
níuleytið um morguninn og hafði
hver bekkur í skólanum ákveðirm
lit. Undir styrkri stjóm trommu-
leikara var síðan genginn hringur
um næsta nágrenni skólans. Að
göngu lokinni hófst brekkusöngur
á lóð skólans og síðan skemmti fólk
sér í ýmsum leiktækjum sem komið
hafði verið fyrir á skólalóðinni.
Afmælishátíðinni lauk á fösmdag
með afmælisveislu enda er þá hinn
eiginlegi afmælisdagur skólans. A
meðfylgjandi myndum var gerð tdl-
raun til þess að fanga þá miklu og
litríku stemningu sem ríkti við
Grundaskóla á fimmtudag.
HJ
Tengibraut við
hafiiarsvæðið fyrirhuguð í
Grundarfirði
Bæjaryfirvöld í Grundarfirði hafa
hug á að koma tengibraut frá hafn-
arsvæðinu við þjóðvegakerfið inn á
vegaáætlun. Eins og fram hefur
komið í Skessuhorni er fyrirhugað
að koma upp tengibraut á hafnar-
svæðið fyrir þungaumferð. Er það
ekki síst gert til þess að losna við
umferð stórra flutningabíla um
gatnakerfi bæjarins. Nú þegar er
búið að koma upp bráðabirgðavegi
vegna ffamkvæmda á hafnarsvæð-
inu.
Guðmundur Ingi Gunnlaugsson,
bæjarstjóri í Grundarfirði, sagði í
samtali við Skessuhorn að afar
brýnt væri að koma þessum vegi
inn á vegaáætlun. Það væru hags-
munir bæjarbúa sem og bflstjór-
anna að þurfa ekki að þræða oft og
tíðum þröngar götur og gatnamót
bæjarins. ,„Menn hafa séð það í
sumar eftir að bráðabirgðavegurinn
kom hve miklu skiptir að hafa beina
tengingu frá þjóðveginum að hafn-
arsvæðinu. Við vonumst til þess að
þetta komist sem fyrst inn á vega-
áætlvm, vonandi næsta árs þó við
reisum okkur ekki neinar skýja-
borgir hvað það varðar. Vegagerð-
inni ber að tengja megin athafha-
svæði bæjanna við þjóðvegakerfið
og við munum vinna að þessu í
góðri samvinnu við hana,“ segir
Guðmundur að lokum.
KÓP
Ósk um höggmyndagarð
í Hvalfiarðarsveit
Á fundi sveitarstjórnar Hvalfjarð-
arsveitar í vikunni sem leið var tekið
fyrir erindi frá Hallsteini Sigurðs-
syni, myndlistarmanni. Oskaði hann
þar eftir því að möguleikarnir á því
að hann fengi land í sveitinni undir
höggmyndagarð og vinnustofu sína
yrðu kannaðir. Hallsteinn býr í
Reykjavík en hyggst flytja búferlum
í Hvalfjarðarsveit ef af þessu yrði.
Hann er Vestlendingum og öðrum
að góðu kunnur, en m.a. má sjá verk
hans í Borgarnesi og víðar.
Einar Orn Thorlacius, sveitar-
stjóri Hvalfjarðarsveitar, sagði í
samtali við Skessuhom að máhð
væri til umræðu hjá sveitarstjóm.
Það hafi verið kynnt á fundinum og
menn ákveðið að taka sér umhugs-
unarfrest. Hann segir að erindið
hafi hins vegar fengið jákvæð við-
brögð og menn séu tilbúnir til að
vega það og meta. Mönnum finnist
málið skemmtilegt og jákvætt.
Hallsteinn hafði sjálfur samband
við Einar og ræddi málin við hann
áður en erindið var sent. Einar og
Amheiður Hjörleifsdóttir, fulltrúi í
sveitarstjóm, heimsóttu listamann-
inn síðan á vinnustofu sfna í Reykja-
vík. „Við áttum erindi til Reykjavík-
ur og ákváðum að líta þar við í leið-
inni. Okkur leist mjög vel á og Hall-
steinn fær fi'n meðmæli, m.a. hrós-
aði Elísabet Haraldsdóttir, menn-
ingarfulltrúi Vesturlands, honum
við okkur,“ segir Einar.
Einar segir Hallstein óska efrir
landi sem sé ekki ofan í þjóðvegin-
um, en samt þannig að verkin sjáist
frá veginum. Sveitarstjórn er að
íhuga málið og mun væntanlega
taka ákvörðun á næsta fundi sínum.
KÓP
<
»■

*
9