Morgunblaðið - 09.05.2019, Blaðsíða 42

42 UMRÆÐAN
MORGUNBLAÐIÐ FIMMTUDAGUR 9. MAÍ 2019
Bláu húsin v/Faxafen
Sími 553 7355 • www.selena.is • Selena
undirfataverslun • Næg bílastæði
Frábært úrval af
sundfatnaði
Undirritaður var
gestur Framsýnar á
Húsavík 1. maí sem
er ein glæsilegasta
hátíð landsins ár
hvert og koma saman
600-700 manns.
Nú gerist það nótt-
ina áður að mig
dreymir magnaðan
draum sem ég vakn-
aði upp af og skrifaði
strax ræðu draumamanns niður og
flutti hana á hátíðinni. Ég skynj-
aði að þarna stóð
Einar Þveræingur og
flutti miklum mann-
fjölda boðskap. En
hann var sá sem
flutti mögnuðustu
fullveldisræðu Ís-
lands gegn ásælni
Ólafs digra Noregs-
konungs þegar kon-
ungur ætlaði að eign-
ast Grímsey. Nú
fannst mér ESB og
digrir auðmenn vera í
hlutverki konungsins.
Ræðan var á þessa leið: Það
steðjar nú hætta að landi voru, nú
ágirnast auðugir útlendingar auð-
lindir landsins, bújarðir, veiðiár,
fossa og orkuauðlindir. Vilji
landsmenn halda frelsi og full-
veldi þjóðarinnar er mikilvægt að
standa gegn yfirgangi og ásælni
Evrópusambandsins og auðjöfr-
anna. Orkan og rafmagnið, jarð-
hitinn, eru dýrmætustu eignir
komandi kynslóða. Hleypum aldrei
græðginni í gegnum sæstreng að
Íslands strönd. Verjum landhelgi
vora og landbúnað vorn. Eignist
útlendingar Grímsey eða Gríms-
staði á Fjöllum mun þrengja að
mörgum kotbóndanum og landið
verður ekki undir okkar yfirráð-
um. Standið með Fjallkonunni og
framtíðinni.
Svo mörg voru þau orð. Ég
skynja að almenningur óttast
þessa framtíð. Á meðan ræða
stjórnmálamenn málið í lokuðum
hring í þinghúsinu og láta sér fátt
um finnast um áhyggjur þjóðar-
innar. Og nú hefur stærsta hreyf-
ing landsins, ASÍ, lagst gegn
orkupakkanum.
Andstaðan við ráðagerðir ríkis-
stjórnarinnar minnir á Icesave,
en þá hafnaði þjóðin ætlunarverki
ríkisstjórnar og Alþingis, að
greiða skuldir óreiðumanna.
Þessi slagur er að harðna og ég
trúi enn að ágætir ráðherrar og
Alþingi stöðvi nú þetta gönu-
hlaup. Þjóðinni stendur ekki á
sama.
Eftir Guðna
Ágústsson
Guðni Ágústsson
»Dreymir mig
magnaðan draum
sem ég vaknaði upp af
og skrifaði strax ræðu
draumamanns niður.
Höfundur er fv. alþingismaður og
ráðherra.
Mögnuð aðvörun og ný fullveldisræða gegn orkupakkanum
Enn á ný er þessi
dýra og þarfa fram-
kvæmd sem Landeyja-
höfn er þjóðinni að
tefja samgöngur við
eyjarnar. Ekki það að
ég sjái eftir þessari
framkvæmd fyrir Vest-
mannaeyinga, heldur
eru það mikil vonbrigði
að þessi mikla fram-
kvæmd skili ekki því
sem ætlast var til af henni, en ein
stærsta ástæðan er sú að dýpkun
gengur ekki nógu vel.
Af hverju ekki að reyna það sem
nærtækast er, og líklega þegar til
lengri tíma er litið það ódýrasta og
öruggasta, það er að láta náttúruöflin
sjá að mestu sjálf um hreinsun hafn-
arinnar sem þá yrði um
leið framkvæmd sem
ekki kallaði á kolefnis-
brennslu við dýpkun og
þess háttar og Vest-
mannaeyinga með miklu
öruggari samgöngur.
En það er að láta Mark-
arfljótið sjá um verkið.
Alveg mætti hugsa
sér að gerðir væru garð-
ar og mannvirki uppi á
Markarfljótsaurum sem
væru sérhönnuð til að
geta tekið mátulegan
hluta af fljótinu og stýra svo mátu-
legu rennsli að og í gegnum höfnina
sem sæi um að halda henni ætíð
hreinni þannig að ekki þurfi dælingar
við nema kannski á nokkurra ára
fresti og þá aðeins lítilsháttar hreins-
un úr hornum eða stöðum sem ein-
hver sandur safnaðist fyrir.
Það verða sjálfsagt margir sem
segja ómögulegt. En bíðið bara við,
við þurfum ekki að leita langt til að
finna framkvæmd sem unnin var
snemma á öldinni sem leið og var þar
við svipaðar aðstæður að glíma og við
Markarfljótið, nefnilega Flóaáveit-
una. Þar gerðu menn stíflu í jökulána
og gátu stjórnað rennsli þar í gegn,
sem kom ekki bara Flóamönnum
heldur öllum landsmönnum að góðu
gagni og með bættum afkomumögu-
leikum fyrir bændur í öllu héraðinu.
Hugsið ykkur, þetta var fyrir um
hundrað árum en Flóaáveitan var
byggð á árunum1918 til 1927.
Við áttum verkfræðinga sem höfðu
góða verkþekkingu til að ráðast í og
beisla jökulána og voru þó öll tæki og
tól til framkvæmdanna ákaflega
frumstæð miðað við það sem við höf-
um í dag. Sem betur fer eigum við
mikið af vel menntuðum verkfræð-
ingum og gott úrval tækja og tóla og
hæfra manna, þannig að eftir hverju
bíðum við.
Við viljum og þurfum góðar sam-
göngur við þessa stóru og miklu ver-
stöð sem Vestmannaeyiarnar eru.
Sem ferðamaður er yndislegt að
koma þangað og að sigla inn í höfnina
með Heimaey á aðra höndina og bæ-
inn og eldfjöllin á hina er stórkostleg
sjón.
Í alvöru, því ekki að fá einhverja af
okkar mikilhæfu verkfræðingum til
að skoða og athuga þessar aðstæður
og meta hvort þetta er raunhæf hug-
mynd.
Dýpkun Landeyjahafnar
Eftir Hjálmar
Magnússon
Hjálmar Magnússon
» Því ekki að fá ein-
hverja af okkar
mikilhæfu verkfræð-
ingum til að skoða og at-
huga þessar aðstæður.
Höfundur er fv. framkvæmdastjóri.
borgarvirki@simnet.is
  þú það sem




á FINNA.is
IÐNAÐARMENN VERSLANIR
VEITINGAR VERKSTÆÐI
BÓKHALDSÞJÓNUSTA OG FLEIRA