Morgunblaðið - 30.05.2019, Page 6

6 FRÉTTIRInnlent
MORGUNBLAÐIÐ FIMMTUDAGUR 30. MAÍ 2019
sp
ör
eh
f.
Sumar 31
Hér er á ferðinni glæsileg vikuferð til Ítalíu í strandbæinn
Sottomarina sem er á töfrandi stað við Feneyjarlónið. Þar
njótum við sólar á gylltri ströndinni og heimsækjum m.a. litla
miðaldabæinn Cittadella, sem er umvafinn virkisveggjum frá
12. öld, og Feneyjar, eina mest heillandi borg Evrópu, en hún
hefur löngum verið kölluð drottning Adríahafsins.
7. - 14. september
Fararstjórn: Hlín Gunnarsdóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 Reykjavík
Verð: 199.900 kr. á mann í tvíbýli.
Mjög mikið innifalið!
Dýrðardagar á Ítalíu
Sigtryggur Sigtryggsson
sisi@mbl.is
Eftir hina gríðarlöngu málsþófstörn
um orkupakkamálið síðustu daga
hafa þingmenn Miðflokksins raðað
sér í fimm efstu sætin á ræðulista Al-
þingis.
Sem fyrr er Birgir Þórarinsson í
efsta sætinu. Á 149. löggjafarþinginu
hefur hann flutt 779 ræður og at-
hugasemdir (andsvör) og talað í 2.118
mínútur. Það gera 35 klukkustundir.
Næstur kemur Þorsteinn Sæmunds-
son 773/1.980, þriðji er Sigmundur
Davíð Gunnlaugsson 595/1.411, fjórði
er Ólafur Ísleifsson 436/1.270 og
fimmti Bergþór Ólason með 492 ræð-
ur og athugasemdir og hefur talað í
1,151 mínútu. Í sjötta sætinu er svo
Þorsteinn Víglundsson þingmaður
Viðreisnar með 1.122 mínútur.
Þingfundi var slitið í gærmorgun
og hafði hann þá staðið yfir í rúman
sólarhring. Steingrímur J. Sigfússon
þingforseti sagði við það tækifæri að
ófremdarástand væri komið upp á Al-
þingi vegna málþófs Miðflokksins um
3. orkupakkann og að hann ætlaði
ekki að afhenda flokknum dagskrár-
valdið á Alþingi. Á meðan málþófið
stæði yfir biðu önnur mál þingsins af-
greiðslu.
„Sú umræða hefur staðið í yfir
132 klukkustundir. Þar af hafa þing-
menn Miðflokksins talað í rúmlega
110 klukkustundir. Andsvör í þessari
umræðu eru orðin 2.675 og hafa tekið
85 klukkustundir í flutningi,“ sagði
Steingrímur um málið.
Þegar Morgunblaðið kannaði
síðast stöðuna á ræðulistanum 22.
maí sl. hafði Birgir Þórarinsson flutt
518 ræður og athugasemdir og talað
samtals í 1.505 mínútur. Hann hefur
því á tæpri viku bætt við 261 ræðu
sem staðið hafa yfir í 613 mínútur.
Næst verður rætt um 3. orku-
pakkann á morgun, föstudag, klukk-
an 9:30. Sigmundur Davíð Gunn-
laugsson boðaði í ræðu í fyrrinótt að
þar hygðist hana koma með nýjar
upplýsingar í málinu.
Miðflokksmenn raða sér í
fimm efstu sætin á ræðulista
Næturfundur Svipmynd úr þingsal í fyrrinótt. Sigmundur Davíð Gunn-
laugsson í ræðustól og Þorsteinn Sæmundsson skráir sig á mælendaskrá.
 Hafa talað um þriðja orkupakkann í yfir 100 klst.
Guðmundur Magnússon
gudmundur@mbl.is
Kærunefnd húsamála hefur staðfest
að leigusala hafi verið heimilt að
halda eftir 45 þúsund krónum af
tryggingarfé leigutaka vegna
skemmda á sófaborði í íbúð með hús-
gögnum sem hann leigði til fjögurra
mánaða á síðasta ári. Málið var rekið
fyrir nefndinni vegna þess að leigu-
taki sætti sig ekki við fjárhæðina sem
leigusali krafðist. Í úrskurðinum
kemur fram að hann er eingöngu
byggður á þeim gögnum og sjón-
armiðum sem sóknaraðili, þ.e. leigu-
sali, lagði fyrir nefndina þar sem
varnaraðili, leigutakinn, hefði ekki
látið málið til sín taka fyrir nefndinni.
Fram kemur að samkvæmt leigu-
samningi lagði varnaraðili fram
tryggingarfé að fjárhæð 220.000 kr.
til tryggingar á réttum efndum á
leigusamningnum. Í lok leigutíma
hafi sóknaraðili haldið eftir 45.000 kr.
af tryggingarfénu á þeirri forsendu
að skemmdir hafi orðið á sófaborði í
hans eigu.
Í úrskurðinum segir að sófaborðið
sé hringlaga viðarborð. Við skoðun
eftir skil húsnæðisins hafi sóknaraðili
séð að svartar rákir, líklega eftir
svartan tússpenna, hafi verið á víð og
dreif um borðið sem ekki hafi verið
þar við upphaf leigutíma, auk krots
eftir rauðan penna. Að auki hafi
áferð borðsins verið mött og skýjuð
sem telja megi að sé að rekja til
þeirra efna sem notuð hafi verið við
hreinsun eða þrif á borðinu á leigu-
tíma. Líkt og sjá megi á mynd af
sófaborðinu, sem hafi birst á face-
booksíðu sambýliskonu varnaraðila,
hafi barn þeirra krotað/teiknað mynd
yfir stóran hluta borðsins með svört-
um tússpenna. Þegar myndin sé bor-
in saman við sófaborðið sjáist greini-
leg merki þess að rákirnar sem hafi
orðið eftir á borðinu stemmi við
teikningu barnsins. Miðað við ástand
hins leigða virðist sem barnið hafi
fengið að teikna óáreitt á veggi og
borð. Fenginn hafi verið verktaki til
að þrífa húsnæðið eftir skilin og hann
tjáð sóknaraðila að erfitt yrði að ná
krotinu af borðinu og líklega þyrfti
að pússa það upp og lakka. Gert hafi
verið við sófaborðið og viðgerðin
kostnað 70.000 kr. Sóknaraðili fari
fram á að halda eftir 45.000 kr. af
tryggingarfénu í bætur vegna kostn-
aðar við viðgerðina og þar sem kostn-
aðurinn hafi verið yfir 70.000 kr. sé
ljóst að hluti hans falli á sóknaraðila
sjálfan. Ljóst sé að skemmdir á sófa-
borði vegna krots hafi komið til á
leigutíma og varnaraðili beri því
ábyrgð á þeim skemmdum sem hafi
orðið vegna krotsins.
Með hliðsjón af gögnum málsins
og því að varnaraðili lét málið ekki til
sín taka fyrir kærunefnd var fallist á
kröfu sóknaraðila um að honum væri
heimilt að halda eftir 45.000 kr. af
tryggingarfé varnaraðila eins og
krafist var. »
Bætt fyrir krot
barns á sófa-
borð í leiguíbúð
 Málið fór fyrir úrskurðarnefnd húsa-
mála en varnaraðili svaraði engu
Morgunblaðið/Sigurður Bogi
Húsnæði Umgengni í leiguíbúðum
verður stundum að deiluefni.
Kristján H. Johannessen
khj@mbl.is
„Allar vikur eru betri hér en á
Laugaveginum – ég hef aldrei setið í
fangelsi, en mér líður eins og ég hafi
nú losnað úr prísund,“ segir Sverrir
Bergmann, eigandi Herrahússins
Adams, í samtali við Morgunblaðið.
Verslun Sverris var fyrst opnuð í
miðbæ Reykjavíkur árið 1965. Seint
á seinasta ári var ákveðið að loka
versluninni við Laugaveg og flytja
hana í Ármúla í Reykjavík. Þetta
gerði Sverrir vegna þess að
„borgarstjórn er að hrekja alla í
burtu með götulokunum“. Frá því
að verslunin var opnuð í nýja hús-
næðinu hefur sala aukist mjög, eða
um 40% í heildina og um 60% sumar
vikur. Ástæðuna fyrir þessu segir
Sverrir vera betra aðgengi að búð-
inni og næg bílastæði fyrir við-
skiptavini. Þá er húsaleiga einnig
mun lægri en á Laugavegi, sem auð-
veldar verslunarrekstur.
Margir að gefast upp
Sverrir segir algengt að við-
skiptavinir hafi orð á því hversu að-
gengileg verslun hans er nú borið
saman við hvernig aðgengi var á
Laugaveginum skömmu áður en
Herrahúsið flutti þaðan fyrir fullt og
allt.
„Fyrir um viku kom hingað mað-
ur sem styðst við hækjur á ferðum
sínum. Sá sagðist ekki hafa getað
komist á Laugaveginn í langan tíma
því hann finnur þar hvergi bílastæði
og getur ekki gengið langan veg,“
segir Sverrir og bætir við að hann
fái nú einnig til sín kúnnahóp frá
stórum nærliggjandi fyrirtækjum í
Ármúla. Slíkt hafi ekki verið raunin
í miðbæ Reykjavíkur.
„Það eru bara svo margir sem
hafa gefist upp á Laugaveginum,
bæði verslunarmenn og viðskipta-
vinir, því aðgengi er orðið svo
slæmt, vont að fá bílastæði og mikið
um lokanir og þrengingar. Þú sérð
þetta sjálfur – það eru yfir 40 auð
rými á Laugavegi og nágrenni núna.
Það er alveg svakalegt,“ segir
Sverrir og heldur áfram: „Ég veit
ekki hvernig þetta endar allt saman,
en mér finnst þeir sem stjórna í
borginni vera að rústa verslun við
Laugaveg.“
Morgunblaðið/Eggert
Verslunarmaður Sverrir Bergmann, eigandi Herrahússins Adams, í nýrri verslun sinni við Ármúla í Reykjavík.
Flúði Laugaveginn
og salan rauk upp
 Eins og ég hafi losnað úr prísund, segir verslunarmaður