Morgunblaðið - 21.06.2019, Qupperneq 10

10 FRÉTTIRInnlent
MORGUNBLAÐIÐ FÖSTUDAGUR 21. JÚNÍ 2019
Nokkrum mínútum eftir að Helga
Steffensen brúðuleikhúskona hafði
ásamt Lilla apa þakkað borgarstjóra
þann heiður að vera útnefnd Reyk-
víkingur ársins var hún komin í vöðl-
ur og gekk ásamt Ásgeiri Heiðari
leiðsögumanni að sjávarfossi í Ell-
iðaánum. Klukkan var sjö í gær-
morgun og tími til að reyna að ná
fyrsta laxi sumarsins þar á land.
Helga hefur rekið hinn sívinsæla
Brúðubíl frá árinu 1980 og skemmt
mörgum kynslóðum barna ásamt
Lilla og öðrum brúðum, vinum henn-
ar sem koma þar fram. En hún var í
nýju hlutverki þegar hún renndi
undir leiðsögn Ásgeirs maðki í Sjáv-
arfoss, beint undir Höfðabakka-
brúnni, og reyndi í fyrsta skipti á
ævinni að setja í lax. Og það tók ekki
margar mínútur; fljótlega fór endi
stangarinnar að titra og kipptist nið-
ur, Helga kipptist þá til, lyfti stöng-
inni brosandi og þau Ásgeir stigu
upp úr ánni. Skömmu síðar var
Helga komin með maríulaxinn, sjö-
tíu sentimetra hæng í hendurnar.
„Ætli hann sé ekki bara tíu kíló,“
sagði hún glöð og beindi silfruðum
fiskinum til himins, en sex pund,
þrjú kíló, var þó nær lagi.
Takan og löndunin hjá Reykvík-
ingi ársins var ljós- og kvikmynduð
af fulltrúum fjölmiðla og félaga-
samtaka sem fjölmenntu á staðinn
og á eftir vildu allir ræða við veiði-
konuna. Blaðamaður gekk svo með
henni að veiðihúsinu þar sem hún
hélt á laxinum og hún sagði það
skemmtilegt, hún væri vön að halda
á brúðunum en laxinn færi líka vel í
hendi. Hún gladdist yfir viðurkenn-
ingunni.
„Ég er stolt af því að hljóta hana,“
sagði Helga. „Ég er Reykvíkingur í
húð og hár, vil hvergi annars staðar
vera, og í fjörutíu ár hef ég unnið
með yngstu kynslóðinni í Brúðubíln-
um hér í borginni. Mér finnst ég al-
veg geta staðið undir þessari útnefn-
ingu.“ Og þegar Helga renndi
laxinum í vask við húsið sagði hún
þetta maríulaxinn en hún hefði þó
áður veitt en eingöngu silung í vötn-
um.
Hvernig fannst henni annars að
veiða með fjölmiðlana viðstadda?
„Ég tók ekkert eftir þeim,“ svar-
aði hún brosandi. „Ég var svo upp-
tekin af því að finna fyrir laxinum.
Hann sveimaði fyrst í kring, snerti
og ég fann fyrir honum, og þegar
hann beit á var þetta verulega flott.“
Og hún bætti við að leiðsögumað-
urinn kynni sitt fag.
Þegar Helga hafði landað fyrsta
laxinum tók Dagur B. Eggertsson
borgarstjóri við stönginni og renndi
í Sjávarfoss. Og varla var mínúta lið-
in er stöngin svignaði og talsvert tog
hófst en því lyktaði með því að 83 cm
hængur kom á bakkann og borg-
arstjórinn brosti breitt yfir þeim
væna afla. Og þá var komið að Þór-
dísi Lóu Þórhallsdóttur borgar-
fulltrúa og hún var ekki eftirbátur
hinna, landaði fyrstu hrygnunni, 80
cm langri. Laxinn er greinilega
mættur til borgarinnar. efi@mbl.is
Morgunblaðið/Einar Falur
Takan Laxinn tekur maðkinn hjá Helgu Steffensen við Sjávarfoss og hún
gleðst yfir að finna fyrir honum. Ásgeir Heiðar er henni til aðstoðar.
„Var svo upptekin af því
að finna fyrir laxinum“
 Helga Steffen-
sen útnefnd Reyk-
víkingur ársins
Upphafning Helga hampar marílax-
inum undir Höfðabakkabrúnni.
Borgarstjórnarfulltrúa úr meiri-
hluta annars vegar og minnihluta
hins vegar greinir á um það hvort
37% tekjuaukning Reykjavíkurborg-
ar á síðastliðnum fjórum árum vegna
fasteignaskatts sé eðlileg. Umfjöllun
um miklar hækkanir fasteignaskatta
birtist í Morgunblaðinu síðastliðinn
miðvikudag en tekjur Reykjavíkur-
borgar hafa aukist mun meira vegna
þeirra en hjá öðrum sveitarfélögum
og eru nú 146 þúsund krónur á hvern
íbúa.
„Sláandi“ samanburður
„Það er sláandi að sjá samanburð-
inn á milli sveitarfélaga. Þetta er al-
veg gríðarleg hækkun sem hefur átt
sér stað,“ segir Vigdís Hauksdóttir,
borgarfulltrúi Miðflokksins, um
hækkanirnar.
„Ég tel að þetta séu orðnar mjög
óeðlilegar álögur fyrir íbúa Reykja-
víkur sem búa við þessa hertu gjald-
töku,“ segir Vigdís sem telur mikið
svigrúm til lækkana á álögum borg-
arinnar á borgarbúa.
Heiða Björg Hilmisdóttir, borgar-
fulltrúi Samfylkingarinnar, er ekki
sammála því.
„Ef við ætlum að minnka tekjur
okkar mjög mikið þá þurfum við að
ákveða hvar við ætlum að skera nið-
ur þjónustu.“
Segir ekki svigrúm til lækkana
Heiða segir auknar tekjur borg-
arinnar af fasteignaskatti eðlilegar.
„Önnur ástæðan er sú að það er verið
að byggja mjög mikið í borginni og
hin sú að verðið á húsnæði hefur
hækkað. Okkar viðbrögð við því voru
að lækka prósentuna á síðasta kjör-
tímabili,“ segir Heiða.
Ekki hefur komið til skoðunar að
lækka prósentuna aftur á þessu
kjörtímabili.
„Á síðasta kjörtímabili fannst okk-
ur vera svigrúm til þess að gera það
en nú metum við stöðuna fram undan
ekki þannig að það sé tímabært að
fara að velta því fyrir sér,“ segir
Heiða sem bætir því við að samt sem
áður sé stefnan að lækka álögur á
fasteignahúsnæði á næsta ári.
Vigdís segir að minnihlutinn muni
beita sér fyrir því að fasteignaskatt-
urinn í höfuðborginni verði lækkaður
en hann bitni helst á tekjulágum
hópum. ragnhildur@mbl.is
Greinir á um
skattalækkanir
 Vigdís segir nú tækifæri til lækkana
Morgunblaðið/Ómar
Miðbærinn Húsnæðisverð í borginni hefur hækkað mikið á síðustu árum.
Rósa Margrét Tryggvadóttir
rosa@mbl.is
„Kjalvegur er aldrei góður en af
Kjalvegi að vera er hann í lagi hér
norður af. Nokkrar holur og þvotta-
bretti,“ segir Gunnar Þór Karlsson,
bílstjóri hjá SBA-Norðurleið, en
hann fór í fyrstu áætlunarferð fyrir-
tækisins yfir Kjalveg á leiðinni milli
Reykjavíkur og Akureyrar á þriðju-
daginn var. Vegurinn var opnaður að
fullu 24. maí síðastliðinn, tæplega
mánuði fyrr en síðasta sumar en þá
var vegurinn opnaður 15. júní. Að
sögn Magnúsar Inga Jónssonar,
þjónustufulltrúa Vegagerðarinnar,
var vegurinn heflaður fyrir þremur
vikum og er fær öllum bílum.
Enginn snjóskafl á leiðinni
Gunnar var á ferð yfir Kjalveg
þegar blaðamaður hafði samband og
sagði eftirtektarvert hversu þurrt
væri á veginum og kvaðst engan
snjóskafl hafa séð þrátt fyrir að vera
í 600 metra hæð. Þetta segir Gunnar
óvenjulegt á þessum tíma en hann
hefur ekið áætlunarferðir um Kjöl í
14 ár. Hann segir útlit vegarins gefa
til kynna að veturinn hafi verið mild-
ur og bætir við að lækkandi yfirborð
Blöndulóns segi til um að þurrkurinn
hafi byrjað snemma í vor.
Gunnar segist lítið hafa orðið var
við ryk á leiðinni en telur líklegt að
sandfok gætið orðið á veginum með
auknum vindi.
Samkvæmt upplýsingum frá
Vegagerðinni hafa vinsælir fjallvegir
almennt verið opnaðir fyrr en vana-
lega. Vegur 208 úr Þjórsárdal yfir í
Landmannalaugar var opnaður 24.
maí en vegurinn yfir Skaftártungu
var opnaður síðasta laugardag og er,
að sögn Magnúsar Inga, jeppafær.
Segist hann ekki reikna með að
vegurinn inn á Sprengisand verði
opnaður fyrir mánaðamót en að veg-
ir á Syðra-Fjallabaki verði líklega
opnaðir í næstu viku.
Morgunblaðið/Einar Falur
Hálendið Kjalvegur var opnaður
tæplega mánuði fyrr en í fyrra.
Kjalvegur opinn og
ekki snjóskafl að sjá
 „Nokkrar holur og þvottabretti“
 Vinsælir fjallvegir opnaðir snemma
Viðarhöfða 1, 110 Reykjavík | Sími 566 7878 | rein.is
silestone.com
Bakteríuvörn
Kvarts steinn frá Silestone er fáanlegur í fjölbreyttum áferðum og litum.
Silestone bjóða einir upp á borðplötur með varanlegri
bakteríu- og sveppavörn.
Gefðu heimilinu ferskleika og líf á þínum forsendummeð Silestone.
Blettaþolið Sýruþolið
Högg- og
rispuþolið
Kvarts steinn
í eldhúsið