Morgunblaðið - 26.08.2019, Blaðsíða 6

6 FRÉTTIRInnlent
MORGUNBLAÐIÐ MÁNUDAGUR 26. ÁGÚST 2019
Sigurður Bogi Sævarsson
sbs@mbl.is
„Aðgerðir, tækni og lausnir sem
vinna eiga gegn hlýnun andrúms-
loftsins þróast hratt þessi miss-
erin. Við munum því væntanlega
sjá miklar breytingar á allri gerð
samfélagsins á næstu tíu til fimm-
tán árum,“ segir Eggert Benedikt
Guðmundsson, nýr forstöðumað-
ur samstarfsvettvangs stjórn-
valda og atvinnulífs um loftslags-
mál og grænar lausnir. Þann 12.
september verður haldinn form-
legur stofnfundur þessa vett-
vangs, sem byggist m.a. á aðild
forsætis-, umhverfis, utanríkis-
og atvinnuvegaráðuneyta, sem og
fyrirtækja og hagsmunasamtaka í
atvinnulífinu.
Í lok maí sl. var undirritað
samkomulag um málið og vinna
sett af stað. Tilgangurinn með
starfinu er að bæta árangur Ís-
lands í loftslagsmálum og miðla
fjölbreyttu framlagi landsins á því
sviði. Einnig að tryggja virkt sam-
starf stjórnvalda og atvinnulífs og
styðja við markaðssetningu og
viðskiptaþróun fyrirtækja sem
hasla sér völl á þessu sviði, að
sögn Eggerts sem hefur starfs-
aðstöðu hjá Íslandsstofu.
Markmiðin náist
fyrr en áætlað er
Á þessu ári hafa nokkrir
stofnaðilanna lagt samráðsvett-
vanginum til rekstrarfé svo vinna
megi ýmsum verkefnum hans
framgang. Meðal annars er stefnt
að því að setja á laggirnar sér-
staka kynningarstofu þar sem
fræðsla um áskoranir í loftslags-
málum verða í brennidepli. Samn-
ingar gera ráð fyrir að samstarfs-
vettvangurinn verði starfræktur
að minnsta kosti út árið 2021, en
um mitt það ár verða áformin sem
fyrir liggja endurmetin. „Mark-
miðin sem Íslendingar hafa sett
sér í loftslagsmálum eru háleitari
en hjá mörgum öðrum þjóðum. Á
mörgum vígstöðvum eru komnar
áætlanir um að draga úr útblæstri
koltvíoxíðs. Hér á til dæmis að
vera búið að skipta út bílum knún-
um jarðefnaeldsneyti árið 2030 og
á Ísland að verða kolefnis-
hlutlaust árið 2040. Þetta hefur
vakið athygli víða og í heimsókn
sinni hingað til lands í síðustu
viku nefndi Angela Merkel, kansl-
ari Þýskalands, að hér ætti að ná
kolefnisjöfnun tíu árum fyrr en
þjóð hennar og Evrópusambandið
áforma. Slíkt þætti sér mjög
áhugavert,“ segir Eggert og held-
ur áfram:
Reynsla heillar aldar
„Raunar trúi ég því að Ísland
nái markmiðum um orkuskipti og
kolefnisjöfnun fyrr en nú er áætl-
að er. Rafbílar verða æ fullkomn-
ari og langdrægari og hleðslu-
stöðvum er fjölgað hratt. Hér á
landi búum við sömuleiðis að því
að orkugjafar landsmanna, raf-
magn og heitt vatn, eru hreinir og
endurnýtanlegir og þar búum við
að reynslu heillar aldar. Hvar-
vetna í atvinnulífinu og hjá al-
menningi hafa menn áttað sig á
því að við verðum að grípa til að-
gerða gegn hnattrænni hlýnun.“
Eggert segir að með áherslu
á orkuskipti í samgöngum geti Ís-
lendingar fljótt og vel náð miklum
árangri og dregið úr losun kol-
díóxíðs. Einnig þurfi að vinna
hratt að lausnum í iðnaði, land-
búnaði og losun úrgangs. Þá los-
un, sem eftir verður, sé nauðsyn-
legt að binda á einhvern hátt.
Landgræðsla, skógrækt og bind-
ing í berg séu mjög árangursríkar
leiðir að því markmiði, enda hafi
Íslendingar í þeim efnum miklu
að miðla. Raunar vekur Ísland
mikla athygli í öllu sem lýtur að
hnattrænni hlýnun, sbr. að jökull-
inn Ok er horfinn eins og mikið
hefur verið fjallað um.
Vel sett með auðlindir
„Á heimsvísu er orkufram-
leiðsla, einkum til raforku og hit-
unar, það sem mestri mengun
veldur og stuðlar helst að hlýnun.
Á Íslandi erum við hins vegar svo
vel sett með auðlindir að hér er
þetta vandamál ekki til staðar. Öll
okkar raforka og kynding kemur
frá hreinum orkugjöfum. Því get-
um við strax beint kröftum okkar
að orkuskiptum í samgöngum og
það mál ætti að vera auðleyst.
Aðrir þættir sem horfa þarf til
eru síðan til dæmis sjávarútveg-
urinn, atvinnugrein sem þegar
hefur náð miklum árangri í um-
hverfismálum eins og ég þekki vel
úr fyrri störfum mínum. Lykil-
atriði í þessu öllu er samt sem áð-
ur að ná sem flestum að borðinu.
Fá fólk og fyrirtæki til samvinnu í
verkefnum sem skipta framtíð
okkar miklu og skapa Íslandi sér-
stöðu og forystu í loftslagsmálum
á heimsvísu ,“ segir Eggert.
Skapa Íslandi sérstöðu og forystu á heimsvísu í loftslagsmálum
Morgunblaðið/Sigurður Bogi
Umhverfismál Ísland nái markmiðum í kolefnisjöfnun fyrr en nú er áætlað, segir Eggert Benedikt.
Markmiðin eru háleit
 Eggert Benedikt Guðmunds-
son fæddist árið 1963. Er með
meistaragráðu í rafmagnsverk-
fræði frá Þýskalandi auk þess
að hafa lokið MBA- og AMP-
gráðum á Spáni.
 Eggert býr að víðtækri
reynslu úr atvinnulífinu, m.a.
sem forstjóri HB-Granda og
síðar N1. Hefur einnig setið í
stjórnum fyrirtækja og menn-
ingarstofnana.
Hver er hann?
Jón Birgir Eiríksson
jbe@mbl.is
Í dag hefst af krafti skólastarf í nýrri
stoðdeild Háaleitisskóla, Birtu, sem
sérstaklega er sniðin að erlendum
börnum sem sækjast eftir alþjóð-
legri vernd hér á landi. Undanfarnar
vikur hefur skólastarfið verið und-
irbúið, en deildin er talsvert ólík
hefðbundnum bekkjum í grunnskóla.
Í deildinni er unnið að mati á
námslegri stöðu nemenda og hlúð að
félagslegum og sálrænum þáttum
þeirra. Auk barna sem sótt hafa um
alþjóðlega vernd er mögulegt að
einnig verði í deildinni börn sem hafi
að baki mjög rofna skólagöngu er-
lendis.
Sjö börn til að byrja með
Kostnaður Reykjavíkurborgar við
deildina fyrir árið 2019 verður rúm-
lega fjórtán milljónir króna, en heild-
arkostnaður er rúmlega 24 milljónir
króna og er framlag ríkisins 10 millj-
ónir króna.
Fyrir liggur að sjö börn muni
hefja nám við deildina til að byrja
með, en fjöldi nemenda gæti þó orðið
fljótandi yfir skólaárið að sögn Aðal-
heiðar Diego deildarstjóra í ljósi
þess að um 70% umsókna hælisleit-
enda sé vísað frá. Ný börn gætu
einnig hafið nám.
Börnin sjö sem hefja nám í dag eru
frá Sýrlandi, Írak, Nígeríu og El
Salvador, að hennar sögn. Deildin
byggist að miklu leyti á sambæri-
legri deild sem starfrækt hefur verið
í Hafnarfirði. Birta verður starfrækt
í skóla Háaleitisskóla í Álftamýri
sem hét Álftamýrarskóli áður en
hann sameinaðist Hvassaleitisskóla.
Í Álftamýri er skóli fyrir 1.-7. bekk
og unglingadeild í Hvassaleiti.
„Við erum spennt að sjá hvernig til
tekst. Okkar hlutverk er fyrst og
fremst að veita þessum börnum ör-
yggi og láta þeim finnast þau til-
heyra einhverju og byggja síðan ofan
á það,“ segir Aðalheiður, en í deild-
inni verða börn í 3.-10. bekk. Yngstu
börnin verða í skólum í sínum hverf-
um.
„Börnin verða í bekk hjá mér í
staðinn fyrir að vera í hefðbundnum
bekkjum. Eins og er eru þrír starfs-
menn og einn stuðningsfulltrúi,“ seg-
ir hún, en námskráin verður ein-
staklingsmiðuð enda eru börnin á
öllum aldri og færni þeirra misjöfn.
Aðalheiður segir að þótt börnin
verði að miklu leyti til í stoðdeildinni
sjálfri muni þau einnig sækja
kennslustundir með öðrum bekkjum
skólans. „Fyrsta vikan verður róleg
inni í okkar deild. Síðan munum við
leitast við að koma þeim í sund, leik-
fimi og annað, eftir því hvar þau eru
stödd,“ segir hún. „Þau taka þátt í
verkgreinum þar sem tungumála-
kunnáttan þarf ekki að vera mikil til
að geta verið með. Það er okkar
markmið. Þetta er þróunarverkefni
og nú erum við bara að reyna að
finna út hvernig við gerum þetta sem
best. Við tökum starfið út vikulega til
að sjá hvernig okkur gengur,“ segir
Aðalheiður.
Ný stoðdeild til starfa í Háaleitisskóla
 Sérstök deild hefur verið sett á laggirnar fyrir umsækjendur um alþjóðlega vernd hér á landi
Funahöfða 7, 110 Reykjavík | Sími 577 6666
., '*-�-��,�rKu�,
KIEL/ - OG FRYSTITJEKI
Iðnaðareiningar
í miklu úrvali
Eldur kom upp í sumarbústað á
Barðaströnd á Vestfjörðum síðdeg-
is í gær, að sögn Davíðs Rúnars
Gunnarssonar slökkviliðsstjóra.
Ekki tókst að bjarga bústaðnum en
allt tiltækt slökkvilið tók þátt í
slökkvistarfinu, alls átján manns,
auk lögreglu og sjúkraliðs.
Slökkviliðmenn frá Patreksfirði,
Tálknafirði og Bíldudal tóku þátt í
slökkvistarfinu. Að sögn Davíðs var
bústaðurinn mikið brunninn þegar
slökkviliðið kom á vettvang á sjö-
unda tímanum í gær og ljóst að
hann er ónýtur. Enginn var í bú-
staðnum þegar eldurinn kom upp.
Að sögn Davíðs er bústaðurinn á
Barðaströnd, rétt innan við Kleifa-
heiði í Holtsdal. Mikill gróður er
allt í kring. Svo vel vildi til að rignt
hafði í gær þannig að ekki urðu
miklar gróðurskemmdir en mjög
þurrt hefur verið á Barðaströndinni
í sumar.
Sumarbústaður
brann fyrir vestan
 Allt tiltækt slökkvilið kom á staðinn
Eldur Slökkviliðsmenn búnir að slökkva eld í sumarbústað á Barðaströnd.
Brautarholti 24 • 105 Reykjavík • S.: 562 6464 • henson@henson.is
SENNILEGA FJÖLHÆFASTA FATAFRAMLEIÐSLUFYRIRTÆKI ÍSLANDS
OG ÞÓ AÐ VÍÐAR VÆRI LEITAÐ!
• FLOTTUSTU BÚNINGARNIR.
• ÞÍNAR SÉR ÓSKIR UM FJÖLBREYTTA
FRAMLEIÐSLU EÐA MERKINGAR.
• 846 BLS BÆKLINGUR Á HEIMASÍÐUNNI HENSON.IS
TIL MERKINGA EÐA EKKI.
SÍÐAN 1969