Morgunblaðið - 27.08.2019, Síða 13

FRÉTTIR 13Erlent
MORGUNBLAÐIÐ ÞRIÐJUDAGUR 27. ÁGÚST 2019
BAKARÍ / KAFFIHÚS / SALATBAR
SÉRBAKAÐfyrir þig
SALATBAR
ferskur allan
daginn
Sunnumörk 2, Hveragerði, og Larsenstræti 5, Selfossi • Sími 483 1919,
Almar bakari • Opið alla daga kl. 7-18
Oranienburg. AFP. | Hópur gesta á
vegum þjóðernisflokksins AfD, Ann-
ars kosts fyrir Þýskaland, olli
hneykslun í fyrrasumar þegar hann
skoðaði safn til minningar um
fórnarlömb nasista í Sachsenhau-
sen-fangabúðunum í austanverðu
landinu. Nokkrir í hópnum byrjuðu
að spyrja leiðsögumann safnsins
beinskeyttra spurninga um loft-
árásir bandamanna í síðari heims-
styrjöldinni og ýjuðu að því að af-
leiðingar þeirra hefðu verið
sambærilegar við grimmdarverk
nasista. „Eins og starfsfélagi minn
sagði mér, skelfingu lostinn, voru
þeir augljóslega þjálfaðir í rökræð-
um og svo fór að lokum að þeir
drógu í efa að gasklefarnir hefðu
verið til og að fjöldamorðin hefðu
verið framin í þeim,“ sagði Axel Dre-
coll, yfirmaður safnsins.
Stoltir af „afrekum
þýskra hermanna“
Leiðsögumaðurinn sagði skilið við
hópinn og gestunum var vísað út.
Drecoll krafðist afsökunarbeiðni frá
einum forystumanna AfD, Alice
Weidel, sem skipulagði ferðina í
Sachsenhausen, en hann bíður enn
eftir svari. Fyrr í mánuðinum
ákærðu yfirvöld í sambandslandinu
Brandenborg einn gestanna fyrir að
kynda undir kynþáttahatri.
Forystumenn AfD hafa gagnrýnt
þá afstöðu þýskra stjórnvalda síð-
ustu áratugi að viðurkenna beri
glæpi nasista og draga lærdóma af
þeim. Alexander Gauland, annar
leiðtoga þjóðernisflokksins, hefur
sagt að Þriðja ríkið, tólf ára valda-
tími nasista frá 1933 til 1945, sé að-
eins „fugladritsflekkur“ á annars
glæstri sögu Þýskalands og að Þjóð-
verjar eigi að hafa rétt til að vera
stoltir af „afrekum þýskra her-
manna í heimsstyrjöldunum“. Björn
Höcke, talsmaður þingflokks AfD í
Þýringalandi (Thüringen), hefur
gagnrýnt Helfararsafnið í Berlín,
sem hann hefur lýst sem „minnis-
varða um skömm“, og sagt að Þjóð-
verjar þurfi að taka „180 gráðu
snúning“ í afstöðu sinni til sögu
Þýskalands.
Langflestir sýna
tilhlýðilega virðingu
Búist er við að þýski þjóðernis-
flokkurinn auki fylgi sitt í kosning-
um til þinga þriggja sambandslanda
á næstu vikum. Kannanir benda til
þess að hann geti orðið stærstur á
þingum Brandenborgar og Saxlands
í kosningum sem fara fram á sunnu-
daginn kemur og honum er einnig
spáð miklu fylgi í Þýringalandi 27.
október. Búist er við að hinir flokk-
arnir taki höndum saman til að koma
í veg fyrir að þjóðernisflokkurinn
komist til valda í Brandenborg.
Drecoll segir að söfn á borð við
Sachsenhausen þurfi að laga sig að
breyttum tímum til að verjast gagn-
rýni þjóðernissinna og búa sig undir
það að enginn þeirra sem lifðu af
grimmdarverk nasista verði til frá-
sagnar um glæpina því að senn líði
að því að þeir hafi allir fallið frá.
Hann segir að söfnin þurfi að nýta
sér nýjustu margmiðlunartækni án
þess að missa sjónar á því hlutverki
sínu að fræða gesti um fortíðina og
votta minningu fórnarlambanna
virðingu sína. „Þetta er líka grafreit-
ur. Við þurfum að minnast þeirra
með reisn og ekki bara með geðs-
hræringu – tárin fræða ekki.“
Um 200.000 manns var haldið í
Sachsenhausen-fangabúðunum á ár-
unum 1936 til 1945 – gyðingum, póli-
tískum föngum frá Þýskalandi og
fleiri Evrópulöndum, hommum og
fólki í fleiri hópum sem nasistar höt-
uðu. Að minnsta kosti 40.000 fang-
anna voru drepnir eða dóu af völdum
hungurs og slæmra aðstæðna í
fangabúðunum.
Ár hvert koma um 700.000 manns
í safnið til að skoða það, tvöfalt fleiri
en fyrir áratug. Drecoll segir að
mikill meirihluti gestanna sýni
fórnarlömbum nasista tilhlýðilega
virðingu.
Drógu hópmorð í efa
 Safnstjóri Sachsenhausen-búðanna hefur áhyggjur af
tilhneigingu þjóðernissinna til að afneita glæpum nasista
AFP
Glæpa nasista minnst Safnstjórinn Axel Drecoll sýnir gestum Sachsenhausen-búðirnar í Oranienburg í austan-
verðu Þýskalandi. Þar er nú safn til minningar um fórnarlömb nasista í útrýmingarbúðum á valdatíma þeirra.
Donald Trump Bandaríkjaforseti
reyndi að draga úr spennunni í við-
skiptadeilunum við Kínverja á loka-
degi leiðtogafundar G7-ríkjanna í
franska strandbænum Biarritz í gær.
Leiðtogar á fundinum höfðu lagt að
Trump að hætta við að hækka tolla á
kínverskar vörur og sagt að tolla-
stríðið skaðaði efnahag heimsins.
Trump virtist bjartsýnn á að samn-
ingaviðræður við Kínverja bæru
árangur. „Allt er mögulegt,“ svaraði
forsetinn þegar hann var spurður
hvort til greina kæmi að fresta eða af-
lýsa boðuðum tollahækkunum. For-
setinn sagði að kínversk stjórnvöld
hefðu hringt í bandaríska embættis-
menn kvöldið áður til að biðja um að
samningaviðræður hæfust að nýju.
Talsmaður kínverska utanríkisráðu-
neytisins vefengdi þetta og kannaðist
ekki við að kínverskir embættismenn
hefðu hringt í bandarísk stjórnvöld.
Spennan í viðskiptadeilunum jókst
um helgina eftir að Kínverjar til-
kynntu á föstudaginn var að þeir
hygðust leggja nýja tolla á bandarísk-
an varning að andvirði 75 milljarða
bandaríkjadala. Stjórn Trumps svar-
aði með því að boða að tollar á kín-
verskan varning að andvirði 250 millj-
arða dala yrðu hækkaðir úr 25% í 30%
1. október. Hún kvaðst einnig ætla að
hækka tolla á annan kínverskan varn-
ing að andvirði 300 milljarða dala úr
10% í 15%.
Yfirlýsingar Trumps um málið
voru misvísandi um helgina. Hann
kvaðst á sunnudag hafa „bakþanka“
um hækkun tolla á kínverskan varn-
ing en Hvíta húsið gaf út yfirlýsingu
nokkrum klukkustundum síðar þar
sem fram kom að forsetinn sæi aðeins
eftir því að hafa ekki hækkað tollana
meira.
Meiri sáttatónn var í Trump í gær
og hann sagði að Bandaríkin og Kína
myndu hefja viðræður um viðskipta-
deilurnar „mjög bráðlega“.
Lofa aðstoð vegna skógarelda
Emmanuel Macron, forseti Frakk-
lands, sagði að leiðtogafundurinn
hefði verið mjög árangursríkur.
Trump tók í sama streng, sagði að
Macron hefði staðið sig „frábærlega“
í hlutverki sínu sem gestgjafi og
fundarstjóri.
Macron sagði að leiðtogarnir hefðu
m.a. náð samkomulagi um skatta á
tæknirisa, mál sem bandarísk og
frönsk stjórnvöld hafa deilt um.
Árangur hefði einnig náðst í viðræð-
um um kjarnorkuáætlun Írans og
grundvöllur væri nú fyrir því að
Trump ætti fund um málið með Hass-
an Rouhani, forseta Írans. Trump
kvaðst myndu samþykkja fund með
Rouhani „ef aðstæðurnar væru rétt-
ar“ og sagði að svo virtist sem það
væri „raunhæft“ að ætla að þeir gætu
komið saman á næstu vikum.
Leiðtogarnir samþykktu að verja
20 milljónum bandaríkjadala, jafn-
virði 2,5 milljarða króna, í aðstoð við
að slökkvistarfið í Amason-regnskóg-
unum vegna elda sem hafa geisað þar
síðustu mánuði. Þeir samþykktu einn-
ig að styðja áætlun um aðgerðir gegn
skógareyðingu á Amason-svæðinu
sem ráðgert er að boða í næsta mán-
uði. bogi@mbl.is
Sáttatónn í
Trump á leið-
togafundi G7
 Boðar nú viðræður við Kínverja og
ljær máls á fundi með forseta Írans
AFP
Þétt handtak Donald Trump og Emmanuel Macron takast í hendur á blaða-
mannafundi í Biarritz í gær þegar leiðtogafundi G7-ríkjanna lauk.