Morgunblaðið - 27.08.2019, Qupperneq 15

15
MORGUNBLAÐIÐ ÞRIÐJUDAGUR 27. ÁGÚST 2019
Reykjavík Menn létu ekki rigninguna á sig fá og unnu af krafti við að byggja nýtt hús við Bæjarháls í gær. Steypudælan dældi steypu í mótin og byggingakranarnir hífðu og slökuðu til skiptis.
Hari
Nú ber nýrra við á
hinu háa Alþingi,
fregnir berast af því
að þingmenn hlaðnir
eldmóði að klára
þriðja Orkupakkann
rífist við gesti sína og
skammi þá fyrir að
hafa móðgað sig með
röngum skoðunum að
þeirra mati. Sú var tíð-
in að mikilvægt þótti
eins og enn í nefndarstarfi Alþingis
að fá fram með- og mót-mælendur
til að fjalla um kost og löst á þing-
málum. Muni ég þetta rétt komu
gestir og fluttu sitt mál og sátu svo
og svöruðu oft skeleggum spurn-
ingum þingmanna um málið en öll
efnisleg umræða eða rökræða fór
fram milli þingmanna eftir að gestir
hurfu af fundi. Nú berast fregnir af
því að nánast sé ráðist að gestum
með svigurmælum, þeir sagðir
móðga háttvirta þingmenn með
„heimsku“ sinni og það sé and-
styggilegt að hlusta á málflutning
þeirra. Svona framkoma er ekki
boðleg en um þetta hafa borist
fréttir í sumar og þingmenn ráðist
að gestunum í fjölmiðlum eftir
fundina eða á fasbókinni. Þetta eflir
ekki virðingu Alþingis eða auðveld-
ar þá mikilvægu vinnu sem Alþingi
er falin, að hlusta á öll rök með og
móti og leiða mál til lykta. Fram-
koma af þessu tagi ber vott um
skort á sjáfsvirðingu og þá einnig
sjálfstrausti því sá sem hefur það til
að bera kemur ekki fram með þess-
um hætti.
Mig minnir að umdeild mál lentu
oft í frysti og frekari vinnslu en nú
er öldin önnur „vér einir vitum“ og
umræðu er lokið og skítt með þjóð-
ina, hún veit ekkert.
Þá kemur manni annað mál í hug,
Icesave, megnið af þingheimi álykt-
aði gegn almannaviljanum þar og
varð tvisvar undir í þjóðaratkvæða-
greiðslu og svo vann Ísland málið
fyrir EFTA-dómstólnum. Íslenska
ríkið var sýknað af öllum kröfum
ESA. Mikill meirihluti á Alþingi er
því ekki vissa um
sanngjarna niðurstöðu
eða rétta, ekki einu
sinni að niðurstaðan
standist dómstóla-
meðferð. Orkupakka-
málið er svo vanreifað
að það er skylda Al-
þingis að taka það til
endurskoðunar, bæði
vegna almannaviljans
og ekki síður vegna
þess að hina færustu
sérfræðinga greinir á
um afleiðingar máls-
ins. Farsæll stjórnmálaleiðtogi
keyrir aldrei svona umdeilt mál
áfram. „Víðar er Guð en í Brussel.“
Og margir telja að þar snúist allt
um markaðinn og dansinn kringum
gullkálfinn. Fólkið vill ekki ana út í
ófæru, tilfinningin er sú að það sé
að gerast og rökræðan er meingöll-
uð og málið ekki tilbúið til loka-
afgreiðslu á Alþingi því almennt
segir fólkið eins og einn oddviti rík-
isstjórnarflokkanna sagði svo eftir-
minnilega: „Hvað í ósköpunum ligg-
ur mönnum á að komast undir
sameiginlega raforkustofnun Evr-
ópu á okkar einangraða landi með
okkar eigið raforkukerfi? Hvers-
vegna í ósköpunum hafa menn
áhuga á því að komast undir boð-
vald þessa stofnana?“
Þarna liggur hundurinn grafinn,
ca. 75% fólksins í landinu eru þarna
stödd og reiðin kraumar í rík-
isstjórnarflokkunum eins og eldur í
iðrum jarðar. Hvað gerist eftir 2.
september n.k.? Verður niðurstaðan
ögrun við þjóðina, lýðræðið og við
almenna skynsemi. Stopp, kjörnir
fulltrúar Alþingis, gefið tíma og
andrúm!
Eftir Guðna
Ágústsson
» Orkupakkamálið er
svo vanreifað að það
er skylda Alþingis að
taka það til endurskoð-
unar.
Guðni Ágústsson
Höfundur er fv. alþingismaður og
ráðherra.
Þingmenn atyrða
gesti Alþingis
Íslenskum stjórn-
málamönnum og emb-
ættismönnum ber að
setja hagsmuni Ís-
lands og Íslendinga í
fyrsta sæti í öllum
mikilvægum málum og
sérstaklega þeim sem
snúa að stefnumark-
andi málum sem varða
verðmætar auðlindir
landsins. Náttúru-
auðlindir Íslands, svo
sem hrein endurnýjanleg orka,
hreinar sjávarafurðir, lífrænar land-
búnaðarafurðir og íslenska vatnið,
munu aðeins hækka í verði vegna
mikllar eftirspurnar á nýrri öld
náttúru- og umhverfisverndar. Um-
hverfisvernd, náttúruvernd og
snjallar hugmyndir munu verða
helstu þættir samkeppnishæfni á
21. öldinni. Ísland hefur nóg af
hreinni endurnýjanlegri orku,
hreinu vatni og náttúruauðlindum
sem gera Ísland að einu ríkasta og
verðmætasta landi heims.
Ísland varð frjálst og fullvalda
ríki 1. desember 1918, sem er einn
merkasti áfangi í sjálfstæðisbaráttu
landsins sem hafði þá staðið í hart-
nær eina öld. Margir virðast hafa
gleymt þeirri miklu baráttu, þraut-
seigju og fórn sem brautryðjend-
urnir ruddu fyrir þá sem nú njóta
ávaxta erfiðisins. Nú er rétti tíminn
til að hagsmunagæslan sé undir for-
ystu stoltra Íslendinga sem hafa trú
á Íslandi og tækifærum Íslands sem
eru ótrúlega mörg horft til fram-
tíðar.
Mikilvægasta hagsmunamál Ís-
lands á núverandi öld er að gæta
hagsmuna einstakra náttúru-
auðlinda landsins sem eru ómenguð
fiskimið, heitt og kalt vatn, endur-
nýjanleg orka og hreinar landbún-
aðarafurðir. Atlaga erlendra aðila
að eignarrétti Íslands og Íslendinga
mun aukast jafnt og þétt og þess
vegna er mikilvægt að Ísland tryggi
eignarrétt sinn þar sem verðmæta-
sköpun á eftir að aukast. Í ljósi
þessa þurfa íslenskir stjórnmála-
menn og embættis-
menn að gæta al-
mannahagsmuna og
setja hagsmuni Íslands
alltaf í fyrsta sæti.
Á undanförnum ár-
um hefur undirlægju-
háttur og einhver
skortur á stolti á Ís-
landi meðal stjórn-
málamanna og emb-
ættismanna aukist til
muna. Íslenska emb-
ættismannakerfið hef-
ur blásið út og verið
upptekið við að setja
upp gífurlegt kerfi reglugerða og
eftirlitsstofnana vegna EES í því
skyni að aðlaga Ísland að regluverki
ESB sem felur í sér meira ríkisbákn
og að hagsmunir Íslands eru ekki
alltaf í fyrsta sæti. Í forystusveit
ríkisstjórna vantar forystumenn
sem hafa sömu ástríðu og þeir
stjórnmálamenn sem færðu land-
helgi Íslands í 200 mílur og tóku
slaginn við erlendar þjóðir og gættu
hagsmuna Íslands í hvívetna. Það er
skortur á slíkum höfðingjum í dag
og þess vegna hefur undirlægju-
háttur aukist og staðfesta minnkað
til muna, sem er mikið áhyggjuefni.
Staðfesta, stolt og framsýni eru þeir
þættir sem munu skapa tækifæri
Íslands í samskiptum við aðrar
þjóðir.
Við skoðun málaflokka eins og
t.a.m. á sviðum orkumála, sjávar-
útvegsmála og nýtingar auðlinda
landsins þarf að ganga út frá hags-
munum Íslands og setja Ísland allt-
af í fyrsta sæti. Sú krafa mun aðeins
aukast og því skiptir miklu máli að
stjórnmálaflokkar og embættis-
menn tileinki sér ný vinnubrögð á
nýrri öld. Vinnubrögð undirlægju-
semi, stefnuleysis og skorts á
framtíðarsýn annarrar en að taka
upp lög og reglugerðir frá öðrum
ríkjum og á sama tíma tala niður Ís-
land í samskiptum við aðrar þjóðir
eru algerlega ólíðandi. Við þurfum
forystumenn sem standa í lappirnar
og hafa samningatækni til að ná
hagstæðum samningum við aðrar
þjóðir. Miðstýring og undirgefni
hefur ekki gefist þjóðum vel og geta
Grikkir og fleiri þjóðir Evrópu vitn-
að um það. Ísland á að stefna á við-
skipti við leiðtogaþjóðir heimsins á
jafningjagrundvelli og hafa hags-
muni Íslands alltaf í heiðri.
Stolt og snjallt Ísland
á 21. öldinni
Samkeppnishæfni Íslands hefur
aldrei verið meiri í samanburði við
önnur lönd vegna einstakrar stað-
setningar landsins, öflugs lífeyris-
kerfis og náttúruauðlinda sem
munu eingöngu hækka í verði. Hug-
vit og snjallar hugmyndir eru hluti
af nýsköpun sem er í fjölbreyttu og
hugmyndaríku umhverfi frum-
kvöðla. Í umræðu um alþjóða-
viðskipti meðal stjórnmálaflokka og
embættismanna virðist sem Evrópa
sé eina heimsálfan sem Ísland eigi
viðskipti við. Samt eru Bandaríkin
efnahagsvélin sem keyrir áfram
efnahagskerfi heimsins en virðast
ekki njóta sannmælis í umræðu um
alþjóðaviðskipti, þrátt fyrir að flest
bestu fyrirtæki heims séu banda-
rísk. Það þarf hugafarsbreytingu á
Íslandi sem opnar augu manna fyrir
því að það eru til fleiri heimsálfur
en Evrópa og margar eru þær mjög
öflugar í efnahagslegu tillti. Aukin
samskipti við Bandaríkin og Kína
hljóta að teljast mikil tækifæri og
vonandi fara þeir sem mest aðhyll-
ast ríkisstyrktan landbúnað Evr-
ópusambandsins og telja að Evrópa
sé fyrirheitna landið að opna augun
fyrir miklu stærri og öflugri mörk-
uðum sem munu verða framtíð-
armarkaðir Íslands horft til langs
tíma.
Eftir Albert Þór
Jónsson »Mikilvægasta hags-
munamál Íslands á
núverandi öld er að
gæta hagsmuna ein-
stakra náttúruauðlinda
landsins.
Albert Þór
Jónsson
Höfundur er viðskiptafræðingur, með
MCF í fjármálum fyrirtækja og 30
ára starfsreynslu á fjármálamarkaði.
albertj@simnet.is
Hagsmunir Íslands í
fyrsta sæti