Morgunblaðið - 27.08.2019, Blaðsíða 32

Faxafeni 14, 108 Reykjavík | Sími 551 6646
Laura Ashley á Íslandi
40-70%
afsláttur
af völdum
vörum
ÚTSALA
Opið virka daga kl. 10-18,
lokað laugardaga
Hljómsveitin Gaukshreiðrið kemur
fram á djasskvöldi Kex hostels í
kvöld kl. 20.30. Sveitina skipa
Sölvi Kolbeinsson á saxófón, Mika-
el Máni Ásmundsson á gítar, Anna
Gréta Sigurðardóttir á píanó, Birgir
Steinn Theódórsson á kontrabassa
og Magnús Trygvason Eliassen á
trommur. Aðgangur að tónleik-
unum er ókeypis.
Gaukshreiðrið leikur
djass á Kex hosteli
ÞRIÐJUDAGUR 27. ÁGÚST 239. DAGUR ÁRSINS 2019
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 670 kr.
Áskrift 7.240 kr. Helgaráskrift 4.520 kr.
PDF á mbl.is 6.420 kr. iPad-áskrift 6.420 kr.
Breiðablik hélt lífi í titilbaráttunni í
úrvalsdeild karla í fótbolta með
4:2-sigri á FH eftir að hafa lent 2:0
undir snemma leiks. Blikar eru sjö
stigum á eftir toppliði KR. Þrjú stig
skilja nú að Stjörnuna í 3. sæti og
Fylki í 8. sæti, en Stjarnan gerði
2:2-jafntefli við Val í dramatískum
leik í gær og fjörið var ekki minna í
3:2-sigri Fylkis á HK. »26 og 27
Blikar berjast enn
við KR um titilinn
ÍÞRÓTTIR FÓLK Í FRÉTTUM
Ísland kemur vel út þegar árang-
ur yngri landsliða í Evrópu í
handknattleik í sumar er skoð-
aður. Evrópska handknattleiks-
sambandið, EHF, tók saman lista
yfir árangur þjóða í yngri
landsliðum bæði karla og
kvenna. Þegar allt er lagt
saman er Ísland í 8. sæti.
Ef aðeins er horft til
árangurs yngri
karlalandsliðanna
er Ísland í 2.-4.
sæti ásamt
Spánverjum og
Svíum. Eru þær
þjóðir með 156
stig og aðeins
tveimur stigum á
eftir Ungverjum.
»25
Handboltastrákar
Íslands í 2.-4. sæti
Steinþór Guðbjartsson
steinthor@mbl.is
Sunna Olafson Furstenau hefur ver-
ið áberandi sem stjórnarmaður í
Þjóðræknisfélagi Íslendinga í Norð-
ur-Ameríku, INLofNA, undanfarinn
áratug og þar af sem forseti 2016-
2018. 17. júní síðastliðinn stóð hún að
stofnun Þjóðræknisfélags Íslend-
inga í Bandaríkjunum, INLUS, í
þeim tilgangi að tengja fólk, félög og
fyrirtæki í Bandaríkjunum traustari
böndum og þannig styrkja og efla ís-
lenska arfleifð.
INL var stofnað í Kanada fyrir
rúmri öld og fór fyrsta ársþingið
fram í Winnipeg 1919. Þjóðræknis-
félag Íslendinga, ÞFÍ, var stofnað 1.
desember 1939 og var 80 ára afmæl-
isþing haldið í fyrradag. Félögin
hafa unnið vel saman og Sunna segir
að engin breyting verði þar á.
INLUS sé hluti fjölskyldunnar og
öllum opið og þátttaka þar hafi engin
áhrif á þátttöku í INLofNA eða ÞFÍ.
„Þetta snýst fyrst og fremst um mis-
munandi skattareglur í sambandi við
frjáls framlög í Kanada og Banda-
ríkjunum,“ segir hún.
Bandarísk Íslendingafélög hafa
alla tíð verið í miklum minnihluta í
INLofNA. Sunna vekur athygli á því
að fólk af íslenskum ættum búi í öll-
um ríkjum Bandaríkjanna og með
stofnun INLUS vilji hún ná til þessa
hóps. Einstaklingarnir þurfi ekki að
vera meðlimir í einstökum sam-
tökum heldur hafa áhuga á ein-
hverju sem tengir þá við Ísland og
íslenska menningu. „Við einblínum
ekki eingöngu á Íslendingafélögin
heldur líka á einstaklinga, fjöl-
skyldur og fyrirtæki, sem hafa
áhuga á einhverju sem tengist Ís-
landi.“
Kynningarstarf
INLUS er með heimasíðu
(www.INLUS.org) og stjórn félags-
ins hefur gefið út upplýsingabækl-
ing, sem dreifa á víða í Bandaríkj-
unum, meðal annars á norrænum
viðburðum. „Við viljum að Ísland og
íslensk málefni verði sýnilegri á
þessum vettvangi en nú er,“ segir
hún og vísar til þess að hún sjái fyrir
sér þátttöku af íslenskum meiði með
ýmsum hætti, meðal annars með
ferðakynningum, íslensku listafólki
og svo framvegis.
Sunna bendir á að erfitt hafi verið
að fá styrki frá INLofNA til málefna
í Bandaríkjunum, en INLUS hafi
þegar veitt skólastyrk til íslensku-
náms við Háskóla Íslands og komi til
með að styrkja bandaríska þátttak-
endur í Snorraverkefninu á Íslandi,
verkefni sem miðar að því að tengja
ungmenni vestra af íslenskum ætt-
um við Ísland.
Samfélagsmiðlar gegna mikil-
vægu hlutverki í starfi INLUS.
Sunna segir að þeir verði óspart not-
aðir til þess að ná til fólksins og netið
nýtist vel til ýmissa samskipta. „Til-
gangurinn er að tengja fólk með
svipuð áhugamál eins og til dæmis
prjónaskap eða bóklestur með það í
huga að rækta íslenska garðinn í
Bandaríkjunum.“
Morgunblaðið/Eggert
Forystukonur Bevery-Arason Gaudet, forseti INLofNA, Hulda Karen Daníelsdóttir, formaður ÞFÍ, og Sunna Pam
Furstenau, forseti INLUS, á afmælisþinginu á Icelandair Hotel Natura um helgina.
Rækta íslenska garð-
inn í Bandaríkjunum
 Sunna Olafson Furstenau hefur stofnað þjóðræknisfélag