Þjóðarbúskapurinn - 01.07.1972, Side 13

11
Þ R ð U N I N 1970 0 G 1971.
Þjáðarframleiðsla og verðmætaráftstöfun.
Vöxtur þjóðarframleiðslu varð 6% árið 1970. Viðskipta-
kjörin bötnuðu verulega. Verðlag útflutningsafurða hækkaði
um 20%, en innfluttar vörur hækkuðu miklu minna í verði eða
um 4.5%. Þjóðartekjurnar hækkuðu því mun meira en þjóðar-
framleiðsla, en mismunur breytinga þjóðarframleiðslu og þjóðar-
tekna sýnir áhrif breyttra viðskiptakjara við útlönd. Hin
hagstæða efnahagsþróun ársins 1970 staðfesti batann, sem náðst
hafði á árinu 1969 frá erfiðleikum áranna 1967 og 1968. Sá
samdráttur, er varð á þjóðarframleiðslunni 1967 og 1968, vannst
þannig að miklu leyti upp árið 1970, og árið 1971 fór þjóðar-
framleiðsla á mann fram úr sínu fyrra hámarki, sem var árið
1966, og varð meiri en nokkru sinni fyrr.
Efnahagsþróun ársins 1971 einkenndist af áframhaldandi
örum vexti eftirspurnar og framleiðslu. Þjóðarframleiðslan
jókst um 9.5% og viðskiptakjörin bötnuðu enn verulega. Verðlag
útfluttra sjávarafurða mun hafa hækkað um 25% að meðaltali,
en verð innflutnings hækkaði miklu minna eða um 5-6%. Þjóðar-
tekjur hækkuðu því mun meira en þjóðarframleiðsla og er gert
ráð fyrir, að þjóðartekjur hafi aukizt um 12.5% á árinu 1971.
Meginskýring þessa öra vaxtar er mikil aukning útflutnings-
tekna á árunum 1969 til 1971. Árin 1969 og 1970 varð bæði
aukning þorskafla og verðhækkun á erlendum mörkuðum. Árið 1971
dró nokkuð úr afla, þrátt fyrir aukna sókn, en verðlag mikil-
vægra útflutningsafurða hélt áfram að hækka. 1 kjölfar hinnar
hagstæðu tekjuþróunar í sjávarútvegi fylgdi síðan mikil aukning
eftirspurnar innanlands. Innlend verðmætaráðstöfun dróst saman
um 10.9% að magni árið 1969, en jókst um 10.6% árið 1970, og
er gert ráð fyrir, að hún hafi aukizt um 21.3% að magni árið
1971.