Skessuhorn - 25.02.2015, Blaðsíða 17

17MIÐVIKUDAGUR 25. FEBRÚAR 2015
Kynnir söngleikinn
Eftir: Einar Viðarsson, Flosa Einarsson
og Gunnar Sturlu Hervarsson
Sýningar:
Frumsýning laugardaginn 28. febrúar kl. 20:00
2. sýning mánudaginn 2. mars kl. 20:00
3. sýning þriðjudaginn 3. mars kl. 20:00
Sýnt verður í Bíóhöllinni Akranesi
Miðasala fer fram í Grundaskóla á opnunartíma skólans í síma 433-1400. Miðasala opnar einnig í Bíóhöllinni tveimur
tímum fyrir hverja sýningu. Miðaverð 2000 kr. - Hægt er að greiða með greiðslukorti.
Alhliða garðyrkjuþjónusta
Nú er rétti tíminn fyrir trjáklippingar og trjáfellingar
Akranesi
SK
ES
SU
H
O
R
N
2
01
5
Lið Fjölbrautaskóla Vesturlands
á Akranesi mætir Fjölbrautaskól-
anum í Garðabæ í undanúrslit-
um Gettu betur miðvikudaginn
4. mars næstkomandi. Þetta er í
fyrsta sinn í sögu skólans sem lið
úr FVA kemst í undanúrslit og
liggur því mikið við. Blaðamaður
Skessuhorns leit inn í skólastofuna
sem krakkarnir í liði FVA halda til
í þessa dagana og forvitnaðist um
undirbúninginn og stemninguna
fyrir keppnina.
Mikill tími fer í lestur
Þau Anna Chukwunonso Eze,
Elmar Gísli Gíslason og Jón
Hjörvar Valgarðsson hafa komið
sér vel fyrir í kennslustofu á ann-
arri hæð skólans. Þar halda þau til
nánast öllum stundum, lesa, skrifa
staðreyndir á töflurnar, spila og
horfa á gamla þætti af Gettu betur.
Það krefst mikillar vinnu og und-
irbúnings að ná góðum árangri í
keppni eins og Gettu betur. „Það
er fáránlega mikill tími sem fer í að
lesa. Við lesum mest á Wikipedia
síðum og í raun allt það sem okkur
finnst líklegt að gæti komið upp.
Svo erum við líka búin að horfa á
margar gamlar keppnir, í raun allt
of margar,“ segja þau hress. Liðs-
mennirnir segjast mæta í skólastof-
una góðu á morgnana og þar haldi
þau til fram á kvöld, jafnvel fram á
nótt. „Við höfum verið með frjálsa
mætingu í tímum frá því í janúar.
Maður reynir samt að halda sér við
og við mætum í próf. Svo er auð-
vitað gaman að mæta í tíma eft-
ir keppnir og fá lof,“ segir Elm-
ar Gísli og brosir út í annað. „Það
er samt ekkert frábært að missa úr
tíma í stærðfræði. En það kem-
ur önn eftir þessa önn,“ bætir Jón
Hjörvar við. Þau hafa einnig feng-
ið jákvæð viðbrögð víðar á Akra-
nesi en í skólanum. Anna vinnur á
kassa í Krónunni og segir hún að
viðskiptavinir þar hafi einnig verið
duglegir að hrósa liðinu fyrir góð-
an árangur.
Heiður fjölskyldunnar
í húfi
Aðspurð um hvað sé skemmtileg-
ast við að taka þátt í keppni eins og
Gettu betur eru þau sammála um
að það sé skemmtilegt að vita meira
en áður og að geta komið með
ýmsar skemmtilegar staðreynd-
ir sem fáir vita. Þau hljóta einnig
að ná góðum árangri í borðspilum
eins og Trivial Pursuit og Bezzer-
wizzer? -„Það er reyndar ekki spil-
að mikið heima hjá mér. Það yrði
þá bara ég á móti pabba. Reyndar
er bróðir pabba líka rosalega klár í
svona spurningaleikjum. En afi er
gáfaðastur. Þetta er líklega allt arf-
gengt og allt frá honum komið,“
segir Jón Hjörvar og hlær. Hann
er sonur Valgarðs Lyngdals Jóns-
sonar, sem náð hefur góðum ár-
angri með Akranesliðinu í spurn-
ingaþættinum Útsvari. „Annars
á bróðir minn lægsta stigamet í
sögu Gettu betur. Ég held að hann
hafi tapað fyrir MR 40 - 1 á sín-
um tíma. Ég þurfti því að ná upp
heiðri fjölskyldunnar aftur,“ segir
Elmar Gísli.
Man varla
eftir keppninni
Krakkarnir segjast ekki vera mikið
stressuð fyrir viðureignina í Gettu
betur. „Við erum á svipuðu kali-
beri og FG. Við slógum til dæmis
út skólann sem sló út Versló, sem
er þekktur fyrir að ná góðum ár-
angri í keppninni,“ segir Anna. Þau
eru þó sammála því að lið Mennta-
skólans við Hamrahlíð sé líklegt
til að komast í úrslit og jafnvel
vinna, enda sé lið MH mjög gott
og hafi til að mynda unnið keppn-
ina í fyrra. Þau segja að það sé svo-
lítill munur á því að keppa í sjón-
varpi og útvarpi og það geti tekið
aðeins á taugarnar að vera í beinni
útsendingu. „Það er erfiðast þeg-
ar spyrillinn er að tala við mann í
byrjun og maður þarf að kynna sig.
Þá veit maður að allir eru að horfa
á mann og hlusta,“ segir Elm-
ar Gísli. „En þegar spurningarnar
byrja, þá kemst maður í eitthvað
„zone“ og spáir ekkert í þessu. Ég
man til dæmis varla eftir keppninni
sjálfri síðast,“ heldur Jón Hjörvar
áfram. Þau segja að það sé gaman
að hafa áhorfendur og að þau finni
vel fyrir stuðningnum úr salnum.
Þau segja að það hafi verið gaman
að slá met skólans og það sé öðru-
vísi pressa á þeim núna eftir að
það tókst. „Það væri þó gaman að
slá metið aftur, að slá okkar eigið
met á sama árinu. En það er gam-
an að vera litli skólinn sem komst
áfram.“
Viskan safnast í skeggið
Krakkarnir hafa smá rútínu fyr-
ir keppnisdaginn. Daginn fyr-
ir keppni panta þau pizzu á með-
an þau undirbúa sig. Þegar dagur-
inn sjálfur rennur upp reyna þau að
hressa sig við eftir lesturinn. „Fyrst
dönsum við í tvo tíma. Við gerum
það til að koma blóðinu í gang og
hressa okkur við. Svo förum við í
keilu með þjálfurunum og borðum
svo á Búllunni í Ofanleiti,“ útskýrir
Anna. Elmar Gísli segir að það sé
verst hvað hann sé hjátrúarfullur.
„Ég er til dæmis hálfhræddur um
að það komi ekki sama fólk í salinn
og síðast. Ég þurrka mér alltaf með
sama handklæðinu á keppnisdag og
fer í sömu sokkana. Ég vil halda því
fram að þetta sé allt í sokkunum,“
segir hann. Sokkana góðu keypti
hann í London og á þeim er mynd
af Elísabetu Englandsdrottningu.
„Þessir sokkar hafa persónulegt
gildi. Ég vil meina að Elísabet og
Ingvar Kamprad, stofnandi IKEA,
séu systkini ömmu minnar. Þau eru
öll fædd sama ár og virkilega stutt á
milli fæðinganna. Svo er amma slá-
andi lík Betu frænku og Ingvar er
mjög líkur langafa mínum,“ bæt-
ir hann við. Anna og Jón Hjörvar
hafa einnig hefðir tengdar hjátrú
á keppnisdag. Jón Hjörvar spilar
alltaf sömu leikina í fótboltaleikn-
um Fifa, þar sem hann velur sömu
liðin og breytir sem minnstu. Anna
notar alltaf sama hálsmenið. „Svo
raka ég mig alltaf á þriðjudegin-
um. Viskan safnast í skeggið,“ segir
Elmar Gísli.
Vantar ísskáp
og örbylgjuofn
Þjálfarar liðsins eru þeir Birk-
ir Hrafn Vilhjálmsson, Magnús
Gunnarsson og Björn Þór Björns-
son. Krakkarnir segja að þeir séu
ómissandi og eigi stóran þátt í ár-
angri liðsins. „Þeir setja okkur fyr-
ir. Birkir er mikið hjá okkur. Hann
segir okkur hvað við eigum að lesa.
Býr til dæmis til lista af greinum, út-
býr mörg hundruð blaðsíðna skjöl
og býr til keppnir fyrir okkur svo
við getum æft okkur,“ segir Jón
Hjörvar. Eins og áður sagði fer mik-
ill tími í lesturinn. „Við erum með
okkar sérsvið, svo skarast sumt. Við
reyndum að skipta þessu aðeins eft-
ir áhugasviði. Ég er með bókmennt-
ir, rithöfunda og helstu verk. Anna
er með raunvísindi og Jón Hjörvar
með íþróttir, stjórnmál og embætt-
ismenn. Svo er ég með rest,“ segir
Elmar Gísli og brosir. Liðið byrjaði
að undirbúa sig í septembermánuði.
Fram eftir haustinu hittust þau af og
til en frá því í byrjun janúar hafa þau
hist og undirbúið sig á hverjum degi.
Þau reikna með því að álagið aukist
á næstu dögum. „Það er árshátíð hjá
okkur á fimmtudaginn og þá ætlum
við að taka smá pásu. Við borðum
morgunmatinn heima og kvöldmat-
inn en annars erum við bara hér. Við
flytjum örugglega bráðum hingað
inn og erum farin að safna að okkur
heimilistækjum. Okkur vantar bara
ísskáp og örbylgjuofn og auglýsum
hér með eftir þessum tækjum,“ seg-
ir Jón Hjörvar. „Og ef við komumst
í úrslit, þá förum við fram á að það
verði sett upp sturta hérna inni! Ég
mun svo bara kyssa mömmu bless
og koma heim viku seinna,“ bætir
hann við að endingu. grþ
Mikill undirbúningur fyrir undanúrslit Gettu betur
Gettu betur 2015. Anna, Elmar Gísli og Jón Hjörvar.