Skessuhorn - 25.02.2015, Blaðsíða 21

21MIÐVIKUDAGUR 25. FEBRÚAR 2015
Vel látið af þjónustunni frá áhaldahúsinu
Síðasta haust setti sveitarfélagið
Borgarbyggð á stofn áhaldahús en
fram að því höfðu öll þjónustu-
verkefni verið boðin út til verktaka.
Áhaldahúsið er í Brákarey þar sem
aðstaða hefur verið fyrir vinnuskól-
ann. Aðeins einn starfsmaður hefur
verið í áhaldahúsinu í vetur, Ámundi
Sigurðsson húsamiður sem hóf störf
15. október. „Planið var að ég myndi
innrétta aðstöðuna hérna í vetur með
öðrum verkum. Umhleypingarnar
og erfitt tíðarfar hefur gert það að
verkum að það hefur verið svo mikið
að gera í snjómokstri og vetrarþjón-
ustu að lítill tími hefur gefist í smíð-
ina eins og þú sérð,“ sagði Ámundi
þegar blaðamaður Skessuhorns kíkti
til hans í áhaldahúsið fyrir helgina.
Það var aðeins mokstur á götum í
Borgarnesi sem boðinn var út til
verktöku í vetur. Ámundi hefur séð
um mokstur á gangstígum í Borgar-
nesi og einnig farið einstaka sinnum
á Hvanneyri til þeirra verka. Auk
þess hefur hann fært salt og efni til
hálkuvarna á þéttbýlisstaðina í hér-
aðinu. Sveitarfélagið keypti í haust
fjölnota vél sem Ámundi segir að
hafa reynst mjög vel. Á hana er sett-
ur fjölplógur sem gangstígarnir eru
mokaðir með. Götusópur er líka
tengdur við tækið, lyftaragafflar og
sláttuvél þegar vorar. Ámundi segir
að til dæmis hafi sýnt sig að götu-
sópurinn sé að borga sig upp á einu
ári. Einnig er möguleiki að kaupa og
tengja við fjölnota vélina trjáklipp-
ur og gröfu.
Jákvæð viðbrögð
Ámundi segir að í vor verði bætt
við stafsmönnum í áhaldahúsið svo
sem í sambandi við sláttinn. „Það er
svo mikilvægt að við getum útveg-
að unglingunum okkar vinnu,“ segir
Ámundi. Hann vinnur að því að inn-
rétta skrifstofur, geymslur og aðra
aðstöðu í áhaldahúsinu og vonast til
að nú fari aðeins að lagast tíðarfarið
þannig að tími gefist til þess. En
hvernig hefur svo fólki líkað þjón-
ustan frá áhaldahúsinu? „Fólk er al-
mennt ánægt, það eru viðbrögðin
sem ég hef fengið. Ekki síst þeir sem
fara gangandi í vinnuna og heiðurs-
borgarnir okkar sem ég kalla, fólk-
ið sem reynir að halda heilsunni
með því að labba. Það er ánægt með
að geta farið út hvenær sem er og
gengið.“ Ámundi var nýkominn frá
Hvanneyri þegar blaðamaður hitti
hann í áhaldahúsinu. Þar var hann
að holufylla malbik. „Ég hef reynt
að vinna að svoleiðis lagfæringum í
vetur þegar gefið hefur. Það er útlit
fyrir að malbikið komi ekki vel und-
an vetri,“ sagði Ámundi að endingu.
þá
Ámundi við fjölnotavélina sem gangstígarnir eru mokaðir með.
Nemendur heimsækja Vör í Ólafsvík
Það var líf og fjör í Vör –sjávar-
rannsóknasetri í Ólafsvík síðastlið-
inn fimmtudag. Þá komu nemend-
ur í sjöunda bekk Grunnskóla Snæ-
fellsbæjar í heimsókn og kynntu sér
sögu og starfsemi Varar sem var
stofnað árið 2006. Erlingur Hauks-
son sjávarlíffræðingur og Gina Sap-
anta rannsóknamaður sögðu nem-
endum frá rannsóknum setursins
og leiðbeindu þeim á rannsókna-
stofu þar sem unga fólkið skoðaði
svifdýr í viðsjám og svifþörunga í
smásjá.
Að sögn Helgu Guðjónsdótt-
ir forstöðumanns Varar hefur setr-
ið verið í góðu samstarfi við skóla
í Snæfellsbæ og víðar. Tekið er
reglulega á móti skólahópum bæði
úr grunnskólum og framhaldsskól-
um. af
Nemendur 7. bekkjar grunnskóla Snæfellbæjar ásamt
Erlingi Haukssyni.
Nemendur skoða sýni sem tekin voru úr maga fiska og sýna
hvað þeir hafa étið.
Staðsveitungur í verðlaunasæti í
Söngkeppni FÁ
Söngkeppni Fjölbrautaskólans við
Ármúla var haldin í hátíðarsal skól-
ans 19. febrúar síðastliðinn. Þar
voru sýnd fimmtán atriði, þar sem
nemendur kepptust um að verða
fulltrúar skólans í Söngkeppni
framhaldsskólanna 2015. Vestur-
land átti sinn fulltrúa í keppninni.
Það var Sólrún Silja Rúnarsdóttir
úr Böðvarsholti í Staðarsveit sem
söng sig inn í hjörtu nærstaddra
með lagi um góðhestinn Blakk og
lék undir á gítar. Sólrún Silja stóð
sig með sóma og varð í þriðja sæti í
keppninni.
grþ
Sólrún Silja Rúnarsdóttir. Ljósm. FÁ
Vestlendingar þaulsetnir
við spilaborðið
Sigursveit Íslenska barsins og Vesturlandsmeistarar í sveitakeppni.
Vesturlandsmótið í sveitakeppni í
bridds var spilað um síðustu helgi
í Borgarnesi. Í fyrsta sæti varð sveit
Íslenska barsins, en hana skipa
reynsluboltarnir Sveinbjörn Eyj-
ólfsson, Lárus Pétursson, Þorvaldur
Pálmason og Jón Viðar Jónmunds-
son. Hlutu þeir 145 stig. Í öðru sæti
varð sveit Guðmundar Ólafsson-
ar með 137 stig. Með Guðmundi
spiluðu Hallgrímur Rögnvaldsson,
Tryggvi Bjarnason og Karl Alfreðs-
son. Sveit Borgunar varð þriðja
með 107 stig en hana skipa Garð-
ar og Stefán Garðarssynir, Sigurjón
Karlsson og Sigfinnur Snorrason.
Sveit Súperlagna varð fjórða með
97 stig. Hana skipa Karl Þ Björns-
son, Símon Sveinsson, Össur Frið-
geirsson og Sigurður Reynir Ótt-
arsson.
Það var skammt stórra högga við
spilaborðið en sveitakeppni Bridds-
félags Borgarfjarðar lauk á mánu-
dagskvöldið í Logalandi. Bikar og
gullverðlaunum hampaði Dóra og
brýnin að leikslokum með nærri
40 stiga forskot á Unglingana sem
þó höfðu sett í fluggír lokakvöldið.
Þriðju voru Laxarnir. Verðlauna-
hafar voru hróðugir eins og sjá má á
meðfylgjandi mynd. Næsta mánu-
dag verður léttur tvímenningur
spilaður hjá félaginu. mm
Verðlaunahafar í sveitakeppni Briddsfélags Borgarfjarðar. Dóra og brýnin sitja
fremst.
Hnefaleikafólk af Skaganum stóð sig vel í Kópavogi
Skagamenn stóðu sig mjög vel á
hnefaleikamóti sem haldið var í
Kópavogi um helgina en þar voru
Grænlendingar meðal þátttakenda.
Gísli Kvaran kom sterkur til baka í
hringinn eftir hálfs ár hlé og sigr-
aði í mjög jöfnum leik á móti Muku
Jessen frá Nuuk. Muku press-
aði allan tímann en Gísli hélt ró
sinni, notaði stunguna vel og svar-
aði þegar Muku kom nær. Leikn-
um lauk með 2:1 sigri Gísla. Mar-
inó Elí notaði góða stungu, rétta
fjarlægð og þung skrokkhögg til
að stöðva Kristján TNT frá Æsir
í annarri lotu. Skynsamlega box-
að hjá Marinó og sigurinn aldrei í
hættu. Margrét Ásgerður mætti Iki
Jensen frá Nuuk í jöfnum leik þar
sem Margrét hafði þó meiri stjórn
á hlutunum. Samkvæmt lýsingum
Þórðar Sævarssonar hjá Hnefa-
leikafélagi Akraness stakk Margrét
vel, gabbaði og kom Iki úr jafn-
vægi þegar hún gerði sig líklega til
að sækja. „Magga sótti líka vel með
beinum höggum og skoraði vel.
Engu að síður féll sigurinn hinu
megin, 2:1 fyrir Iki. Þórður segir
mikið framundan hjá HAK. Yngri
keppendur félagsins verða á ferð-
inni 7. mars á krakkaboxmóti hér á
Akranesi en eldri hópurinn heldur
í víking til Danmerkur 14. mars og
mæta þar sterkum andstæðingum.
þá
Söngkeppni nemendafélags Fjöl-
brautaskóla Vesturlands var hald-
in á sal skólans síðastliðið miðviku-
dagskvöld. Þar kepptu fjórir hópar
um að verða fulltrúi skólans í Söng-
keppni framhaldsskólanna sem hald-
in verður í apríl. Sævar Snorrason
stóð uppi sem sigurvegari kvöldsins.
Hann flutti frumsamið lag við und-
irleik þeirra Helga Sigurðssonar og
Hannesar Marvins Óðinssonar.
grþ
Sigraði í söngkeppni NFFA
Sigurvegarar kvöldsins. Helgi lék undir
á bassa, Hannes á trommur og Sævar
söng og lék á gítar. Ljósm. FVA.
Keppendur á mótinu í Kópavogi.