Skessuhorn - 11.03.2015, Side 10

10 MIÐVIKUDAGUR 11. MARS 2015
Mikil fjölgun vetrargesta hjá Landnámssetrinu
Nú í vetur virðast ætla að verða
vatnaskil hjá mörgum sem stunda
ferðaþjónustu á Vesturlandi.
Ferðaþjónustutíminn sem áður var
fyrst og fremst yfir sumarmánuð-
ina er farinn að vara allt árið um
kring. „Við höfum orðið að fjölga
starfsfólki mikið í vetur. Þetta er þá
lausráðið fólk í hlutastörfum sem
við köllum inn þegar þarf. Hér
var venjulega aðeins einn starfs-
maður í veitingasölu í matsalnum
yfir veturinn en nú eru þau alltaf
minnst þrjú þar. Þetta er búið að
vera mjög skemmtilegt,“ segir Ás-
laug Þorvaldsdóttir rekstrarstjóri
Landnámsseturs Íslands í Borgar-
nesi í samtali við Skessuhorn.
Rekstrarumsvif nánast
eins og um sumar-
tímann
Stóraukinn straumur ferðamanna
yfir vetrartímann skilar sér vel inn
í rekstur Landnámssetursins. „Við
höfum verið að kaupa inn hrá-
efni í matargerð hér á veitinga-
staðnum nú í vetur eins og á góðu
sumri. Við höfum alltaf dregið úr
rekstrinum yfir vetrarmánuðina,
skipt úr sumarmatseðli yfir í ein-
faldan vetrarmatseðil og þar fram
eftir götunum. Nú í vetur höfum
við hins vegar haft sumarmatseð-
ilinn áfram. Það hefur hvorki gef-
ist tími né heldur að sjálfsögðu til-
efni til að taka upp vetrarmatseðil.
Ferðamannatímabilið er farið að
vara allt árið. Hér eru oftast tvær
til þrjár rútur fyrir utan í hádeg-
inu,“ segir Áslaug.
„Vetrarferðamennskan er tví-
mælalaust að skila sér hingað til
okkar hér í Borgarnesi. Við Íslend-
ingarnir erum stundum að vor-
kenna ferðafólki þegar það er alltaf
svona vont veður en þetta finnst því
algert ævintýri að lenda í. Svo ger-
ist það líka að ef það er vont veður
þá staldra ferðamennirnir lengur
við hér í Borgarnesi og hjá okkur
heldur en ella. Þau versla og skoða
sig um. Síðan er það orðið þann-
ig nú að ef vindhraðinn fer upp
í 30 metra á sekúndu þá er rútu-
bílstjórunum hreinlega bannað að
aka vegina svo sem undir Hafnar-
fjalli. Þá heldur margt ferðafólk til
hér í Borgarnesi á meðan það bíð-
ur eftir að það lægi. Svo eru það
ferðalangar sem koma hingað á
eigin bílum. Við reynum að ráða
þeim heilt ef það er tvísýnt um
veður og færð. Eiríkur Þór Theó-
dórsson sem er í móttökunni hjá
okkur er björgunarsveitarmaður
og hann lætur sér annt um velferð
ferðalanganna sem hingað koma -
að þau rati nú ekki vandræði,“ seg-
ir Áslaug og brosir.
Betur má ef duga skal
Ein tegund vetrarferðamennsk-
unnar eru norðurljósaferðirnar.
Oft má sjá mikil norðurljós yfir
Vesturlandi um vetrartímann enda
lítið um truflanir frá rafljósum þar.
Fararstjórar og ferðaskrifstofur
eru meðvitaðir um þetta. „Svokall-
aðir norðurljósahópar koma hing-
að tvisvar í viku. Þeir koma í tvö
skipti hver hópur, fyrri daginn í
hádegismat og seinni daginn til að
skoða sýningarnar hér. Þetta fólk
gistir þá einhvers staðar hér í hér-
aðinu en kemur svo í Borgarnes.
Svo eru það hópar sem sem fara
með mjög skömmum fyrirvara út
frá höfuðborgarsvæðinu á kvöld-
in ef von er á að norðurljós sjáist.
Þá hringja fararstjórarnir kannski í
okkur klukkan 18 á kvöldin og vilja
fá mat fyrir fólk klukkan 22. Þetta
vitum við aldrei um fyrirfram.
Þarna eru kannski á bilinu 10 – 40
manns á ferðinni í einu,“ segir Ás-
laug. Hún telur að betur megi gera
í vetrarferðamennskunni sem sé
komin til að vera. „Það sem þarf að
gera er að hafa opið á fleiri stöð-
um yfir vetrartímann. Ferðafólkið
verður að geta komist inn á fleiri
stöðum úti á landsbyggðinni. Það
skortir svolítið á þetta hér hjá okk-
ur ennþá.“ mþh
Áslaug Þorvaldsdóttir rekstrarstjóri Landnámsseturs Íslands í Borgarnesi.
Stefnt að byggingu kalkþörungaverksmiðju í Stykkishólmi
Stykkishólmsbær, írska fyrirtækið
Marigot Ltd sem á Íslenska kalk-
þörungafélagið á Bíldudal, og
Matís hafa undirritað samkomu-
lag sem miðar að því að efla at-
vinnulíf við Breiðafjörð. Verk-
efnið lýtur að aukinni virðissköp-
un með frekari nýtingu stórþör-
unga við Breiðafjörð í nýju iðn-
fyrirtæki, Deltagen Iceland ehf.
Því er áætlar að reisa verksmiðju
í Stykkishólmi. Gangi þær áætl-
anir eftir má gera ráð fyrir að
starfsemi Deltagen Iceland muni
skapa 15 ný heilsársstörf og hefja
starfsemi síðla árs 2016. Marigot
hefur keypt 60% hlut í vinnslu-
hluta starfsemi nýsköpunarfyrir-
tækisins Marinox ehf. sem var al-
farið í eigu Matís og tveggja lyk-
ilstjórnenda þar. Um er að ræða
þann hluta fyrirtækisins sem held-
ur utan um rannsóknir og vinnslu
verðmætra hráefna úr hafinu,
þang og þara. Með samkomu-
lagi aðilanna þriggja er ætlunin
m.a. að stuðla að nýjum tækifær-
um á sviði menntunar, rannsókna
og nýsköpunar í sveitarfélaginu á
grundvelli vísindastarfs og þarfa
iðnaðarins. Gangi allar áætlanir
eftir mun Deltagen Iceland reisa
og reka nýja verksmiðju í Stykk-
ishólmi þar sem unnir verða há-
gæða þörungakjarnar til útflutn-
ings.
Í tilkynningu vegna samkomu-
lagsins segir að sjálfbær nýting
þangs og stórþörunga við Breiða-
fjörð sé grundvöllur samstarfsins.
Rannsóknir bendi til að sjálfbær
ávöxtun auðlindarinnar sé tals-
vert meiri en sem nemur núver-
andi nýtingu. Í samkomulaginu
er tekið fram að ávallt verði gætt
að varúðarsjónarmiðum við sér-
hverja framkvæmd sem fyrirhug-
uð starfsemi mun krefjast, enda
eru þau grundvöllur sjálfbærrar
þróunar á nýtingu lífrænna auð-
linda.
Vilja taka þátt í frekari
atvinnuuppbygginu
Einar Sveinn Ólafsson, fram-
kvæmdastjóri Íslenska kalkþör-
ungafélagsins og fulltrúi Marigot
hér á landi, segir að með stofn-
un Deltagen Iceland horfi Mari-
got til mögulegs framtíðarvaxtar í
starfsemi sinni á Íslandi og gangi
þessar áætlanir eftir verður verk-
smiðjan í Stykkishólmi reist gagn-
gert með markmið starfseminn-
ar í huga. „Við horfum til Stykk-
ishólms vegna fullnægjandi og
nauðsynlegra innviða í bæjarfélag-
inu, tiltæks vinnuafls og nálægð-
ar við hráefnið. Þetta er einnig
skýrt merki um áhuga Marigot á
því að taka þátt í frekari atvinnu-
uppbyggingu á Íslandi,“ segir Ein-
ar Sveinn.
Fagnar atvinnusköpun
Sturla Böðvarsson bæjarstjóri í
Stykkishólmi kveðst fagna þessu
spennandi samkomulagi sem hef-
ur að markmiði að skapa fleiri
störf og auka fjölbreytni atvinnu-
lífsins á svæðinu. „Miðað við áætl-
anir myndi verksmiðjan sjálf skapa
15 ársverk undir fullum afköstum
auk starfa við þangslátt og söfnun,
þróunar- og tæknivinnu auk ann-
arra afleiddra starfa sem eru okk-
ur í Stykkishólmi mikilvæg bú-
bót í frekari atvinnuuppbyggingu.
Bæjaryfirvöld eru núna að vinna
í nauðsynlegum skipulagsmálum
sem snúa að verkefninu, sem við
vonum að gangi eftir. Fyrirhugað-
ur iðnaður þyrfti m.a. að hafa bein-
an aðgang að góðri hafnaraðstöðu
fyrir allstór flutningaskip og til að
landa þangi úr flutningaprömm-
um og skipum sem flytja þang frá
sláttuprömmum á Breiðafirði. Við
munum skoða þetta verkefni með
stjórnvöldum,“ segir Sturla.
Fellur vel að megin-
hlutverki Matís
„Við fögnum þessu samkomu-
lagi og lítum björtum augum til
þeirra spennandi tækifæra sem
samstarfið mun vonandi leiða af
sér. Matís hefur í gegnum tíðina
skapað sér öflugt orðspor á vett-
vangi rannsókna og nýsköpunar
í matvælaframleiðslu og líftækni.
Aðkoma okkar að starfsemi
Deltagen Iceland verður í gegn-
um starf vísindamanna Matís þar
sem mikil þekking er til staðar á
vannýttum afurðum á borð við
þang og þara. Með því að styðja
við nýsköpun starfsmanna Mat-
ís með þessum hætti erum við að
stuðla að nauðsynlegum hvata til
að þróa hugmyndirnar áfram og
búa til verðmætar vörur og efla
þannig íslenskt atvinnulíf. Það er
í raun eitt meginhlutverk Matís,“
segir Friðrik Friðriksson, stjórn-
arformaður Matís.
þá
Friðrik Friðriksson frá Matís, Sturla Böðvarsson bæjarstjóri og Einar Sveinn
Ólafsson, framkvæmdastjóri Íslenska kalkþörungafélagsins og fulltrúi Marigot,
handsala samkomulagið.
Vetrarstilla í Stykkishólmi. Ljósm. Eyþór Ben