Skessuhorn - 11.03.2015, Blaðsíða 20

20 MIÐVIKUDAGUR 11. MARS 2015
Í Grunnskóla Grundarfjarðar voru ný
felliborð tekin í notkun í janúar. Það
voru Lionsklúbbur Grundarfjarðar og
Kvenfélagið Gleym mér ei sem gáfu
skólanum sitt hvort borðið en skól-
inn keypti svo tvö borð og hafa þau
komið að góðum notum. Áður þurftu
börnin að borða hádegismatinn inni í
skólastofunum hvert við sitt borð. Nú
snæða allir saman frammi og myndast
mun skemmtilegri stemning á mat-
málstímum. Gerður Ólína Steinþórs-
dóttir skólastjóri segir þetta breytingu
til batnaðar og hafi góð áhrif á börn-
in.
Af þessu tilefni voru meðlim-
um í Lionsklúbbnum og Kven-
félaginu boðið til hádegisverðar
fimmtudaginn 5. mars. Þar fengu
gestir dýrindis snitsel auk þess að
sjá hversu vel þessi borð reynast
en bæði börn og fullorðnir eiga
auðvelt með að sitja við nýju hús-
gögnin. Einnig er mjög handhægt
að brjóta borðin saman og geyma
nota þarf plássið í annað. Að mál-
tíð lokinni fór Gerður Ólína með
hópinn í skoðunarferð um skól-
ann.
tfk
Í byrjun febrúar kom heim eftir
tæplega sjö ára námsdvöl í Lond-
on ung Skagakona, Marella Steins-
dóttir. Marella er nú lærður tísku-
ljósmyndari og hyggst stunda þá
grein ljósmyndunar eins og mark-
aðurinn býður upp á. Það verður
þó almennari ljósmyndun sem hún
verður aðallega í á næstunni þar sem
hún hefur ráðið sig til starfa í fyrir-
tæki foreldra sinna, Steins Helga-
sonar og Elínar Svavarsdóttur, í
Römmum og myndum á Akranesi.
Þar er nú í undirbúningi að bjóða
upp á fjölbreyttari þjónusta en
áður. Passamyndir hafa verið tekn-
ar þar um árabil en nú segir Mar-
ella að ætlunin sé að koma þeirri
myndatöku í stafrænt form jafn-
framt því að bjóða upp á almenna
ljósmyndun í stúdíói og hágæða út-
prentun mynda og fleira efnis að
þörfum viðskiptavina. „Ég var farin
að leita mér að vinnu í Reykjavík en
pabbi stoppaði mig af og foreldrar
mínir vildu að ég kæmi hingað og
sinnti þessum verkefnum. Það er
ágætt að hafa einhvern sem passar
upp á mann,“ segir Marella glöð í
bragði.
Bæði komin með vinnu
Marella fór til London ásamt sam-
býlismanni sínum Valgeiri Sigurðs-
syni sem einnig er frá Akranesi.
Hann var einnig í námi í London,
fyrst í hljóðupptökutækni og síð-
an í vefforritun. Valgeir fékk síð-
an vinnu í London sem forritari hjá
auglýsingafyrirtæki. Hann fékk að
halda þeirri vinnu þótt þau flyttu
til Íslands. „Við erum ótrúlega glöð
með það að vera bæði komin með
vinnu. Það eru nú ekki allir ný-
komnir úr námi svona heppnir eins
og við. En Valgeir hlýtur að vera
mjög góður á sínu sviði fyrst hann
fékk að halda vinnunni og starfa
hérna heima. Mér skilst að það hafi
ekki gerst í fyrirtækinu sem hann
vinnur hjá áður að starfsmenn séu
að vinna á milli landa. Nú er að
byrja nýr kafli í lífinu finnst mér.
Lífið blasir við okkur og við erum
búin að ákveða að gifta okkur í
sumar. Vonandi fáum við núna gott
sumar,“ segir Marella og brosir.
Tískuljósmyndunin ekki
gullgröftur
Marella segist svo sem ekki hafa
verið full sjálfstrausts þegar hún
sótti um í ljósmyndaskólanum en
samt sloppið í gegnum inntöku-
prófið. „Það kom í ljós að marg-
ir voru í svipuðum þankagangi og
ég, vissu kannski ekki alveg hvað
þeir voru að fara út í. Ég var búin
að gera mér ákveðnar hugmyndir,
þegar ég byrjaði, að tískuljósmynd-
urum væru allir vegir færir. Einn
kennarinn slökkti fljótlega þær von-
ir. Hann sagði að það gæti tekið fólk
mörg ár að vinna sig upp í að hafa
lifibrauð af tískuljósmyndun. Hann
hafi þurft að vinna í mörg ár með
ljósmynduninni á lámarks launum
í leikfangaversluninni Hamleys til
að hafa í sig og á. Síðan hefði hann
verið svo heppinn að einn vin-
ur hans komst í yfirmannsstöðu á
tískublaði og þar opnaðist leið. Það
þarf sem sagt að hafa sambönd til
að slá í gegn í tískuljósmyndun. Ég
varð því að endurmeta stöðuna og
gera ráð fyrir því að þurfa að sinna
almennri ljósmyndun í meira mæli,
þótt vissulega vonist ég til að fá
verkefni í tískuljósmyndun.“
Yndislegt að vera
komin heim
Þau áttu þó að vera mun færri árin
út í London en þau urðu hjá þeim
Marellu og Valgeiri. „Það er al-
veg yndislegt að vera komin heim,“
segir Marella. „Við erum svo heim-
kær við Valgeir að það kom okkur
eiginlega á óvart hvað við vorum
lengi úti. Þegar við fórum út vor-
ið 2008 áætluðum við að vera úti
tvö til þrjú ár. Við vorum meira að
segja að tala um að það væri samt
leiðinlegt að við yrðum farin heim
áður en Ólympíuleikarnir yrðu í
borginni 2012. Svo hittist það svo
skemmtilega á að við bjuggum í
næsta nágrenni við Ólympíuþorp-
ið. Við meira að segja drifum okkur
á einn leik með íslenska handbolta-
landsliðinu. Þeir voru þá að spila
við heimamenn í liði Bretlands. Ég
held að fæstir sem voru að horfa
á leikinn hafi vitað hvað hand-
bolti væri, en hrifust samt mjög að
íþróttinni. Þetta var mjög lærdóms-
ríkur tími í London og vonandi að
sú reynsla sem við öðluðust þar
eigi eftir að nýtast okkur vel hérna
heima,“ segir Marella. Nú tekur við
hjá henni að vinna að því að koma
upp aðstöðu fyrir aukna þjónustu
hjá fjölskyldufyrirtækinu Römmum
og myndum við Skólabraut á Akra-
nesi.
þá
Fjölbrautaskóli Vesturlands mun
á haustönn á þessu ári bjóða upp
á afreksíþróttasvið fyrir nemendur
sem stundað hafa afreksíþróttir um
nokkurt skeið og vilja hafa aukið
svigrúm til áframhaldandi ástund-
unar samhliða námi til stúdents-
prófs. Skólinn hefur í nokkur ár
verið í samstarfi við Knattspyrnu-
félag ÍA og Sundfélag Akraness þar
sem nemendur sækja æfingar að
morgni dags áður en kennsla hefst
og fá metnar til eininga. Með til-
komu nýs afreksíþróttasviðs stend-
ur til að festa það samstarf betur í
forminu auk þess að bjóða afreks-
mönnum í öðrum íþróttagreinum
upp á samskonar möguleika. Þær
íþróttir sem nemendum stendur til
boða að iðka innan afreksíþrótta-
sviðs næsta vetur eru knattspyrna,
sund, golf, körfubolti, keila og bad-
minton. Þjálfarar á vegum ÍA munu
sjá um æfingar en umsjón með
verkefninu verður í höndum Fjöl-
brautaskóla Vesturlands.
Dröfn Viðarsdóttir áfangastjóri
segir í samtali við Skessuhorn að
sviðið muni einkum henta nem-
endum á bóknámsbrautum. Náms-
fyrirkomulagið segir hún verða
með þeim hætti að nemendur af-
reksíþróttasviðs taki hefðbundna
stúdentsbraut en fá afreksæfing-
ar metnar til eininga í stað íþrótta-
áfanga og frjálsra valáfanga. „Einn-
ig munu nemendur á afreksíþrótta-
sviði ljúka stúdentsprófi með fleiri
einingar en aðrir,“ bætir hún við.
Rúmlega 30 nemendur sækja þær
æfingar sem þegar eru í boði í sam-
starfi Fjölbrautaskóla Vesturlands
og ÍA og vonast Dröfn eftir góðri
aðsókn að hinu nýja afreksíþrótta-
sviði á komandi vetri.
Næstkomandi haustönn kem-
ur til framkvæmda stytting á námi
til stúdentspróf og verða þá allar
stúdentsbrautir þriggja ára nám í
stað fjögurra áður. „Þær stúdents-
brautir sem í boði verða eru félags-
fræðabraut, náttúrufræðabraut og
opin stúdentsbraut. Á opnu stúd-
entsbrautinni verður hægt að velja
á milli nokkurra sviða; tónlistar-
sviðs (í samstarfi við Tónlistarskól-
ann á Akranesi), tungumálasviðs,
viðskipta- og hagfræðisviðs auk op-
ins sviðs þar sem nemendur geta
byggt upp sitt eigið nám með að-
stoð náms- og starfsráðgjafa,“ segir
Dröfn. „Áfram verður boðið upp á
fjölbreytt nám á iðn- og verknáms-
brautum í málm-, raf- og tréiðn-
greinum. Að auki geta nemend-
ur stundað nám á sjúkraliðabraut,
starfsbraut fyrir fatlað nemend-
ur og brautabrú ætlaða nemendum
sem ekki uppfylla inntökuskilyrði
þeirra brauta sem þeir vilja sækja.
Öflugt nám ætlaða fullorðnum er í
boði þar sem kennsla fer fram utan
dagvinnutíma. Námsleiðir þar eru
sjúkraliðabraut, vélvirkjun, húsa-
smíði og húsgagnasmíði,“ bætir
hún við.
Nemendur Fjölbrautaskóla Vest-
urlands eru um fimm hundruð tals-
ins nú á vorönn og hefur fækkað
lítillega frá því árið áður. Ein skýr-
ing á því er að 86 nemendur út-
skrifuðust frá skólanum í desemb-
er síðastliðnum. Við vonumst auð-
vitað eftir góðri aðsókn, bæði nem-
enda í almennan dagskóla og full-
orðinna í dreifnám en það má ætla
að með styttingu náms til stúdents-
prófs fækki nemendum í framtíð-
inni,“ segir Dröfn að lokum. kgk
Nýkomin heim að loknu námi í tískuljósmyndun
Marella Steinsdóttir nýútskrifað að hefja störf í Römmum og myndum á Akranesi.
Patrick Jens Scheving Þorsteinsson
liggur makindalega og les í bók.
Nýtt afreksíþróttasvið við
Fjölbrautaskóla Vesturlands
Vigdís Erla Sigmundsdóttir djúpt sokkin í heimalærdóm.
Starri Reynisson gluggar í bók á
bókasafni skólans.
Þeir Ingi Sigurður Ólafsson og Elvar Sigurjónsson nýta
eyðu til lærdóms á sal skólans.
Haldið upp á ný hús-
gögn í skólanum