Skessuhorn - 02.09.2015, Síða 11

MIÐVIKUDAGUR 2. SEPTEMBER 2015 11
Fréttaveita Vesturlands
www.skessuhorn.is
Dagana 27. til 29. ágúst fór fram
þriðja umferð Íslandsmótsins í
rallý, Rallý Reykjavík. Keppnin
fór fram víðsvegar um Suðurnes,
Suðurland og Vesturland. Strax í
upphafi á fimmtudaginn var ljóst
að barist yrði með öllu afli þar sem
eingöngu örfá stig skildu að efstu
lið á Íslandsmótinu. Spennan var
því mikil er ekin var fyrsta sérleið-
in, við Hvaleyrarvatn. Sú leið átti
eftir að marka keppnina en þar
veltu þeir Henning Ólafsson og
Árni Gunnlaugsson bifreið sinni
og féllu úr leik. Systkinin Daníel
og Ásta Sigurðarbörn óku útaf á
þessari leið og festu bíl sinn sem
tafði þau um 20 mínútur þann-
ig að þau voru í síðasta sæti eftir
fyrsta daginn. Efstu menn Íslands-
mótsins, Valdimar Jón Sveinsson
og Skafti Skúlason, lentu einnig
í vandræðum og voru í lok dags
einni mínútu á eftir Íslandsmeist-
urunum frá í fyrra, Baldri Haralds-
syni og Aðalsteini Símonarsyni.
Á öðrum keppnisdegi var haldið
austur fyrir fjall þar sem ekið var
í nágrenni Heklu. Ýmis skakkaföll
háðu áhöfnunum og taugatitring-
ur jókst all verulega. Ljóst var að
nú myndi reyna á reynslu og yfir-
vegun áhafnanna en einungis örfá-
ar sekúndur skildu að annað og
fjórða sætið. Í lok dags voru þeir
Baldur Haraldsson og Aðalsteinn
Símonarson þó með örugga for-
ystu og mikilvægt var því fyrir þá
að keyra hratt en örugglega til að
halda henni. Þegar komið var að
Kaldadal að morgni þriðja keppn-
isdags, voru taugarnar þandar og
álagið mikið, bæði á bílum og
áhöfnum. Dalurinn reyndist því
keppendum erfiður og fór svo að
Guðni Freyr Ómarsson og Pálmi
Jón Gíslason veltu bíl sínum og
féllu því úr leik, en þeir voru þá
í öðru sæti. Einnig féllu Valdimar
og Skapti úr leik en fleiri áhafn-
ir urðu fyrir minniháttar skakka-
föllum.
Úrslit í keppninni urðu á þann
veg að Baldur og Aðalsteinn sigr-
uðu, voru tæpum 9 mínútum á
undan Daníel og Ástu sem tókst
með frábærum akstri að vinna sig
alla leið upp í annað sætið. Í þriðja
sæti urðu svo Magnús Þórðar-
son og Hafdís Ósk Árnadóttir eft-
ir harða keppni við hjónin Ólaf
Ólafsson og Tinnu Rós Vilhjálms-
dóttur og skildu einungis 9 sek-
úndur þessar áhafnir að eftir rúm-
lega þriggja klukkustunda sér-
leiðaakstur.
Annar Vestlendingur, Þorkell
Símonarson eða Keli vert í Langa-
holti, tók einnig þátt í þessari
keppni. Ók hann ásamt Þórarni
K. Þórssyni af miklu öryggi sem
skilaði þeim í þriðja sætið í jeppa-
flokki og sjöunda sæti í heildina.
Eftir þessa keppni leiða Bald-
ur og Aðalsteinn á Íslandsmótinu
með 57 stig en Daníel og Ásta eru
þar á eftir með 42,5 stig. Tvær
umferðir eru eftir og 40 stig.
mm/gjg
Á fundi velferðar- og mannréttind-
aráðs Akraness í lok júlí kom Ja-
nus Guðlausson lektor og kynnti
rannsóknarverkefni sitt; „Fjölþætt
heilsurækt í sveitarfélögum – Leið
að farsælli öldrun.“ Verkefnið er
óbeint framhald af doktorsverkefni
Janusar og snýr að heilsurækt eldri
borgara. Að sögn Jóns Hróa Finns-
sonar, sviðsstjóra velferðar- og
mannréttindasviðs, er ætlunin að fá
nokkur sveitarfélög úr öllum lands-
hlutum til að taka þátt í verkefninu,
sem á að bæta heilsu og velferð eldri
aldurshópa á Íslandi. Eldri borgur-
um verður boðið að taka þátt í fjöl-
þættri heilsurækt og er markmiðið
að það hjálpi þeim í athöfnum dag-
legs lífs. Þetta gæti mögulega orðið
til þess að eldri borgarar hafi tök á
að búa lengur í eigin húsnæði og sjá
um sig sjálfir í lengri tíma.
Var það vilji Janusar að fá Akra-
nesbæ með í verkefnið og var er-
indið tekið upp aftur í velferðar- og
mannréttindaráð 19. ágúst síðast-
liðin. Jón Hrói sagði í samtali við
Skessuhorn að Akraneskaupstað-
ur væri að skoða þann möguleika
að taka þátt í verkefninu en endan-
leg ákvörðun hafi ekki verið tekin.
„Við erum mjög jákvæð fyrir þessu
verkefni og höfum áhuga á að taka
þátt. Það er ekki víst að sú líkams-
ræktaraðstaða sem fyrir hendi er á
Akranesi henti þessum aldurshópi.
Við þurfum því að sjá hversu miklu
við þurfum að bæta við aðstöðu og
í tækjakosti til að geta tekið þátt
og hver kostnaðurinn væri,“ seg-
ir Jón Hrói. Einnig er gert ráð fyr-
ir að Akraneskaupstaður greiði laun
starfsmanna í fullu starfi við rann-
sóknirnar. „Mér var falið að kynna
eldri borgurum þessa rannsókn og
velta þessu upp með þeim og kanna
hvort fyrirtæki og aðrar stofnanir á
svæðinu væru tilbúin að taka þátt.
Rannsóknin er að fara af stað núna
í vetur og það er ljóst að við kom-
um ekki inn sem fullir þátttökuað-
ilar strax í upphafi. Möguleikinn á
því að koma inn í verkefnið á seinni
stigum verður þó skoðaður,“ bætir
Jón Hrói við.
arg
Heilsurækt
eldri borgara
á Akranesi
Dramatík einkenndi Rallý Reykjavík
SK
ES
SU
H
O
R
N
2
01
5
Atvinna í boði
Flutningastöðin í Borgarnesi óskar
eftir starfskrafti í vöruhús við útkeyrslu
og önnur tilfallandi störf sem fyrst
Vinnutími er frá kl. 7-12 virka daga og jafnvel lengur eftir samkomulagi
Hæfniskröfur:
- Bílpróf er skilyrði
- Meirapróf er kostur
- Stundvísi og góð þjónustulund

Æskilegt er að viðkomandi hafi búsetu í Borgarnesi eða næsta nágrenni

Nánari upplýsingar eru veittar í síma 860-7230 eða á v.v@simnet.is
Til leigu ��� m� rými í húsi Arion banka
við Digranesgötu, Borgarnesi.
Húsnæðið er á þremur hæðum, alls um �.���m� og er laust leigurými á öllum
hæðum. Mögulegt er að leigja hluta af húsnæðinu. Um er að ræða skemmtilega og
mjög vandaða eign á góðum stað við hringveginn sem hentar vel undir hvers kyns
verslun eða þjónustu.
Nánari upplýsingar veita
Bernhard Þór Bernhardsson, svæðisstjóri.
Sími ��� ����, netfang bernhard.bernhardsson@arionbanki.is.
Gunnar Jóakimsson, forstöðumaður fasteigna og rekstrar.
Sími ��� ����, netfang gunnar.joakimsson@arionbanki.is.
Húsnæði til leigu
á besta stað í Borgarnesi