Skessuhorn - 02.09.2015, Blaðsíða 20

MIÐVIKUDAGUR 2. SEPTEMBER 201520
Hvalfjarðardagar fóru fram um síð-
astliðna helgi og gengu vonum fram-
ar, að sögn Heiðar Hallfreðsdóttur
skipuleggjanda hátíðarinnar. Fjöl-
breytt dagskrá var um alla sveit þar
sem fjölmargir tóku þátt í leik og
starfi. Góð þátttaka var í öllum við-
burðum en hvass vindur af norð-
austri setti þó sinn svip á hátíðar-
höldin á laugardaginn. Fresta varð
Helgusundi úr Geirshólma eft-
ir að aðstæður höfðu verið kannað-
ar. Ölduhæð var of mikil og ekki tal-
ið öruggt að leggja af stað í sund-
ið. Að sögn Heiðar var Helgusund-
inu einungis frestað. „Sundgarparnir
eru harðákveðnir að synda þarna yfir
og ætla ekki að aflýsa sundinu alfar-
ið. Ætlunin er að finna nýja dagsetn-
ingu,“ segir Heiður.
„Það voru 45 skráðir í Hvalfjarðar-
hlaupið og voru flestir sammála um
að hlaupaleiðin hafi verið skemmti-
leg en erfið, enda frekar hvass vind-
ur. Aðsókn á stóra sveitamarkaðinn
á Þórisstöðum var líka mjög góð,
það voru örugglega um 40 seljend-
ur og mikil stemning. Á sunnudeg-
inum var dásamlegt veður og þátt-
taka í gönguferð upp að Glymi var
mjög góð enda kjörið gönguveður.
Í Vatnaskógi var líka yndislegt, vatn-
ið var spegilslétt og börn úti á bát-
um og að leika sér í hoppuköstulum á
meðan fullorðna fólkið fékk sér kaffi-
sopa,“ segir Heiður. Síðasti dagskrár-
liður Hvalfjarðardaga var sýning í
Hallgrímskirkju í Saurbæ. Þar sýndi
Steinunn Jóhannesdóttir rithöfund-
ur og leikkona verk um örlagasögu
Hallgríms Péturssonar og Guðríð-
ar Símonardóttur. Það voru allir í
skýjunum með sýninguna, enda frá-
bær flutningur hjá Steinunni,“ segir
Heiður að lokum. arg/ Ljósm. hb.
Mjög góð mæting á Hvalfjarðardaga
Hlaupið í norðangarranum.
Arnar Karlsson á hlaupum en hann
varð fyrstur í flokki 40 ára og eldri í 7
km hlaupinu.
Arnheiður á Bjarteyjarsandi segir börnum og fullorðnum frá dýrunum á bænum.
Svínin á Bjarteyjarsandi vekja alltaf athygli. Sumir settust aðeins á bak.
Sigurvegarar í Hvalfjarðarhlaupi, 19-39 ára. Máni Atlason og Katrín Lilja
Sigurðardóttir. Hlaupið var frá Botnsskála að Hlöðum sem eru um 14 km.
Sigurvegarar í Hvalfjarðarhlaupi 14 km, 40 ára og eldri, Magnús Þór Arnarson og
Ingveldur H. Ingibergsdóttir.
Boðið var upp á ókeypis grillaðar pylsur í Ferstikluskála og Kristján veitinga-
maður hafði í nógu að snúast við að grilla og afgreiða.
Ingibjartur Þórjónsson og Kristín Magnúsdóttir voru með heimasmíðaða leik-
fangabíla á markaðnum á Þórisstöðum.
Tvíreykt og grafið kjöt sneitt niður á markaðnum. Mæðgurnar Kristín og Sigur-
björg á Ytra-Hólmi seldu vel.
Ljósmyndir og fatnað mátti líka sjá á
markaðnum.
Fjölbreytt úrval matvæla var á boð-
stólum á Þórisstöðum.Kleinur og teiknimyndafígúrur auk renndra skála úr trjábolum voru þarna í boði. Kristján Bjarnason og Aron sonur hans voru með ýmsa skraut- og nytjamuni.