Skessuhorn - 03.02.2016, Blaðsíða 22
MIÐVIKUDAGUR 3. FEBRÚAR 201622
Pennagrein
Þann 12. janúar síðastliðinn sendu
Íbúasamtök Hvanneyrar og nágrenn-
is inn beiðni til Borgarbyggðar um
stofnun sjálfstætt starfandi skóla á
Hvanneyri. Óskað var eftir að Borg-
arbyggð myndi greiða 75% af vegnu
meðaltali heildarrekstrarkostnað-
ar allra grunnskóla sem reknir eru
af sveitarfélögum í landinu á hvern
nemanda en það er lágmarks fram-
lag sveitarfélaga til sjálfstætt starf-
andi skóla. Viðkomandi erindi var
hafnað af byggðarráði Borgarbyggð-
ar 21. janúar. Það vekur furðu að er-
indi sem varðar stórfellda hagsmuni
íbúa Hvanneyrar, nágrannasveita og
Borgarbyggðar allrar, fái ekki um-
fjöllun á faglegum, fjárhagslegum
og síðast en ekki síst samfélagsleg-
um forsendum. Forsvarsmenn um-
sóknarinnar voru hvorki boðaðir til
fundar né óskað eftir nánari gögnum
frá þeim til þess að viðra málið. Mál-
ið var einfaldlega afgreitt endanlega á
einum byggðarráðsfundi og fékk ekki
meðferð í fræðslunefnd.
Þann 26. janúar sendu Íbúasam-
tökin sveitarstjórn bréf þar sem ósk-
að var eftir rökum fyrir höfnun erind-
isins um stofnun sjálfstætt starfandi
skóla þar sem bókun byggðarráðs um
málið var engan veginn fullnægjandi.
Beðið er eftir svari.
Hugmyndinni um sjálfstætt starf-
andi skóla á Hvanneyri hafa nokkrir
íbúar velt fyrir sér í þónokkur ár og
er því hugmyndin sem lögð var fram
vel ígrunduð. Í umsókn okkar er farið
yfir starf skólans og áherslur, sem og
fjármögnunarleiðir og rekstur. Í starfi
skólans yrði áhersla lögð á samvinnu
nemenda, kennara og samfélags-
ins alls. Áhersla yrði lögð á náttúru-
og umhverfismennt með útinámi og
hreyfingu sem samþættist inn í all-
ar námsgreinar. Stefnt væri að því að
vinna áfram og dýpra með leiðtoga-
færni í gegnum verkefnið ,,Leiðtog-
inn í mér”. Í umsókninni er stefnt að
því að á þriðja starfsári skólans yrði
boðið upp á kennslu upp í 7. bekk,
einkum vegna stærðarhagkvæmni en
einnig til að styrkja byggðarkjarnann
enn frekar. Með stofnun slíks skóla á
Hvanneyri myndi aðdráttarafl stað-
arins að öllum líkindum aukast og
þar af leiðandi íbúum fjölga. Þetta
gæti haft góð áhrif í för með sér fyr-
ir Kleppjárnsreykjaskóla þar sem að
Hvanneyri og nágrenni myndi skila
af sér fleiri nemendum á unglinga-
stigi þangað, einmitt þegar þörf barna
er hve mest fyrir gott félagaval.
Í umsókninni er sýnt fram á meiri
fjárhagslega hagræðingu fyrir Borg-
arbyggð með því að samþykkja stofn-
un sjálfstætt starfandi skóla en við það
að færa 1. – 3. bekk í leikskólann An-
dabæ. Í upphafi áætlaði sveitarstjórn
að með þessum hagræðingaraðgerð-
um á Hvanneyri mætti spara sveitar-
félaginu u.þ.b. 40 milljónir en sam-
kvæmt skjali frá sveitarstjóra sem lagt
var fram á byggðarráðsfundi 3. des-
ember 2015 er fjárhagsleg hagræð-
ing nú orðin 11,4 milljónir. Spila þar
ýmsir þættir inn í en mestu munar
þó um lægra framlag frá Jöfnunar-
sjóði sem sveitarstjórn láðist að taka
með í reikninginn en einnig sú breyt-
ing að 1.-3. bekkur verður tekinn inn
í leikskólann Andabæ. Þess ber þó að
geta að innri leiga er um 7 milljónir af
þessum 11,4 milljónum svo endanleg
hagræðing er ekki meiri en 4 millj-
ónir. Með stofnun sjálfstætt starfandi
skóla mætti hagræða um 16 milljónir
króna miðað við sama nemenda- og
starfsmannafjölda og starfsárið 2014
– 2015.
Þá er enn fremur rétt að geta þess
að boð sveitarstjórnar um að færa
þrjá grunnskólabekki í leikskólann
Andabæ án þess að ætla að leggja
í kostnað við stækkun hans er að-
eins lausn til tveggja ára, m.a. sam-
kvæmt oddvita Framsóknarflokks-
ins sem gegnir einnig hlutverki for-
manns fræðslunefndar Borgarbyggð-
ar. Ekki hafa borist neinar upplýsing-
ar um það hvernig ætlunin sé að út-
færa þessa leið og því er ómögulegt
fyrir íbúa, sem og starfsfólk, að leggja
mat á það hvort að segja skuli ,,já“ eða
,,nei“ við þeirri leið eins og sveitar-
stjórn og embættismenn eru byrjuð
að pressa á. Skólaráð GBF óskaði að
auki eftir fresti til að veita umsögn um
málið þar til að ákveðnar upplýsingar
um skólastarfið, sem ráðið óskaði eft-
ir, lægju fyrir en fræðslunefnd hafnaði
þeirri beiðni.
Að endingu skal nefna að því fer
fjarri að stjórn Íbúasamtaka Hvann-
eyrar og nágrennis hafi verið þver-
móðskan uppmáluð í garð sveitar-
stjórnar á síðastliðnu ári. Þvert á móti
höfum við margoft boðið fram að-
stoð okkar við að finna lausn á mál-
inu en lítið hefur verið um viðbrögð.
Við höfum lagt ýmsar sviðsmynd-
ir fram á borðið sem mögulega væri
hægt að búa til sátt um, m.a. sjálf-
stætt starfandi skóla og svo samrek-
inn leik- og grunnskóla í Andabæ
upp í 4. bekk með kaupum á færan-
legri kennslustofu sem kostar u.þ.b. 1
milljón króna. Okkar hugmyndir hafa
ekki hlotið hljómgrunn.
Ljóst er að málið hefði þurft að
vinna betur frá upphafi. Byrja hefði
átt að móta skólastefnu fyrir sveitar-
félagið áður en niðurskurður hófst.
Því hefur það verið og er okkar til-
laga og krafa að málið verði núllstillt;
ákvörðun um lokun Hvanneyrar-
deildar GBF dregin til baka og öllum
hagsmunaaðilum víðs vegar úr sveit-
arfélaginu boðið að borðinu og lausn
fundin á málinu. Ánægjulegt þykir
okkur að hægt sé að leggja fjármagn í
löngu tímabærar breytingar á Grunn-
skólanum í Borgarnesi sem og í fram-
tíðarlausn fyrir leikskólann Hnoðra-
ból en að sama skapi er undarlegt að
ekki séu til 11,4 milljónir, eða í raun-
inni einungis 4 milljónir, til þess að
halda áfram rekstri á grunnskóladeild
GBF á Hvanneyri í núverandi mynd.
Við skorum á sveitarstjórn að
draga til baka ákvörðun sína um lok-
un Hvanneyrardeildar GBF. Algjör
forsendubrestur er orðinn í málinu
þar sem ljóst er að áætlaður sparn-
aður sem lagt var upp með mun ekki
nást og afleiðingarnar hafa nú þegar
leitt til tekjuskerðingar fyrir sveitar-
sjóð. Ef það er sveitarfélaginu nauð-
synlegt að hagræða um 4 milljónir þá
er án efa hægt að finna þær milljón-
ir á einhvern annan veg, á veg sem er
ekki jafn íþyngjandi fyrir íbúa sveit-
arfélagsins.
Stjórn Íbúasamtaka Hvanneyrar og
nágrennis.
Yfirlýsing frá Íbúasamtökum Hvanneyrar og nágrennis
Í Auðarskóla í Búðardal er viku-
legt samstarf milli yngsta bekkjar
grunnskólans og elsta árgangs leik-
skóladeildarinnar. Í vikunni sem
leið hélt hópurinn upp á hundr-
aðasta skóladaginn og þegar frétta-
ritari Skessuhorns leit við var ver-
ið að búa til svokallaðar 100 daga
hálsfestar. Nemendur unnu sam-
viskusamlega að því að raða hundr-
að Cheerios hringjum á band ásamt
klippimyndum af tölunni hundrað.
Það leyndi sér ekki að þarna voru
áhugasamir og vel einbeittir nem-
endur að störfum.
sm
Héldu upp á
hundraðasta skóladaginn
Embla einbeitt í starfi.
Kennarinn aðstoðar.
Þórarinn afmælisbarn að þræða
tölurnar á band.
Þrír ungir og efnilegir knattspyrnu-
menn af Vesturlandi voru nýver-
ið valdir til úrtaksæfinga vegna
U16 ára landsliðs karla í knatt-
spyrnu. Úrtakshópurinn æfði um
liðna helgi, dagana 29. til 31. janú-
ar. Fóru æfingar fram í Kórnum í
Kópavogi annars vegar og hins veg-
ar í Egilshöll í Grafarvogi.
Knattspyrnumennirnir þrír sem
æfðu með U16 ára landsliðinu eru
Elís Dofri G Gylfason úr Skalla-
grími, Sigurjón Logi Bergþórsson
úr ÍA og Benedikt Björn Ríkharðs-
son sem leikur með Víkingi Ólafs-
vík.
kgk
Ungir knattspyrnumenn
boðaðir til landsliðsæfinga
Borgnesingum Elís Dofri G Gylfason var ásamt tveimur ungum og efnilegum
knattspyrnumönnum valinn til úrtaksæfinga með U16 ára landsliðinu um liðna
helgi. Elís lék sinn fyrsta leik fyrir meistaraflokk Skallagríms á liðnu sumri. Sölvi
bróðir hans, sem er með honum á myndinni, er þar fastamaður. Ljósm. Skalla-
grímur.
Fimmtugasta og fyrsta þorrablót
Hjónaklúbbs Eyrarsveitar var hald-
ið með pompi og pragt í Grundar-
firði á laugardagskvöldið. Skemmti-
nefndin skilaði sínu óaðfinnan-
lega og hlátrarsköllin ómuðu um
allt hús. Þar var tekið á viðburðum
liðins árs og var af mörgu að taka.
Meira að segja ónefndir vistmenn
á Kvíabryggju fengu sinn skammt.
Það var veitingahúsið Bjargarsteinn
sem sá um veitingarnar og er óhætt
að segja að þorramaturinn hafi far-
ið vel í gesti blótsins.
tfk
Glatt á hjalla á þorrablóti Hjónaklúbbsins