Skessuhorn - 03.02.2016, Blaðsíða 24

MIÐVIKUDAGUR 3. FEBRÚAR 201624
Dagur leikskólans er 6. febrúar ár
hvert. Á þeim degi árið 1950 voru
stofnuð fyrstu samtök leikskóla-
kennara á Íslandi. Í ár ber Dag leik-
skólans upp á laugardag og verð-
ur því haldið upp á hann í leikskól-
um landsins daginn áður, föstudag-
inn 5. febrúar. „Tilgangurinn með
Degi leikskólans er að kynna starf-
semi leikskóla út á við og beina sjón-
um að því kraftmikla starfi sem fer
fram í leikskólum landsins. Undan-
farin ár höfum við sett upp mynd-
listarsýningu í Hyrnutorgi og kynn-
um þannig verkefni sem hér er unn-
ið að, leiðtogaverkefninu (The Lea-
der in me) og leikskólalæsi, svo
dæmi séu tekin. Við höfum einnig
verið með opið hús hér í leikskól-
anum,“ segir Steinunn Baldursdótt-
ir, skólastjóri Klettaborgar í Borgar-
nesi, í samtali við Skessuhorn.
Í Klettaborg eru 65 börn á þrem-
ur deildum og mun leikskólinn í
ár einnig halda upp á dag leikskól-
ans með þátttöku í myndbandasam-
keppni sem Félag leikskólakennara
og Félag stjórnenda leikskóla stend-
ur fyrir. Keppt er um besta tónlist-
armyndbandið. „Við sendum lag til-
einkað leiðtogaverkefninu, börn-
in syngja leiðtogalagið og fara með
leiðtogaþuluna, en bæði atriðin voru
búin til hér,“ segir Steinunn.
Aðspurð telur hún að Dagur leik-
skólans skili tilætluðum árangri,
hann eigi sinn þátt í að vekja at-
hygli á starfsemi leikskóla almennt.
„Undanfarin ár finnst mér leikskól-
arnir hafa orðið sýnilegri í sam-
félaginu. Við erum að færast í þá
átt að vera betur metin sem fyrsta
skólastigið,“ segir Steinunn og seg-
ir að í þeim efnum hafi mikið breyst
á undanförnum 10 til 15 árum. Áður
hafi verið meira litið á leikskólana
sem nokkurs konar róluvelli þar sem
hægt var að hafa börnin á vinnutíma
foreldranna.
Þessa framþróun þakkar hún fram-
förum í fræðunum, miklum metn-
aði og fleiri menntuðum leikskóla-
kennurum. „Þegar ég kem hingað
1995 var Klettaborg eini leikskólinn
í Borgarnesi og hér störfuðu þá tveir
leikskólakennarar. Í dag eru leik-
skólarnir orðnir tveir og bara hér í
Klettaborg eru tólf faglærðir kenn-
arar. Það segir sitt um þróunina og
metnaðinn sem hefur verið ráðandi í
þessari stétt á undanförnum árum,“
segir Steinunn og bætir því við að
starf leikskólanna sé alltaf að verða
markvissara. „Börn í dag eru miklu
betur undirbúin fyrir næsta skólastig
en var, leikskólinn undirbýr börnin
fyrir lífið,“ segir hún. „Samstarf á
milli skólastiganna hefur aukist og
er í stöðugri þróun.“
Steinunn vill þó alls ekki gera lítið
úr ófaglærðu starfsfólki í Klettaborg
og metur reynslu þeirra og hæfileika
mikils. „Leikskólinn getur státað af
mjög flottum hópi bæði faglærðra
og ófaglærðra starfsmanna. Starfs-
aldur hér er mjög hár, rúm 14 ár og
við vinnum vel saman. Nýlega bætt-
ust við tveir ungir karlmenn sem er
alveg frábært og gefur starfsmanna-
hópnum aukna breidd,“ segir hún.
„Karlarnir vita
ekki hvað þetta er
skemmtilegt“
Í tengslum við Dag leikskólans eru á
hverju ári veitt hvatningarverðlaun-
in Orðsporið. Í ár munu þau koma
í hendur þess sem þykir hafa skar-
að fram úr við að fjölga karlmönn-
um sem starfa innan veggja leikskól-
anna.
„Karlarnir vita ekki hvað þetta
er skemmtilegt,“ segir Steinunn
létt í bragði þegar blaðamaður spyr
hverjar hún telji skýringar þess að
karlmenn hafi alltaf verið aðeins fá-
mennur hópur leikskólakennara og
leiðbeinenda. Hún telur þó að öllu
gríni slepptu að hefðin eigi þar stór-
an hlut að máli. „Þetta hefur verið
hefðbundið kvennastarf í gegnum
tíðina, en það hefur verið að breyt-
ast á undanförnum árum og ég vona
að sú þróun haldi áfram. Það er mik-
ilvægt að fá karla til starfa inni í leik-
skólunum, ekki síst barnanna vegna.
Kynin eru að sumu leyti ólík og mik-
ilvægt að börnin hafi bæði karla og
konur sem fyrirmyndir,“ segir hún.
Aðspurð telur hún að börn ein-
stæðra mæðra hafi gott af fjölgun
karlmanna innan leikskólakennara-
stéttarinnar. „Börn einstæðra for-
eldra eiga kannski í minni samskipt-
um við annað kynið og það er mik-
ilvægt að geta haft fyrirmyndir af
báðum kynjum í leikskólanum. En
það á auðvitað við um öll börnin,“
segir hún.
Ólíkt fólk kemur með
ólík sjónarmið
Steinunn lætur vel af karlmönnun-
um tveimur á Klettaborg og segir
þá alls enga eftirbáta annars starfs-
fólks innan veggja leikskólans.
„Ég er mjög ánægð að hafa fengið
strákana til starfa. Það er gott fyr-
ir börnin, þau eru vön því að um-
gangast fyrst og fremst kvenmenn
í leikskólanum svo þetta er kær-
komin viðbót við starfsmannahóp-
inn. Börnin leita til þeirra til jafns
við okkur hinar,“ segir Steinunn.
„Eins þykir mér þeir sérlega flott-
ir að láta vaða og koma inn í gró-
inn starfshóp sem er búinn að vinna
lengi saman,“ segir hún og segir að
þeim hafi verið vel tekið. „Allir hér
eru mjög jákvæðir og þetta er að-
eins til góðs,“ segir hún en bætir
því við að það eigi ekki aðeins við
um störf innan veggja leikskóla það
megi heimfæra á öll störf.
„Það sama á við í grunnskólun-
um og í raun hvar sem er. Ég tel
mikið til bóta að karlar taki í aukn-
um mæli að sér störf sem hafa í
gegnum tíðina talist hefðbundin
kvennastörf og öfugt. Þetta á við
á öllum sviðum, karlar og konur
koma með ólík sjónarmið sem gott
er að tvinna saman. „Saman getum
við meira,“ eins og segir í leiðtoga-
verkefninu sem við vinnum mik-
ið eftir,“ bætir hún við og brosir.
„Með ólíku fólki koma ólík sjónar-
horn, það eykur fjölbreytni og gerir
þetta starf, sem fyrir mér er mikil-
vægasta og skemmtilegasta starfið,
enn betra,“ segir Steinunn Baldurs-
dóttir og lýkur viðtalinu á einkunn-
arorðum Klettaborgar: „Sjálfstæði
- virðing - gleði.“ kgk
Leikskólarnir verða stöðugt
sýnilegri í samfélaginu
Steinunn Baldursdóttir ásamt nokkrum börnum í Klettaborg.
Hvatningarverðlaunin Orðspor-
ið eru veitt er ár hvert í tengslum
við Dag leikskólans. Að þessu sinni
verða verðlaunin veitt þeim sem
þykja hafa skarað fram úr við að
fjölga karlmönnum í starfsliði leik-
skólanna. Í leikskólanum Klettaborg
í Borgarnesi starfa tveir ungir karl-
menn, Nökkvi G Gylfason og Hall-
dór Óli Gunnarsson. „Ég vil meina
að ég hafi brotið ísinn þegar ég kom
hingað í afleysingar um jólin 2012,“
segir Halldór og brosir til Nökkva
sem hóf störf í ágústmánuði síðast-
liðnum. Báðir hafa þeir áður starfað
með börnum og unglingum og láta
vel af því hlutskipti. „Ég hef áður
unnið í grunnskólanum hér í Borg-
arnesi og á frístundaheimili í Reykja-
vík. Mér þykir gaman að vinna með
börnum, sérstaklega á leikskólanum
og það er mjög gefandi og gaman að
hugsa til þess að maður fái að taka
þátt í því að móta framtíð einhvers,“
segir Halldór. Hann veltir þó upp
annarri mögulegri ástæðu þess að
honum líki vel í Klettaborg: „Börnin
eru bara svipað þroskuð og ég,“ segir
hann léttur í bragði og hlær við.
Nökkvi tekur undir með félaga
sínu, hann hafi einnig ánægju af því
að vinna með börnum. „Áður en ég
flutti heim í Borgarnes vann ég á leik-
skóla í Kópavogi og hef líka unnið í
félagsmiðstöðinni Óðali hér í Borg-
arnesi,“ segir Nökkvi og bætir því
við að starfið samræmist vel framtíð-
aráformum sínum. „Mig langar að
verða kennari einn daginn. Þangað
til er líklega ágætt að halda sig innan
menntakerfisins,“ segir Nökkvi.
„Magnaðar konur sem
vinna með okkur“
Eins og kemur fram í viðtali við
Steinunni Baldursdóttur, leikskóla-
stjóra í Klettaborg, lætur hún vel af
þeim Halldóri og Nökkva og segir
starfsfólkið allt hafa tekið þeim vel.
Þeir taka undir það, segja sér hafa
verið vel tekið og bera samstarfsfólki
sínu vel söguna. „Þetta eru alveg
magnaðar konur sem vinna hérna
með okkur,“ segir Nökkvi. „Þær vita
nákvæmlega hvað þær eru að gera,
enda sumar búnar að vera hérna í
bráðum 30 ár,“ bætir Halldór við og
rifjar upp að hann hafi sjálfur ver-
ið hér á leikskóla fyrir 25 árum síð-
an. „Mér finnst töff að vinna hérna.
Þetta er að mörgu leyti sögufræg-
ur leikskóli. Lengi vel var þetta eini
leikskólinn í Borgarnesi og ótrúlega
margir búnir að vera hér í gegnum
tíðina, þar á meðal ég,“ segir hann
og spyr Nökkva hvort hann muni
eftir því þegar Vigdís Finnbogadótt-
ir kom í Klettaborg meðan hún var
forseti og gróðursetti trén í Vigdísar-
lundi. Nökkvi játar því. „Ég var ein-
mitt á staðnum þann dag sem barn.
Þess vegna upplifði ég mjög súrreal-
ískt augnablik fyrir nokkrum dögum
þegar við vorum að leika þar með
krökkunum. Mér leið eins og ég væri
kominn þangað aftur. Þetta var mjög
undarleg en skemmtileg upplifun,“
segir Halldór.
Bjartsýnir á að
körlum fjölgi
Í dag eru karlar aðeins um eitt pró-
sent leikskólakennara á landinu.
Þrátt fyrir að Halldór og Nökkvi hafi
tekið eftir og fagni því að hlutfallið sé
að hækka eru þeir hóflega bjartsýnir
á að hlutfall kynjanna verði jafnt inn-
an greinarinnar. „Ég held við sjáum
það ekkert gerast á næstunni. En
það er aldrei að vita nema við verð-
um orðnir 50% af starfsfólkinu eftir
nokkra áratugi. En við verðum bara
að vona það besta,“ segja þeir. „Eins
og ég sagði áðan þá er þetta að breyt-
ast. Þessi staðlaða ímynd kynjanna er
hverfandi, sem er vel,“ bætir Hall-
dór við.
Ef til vill má í smækkaðri mynd
sjá merki þess á starfshópi Kletta-
borgar. Ef farið er innan við ár aft-
ur í tímann starfaði þar enginn karl,
þar til Nökkvi hóf störf í ágúst eins
og áður sagði. „Ég var mjög ánægð-
ur að fá annan karl í hópinn þegar
Halldór byrjaði að vinna hérna. Ekki
endilega mín vegna heldur vegna
þess að ég held að það sé gott fyr-
ir börnin. Ég held að sé hollt fyr-
ir krakkana að geta umgengist bæði
konur og karla á leikskólanum og að
eiga fyrirmyndir af báðum kynjum,“
segir Nökkvi og Halldór tekur und-
ir það og telur að það megi heimfæra
yfir á allar greinar atvinnulífsins. „Ég
held að það hafi ekkert nema jákvæð-
ar afleiðingar að karlar fari í auknum
mæli að taka að sér störf sem geta tal-
ist hefðbundin kvennastörf og öfugt.
Þetta er smám saman að færast í þá
átt,“ segir hann og Nökkvi samsinn-
ir því. „Þegar ég vann á leikskólan-
um í Kópavogi vorum við þrír strák-
ar þar,“ segir hann.
Hvetja alla til
að vinna á leikskóla
Þeir segja börnin á Klettaborg hafa
tekið þeim afar vel, séu ófeimin að
leita til þeirra og leggi þá að jöfnu
við aðra leiðbeinendur og kenn-
ara. Þeir finni ekki fyrir því að vera
einu karlarnir á vinnustaðnum. „Ég
lenti reyndar í einu um daginn sem
mér fannst óvenjulegt, en aðallega
fyndið,“ segir Halldór. Þá kom eitt
barnanna til mín og sagði: „Halli,
það er alveg eins lykt af þér og
Nökkva. Ég vissi ekki alveg hvernig
ég átti að taka þessari athugasemd, ég
hef aldrei tekið eftir þessu en kannski
er einhver svona karlalykt af okkur,“
segir Halldór í léttum dúr. „Ætli það
sé ekki bara táfýlan af okkur sem er
eins,“ bætir Nökkvi við.
Af máli þeirra félaga að dæma er
greinilegt að þeir una hag sínum vel
og njóta þess að vinna með börn-
unum. Aðspurðir segjast þeir hvetja
alla til að sækja um starf á leikskóla.
„Þetta er mjög gefandi. Að geta kom-
ið heim úr vinnunni og hugsað til
þess að maður hafi gert eitthvað sem
þjónar tilgangi er hollt fyrir sálina og
það er frábært að vinna við eitthvað
sem maður hefur ánægju af,“ segir
Nökkvi. Hann hikar stutta stund en
tekur svo aftur til máls. „Þetta er svo
ótrúlega krúttlegt stundum. Sumir
krakkarnir kalla mig afa,“ segir hann
og þeir skella báðir upp úr. „Ég er
yngsti maðurinn hérna!“
kgk
Segja bæði gaman og gefandi að vinna með börnum
Halldór Óli Gunnarsson leiðbeinir börnunum.
Nokkrir af nemendum Klettaborgar í vinnustund hjá Nökkva G Gylfasyni.