Skessuhorn - 13.07.2016, Blaðsíða 18

MIÐVIKUDAGUR 13. JÚLÍ 201618
Eyþór Jón Gíslason mótsstjóri á
Landsmóti hestamanna sagði, í
samtali við Skessuhorn, að hann
væri mjög ánægður með mótið. Ey-
þór er fæddur og uppalinn í Laxár-
dal í Dölum og er óhætt að segja að
hestamennskan sé í blóðinu en hann
hefur verið á kafi í hestamennsku
alla tíð. Hann hefur starfað á ýms-
um mótum undanfarin ár en var
þetta frumraun hans sem mótsstjóri
á Landsmóti. „Ég er ritari í stjórn
Landsambands hestamanna og
hef unnið með Sigurði Ævarssyni
fyrrum mótsstjóra á undanförnum
landsmótum. Það var leitað til mín
núna og ég ákvað að demba mér í
þetta verkefni,“ segir Eyþór.
Hólar í Hjaltatal er góð-
ur staður fyrir landsmót
Aðspurður hvernig staðsetning
mótsins hafi reynst segir Eyþór
svæðið alveg hafa sannað sig. „Mót-
ið gekk afskaplega vel og allt gekk
upp. Framkvæmdir sem hafa átt sér
stað á Hólum hafa komið mjög vel
út og hafa Skagfirðingar staðið sig
vel í að byggja upp svæðið. Það var
skemmtilegt að sjá hvað nálægð-
in kom vel út, þar að segja hversu
nálægt allt var á mótinu, tjaldsvæð-
ið, keppnissvæðið og reiðhallirnar.
Þetta kom í raun mun betur út en
ég hafði þorað að vona,“ segir Ey-
þór og bætir því við að hann voni
að þarna verði haldin fleiri stór-
mót í framtíðinni. „Það hefur ver-
ið umdeilt meðal hestamanna hvar
landsmót eigi að vera haldið og mér
finnst það í raun bara mjög jákvætt.
Fólk á að hafa skoðanir á þessu og
láta þetta sig varða. En við þurfum
að gæta þess að fara ekki í skotgraf-
irnar með þessa umræðu, við hesta-
menn eigum það sameiginlegt að
vilja öll að viðburðurinn landsmót
hestamanna heppnist vel. Persónu-
lega er mér alveg sama hvar lands-
mót er haldið svo lengi sem það er
sátt um það og staðurinn beri svona
stórt mót,“ bætir Eyþór við.
Hlutverk mótsstjóra
„Hlutverk mótstjóra er að sjá um
allt sem tengist sjálfu mótinu. Ás-
kell Heiðar Ásgeirsson var fram-
kvæmdarstjóri mótsins og þetta
skiptist svona á milli okkar, hann
sá um viðburðinn landsmót á með-
an ég sá um keppnina landsmót.
Mótsstjóri tekur ábyrgð á öllu sem
tengist keppninni sjálfri og tekur
t.d. á móti kærum, ásamt yfirdóm-
nefnd,“ segir Eyþór aðspurður um
hvað felist í því að vera mótsstjóri.
Því gefur að skilja að nóg hefur ver-
ið að gera hjá Eyþóri undanfarið en
hvað tekur þá við? „Þetta var tölu-
verð vinna og nú tekur bara dags-
legt líf við og smá frí þar sem ég
stefni á að fara í hestaferð á Mýr-
arnar. Ég er reyndar ekki alveg bú-
inn með hestamannamótin en núna
fæ ég að starfa aðeins með hesta-
mannafélaginu Skugga í Borgarnesi
á Íslandsmóti yngri flokka í hestaí-
þróttum,“ segir Eyþór og bætir því
við að hann vilji þakka öllum þeim
sem stóðu að landsmóti hesta-
manna kærlega fyrir mjög vel unn-
in störf. arg
Mótsstjóri á Landsmóti hestmanna
Eyþór Jón Gíslason var mótstjóri á landsmóti hestamanna og segir mótið hafa heppnast mjög vel í alla staði.
Ljósm. Úr safni Eyþórs Jóns Gíslasonar.
Birna Björnsdóttir tók um áramót-
in síðustu við starfi framleiðslu-
stjóra Þörungaverksmiðjunnar á
Reykhólum. Hún er fædd og upp-
alin á Höfn í Hornafirði en flutti
með foreldrum sínum til Reykja-
víkur og settist að í Breiðholtinu.
Að loknu stúdentsprófi tók hún BS
í vélaverkfræði frá Háskóla Íslands
en fór síðan til Portó í Portúgal
og hóf meistaranám í framleiðslu-
stjórnun. Hún segir það hafa verið
ákveðin viðbrigði að flytja til Portú-
gal. „Þar er allt öðruvísi mennta-
kerfi en hér. Ég var 29 ára og með
fjölskyldu en flestir samnemend-
ur mínir voru tvítugir,“ segir Birna.
Hún fræðir blaðamann um að það
hafi verið í Háskólanum í Portó
þar sem rithöfundurinn J.K. Rowl-
ing fékk hugmyndina að búningum
nemenda Hogwarts skólans í Harry
Potter bókunum. „Þegar ég sá bún-
ingana fyrst hugsaði ég bara; „hvert
er ég komin?“ Þarna voru nemend-
ur í þykkum ullarkápum og ullar-
hempum, í steikjandi hita í Portú-
gal,“ segir Birna og brosir.
Námsdvölinni í Portúgal lauk árið
2014 og að henni lokinni hóf Birna
störf sem gæðastjóri hjá Matvæla-
stofnun. En hvað varð til þess að
hún ákvað að flytja vestur á Reyk-
hóla? „Ég ákvað að prófa skrifstofu-
starfið hjá MAST en fannst það ekki
henta mér. Ég sá auglýsingu frá Þör-
ungaverksmiðjunni þar sem auglýst
var eftir framleiðslustjóra og ákvað
að prófa að sækja um, gengin fimm
mánuði á leið,“ segir Birna, en son-
ur hennar fæddist einmitt í nóvem-
ber síðastliðnum. „Ég kom í viðtal
og var síðan ráðin, gengin sjö mán-
uði á leið,“ bætir hún við og brosir.
Uppsagnarfrestinn hjá MAST nýtti
hún sem fæðingarorlof og hóf síðan
störf í Þörungaverksmiðjunni á ára-
mótum. „Ég byrjaði í 40% starfs-
hlutfalli í janúar og jók það í 60% í
febrúar til að koma mér hægt og ró-
lega inn í starfið. Síðan byrjaði ég af
fullum krafti í mars,“ segir hún.
Flutti vestur með
fjölskylduna
Eiginmaður Birnu er Sigursteinn
Norðfjörð Kristjánsson. Saman eiga
þau dótturina Jóhönnu Iðunni sem
er sex ára og soninn Bergstein Norð-
fjörð sem fæddist í nóvember. Flutt-
ist fjölskyldan öll að Reykhólum og
lætur Birna vel af nýju sveitungum
sínum. „Við fluttum rétt fyrir jól og
mér finnst æðislegt að vera hérna.
Ég er sveitamanneskja í mér og syst-
ir mín hafði einmitt orð á því að ég
væri alltaf að færast nær því að ger-
ast bóndi,“ segir hún og brosir. Ver-
andi með börn á skólaaldri vekur hún
máls á menntunarstigi kennara við
leik- og grunnskólann á Reykhólum.
„Það er nú bara ekki að því hlaupið
í skólum í Reykjavík að allir starfs-
menn séu menntaðir. Því kom mér
því skemmtilega á óvart að nær allir
starfsmenn skólans hér væru mennt-
aðir í sínu fagi,“ segir hún. „Sömu
sögu er að segja af hjúkrunarheim-
ilinu, þar er meira og minna aðeins
faglært starfsfólk,“ bætir hún við.
Öryggið í forgrunni
Birna segir að öryggismál séu fyrsta
og síðasta viðfangsefni framleiðslu-
stjóra Þörungaverksmiðjunnar. „Hér
veltur allt á öryggismálum, þau eru
númer eitt, tvö og þrjú,“ segir hún.
„Ég hef bakgrunn úr álverum Norð-
uráls og Rio Tinto. Þar eru öryggis-
mál mjög fyrirferðarmikil og mað-
ur lærir smám saman þessa örygg-
isvitund. Hér í Þörungaverksmiðj-
unni hefur verið unnið gott starf og
við stefnum að því að byggja á því til
framtíðar og reyna stöðugt að bæta
okkur,“ segir Birna. Hinn aðalþátt-
ur starfsins, hin eiginlega stjórnun á
framleiðslunni, er unnin í nánu sam-
starfi við framkvæmdastjóra verk-
smiðjunnar. „Framleiðslustjórnunin
snýst í stuttu máli um að hafa fram-
leiðsluna sem skilvirkasta þannig að
verksmiðjan eigi aldrei að þurfa að
stoppa,” segir hún og bætir því við
að lítið hafi verið um tafir á fram-
leiðslunni það sem af er yfirstand-
andi þangvertíð. „Með góðum sam-
skiptum og góðri samvinnu þang-
sláttumanna, áhafnarinnar á Gretti,
framkvæmdastjóra og annarra starfs-
manna Þörungaverksmiðjunnar á
framleiðslan að geta gengið vel fyr-
ir sig. Á sama tíma á öllum að geta
liðið vel í vinnunni og allir fara heil-
ir heim,“ segir Birna Björnsdóttir að
lokum.
kgk
Var komin sjö mánuði á leið þegar hún var ráðin
Birna Björnsdóttir, framleiðslustjóri Þörungaverksmiðjunnar á Reykhólum.
Grettir BA, skip Þörungaverksmiðjunnar, leggur að bryggju með farm af klóþangi.
Sem framleiðslustjóri vinnur Birna náið með áhöfninni á Gretti.
Þangi landað á bryggjunni á Reykhólum.