Skessuhorn - 13.07.2016, Blaðsíða 31

MIÐVIKUDAGUR 13. JÚLÍ 2016 31
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Björn Bergmann til
liðs við Molde
Skagamaðurinn Björn Bergmann Sigurðar-
son hefur samið við norska úrvalsdeildar-
liðið Molde til þriggja ára. Björn verður þar
með annar Íslendingurinn sem semur við
Molde á árinu en Eiður Smári Gudjohnsen
samdi við liðið fyrr á árinu. Björn Bergmann
kemur frítt til Molde en hann lék síðast með
liði Wolverhampton Wanderers í ensku b-
deildinni. Hann hefur verið að glíma við
meiðsli undanfarin ár og lituðu þau veru
hans hjá Úlfunum töluvert. Hann fór að láni
til Molde frá Úlfunum árið 2014 og vann
með liðinu norsku deildina. Björn spilaði
einnig með Lilleström í fjögur tímabil svo
norska úrvalsdeildin er Birni ekki ókunn.
Þjálfari Molde er Manchester United goð-
sögnin Ole Gunnar Solskjær. Solskjær hef-
ur miklar mætur á Birni og segir á heima-
síðu Molde hafa fylgst með honum síðan
árið 2011 og að Björn sé líkamlega sterkur
leikmaður sem einnig sé klókur. -bþb
Íslandsmeistaramót
á Akranesi
Félagar í Vélhjóla-
íþróttafélagi Akra-
ness tóku þátt í tveim-
ur mótum í Íslands-
meistaramótaröðinni
á dögunum, í Mosfellsbæ og á Akureyri.
Þeir Sveinbjörn Reyr Hjaltason og Þorbjörn
Heiðar Heiðarsson náðu verðlaunasæti í B
flokki á báðum mótum. Þá náði Ástrós Rún-
arsdóttir einnig verðlaunasæti í kvenna-
flokki. Næsta mót Íslandsmeistaramótar-
aðarinnar verður haldið á Akranesi laugar-
daginn 16. júlí næstkomandi. Keppt verður
í Akrabraut, braut VÍFA, sem staðsett er upp
undir Akrafjalli. Mótið hefst klukkan 10:20
og áætlað er að keppni ljúki kl. 16:30. Vél-
hjólaáhugamönnum er bent á að ókeypis
aðgangur er fyrir áhorfendur. -kgk
Skallagrímur
sigraði GG
Föstudaginn 8. júlí fór fram leikur Skalla-
gríms og GG frá Grindavík í B-riðli fjórðu
deildar á Skallagrímsvelli. Baráttan um
efstu tvö sætin, sem veita liðum sæti í um-
spili um sæti í þriðju deildinni á næsta ári er
hörð. Skallgrímur var í þriðja sæti fyrir leikinn
og GG í því fjórða. Skallagrímur sigraði leikinn
2 – 1. Fyrra mark Skallagríms skoraði Birgir
Theodór Ásmundsson á 14. mínútu og seinna
markið skoraði Daníel Ingi Gunnarsson á 87.
mínútu. Skallagrímur er enn í þriðja sæti.
Þremur stigum frá því efsta þegar sjö leikir
eru eftir. Næsti leikur Skallagríms er á föstu-
daginn gegn liði Arnarins á Skallagrímsvelli
klukkan 19:15. -bþb
Snæfell tapaði
gegn ÍH
Miðvikudaginn 6. júlí fór fram leikur Snæ-
fells og ÍH í B-riðli fjórðu deildar karla í
knattspyrnu á Kaplakrikavelli. Leiknum lauk
með 5 – 0 sigri ÍH. Snæfell situr á botni rið-
ilsins með engin stig. Næsti leikur Snæ-
fells er miðvikudaginn 20. júlí gegn KFG á
Stjörnuvelli í Garðabæ. -bþb
Síðastliðinn sunnudag mættust KR
og Víkingur Ólafsvík í tíundu um-
ferð Pepsi deildar karla á KR-vell-
inum í Vesturbænum. Fyrir leikinn
voru Víkingar í þriðja sæti deildar-
innar með 17 stig en KR í tíunda
með níu stig. Willum Þór Þórs-
son stýrði liði KR í fyrsta sinn á
þessu tímabili í deildinni eftir að
hann var ráðinn inn sem þjálfari
á dögunum. KR hefur átt í erfið-
leikum með að skora í deildinni
og hafði allt KR liðið aðeins skor-
að einu marki meira en Hrovje To-
kic, sóknarmaður Víkinga, á tíma-
bilinu. Það varð engin breyting þar
á eftir leikinn í dag þar sem honum
lauk með markalausu jafntefli en
þrátt fyrir það var hann mjög fjör-
ugur á köflum.
KR byrjaði leikinn betur og sóttu
mikið upp hægri vænginn og náðu
að skapa hættu. KR áttu hættulegt
færi sem kom eftir eina af sókn-
um þeirra hægra megin á vellinum.
Á 16. mínútu sendi Morten Beck,
hægri bakvörður KR, boltann inn
í teiginn þar sem Kennie Chop-
art náði skallanum sem fór naum-
lega fram hjá. Eftir þetta pressuðu
Vesturbæingar stíft á Ólsara. Vík-
ingur tók sér nokkuð langan tíma í
allar aðgerðir og kom upp óvenju-
legt atvik á 25. mínútu þegar Pon-
tus Nordenberg fékk tiltal frá
dómara leiksins í einu innkastinu
vegna þess hve langan tíma hann
tók í það; þetta var í annað sinn í
leiknum sem dómari leiksins ýtti á
eftir honum. Eftir hálftíma leik var
leikurinn orðinn jafnari. KR átti þó
besta færi hálfleiksins á 42. mínútu.
Finnur Orri komst bakvið vörnina
hægra megin og renndi boltanum á
Præst sem skaut að marki en bolt-
inn fór naumlega framhjá. Staðan
var því markalaus þegar flautað var
til hálfleiks. Síðari hálfleikurinn
átti eftir að verða töluvert líflegri.
KR byrjaði síðari hálfleikinn
með látum. Á upphafsmínútum
hans átti Kennie Chopart ágæt-
is skot að marki úr þröngu færi
við endalínu en Cristian í marki
Ólafsvíkur varði vel. Liðin skipt-
ust á um að sækja lengstan hluta
hálfleiksins. Á 59. mínútu komst
Þorsteinn Már Ragnarsson á ferð-
ina fyrir Víking og stefndi að víta-
teignum, hann lék á varnarmann
KR og tók skotið þegar hann var
kominn inn í vítateiginn en bolt-
inn hafnaði í þverslánni. Skömmu
síðar féll Tokic við í teginum og
vildi hann fá vítaspyrnu en ekk-
ert var dæmt. Besta færi Víkinga
kom á 83. mínútu. Þorsteinn Már
tók enn einn sprettinn í leiknum
og náði góðri sendingu fyrir mark-
ið þar sem Tokic skallaði bolt-
ann en náði ekki að stýra honum á
markið. Þremur mínútum var bætt
við leikinn og reyndust þær mín-
útur nokkuð spennuþrungnar. Á
90. mínútu komst Guðmundur
Andri Tryggvason inn í teig Vík-
inga og fór framhjá Tomasz Luba
en féll síðan við og vildu leikmenn
KR meina að Tomasz hafi brotið
á Guðmundi en dómarinn dæmdi
ekkert. Lokafæri leiksins átti KR,
eftir atgang í teignum barst bolt-
inn á Indriða Sigurðsson sem átti
gott skot sem Cristian varði meist-
aralega í markinu. Lokatölur 0 –
0.
Víkingur heldur þriðja sætinu í
deildinni. Næsti leikur Víkinga er
gegn Stjörnunni á útivelli sunnu-
daginn 17. júlí. bþb
Mynd úr síðasta heimaleik Víkings, gegn Þrótti. Ljósm. af.
Markalaust jafntefli í Vesturbænum
Föstudaginn síðastliðinn fór fram
leikur ÍA og Vals á Akranesvelli
í sjöundu umferð Pepsi deildar
kvenna. Fyrir leikinn voru Skaga-
konur á botni deildarinnar með
eitt stig en Valur í í þriðja sæti með
ellefu stig. Skagakonur hafa ekki
náð í stig á heimavelli í sumar og
var engin breyting þar á að þessu
sinni þar sem Valur vann leikinn
1 – 0. Fyrsta og eina mark leiksins
kom snemma í leiknum. Á tíundu
mínútu fékk Vensa Elísa Smiljko-
vic boltann vinstra megin á vellin-
um og færði boltann inn á völlinn
á hægri löppina þar sem hún sendi
góða fyrirgjöf inn í vítateig beint á
kollinn á Margréti Láru Viðarsdótt-
ur sem skallaði boltann snyrtilega í
markið. Á 24. mínútu var mikill at-
gangur í vítateig Vals sem endaði
með því Skagakonur vildu meina
að boltinn hefði farið í höndina á
Valskonu og heimtuðu vítaspyrnu
en dómari leiksins dæmdi ekkert.
Mikil barátta einkenndi leik
Skagakvenna allan leikinn og áttu
þær nokkur fín tækifæri til þess
að jafna metin. Á 70. mínútu barst
boltinn á Veronicu Líf eftir horn-
spyrnu en skot hennar fór framhjá
markinu. Skagakonur náðu ekki að
jafna leikinn svo lokatölur reyndust
vera 1 – 0 Val í vil.
Leikurinn breytti sætaskipan
deildarinnar ekkert því Valur situr
enn í þriðja sæti og Skagakonur í því
neðsta. Skagakonur hafa ekki náð
að skora mark í síðustu fjórum leikj-
um sem verður að teljast áhyggju-
efni fyrir liðið en markaskorun hef-
ur verið eitt helsta vandamál Skaga-
kvenna á tímabilinu. Næsti leikur
ÍA er í kvöld gegn liði Breiðabliks
á Akranesvelli.
bþb
Megan Dunnigan í baráttu við leikmann Vals á föstudaginn/ Ljósm. Facebook síða
Knattspyrnufélags ÍA.
Skagakonur
töpuðu fyrir Val
Stjórn Vesturlandsdeildarinn-
ar í hestaíþróttum auglýsir laus
til umsóknar tvö liðspláss í deild-
inni á komandi tímabili, veturinn
2017. Vesturlandsdeildin er ein-
staklings- og liðakeppni í hesta-
íþróttum en 24 knapar mynda
sex, fjögurra manna lið sem etja
kappi í sex greinum hestaíþrótta á
fimm kvöldum í febrúar og mars.
Hvert lið sendir þrjá keppendur til
leiks í hverja grein og telja allir til
stiga í liðakeppninni en tíu efstu
hljóta stig í einstaklingskeppninni.
Keppnisgreinar á komandi tíma-
bili verða: Fjórgangur, fimmgang-
ur, tölt, slaktaumatölt, gæðinga-
fimi og flugskeið.
„Eins og fyrr segir standa liðin
saman af fjórum keppendum sem
allir skulu búsettir og/eða starf-
andi á Vesturlandi og hafi náð 18
ára aldri (árið telur). Umsókn-
ir berist á netfangið vesturlands-
deild@gmail.com í síðasta lagi 31.
júlí 2016. Með umsókninni þurfa
að fylgja upplýsingar um þrjá liðs-
menn og tilgreina skal einn þeirra
sem liðsstjóra. Frestur til að skila
inn fjórða liðsmanni og þar með
fullskipuðu liði er 1. nóvember
2016. Sækjist fleiri en tvö lið eft-
ir plássum í deildinni verður hald-
in úrtaka um lausu sætin á haust-
mánuðum,“ segir í tilkynningu frá
stjórn Vesturlandsdeildarinnar.
mm
Tvö laus pláss í
Vesturlandsdeildinni í
hestaíþróttum
Berglind Ragnarsdóttir í brautinni en hún vann fyrsta mótið í Vesturlandsdeildinni
í febrúar síðastliðnum. Þá var í fyrsta skipti keppt í deildinni.
Ljósm. Gunnhildur Birna Björnsdóttir.