Skessuhorn - 31.08.2016, Blaðsíða 30
MIÐVIKUDAGUR 31. ÁGÚST 201630
„Hvað stóð upp
úr í sumar?“
Spurning
vikunnar
(Spurt á Akranesi)
Gunnar Ásgeir Einarsson
„Einmuna blíða sem einkenndi
sumarið.“
Jón Allansson
„Það er fernt; ég fór út til Frakk-
lands að horfa á íslenka landslið-
ið keppa á EM, frábært sumar á
Byggðasafninu, skemmtilegt og
öðruvísi brúðkaup sem ég fór í
norður á Ströndum og svo eign-
aðist ég barnabarn á dögunum.“
Alexía Mist Baldursdóttir
„Fótboltinn og samvera með
góðum vinum.“
Eyrún Björg Guðmundsdóttir
„Utanlandsferð þar sem ég fór
til Krítar með fjölskyldu og vin-
um.“
Á laugardaginn lauk liðakeppninni á EM í keilu,
en mótið fór fram í Brussel. Íslenska liðið spil-
aði þokkalega, fékk 3146 stig eða um 210 að
meðaltali. Þrátt fyrir það tókst karlaliðinu ekki
að ná markmiðinu sem var að tryggja sig inn á
HM í Kuwait 2017. Keppendur Íslands voru ná-
lægt þessu markmiði og segja má að leifaspilið
hafi orðið til þess að takmarkið náðist ekki. Ísland
endaði í 18. sæti í liðakeppninni en 16 lið komast
á HM í Kuwait. Arnar Davíð Jónsson spilaði best
Íslendinga á mótinu, var með 212,29 að meðal-
tali í hverjum leik. Arnar endaði í 56. sæti af 218
keppendum. Skagamaðurinn Skúli Freyr Sig-
urðsson varð í 93. sæti með 204,9 í meðaltal. „Við
förum ekki á HM að þessu sinni en eigum engu
að síður okkar fulltrúa þar því kvennaliðið mun
keppa þar. Nú þarf að fara í að finna verkefni fyrir
karlaliðið því fyrst þetta klikkaði er langt í næsta
verkefni og liðið verður að hafa eitthvað að gera
til að staðna ekki,“ sagði Ásgrímur H. Einarsson
þjálfari landsliðsins að móti loknu. mm
Luku þátttöku á
EM í keilu
Skagamaðurinn Skúli Freyr Sigurðsson
og Arnar Davíð Jónsson á mótinu.
Ljósm. kli.is
Framundan eru landsliðsverkefni hjá U19 ára lands-
liðum karla og kvenna í knattspyrnu. Landsliðshóp-
arnir sem taka þátt í þeim verkefnum hafa verið til-
kynntir og er þar að finna tvo Vestlendinga.
Skagamaðurinn Aron Ingi Kristinsson var valinn í
U-19 ára landsliðshópinn sem heldur út til Wales og
keppir þar æfingaleiki við heimamenn dagana 4. og
6. september. Aron Ingi hefur ekki spilað landsleiki
fyrir Íslands hönd áður en þessi 18 ára Skagamaður
hefur komið við sögu í sjö leikjum ÍA það sem af er
tímabili. Aron Ingi spilar stöðu vinstri bakvarðar.
Þá var Birta Guðlaugsdóttir, markmaður Víkings
Ó. valin í U19 ára landslið kvenna, eins og greint er
nánar frá í frétt hér á síðunni. bþb
Valinn í U19 ára
landsliðið
Eyjólfur Sverrisson þjálfari U21 landsliðsins í knatt-
spyrnu og aðstoðarmaður hans Tómas Ingi Tómas-
son hafa nú tilkynnt landsliðshópinn sem mun
taka þátt í tveimur útileikjum í undankeppni fyrir
EM 2017. Leikirnir sem um ræðir eru gegn Norður-
Írlandi 2. september og Frakklandi 6. september.
Skagamaðurinn Þórður Þorsteinn Þórðarson
var valinn í hópinn að þessu sinni og er þetta í
fyrsta skiptið sem Þórður er valinn í landsliðs-
hóp yngri landsliða. Þórður hefur spilað þrett-
án leiki í Pepsi deildinni í ár og skorað í þeim tvö
mörk. Hann spilaði í upphafi tímabils sem hægri
bakvörður en hefur nú undanfarið spilað á hægri
kantinum.
Ísland er í góðum möguleika að komast á EM
en liðið er í öðru sæti eftir sex leiki með tólf stig,
tveimur stigum eftir Frakklandi sem hafa leikið
einum leik meira en Íslendingar. Það eru því mikil-
vægir leikir á útivelli framundan hjá Íslendingum.
bþb
Þórður Þorsteinn val-
inn í U21 landsliðið
Þórður Þorsteinn fagnar hér marki gegn
Víkingi Ó. á dögunum. Ljósm. gbh.
Sunnudaginn 21. ágúst fór fram
Bikarkeppni Frjálsíþróttasambands
Íslands í frjálsum íþróttum utan-
húss í aldursflokknum fimmtán ára
og yngri. Um er að ræða liðakeppni
og sendi Vesturlandsliðið Sam-
Vest öflugt lið til keppni sem náði
að manna allar keppnisgreinarnar
en hver keppandi má aðeins taka
þátt í tveimur greinum. SamVest
stóð sig með stakri prýði og endaði
með 113 stig sem gaf samstarfinu
fimmta sæti á mótinu en alls tóku
ellefu lið þátt.
Eftirtalin skipuðu bikarlið Sam-
Vest að þessu sinni:
Piltar:
Daníel Fannar Einarsson (2002)
UMSB: Hástökk og 1500 m hlaup
Elvar Einarsson (2001)
UMSB: 100 m grindahlaup
Halldór Jökull Ólafsson (2002)
HHF: Kringlukast og 400 m hlaup
Sigursteinn Ásgeirsson (2001)
UMSB: Spjótkast og kúluvarp
Stefán Jóhann Brynjólfsson (2001)
UMSB: Langstökk og 100 m hlaup.
Boðhlaup: Daníel Fannar, Elvar
Örn, Sigursteinn og Stefán Jó-
hann.
Stúlkur:
Andrea Björk Guðlaugsdóttir
(2001) HHF: Boðhlaup
Birta Sigþórsdóttir (2003)
HSH: kúluvarp
Björg Hermannsdóttir (2001)
HSH: 100 m hlaup
Guðrún Ósk Aðalsteinsdótt-
ir (2001) HHF: Hástökk og 1500
m hlaup
Liv Bragadóttir (2001)
HHF: Spjótkast og kringlukast
Rakel Jóna B. Davíðsdóttir (2002)
HHF: Langstökk og 80 m grinda-
hlaup.
Tinna Guðrún Alexandersdóttir
(2003) HSH: 400 m hlaup
Boðhlaup: Andrea Björk, Björg,
Guðrún Ósk og Rakel Jóna.
bþb
Á myndinni eru frá vinstri: Björg, Elvar, Stefán Jóhann, Daníel Fannar, Sigursteinn,
Halldór Jökull og Unnur Jónsdóttir þjálfari. Fremri röð frá vinstri; Rakel Jóna,
Birta, Andrea Björk og Guðrún Ósk. Á myndina vantar þær Liv og Tinnu Guðrúnu.
Ljósm: SamVest.
SamVest keppti í Bikarkeppni FRÍ
Körfuknattleiksdeild Skallagríms
hefur samið við Tavelyn Tillman
og mun hún leika með liði félags-
ins í Domino‘s deild kvenna í
körfuknattleik næsta vetur. Tave-
lyn er fyrrum liðsmaður banda-
ríska landsliðsins og leikmaður
WNBA deildarinnar.
Tavelyn útskrifaðist úr háskóla
2010 og hóf undirbúningstíma-
bil það ár með Minnesota Lynx í
WNBA deildinni. Hún ákvað hins
vegar að söðla um og hélt í at-
vinnumennsku í Evrópu. Þar hefur
hún leikið með liðum í Sviss, Sló-
veníu og Svíþjóð þar sem hún hef-
ur alltaf verið í lykilhlutverki og
meðal annars hampað deildar- og
bikarmeistaratitli í Slóveníu.
Á síðasta tímabili lék Tavelyn
með liði Norrköping Dolphins og
var stigahæsti leikmaður sænsku
úrvalsdeildarinnar með 22,1 stig að
meðaltali í leik. kgk
Skallagrímur fær fyrrum
landsliðsmann Bandaríkjanna
Tavelyn Tilman var stigahæsti leikmaður sænsku úrvalsdeildarinnar á síðasta
vetri. Ljósm. Norrköping Dolphins.
Skotgrund - Skotfélag Snæfellsness
ætlar í kvöld að halda svokallað
pæjumót í skotfimi en mótið er ein-
göngu ætlað konum. Keppt verður
með .22 cal. rifflum og verða skot-
mörkin á 25m, 50m, 75m og 100m
brautum. Allar konur eru boðnar
velkomnar hvort sem að þær eru
vanar eða óvanar. Félagið verður
með riffla á svæðinu sem og leið-
beinendur fyrir byrjendur. Allar
konur á Snæfellsnesi eru hvattar til
að taka þátt en mótið verður hald-
ið í kvöld, miðvikudaginn 31. ágúst,
á svæði félagsins í Hrafnkelsstaða-
botni í Kolgrafafirði. tfk
Pæjumót Skotfélags Snæfellsness í kvöld
María Guðmundsdóttir er hér einbeitt á konukvöldi félagsins 18. ágúst síðast-
liðinn. Ljósm. alg.
Það hefur verið mikið að gera hjá
Birtu Guðlaugsdóttur í sumar en
hún er markvörður Víkings Ólafs-
víkur sem leikur í 1. deild kvenna.
Birta, sem er 15 ára gömul, spilar
einnig með 3. flokki Snæfellsnes-
samstarfsins. Hefur hún staðið sig
mjög vel með báðum liðum. Hún
var einnig valin í landslið U17 og
fór með þeim til Noregs nú í sum-
ar þar sem hún spilaði á Norður-
landamótinu. Þar mætti íslenska
landsliðið Finnlandi, Danmörku,
Frakklandi og Noregi. Stóð Birta
sig vel þann tíma sem hún stóð í
markinu.
Hún var svo á dögunum val-
in í U19 landslið kvenna og kom
hún inn á síðustu 10 mínúturnar
í vináttuleik gegn Póllandi. Birta
stefnir á að komast eins langt og
hún getur sem markmaður í fót-
bolta á Íslandi. Sagði hún að það
væri líka aldrei að vita hvað fram-
tíðin bæri í skauti sér. Það má
með sanni segja að þarna sé mark-
vörður framtíðarinnar á ferðinni
og gaman verður að fylgjast með
þessari glæsilegu og hæfileikaríku
stúlku í framtíðinni.
þa
Birta Guðlaugsdóttir í U19 ára landsliðið