Skessuhorn - 09.11.2016, Qupperneq 2
MIÐVIKUDAGUR 9. NÓVEMBER 20162
Skessuhorn minnir á að næstkomandi
laugardag verður hægt að fá fría blóðsyk-
ursmælingu í boði Lions í Bónushúsinu á
Akranesi. Þeir sem eiga þess kost ættu að
nýta sér það.
Á fimmtudag er spáð breytilegri vind-
átt og 3-8 m/sek, skýjað með köflum eða
bjartviðri og yfirleitt þurrt, en vaxandi
suðaustanátt og þykknar upp vestan-
til á landinu seinnipartinn og rigning um
kvöldið. Hiti 2 til 6 vestantil, en annars ná-
lægt frostmarki. Á föstudag verður all-
hvöss eða hvöss austan- og suðaustanátt.
Talsverð rigning sunnan- og vestantil, en
annars rigning eða slydda með köflum.
Hlýnandi veður. Á laugardag verður suð-
vestlæg átt með stöku éljum vestantil á
landinu, en rigning, slydda eða snjókoma
austantil fram eftir degi. Hiti 0 til 5 stig við
sjóinn, en vægt frost til landsins. Á sunnu-
dag verður suðlæg átt með rigningu og
heldur hlýnandi veður, en þurrt fyrir norð-
an. Eftir helgi er áfram spáð suðlægum
vindum.
Í síðustu viku voru lesendur vefs Skessu-
horns spurðir hvort þeir væru ánægð-
ir með niðurstöðu alþingiskosninganna,
sem fram fóru 29. október sl. Niðurstað-
an var sú að flestir sem svöruðu kveðast
vera mjög óánægðir, eða 45%. 22% sögð-
ust þokkalega ánægðir með úrslitin, 17%
voru frekar óánægðir en einungis 12%
voru mjög ánægðir. 4% svarenda höfðu
ekki skoðun á því. Þessi niðurstaða sýnir
að samtals 62% lesenda voru frekar eða
mjög óánægðir með úrslit kosninganna,
en 34% frekar eða mjög ánægðir.
Í næstu viku er spurt:
Við hvaða atvinnugrein starfar þú?
Keli vert í Langaholti er nú langt kom-
inn með að stækka um helming hótelið
á jörð sinni. Hann er einn fjölmargra Vest-
lendinga sem leggja mikið undir að vöxt-
ur ferðaþjónustu haldi áfram. Án aukinnar
gistingar væri ekki hægt að taka við fleiri
gestum og því er Keli vert fulltrúi þeirra
sem eiga skilið sæmdarheitið Vestlend-
ingur vikunnar.
Til minnis
Veðurhorfur
Spurning
vikunnar
Vestlendingur
vikunnar
Rafmagnslaust
í dag
HVALFJ.SV: Rafmagnslaust
verður í Hvalfjarðarsveit vegna
vinnu við háspennukerfi í dag,
miðvikudaginn 9. nóvember.
Tvisvar verður rafmagnslaust
hjá notendum Melasveitarlínu
frá Brennimel að Höfn, fyrst frá
kl. 12:00 til 12:15 og síðan aft-
ur frá kl. 16:15 til 16:30. Raf-
magnslaust verður frá Miðfelli
að Hurðarbaki frá kl. 12:00 til
16: 30. „Rarik biðst velvirðing-
ar á óþægindum sem af þessu
stafa,“ segir í tilkynningu. Jafn-
framt er þar vísað á bilanasíma
Rarik; 528-9390.
-kgk
Rjúpnaskyttur
með leyfismál
í lagi
VESTURLAND: Lögreglan á
Vesturlandi hefur sinnt eftirliti
með rjúpnaskyttum og kannað
með skotvopnaleyfi og veiðileyfi
hjá mönnum frá því að rjúpna-
veiðitímabilið hófst. Skemmst
er frá því að segja að allir sem
að lögreglan hefur rætt við hafa
verið með allt sitt á hreinu.
Ekki var gott rjúpnaveiðiveð-
ur um liðna helgi og mikil leit
var gerð að tveimur skyttum á
Snæfellsnesi sem fundust heilar
á húfi eftir vota og kalda nætur-
vist á fjöllum. Lögreglan frétti
af fleiri skyttum sem að höfðu
villst í þokunni um tíma en
síðan náð áttum og komist til
byggða án aðstoðar. „Mikilvægt
er að hafa leiðsögutæki með-
ferðis í fjallaferðum og treysta
ekki eingöngu á gsm símana
sem vilja víða detta út í fjallendi
og virka þá ekki lengur til leið-
sagnar,“ segir Theódór Þórðar-
son yfirlögregluþjónn. -mm
Hálft þriðja hundrað manna kom að
leit og björgun tveggja rjúpnaskytta
sem villtust af leið í slæmu veðri í
fjalllendi á Snæfellsnesi síðastliðinn
laugardag. Mennirnir héldu til veiða
frá bænum Slitvindastöðum í Stað-
arsveit á laugardagsmorgun en lentu
í þoku, slæmu veðri og villu á Snæ-
fellsnessfjallgarðinum. Þeir höfðu
samband til byggða á laugardags-
kvöldinu og voru leitarflokkar strax
sendir af stað. Mennirnir gátu ekki
staðsett sig þá um kvöldið og heldur
ekki þegar þeir náðu símasambandi á
sunnudagsmorgun. Voru þeir orðnir
talsvert blautir og kaldir. Leitin var
efld til muna á sunnudagsmorgun
og tók þátt í henni björgunarsveitar-
Víðtæk leit að tveimur
rjúpnaskyttum
fólk allt frá Reykjanesi og norður í
Skagafjörð. Þá voru slysavarnadeild-
ir á Snæfellsnesi einnig kallaðar út
til aðstoðar leitarfólki. Reynt var að
leita mannanna með þyrlu og spor-
hundar voru einnig notaðir.
Aðstæður til leitar voru afar erf-
iðar. Bæði er svæðið erfitt yfirferð-
ar en veður var einnig slæmt; hvasst,
þoka, töluverð úrkoma og lágt hita-
stig. Það var svo um klukkan 14
á sunnudag sem rjúpnaskytturn-
ar fundust heilar á húfi. Mennirnir
höfðu leitað sér skjóls undan veðrinu
ofarlega í hlíðum Gráborgar, ofan
Hestdala sem ganga inn af Kolgrafa-
firði. Mennirnir voru þokkalega á sig
komnir, miðað við aðstæður, en bæði
blautir og kaldir. Þeir gerðu björg-
unarsveitafólki vart við sig með því
að blása reglulega í neyðarflautu sem
þeir höfðu meðferðis. Eftir að hafa
hlúð að mönnunum beið björgun-
arsveitafólki það erfiða verkefni að
koma mönnunum til byggða yfir
torfarna leið í slæmu veðri. Komu
þeir niður í Kolgrafafjörð um klukk-
an 17 á sunnudaginn. Þaðan var farið
með mennina á HVE í Stykkishólmi
þar sem hlúð var að þeim.
Í viðtölum við mennina og björg-
unarsveitarfólk eftir þennan at-
burð hefur komið fram að menn-
irnir hefðu ekki lifað af aðra nótt á
fjallinu. Því má með sanni segja að
björgunarsveitir hafi unnið þrekvirki
í kapphlaupi við tímann.
mm/ Ljósm. af.
Skjáskot úr myndbandi sem Þór Þorsteinsson björgunarsveitarmaður úr Borgarfirði tók á sunnudaginn þegar leitarmenn
höfðu fundið rjúpnaskytturnar. Hér er búið að leggja fjórhjóli út í vatnsmikinn og straumharðan læk og samhentir björgunar-
sveitarmenn hjálpast að við að komast yfir.
Svipmynd úr færanlegri leitarstöð sem komið var fyrir við Ölkeldu.
Hér eru tveir björgunarsveitarmenn
frá Kyndli í Mosfellssveit ásamt
leitarhundi.
Aðstæður til leitar voru slæmar, bæði veðurfarslega og um erfitt land að fara.
Stjórnstöð björgunarsveitanna er í bíl
sem Landsbjörg sendir á svæðið við
aðstæður sem þessar.
Skóla- og frístundaráð Akranes-
kaupstaðar hefur samþykkt að
breyta reglum um niðurgreiðslur
vegna dvalar barna hjá dagfor-
eldrum frá og með 1. janúar 2017.
Ákvörðunin var tekin á fundi ráðs-
ins síðasta þriðjudag en Akra-
neskaupstað hafði nýverið bor-
ist áskorun vegna málsins frá for-
eldrum, þar sem skorað var á bæj-
aryfirvöld að auka niðurgreiðslur
vegna barna hjá dagforeldrum og
rýmka reglur um aldur þeirra við
innritun í leikskóla. Í áskoruninni
var meðal annars bent á að niður-
greiðslan frá Akraneskaupstað væri
töluvert lægri en í flestum bæjar-
félögum á landinu. Á fundi skóla-
og frístundaráðs var ákveðið að
frá og með 1. janúar næstkomandi
muni Akraneskaupstaður taka upp
fyrirframgreiðslur. Sviðsstjóra er
falið að vinna að frekari útfærslu
á reglum um niðurgreiðslur, m.a.
að höfðu samráði við dagforeldra
og leggja nýjar reglur fram til sam-
þykktar á næsta fundi sem haldinn
verður síðar í nóvember. Þá sam-
þykkti ráðið að stofna starfshóp
til að koma með tillögur að breyt-
ingum á verklagsreglum um starf-
semi leikskóla Akraneskaupstaðar
hvað varðar innritun barna á leik-
skóla og reglum um niðurgreiðslur
vegna dvalar barna hjá dagforeldr-
um. „Lagt er til að hópinn skipi
fulltrúi skóla- og frístundaráðs,
sviðsstjóri skóla- og frístundasviðs,
fulltrúi leikskólastjóra, fulltrúi
dagforeldra og fulltrúi foreldra
sem stóðu að áskorun til bæjar-
ins. Hópnum verður sent erindis-
bréf,“ segir í fundargerð skóla- og
frístundaráðs.
grþ
Samþykkja að breyta reglum
um niðurgreiðslur
Skóla- og frístundaráð hefur samþykkt að stofna starfshóp til að koma með
tillögur að breytingum á verklagsreglum um starfsemi leikskóla á Akranesi hvað
varðar innritun barna og reglum um um niðurgreiðslur vegna dvalar barna hjá
dagforeldrum. Ljósm. úr safni.