Skessuhorn - 09.11.2016, Side 6

MIÐVIKUDAGUR 9. NÓVEMBER 20166
Árgangamót ÍA
er á
laugardag
AKRANES: Árgangamót ÍA
í knattspyrnu verður hald-
ið laugardaginn 12. nóvem-
ber næstkomandi. Munu þá
margar landsfrægar kempur
sem gert hafa garðinn fræg-
an með ÍA í gegnum tíð-
ina reima á sig takkaskóna
og sýna hvað í þeim býr. Að
venju er hóað saman í lið úr
hverjum árgangi og svo leik-
ið til þrautar þar til eitt lið
stendur uppi sem sigurveg-
ari í karla- og kvennaflokki.
Alls eru 19 karlalið skráð
til leiks og sex kvennalið.
Keppni í Árgangamótinu
hefst í Akraneshöllinni kl.
10 að morgni laugardags-
ins en að kvöldinu, eftir að
boltinn er hættur að rúlla,
tekur við Rejúníjon, upp-
skeruhátíð árgangamóts-
ins með skemmtidagskrá og
dansleik. Nánar á www.kfia.
is. -kgk
Féllu úr
Útsvari
BORGARB: Borgarbyggð
mætti Grindarvíkurbæ í
spurningaþættinum Útsvari
á RÚV á föstudagskvöldið.
Borgfirðingar mættu þar
ofjörlum sínum, lentu und-
ir í upphafi og urðu að end-
ingu að játa sig sigraða með
49 stigum gegn 87. Dug-
ar sá stigafjöldi ekki til að
fleyta Borgarbyggð áfram
í keppninni að þessu sinni
sem eitt af stigahæstu tapl-
iðunum. Lið Borgarbyggð-
ar var skipað þeim Heiðari
Lind Hanssyni, Bryndísi
Geirsdóttur og Eddu Ar-
inbjarnar. Grindvíkingar
tefldu fram þeim Agnari
Steinarssyni, Andreu Æv-
arsdóttur og Eggerti Sól-
berg Jónssyni, en sá síðast-
nefndi er fæddur og uppal-
inn Borgnesingur.
-mm
Nafn
Gunnars
Braga oftast
strikað út
NV-KJÖRD: Yfirkjör-
stjórn Norðvesturkjör-
dæmis hefur skilað skýrslu
til landskjörstjórnar og
Hagstofunnar um fjölda
útskrikana í kjördæminu
í kosningunum 29. októ-
ber sl. Þar kemur fram
að langflestar útstrikan-
ir á lista fær Gunnar Bragi
Sveinsson oddviti Fram-
sóknarflokks, eða 371.
Það jafngildir 10,65% at-
kvæða en flokkurinn fékk
3.482 atkvæði. Elsu Láru
Arnardóttur sem skipar
annað sæti listans strik-
uðu hins vegar einung-
is 11 út. Af öðrum fram-
boðum má nefna að Lilja
Rafney Magnúsdóttir odd-
viti VG í kjördæminu fékk
50 útstrikanir og Bjarni
Jónsson í öðru sæti listans
hlaut 48 útstrikanir. Har-
aldur Benediktsson odd-
viti Sjálfstæðisflokks hlaut
39 útstrikanir, sem jafn-
gildir 0,79% af atkvæð-
um sem flokkurinn hlaut
í kjördæminu. Frambjóð-
endur annarra flokka hlutu
færri útstrikanir.
-mm
Við athöfn síðdegis í gær var
kvennadeild Heilbrigðisstofnun-
ar Vesturlands á Akranesi færð
rausnarleg gjöf. Það voru tvær
stúkur í Oddfellow sem sameig-
inlega stóðu að því að gefa HVE
nýtt og fullkomið ómskoðunartæki
til notkunar á deildinni. Verðmæti
gjafarinnar er tæplega sex milljónir
króna. Tækið leysir af hólmi eldra
tæki sem komið var á tíma enda
miklar framfarir orðið í tækni á
þessu sviði á undanförnum árum.
Oddfellowstúkurnar á Akranesi
fagna báðar stórafmælum á þessu
ári. Stúkan Rbst. nr. 5, Ásgerð-
ur fagnaði 50 ára stofnafmæli 22.
október síðastliðinn og st. nr. 8,
Egill fagnar 60 ára stofnafmæli 11.
nóvember næstkomandi. Oddfel-
lowreglan á Íslandi hefur í gegn-
um árin unnið ötullega að líknar-
og mannúðarmálum sem kunnugt
er og er þeim fjármunum sem ráð-
stafað er til gjafa eingöngu aflað
innan Reglunnar. Nýjasta verk-
efnið á landsvísu var þegar allar
regludeildir innan Oddfellw á Ís-
landi komu að stækkun og endur-
bótum á Ljósinu, endurhæfingu
fyrir krabbameinsgreinda. Reglu-
deildirnar á Akranesi vinna síðan
að líknar- og mannúðarmálum í
heimabyggð með ýmsum hætti.
Í tilefni af stórafmælum beggja
Regludeilda Oddfellow á Akranesi
var ákveðið að þessu sinni að sam-
einast um gjöf til Heilbrigðisstofn-
unar Vesturlands. „Flest okkar
reglusystkina hafa notið þjónustu
kvennadeildar HVE, annað hvort
sem verðandi foreldrar, afar eða
ömmur, og því mikilvægt í okkar
augum að tæki sem notuð eru til
eftirlits og greininga fóstra á með-
göngu eða meðferðar nýfæddra
barna séu þau bestu sem völ er á
hverju sinni, en fyrir tveimur árum
gáfu Ásgerðarsystur deildinni
ferðahitakassa. Hann hefur kom-
ið sér vel við eftirlit og flutning
nýbura sem fæðst hafa á deildinni
eða þurft á frekari aðhlynningu að
halda á Landspítalanum,“ segir í
tilkynningu.
Kristný Lóa Traustadóttir yfir-
meistari Rbst. nr. 5, Ásgerði segir
að þegar leitað hafi verið til Guð-
jóns Brjánssonar forstjóra HVE
snemma árs til að fá upplýsing-
ar um tækjakaup sem væru efst
á óskalista stofnunarinnar, hafi
komið í ljós að nauðsynlega þyrfti
að ráðast í kaup á nýju ómskoð-
unartæki fyrir kvennadeildina á
Akranesi. Konráð Lúðvíksson yf-
irlæknir og Ásthildur Gestsdóttir
ljósmóðir voru fengin til að meta
þau tvö tæki sem til greina komu
og varð tæki af gerðinni General
Electric Voluson S8 BT15 Cons-
lole fyrir valinu. Það er að verð-
mæti 5.704.000 krónur. Þetta tæki
hefur allt til að bera sem notað er
við þá vinnu sem unnin er af ljós-
mæðrum og læknum stofnunar-
innar varðandi eftirlit þungaðra
kvenna auk þess sem það nýtist
einnig við greiningu á sviði kven-
sjúkdóma.
mm
Oddfellowstúkur á Akranesi gáfu
HVE nýtt ómskoðunartæki
Kristný Lóa Traustadóttir yfirmeistari Rbst. nr. 5, Ásgerðar og Hlyndur Máni
Sigurbjörnsson yfirmeistari st. nr. 8, Egils afhentu HVE tækið í gær. Þau standa
á jaðrinum. Á gjafabréfi halda þau Konráð Lúðvíksson yfirlæknir og Ásthildur
Gestsdóttir ljósmóðir.
Hér er mynd sem sýnir mismunandi útgáfur af ómmyndum. Myndirnar tvær í
miðjunni eru úr gamla tækinu, en hinar úr því nýja. Greinilegur munur er á mynd-
gæðum.