Skessuhorn - 22.02.2017, Blaðsíða 12

MIÐVIKUDAGUR 22. FEBRÚAR 201712
Aðalfundur Umhverfisvaktarinnar
við Hvalfjörð var haldinn í Garða-
kaffi á Akranesi 12. febrúar síðast-
liðinn. Á fundinum voru samþykkt-
ar fimm ályktanir um hin ýmsu mál
sem öll tengjast stóriðju á Grund-
artanga og mengun vegna hennar.
Meðal annars var skorað á umhverf-
isráðherra að endurskoða það fyrir-
komulag að Umhverfisstofnun fram-
selji ábyrgð og framkvæmd umhverf-
isvöktunar til mengandi iðjuvera á
Grundartanga. „Umhverfisvaktin við
Hvalfjörð telur að þetta fyrirkomu-
lag samræmist hvorki meginmark-
miðum löggjafar um umhverfis- og
náttúruvernd né tilgangi og mark-
miðum Umhverfisstofnunar, sem er
að vernda náttúru og lífríki Íslands.“
Í greinargerð með áskorun til ráð-
herra segir að iðjuverin á Grundar-
tanga beri ábyrgð á umhverfisvökt-
un vegna eigin mengunar samkvæmt
starfsleyfi sem Umhverfisstofnun
gefur út og ber ábyrgð á. „Allt vökt-
unarferlið er á forræði iðjuveranna
sem stöðugt senda eiturefni út í and-
rúmsloftið. Umhverfisvaktin við
Hvalfjörð álítur að Umhverfisstofn-
un vinni gegn eigin markmiðum með
því að veita starfsleyfi sem inniheldur
framsal svo mikilvægs verkefnis, jafn-
vel þó að dæmi um slíkt megi finna í
öðrum löndum.“
Í annarri ályktun aðalfundar Um-
hverfisvaktarinnar við Hvalfjörð „er
skorað á umhverfisráðherra að hefja
nú þegar undirbúning þess að flytja
ábyrgð á umhverfisvöktun vegna
mengunar frá iðjuverunum á Grund-
artanga frá forsvarsmönnum iðju-
veranna til óháðrar, til þess bærrar
stofnunar.“ Þá skorar umhverfisvakt-
in á landbúnaðar- og sjávarútvegs-
ráðherra að gangast fyrir grunnrann-
sóknum á þoli íslensks búfjár gagn-
vart flúori í fóðri og drykkjarvatni og
áhrifum langtíma flúorálags á heilsu
íslensks búfjár, með áherslu á hross
og sauðfé.
Faxaflóahafnir endur-
skoði umhverfisstefnuna
Þá vill umhverfisvaktin að að stjórn
Faxaflóahafna sf. endurskoði um-
hverfisstefnu sína og taki upp fyrir-
byggjandi aðgerðir til varnar um-
hverfinu vegna ágangs hinna meng-
andi iðjuvera sem rekin eru á lóð
sameignarfélagsins á Grundartanga.
Þá var því beint til stjórnar Faxa-
flóahafna að afla haldbetri þekking-
ar á framleiðsluferli og öðrum þátt-
um sem tengjast Silicor Materials
svo hægt sé að meta kosti og galla
iðjuversins á raunsærri hátt en verið
hefur. Bent er á að skynsamlegt gæti
verið að fá þrjá til fjóra virta erlenda
sérfræðinga, óháða og ótengda inn-
byrðis, til að veita álit sitt á því, hver
getur mögulega orðið versta útkomu
vegna rekstrar iðjuversins Silicor
Materials á Grundartanga. Ber þá að
líta til þess að um tilraunaverkefni er
að ræða, engin slík verksmiðja hef-
ur verið starfrækt í heiminum áður
og engar upplýsingar liggja fyrir um
veigamikla þætti varðandi mögulega
verstu útkomu í rekstri.
Ályktanir Umhverfisvaktarinnar
við Hvalfjörð eru í alls fimm tölulið-
um ásamt ítarlegri greinargerð. Þær
er hægt að finna í heild sinni inn á
heimasíðu félagsins; umhverfisvakin.
is. mm
Umhverfisvaktin við Hvalfjörð
ályktar um mengun og stóriðju
Eins og áður hefur verið greint frá
í Skessuhorni var úthlutað úr Fjar-
skiptasjóði í byrjun febrúar. Þau
sveitarfélög á starfssvæði Skessu-
horns sem eiga kost á styrk til ljós-
leiðaravæðingar eru Akraneskaup-
staður, Dalabyggð, Grundarfjarð-
arbær, Snæfellsbær, Skorradals-
hreppur og Reykhólahreppur.
Málið er þar með inni á borði
kjörinna fulltrúa í þessum sveitar-
félögum. Í nokkrum sveitarfélögum
hefur styrkveiting úr Fjarskiptasjóði
verið tekin til umfjöllunar. Þannig
samþykkti bæjarstjórn Snæfellsbæj-
ar nýverið að þiggja þann styrk sem
sveitarfélaginu stendur til boða,
sem og hreppsnefnd Skorradals-
hrepps og bæjarstjórn Grundar-
fjarðarbæjar. Þá hefur sveitarstjórn
Borgarbyggðar samþykkt fyrir sitt
leyti að ganga að úthlutun Fjar-
skiptasjóðs, en umsókn Skorradals-
hrepp innihélt einnig nokkra bæi í
Andakíl sem heyra undir Borgar-
byggð.
Sveitarstjórnir Dalabyggðar og
Reykhólahrepps hafa einnig sam-
þykkt að ganga til samninga við
Fjarskiptasjóð og þiggja styrk til
ljósleiðaravæðingar, sem og sér-
stakan byggðastyrk úr Fjarskipta-
sjóði sem báðum þessum sveitar-
félögum stóð til boða vegna fyrir-
hugaðrar ljósleiðaravæðingar.
Styrkirnir sem sveitarfélögin
hafa ákveðið að þiggja eru eftir-
farandi:
Dalabyggð, kr. 8.680.000 og
sérstakur byggðastyrkur kr.
5.800.000.
Grundarfjarðarbær, kr. 15.468.559.
Snæfellsbær, kr. 22.555.000.
Snæfellsbær, kr. 17.350.000.
Snæfellsbær, kr. 6.953.000.
Skorradalshreppur, kr. 16.417.191.
Reykhólahreppur, kr. 19.000.000.
og sérstakur byggðastyrkur kr.
6.500.000.
Ekki hafði verið fjallað um út-
hlutun Fjarskiptasjóðs í bæjarstjór-
num eða -ráðum Akraneskaupstað-
ar þegar fréttin var rituð.
kgk
Þiggja styrki úr
Fjarskiptasjóði
Aðalfundur Knattspyrnufélags ÍA
var haldinn í hátíðarsal íþrótta-
bandalagsins að Jaðarsbökkum síð-
astliðið fimmtudagskvöld. Á dagskrá
voru hefðbundin aðalfundarstörf.
Magnús Guðmundsson stjórnar-
formaður opnaði fundinn á minn-
ingarorðum um Ríkharð Jónsson,
sem féll frá á dögunum. Ríkharður
var margfaldur Íslandsmeistari með
ÍA, bæði sem leikmaður og þjálfari.
Því næst fór Magnús yfir ársskýrslu
félagsins. Þar kemur fram að iðk-
endur knattspyrnufélagsins voru
um síðustu áramót um 550 tals-
ins á breiðu aldursbili. Er félagið
því stærst aðildarfélaga að Íþrótta-
bandalagi Akraness. Samtals voru
leiknir 511 opinberir keppnisleikir
í öllum flokkum félagsins, 180 voru
skráðir í kvennaflokkum og 331 í
karlaflokkum.
Að lokinni yfirferð Magnúsar tók
Hulda Birna Baldursdóttir, fram-
kvæmdastjóra KFÍA, til máls og fór
yfir ársreikning félagsins. Aukning
varð bæði í tekjum og útgjöldum
félagsins hjá meistaraflokkum karla
og kvenna sem og yngri flokkum.
Rúmlega þriggja milljóna tap varð
á hefðbundnum rekstri félagsins,
en félagið fékk rúmlega 17 milljóna
framlag frá KSÍ vegna EM karla og
því sýnir rekstrarreikningur 12,2
milljóna króna hagnað. Eigið fé
félagsins í árslok 2016 nam 16,6
milljónum króna.
Eins og greint var frá á sín-
um tíma ákvað ÍA að ráðstafa EM
framlagi KSÍ ekki til almenns rekst-
urs heldur nýta það til að efla af-
reksstarf. Sú vinna er þegar hafin,
að því er fram kemur í ársskýrslu
félagsins. Kostnaður á síðasta ári
var 1,8 milljón króna en áætlun
gerir ráð fyrir að styrkurinn muni
greiða fyrir afmarkaða liði afreks-
starfsins yfir þriggja ára tímabil.
Seldir miðar á leiki voru 2950 tals-
ins samanborið við 4500 árið áður.
Ársmiðasala dróst einnig saman frá
fyrra ári.
Heiðursviðurkenningar
og gullmerki
Eftir að farið hafði verið yfir árs-
skýrslu og ársreikning félagsins voru
veittar heiðursviðurkenningar og
gullmerki fyrir störf í þágu félagsins.
Þeir sem heiðraðir voru eru eftirfar-
andi:
Steinn Helgason var sæmdur gull-
merki fyrir sitt framlag til félagsins
sem leikmaður, þjálfari og dyggur
stuðningsmaður.
Haraldur Ingólfsson fékk heið-
ursviðurkenningu fyrir framlag sem
leikmaður sem framkvæmdastjóri
síðustu þrjú ár. Haraldur er fimmti
leikjahæsti maður liðsins frá upphafi
og sá fjórði markahæsti.
Jónína Víglundsdóttir fékk heið-
ursviðurkenningu fyrir sitt framlag
sem leikmaður og stuðningsmaður
félagsins. Hún er meðal leikjahæstu
kvenna ÍA frá upphafi og hefur alla
tíð verið ötull stuðningsmaður knatt-
spyrnustarfsins á Akranesi.
Sigrún Ríkharðsdóttir fékk heið-
ursviðurkenningu fyrir sín störf fyr-
ir félagið, sem stjórnarmaður og for-
maður en ekki síst sem einn dyggasti
stuðningsmaður félagsins.
Lárus Ársælsson fékk heiðursvið-
urkenningu fyrir sín störf í stjórnum
félagsins frá 2009-2017, en hann
hefur síðustu árin verið formaður
stjórnar Uppeldissviðs og sem slík-
ur haldið um alla þræði við skipu-
lagningu Norðurálsmótsins, sem er
stærsti einstaki viðburðurinn sem
haldinn er á vegum félagsins ár hvert.
kgk/ Ljósm. KFÍA.
Rekstur KFÍA jákvæður um tólf milljónir króna
Þau voru sæmd heiðursviðurkenningum og gullmerki fyrir störf í þágu félagsins. F.v.
Lárus Ársælsson, Haraldur Ingólfsson, Steinn Helgason, Sigrún Ríkharðsdóttir og
Jónína Víglundsdóttir.
Fylgst með gangi mála á fundinum.