Skessuhorn - 22.02.2017, Blaðsíða 11

MIÐVIKUDAGUR 22. FEBRÚAR 2017 11
Snæfellsbær
Hjúkrunarfræðingur óskast
við Dvalar- og hjúkrunarheimilið
Jaðar í Ólafsvík

Dvalar- og hjúkrunarheimilið Jaðar í Ólafsvík auglýsir eftir
hjúkrunarfræðingi í 80-100% starf. Um er að ræða framtíðarstarf.

Á Jaðri eru nú 22 heimilismenn. Heimilið var nýlega stækkað
og allt tekið í gegn. Þar er vinnuaðstaða með því besta sem gerist.

Aðstoðum við útvegun húsnæðis.

Nánari upplýsingar veitir Inga Kristinsdóttir forstöðumaður
í síma 857-6605 eða á jadar@snb.is

Umsóknir berist forstöðumanni Jaðars fyrir 10. mars n.k.

Ólafsvík er einn af þremur þéttbýliskjörnum sem mynda sveitarfélagið Snæfellsbæ.
Snæfellsbær er ungt sveitarfélag sem vefur sig utan um Snæfellsjökul:
Staðarsveit, Búðir, Breiðuvík, Arnarstapi, Hellnar, Hellissandur, Rif, Ólafsvík
og Fróðárhreppur. Í góðu veðri er Ólafsvík í tveggja tíma akstursfjarlægð frá
Reykjavík - og veðrið er að sjálfsögðu alltaf gott undir Jökli!
Hér býr gott fólk sem er alltaf tilbúið að bjóða nýja Snæfellsbæinga velkomna.
Í Snæfellsbæ er sérstaklega fallegt umhverfi þar sem
Snæfellsjökul ber hæst, enda býður bæjarfélagið upp á alla
flóru landsins þegar kemur að landslagi, fugla- og dýralífi.
Útivist og íþróttir er hægt að stunda hvenær sem er ársins, skíði og
snjóbretti, gönguferðir, golf, hestamennsku, sund og margt fleira.
Nýtt glæsilegt íþróttahús er í Ólafsvík.
Öflugt tónlistarlíf er í sveitarfélaginu og félagastarfsemi með miklum blóma.
SK
ES
SU
H
O
R
N
2
01
7
Talsverð umræða hefur að undan-
förnu verið í fjölmiðlum um launa-
kjör starfsfólks í sveitum, eða svo-
kallaðra sjálfboðaliða sem ráða sig
til vinnu á sveitabæjum án þess að
fá greidd laun. Þetta er umdeilt
enda vissulega verið dæmi um að
brotið hafi verið alvarlega á rétt-
indum og starfskjörum slíkra sjálf-
boðaliða, eða vinnufólks. Nú hafa
fulltrúar Bændasamtaka Íslands og
Starfsgreinasambands Íslands skrif-
að undir sameiginlega yfirlýsingu
vegna sjálfboðaliða á vinnumark-
aði. Bændasamtökin vilja árétta að
það er andstætt kjarasamningum
og meginreglum á vinnumarkaði að
sjálfboðaliðar gangi í almenn störf
launafólks í efnahagslegri starf-
semi fyrirtækja og lögbýla. Bæði
Starfsgreinasambandið og Bænda-
samtökin eru einhuga um mikil-
vægi þess að fara eftir leikreglum
á vinnumarkaði en ekki eru gerð-
ar athugasemdir við þau störf sjálf-
boðaliða sem byggja á langri venju
og sátt hefur verið um, svo sem um
störf í smalamennskum og réttum.
Í yfirlýsingu SGS og BÍ segir m.a.:
„Samtök á vinnumarkaði hafa axlað
sameiginlega ábyrgð á uppbygg-
ingu vinnumarkaðarins og rétt-
indum og skyldum sem þar gilda.
Markmið samtaka atvinnurekenda
og launafólks er að tryggja áfram
samkeppnishæfan vinnumarkað þar
sem aðilar vinnumarkaðarins semja
um laun og önnur starfskjör í kjara-
samningum.“ mm
Sjálfboðaliðar mega ekki
ganga í almenn störf
Drífa Snædal framkvæmdastjóri SGS, Sigurður Eyþórsson framkvæmdastjóri BÍ,
Björn Snæbjörnsson formaður SGS og Sindri Sigurgeirsson formaður BÍ, undirrita
yfirlýsingu vegna sjálfboðaliða. Ljósm. Snorri Már Skúlason.
Innheimtufulltrúi óskast
Hæfni og menntunarkröfur
•
•
•
•
•
Starfssvið
•
•
•
•
•
•
•
Síðastliðinn mánudagsmorgun stóð
yfir löndun í Ólafsvíkurhöfn úr fær-
eyska línuveiðiskipinu Sandshavið SA
492. Það var Fiskmarkaður Íslands
sem sá um löndun og sölu á aflanum
sem var rúm 60 tonn eða yfir þúsund
togarakassar, að mestu þorskur og
ýsa. Aflann fengu þeir um 50 sjómílur
vestur af Snæfellsnesi. Í svona löndun
þarf margar hendur og voru því all-
ir sem vettlingi geta valdið frá Fisk-
markaði Íslands, þar á meðal fram-
kvæmdastjórinn Aron Baldursson,
komnir í löndun. Koma þurfti aflan-
um í hefðbundin fiskkör áður en hon-
um var ekið inn á markað. Sandsha-
við er frá Sandi í Færeyjum og er í
sinni fyrstu löndun á Íslandi á þessari
vertíð. Skipið landaði meðal annars í
Grindavík í fyrra. þa
Landað úr Sandshavinu
„Aflabrögð hér á Snæfellsnesi hafa
verið alveg milljón,“ sagði Pétur
Bogason, hafnarvörður í Ólafsvík, í
samtali við fréttaritara Skessuhorns
þegar hann var spurður um afla-
brögð báta sem lönduðu í liðinni
viku. „Það hefur bara enginn bátur
verið með undir tíu tonnin á dag.
Sjómenn veiða bara eins og þeir
treysta sér til og jafnvel rúmlega
það,“ sagði Pétur glettinn. Þann-
ig hefur t.d. Bárður SH mokfiskað
í netin ásamt Katrínu SH og Arnari
SH. Línubáturinn Tryggvi Eðvarðs
SH landaði yfir 20 tonnum í einum
róðri og aðrir mokfiskuðu einnig,
að sögn Péturs.
Jóhannes Jóhannesson, eða
Dúddi útgerðarmaður og skipstjóri
á línubátnum Ingibjörg SH, sagði í
samtali við Skessuhorn að það væri
mokafli á Breiðafirði og í Faxaflóa.
„Það hefur mjög góður fiskur verið
að fást á línuna. Ég var með 28 bala
í sjó og fékk yfir átta tonn á þá af
stórum og flottum fiski. Þetta eru
búin að vera ævintýraleg aflabrögð
hjá okkur en þegar vel aflast geng-
ur reyndar hressilega á kvótann,“
sagði Dúddi. af
Aflabrögð alveg milljón
Dúddi við löndun ásamt Degi Ævari Jónssyni barnabarni sínu.
Björg Guðlaugsdóttir eiginkona Dúdda er hér við löndun, en
hún beitir einnig ásamt því að sjá um löndun úr bátnum.
Guðbjartur SH-45 kemur hér að landi í Rifi með tæplega 15
tonn á 50 bala.