Skessuhorn - 22.02.2017, Blaðsíða 20

MIÐVIKUDAGUR 22. FEBRÚAR 201720
Opinn kynningarfundur á skipu-
lagslýsingum Sements- og Dal-
brautarreits var haldinn á Akranesi
að kvöldi síðasta fimmtudags. Fund-
urinn fór fram í sal Grundaskóla og
var hann vel sóttur. Fundarstjóri var
Rakel Óskarsdóttir, bæjarfulltrúi og
formaður starfshóps um Sements-
reit. Efni fundarins var tvíþætt, í
fyrsta lagi voru kynntar skipulags-
lýsingar fyrir Dalbrautarreitinn svo-
kallaða og í öðru lagi fyrir Sements-
reitinn. Í lok hvors liðar um sig var
opnað fyrir umræður, ábendingar
og fyrirspurnir úr sal. Gangi áform
bæjaryfirvalda eftir verður hægt
að reisa meira en 600 nýjar íbúðir
samtals á báðum reitum í framtíð-
inni, allt að 254 á Dalbrautarreit og
um það bil 360 á Sementsreitnum.
Auk þess er gert ráð fyrir starfsemi
á jarðhæð, bæði atvinnu- og jafnvel
félagastarfssemi, víða á skipulags-
svæðinu.
Þétta byggðina inni í
bænum
Árni Ólafsson, arkitekt hjá Teikni-
stofu Gylfa Guðjónssonar, steig í
pontu og ræddi um Dalbrautarreit-
inn. Hann byrjaði að fara yfir mann-
fjöldaspár fram til ársins 2025 og
áætlaði að á þeim tíma þyrftu að
rísa 600-900 nýjar íbúðir á Akranesi.
Lýsti hann sig þeirrar skoðunar að
jákvætt væri að Akraneskaupstað-
ur gæti mætt þeirri þörf, að minnsta
kosti að langstærstum hluta, með því
að þétta byggðina inni í bænum.
Því næst kynnti hann aðalskipu-
lagsbreytingu sem deiliskipulag á
Dalbraut hefur í för með sér og svo
tillögur að deiliskipulagi. Skipulags-
svæðið milli Dalbrautar og Þjóð-
brautar er stækkað frá því sem áður
var, úr 2,3 hektara í 3,1. Mun það
ná yfir lóðirnar að Dalbraut 6 og
8. Gert er ráð fyrir þriggja til fjög-
urra hæða háum húsum, með fjórðu
hæðinni inndreginni næst núverandi
íbúðabyggð, er það lægri byggð en
áður hafði verið gert ráð fyrir.
Nokkur hús þurfa að víkja skv. til-
lögunni; iðnaðarhúsnæði við Dal-
braut 2 og 6 sem og Orkuveituhúsið
við Dalbraut 8, sem er í eigu bæjar-
ins. Uppkaup, niðurrif og uppbygg-
ing á þessum lóðum er ekki tímasett.
Auðar lóðir eru Þjóðbraut 3 og 5 og
Dalbraut 4. Þar væri hægt að byrja
að undirbúa framkvæmdir um leið
og hinu formlega skipulagsferli er
lokið.
Þá gerir skipulagið einnig ráð
fyrir því að lóð Þjóðbrautar 1 verði
stækkuð fyrir bílastæði á baklóð.
Garðrými verða að mestu án bíla-
stæða þar sem gert er ráð fyrir bíla-
geymslum.
Hvað tímaramma snertir sagði
Gylfi að vonast væri til þess að hægt
yrði að auglýsa breytingar á aðal-
skipulagi og nýtt deiliskipulag sam-
tímis. Ef þær áætlanir gengju eftir
gætu bæjaryfirvöld mögulega feng-
ið staðfestingu Skipulagsstofnunar í
lok maí eða byrjun júní.
Gert ráð fyrir starfsemi
FEBAN
Á Dalbrautarreit er gert ráð fyrir
þéttri kaupstaðarbyggð með starf-
semi á jarðhæð, rétt eins og í gild-
andi deiliskipulagi. Mun það auka
framboð verslunar- og atvinnurým-
is í bænum en fyrirséð er að umferð
muni aukast. Á Dalbraut 6 er sér-
staklega gert ráð fyrir að hægt verði
að stækka jarðhæðina fyrir félaga-
starfsemi. Í fyrirspurnum var spurt
hvort búið væri að slá aðstöðu fyr-
ir Félag eldri borgara út af borðinu.
Einar Brandsson svaraði á þá leið að
ekki væri búið að gera það, í drög-
um væri gert ráð fyrir félagastarf-
semi á Dalbraut 6. „Í okkar huga er
það starfsemi FEBAN en ekki önn-
ur starfsemi í dag,“ sagði Einar.
Stjórnendur voru spurðir hvort
búið væri að kanna jarðveginn,
vegna þess að húsin sem skipulag-
stillögur gera ráð fyrir að þarna
rísi eru nokkuð stór. Sigurður Páll
Harðarson, sviðsstjóri skipulags-
og umhverfissviðs, svaraði því til að
bæjaryfirvöldum hefði þótt rétt að
kynna hugmyndir áður en jarðvegs-
rannsóknir yrðu gerðar, en að þær
yrðu að sjálfsögðu gerðar.
Hótel á hafnar-
bakkanum
Að loknu stuttu matarhléi kynnti
Árni þá aðalskipulagsbreytingu sem
er í auglýsingu vegna Sementsreits-
ins. Sú breyting er til samræmis við
fyrirhugaða uppbyggingu á reitn-
um. Gunnar Örn Sigurðsson arki-
tekt hjá ASK arkitektum steig síðan
í pontu og kynnti tillögur að deili-
skipulagi Sementsreitsins. Á reitn-
um er gert ráð fyrir blöndu af íbúa-
byggð og atvinnustarfsemi, um það
bil 70% íbúðir á móti 30% atvinnu-
húsnæði. Hlutfall atvinnuhúsnæð-
is eykst og byggð þéttist og hækk-
ar eftir því sem nær dregur miðbæn-
um og höfninni. Samtals er áætlað
að um 360 íbúðir geti risið á þessu
svæði. Hæð bygginga verður ekki
meiri en fjórar hæðir og hefur ver-
ið lækkuð frá tillögum sem settar
voru fram í samkeppni um skipulag
á reitnum. Var það gert vegna óska
og ábendinga frá íbúum. Hæð bygg-
inga fjærst miðbæ er áætluð tvær til
þrjár hæðir.
Gert er ráð fyrir hóteli á hafnar-
bakkanum, nánar tiltekið á Sem-
entsbryggjunni svokölluðu. Í fyrsta
áfanga gæti risið 60-100 herbergja
hótel, en standi til að stækka það er
heimild til fimm þúsund fermetra
landfyllingar undir annan áfanga
hótelsins.
Helstu götur sem verða til á reitn-
um munu liggja þvert á Suðurgötu
og Faxabraut. Þannig verði tryggt
útsýni til sjávar ofan úr bænum.
Umferð um göturnar verður hæg og
miðað við að aksturshraði verði ekki
hærri en 30 km/klst.
Niðurrif kostar
400 milljónir
Gert er ráð fyrir niðurrifi á efn-
isgeymslu Sementsverksmiðjunn-
ar, ofnhúsi og kvarnarhúsi í fyrsta
áfanga, sem og niðurrifi og fyll-
ingu sandþróarinnar. Kostnaður við
niðurrif er áætlaður um og yfir 400
milljónir króna. Bæjaryfirvöld von-
ast til að ríkið muni taka þátt í þeim
kostnaði. Í fyrirspurnum svaraði
Sigurður Páll því til að áætlað væri
að niðurrif myndi hefjast um miðbik
þessa árs og taka um tvö ár.
Fram kom á fundinum að fyrir-
huguð uppbygging Sementsreitsins
myndi taka mörg ár og jafnvel ára-
tugi. Því yrði lögð áhersla á snyrti-
legan frágang svæðisins. Hins vegar
sagði Gunnar Örn arkitekt að ekkert
væri því til fyrirstöðu að hægt væri að
hefja undirbúning við framkvæmdir
á fyrstu lóðunum fljótlega eftir að
skipulagsferli lyki. Á vefsíðu Akra-
neskaupstaðar er greint frá því að
ráðgert sé að úthluta fyrst lóðunum
sem eru næst Jaðarsbraut. Gunnar
Örn nefndi þær einmitt í samhengi
við mögulegt upphaf framkvæmda
innan langs tíma. Heildarferlið mun
hins vegar taka mun lengri tíma.
Sementssílóin eru til dæmis í útleigu
til ársins 2028 og því var ekki tekin
afstaða til niðurrifs á þeim á fundin-
um. Það yrði hins vegar skoðað þeg-
ar sá tími kæmi.
Deilt um strompinn
Athygli nokkurra fundarmanna vakti
að í teikningum sem sýndar voru á
af Sementsreitnum glitti í Sements-
strompinn, „manndómstákn Akur-
nesinga,“ eins og einn fundarmanna
orðaði það. Hann spurði hvort til
stæði að halda strompinum eða
ekki, hvað það myndi kosta að halda
honum og hvort gerðar hefðu verið
einhverjar athuganir á ástandi hans.
Sigurður Páll sagði að bráðabirgða-
athuganir á ástandi mannvirkja
hefðu leitt það í ljós að strompur-
inn þyrfti á viðhaldi að halda fyrir
um það bil 30 milljónir króna miðað
við ástand hans í dag og síðan mætti
gera ráð fyrir viðhaldi fyrir tvær til
þrjár milljónir á nokkurra ára fresti
eftir það. Hann bætti því síðan við
að ástand hans yrði kannað nánar.
Rakel Óskarsdóttir sagði að mik-
ið hefði verið rætt um skorsteininn
meðal kjörinna fulltrúa bæjarins.
Ákveðið hefði verið að halda hon-
um inni í teikningum út frá þeim
umræðum. Hins vegar væri fólk alls
ekki sammála hvort ætti að halda
honum eða ekki. Það myndi kosta
peninga að halda honum við í fram-
tíðinni og að bæjaryfirvöld myndu
taka tillit til kostnaðar við ákvörðun
um framhaldið.
Ástand Faxabrautar
kannað
Við umræður bárust bænum áskor-
anir þess efnis að endurheimta
Langasand eins og hann var fyr-
ir tíma Sementsverksmiðjunnar. Þá
náði Langisandur langt inn á svæð-
ið þar sem nú er sandþró verksmiðj-
unnar.
Einnig var varpað fram þeirri
spurningu hvort áfram yrðu þunga-
flutningar um Faxabraut í þjónustu
við höfnina og þá starfsemi sem þar
er. Var því svarað til að áfram gætu
orðið flutningar um götuna en þar
sem gert væri ráð fyrir að hægja á
umferð á svæðinu ætti ekki að verða
ami af þeim fyrir framtíðaríbúa
svæðisins.
Bæjaryfirvöld voru beðin um að
lýsa útliti svæðisins á meðan niður-
rifi stæði, hvernig það myndi líta út
næstu árin og kvaðst spyrjandi von-
ast til þess að svæðið yrði ekki bara
einn stór haugur þar til búið er að rífa
byggingarnar. Sigurður Páll svaraði
því til að skoðað hefði verið hvernig
frágangi yrði háttað og lagði áherslu
á að hann yrði snyrtilegur. Mælingar
sagði hann hafa leitt í ljós að til að
fylla sandgryfjuna þyrfti um 40 þús-
und rúmmetra af efni. Áætlað væri
að mylja steypuna í þeim bygging-
um sem rifnar verða í fyrsta áfanga,
taka úr þeim járnið og nýta efnið til
að fylla upp í sandþróna.
Að lokum barst fyrirspurn þess
efnis hvort ástand Faxabrautar hefði
verið kannað, hvort sjórinn væri
ef til vill búinn að grafa fyllinguna
undan henni. Sigurður Páll svaraði
því til að ástand hennar yrði kannað
þegar nær dregur framkvæmdum en
taldi allt eins víst að Faxabraut verði
tekin upp. Það yrði þá hluti af fram-
kvæmdaáætlun þegar þar að kæmi.
kgk
Sex hundruð nýjar íbúðir á Akranesi
Fram kom á fundinum að mikið hefði
verið rætt um skorsteininn meðal
kjörinna fulltrúa. Ákveðið hefði verið
að halda honum inni í teikningum en
framtíð hans hefði ekki verið ákveðin.
Rakel Óskarsdóttir sagði að bæjaryfir-
völd myndu taka tillit til kostnaðar í
því samhengi. Sigurður Páll Harðarson
sagði að skv. bráðabirgðaathugunum
þyrfti strompurinn á 30 milljóna króna
viðhaldi að halda og gera mætti ráð
fyrir 2-3 milljónum í viðhald á nokkurra
ára fresti í framtíðinni.
Fundurinn í Grundaskóla var afar vel sóttur.
Dalbrautarreiturinn svokallaði. Teikning: Teiknistofa Gylfa Guðjónssonar.
Þannig gæti byggð á Sementsreitnum litið út í framtíðinni.
Teikning: ASK arkitektar.
Gert er ráð fyrir því að hótel geti risið á gömlu Sementsbryggjunni. Heimild er
í deiliskipulagstillögunni til að stækka hótelreitinn með landfyllingu og reisa
annan áfanga hótels þar. Landfyllingin er næst í mynd. Teikning ASK arkitektar.