Skessuhorn - 10.05.2017, Qupperneq 10
MIÐVIKUDAGUR 10. MAÍ 201710
Þorgerður Katrín Gunnarsdóttir,
sjávarútvegs- og landbúnaðarráð-
herra, hefur svarað hluta þeirra fyr-
irspurna sem Bjarni Jónsson vara-
þingmaður VG lagði fyrir hana þar
sem spurt var m.a. um verðmæti
veiða í ám og vötnum hér á landi
og væntanleg áhrif strandeldis á líf
villtra fiskstofna. Bjarni spurði hvort
nýlega hefði verið lagt mat á verð-
mætasköpun sem veiði í ám og vötn-
um stendur undir og þýðingu veiða
á vatnafiskum fyrir byggð í sveit-
um landsins. Ráðherra svaraði því
til að slíkt mat hafi ekki verið fram-
kvæmt nýlega, en Hagfræðistofn-
un Háskóla Íslands hafi árið 2004
unnið skýrslu að beiðni Landssam-
bands veiðifélaga um efnahagsleg
áhrif lax- og silungsveiða á Íslandi.
Sé stuðst við töflu sem þá var sett
fram, og tölur úr henni uppreikn-
aðar til verðlags dagsins í dag, gætu
heildarumsvifin verið á bilinu 14 til
17 milljarðar króna á ári. Setja verði
fyrirvara við slíka framreikninga, en
áformað mun á vegum ráðuneytis-
ins að uppfæra þá skýrslu og er áætl-
að að niðurstöður verði kynntar fyr-
ir lok árs.
Vinna áhættumat vegna
erfðablöndunar
Þá var ráðherra spurð hvort áform
um aukið laxeldi í sjó krefjist nýs
verðmæta- og áhættumats fyrir
veiði í ám og vötnum. Í svari Þor-
gerðar Katrínar kom fram að mark-
mið laga um fiskeldi, sé að skapa
skilyrði til uppbyggingar fiskeldis
og efla þannig atvinnulíf og byggð
í landinu, stuðla að ábyrgu fiskeldi
og tryggja verndun villtra nytja-
stofna. „Skal í því skyni leitast við að
tryggja gæði framleiðslunnar, koma
í veg fyrir hugsanleg spjöll á villt-
um nytjastofnum og lífríki þeirra og
tryggja hagsmuni þeirra sem nýta
slíka stofna.“ Ráðherra telur mik-
ilvægt að stuðla að ábyrgu fiskeldi
og tryggja um leið verndun villtra
nytjastofna svo sem íslenskra villtra
laxastofna. „Að tilstuðlan starfshóps
um stefnumótun í fiskeldi er vinna
hafin við gerð áhættumats vegna
erfðablöndunar eldislax við íslenska
villta laxstofna. Markmið verkefn-
isins er að meta hve mikið umfang
eldis má vera á hverjum stað án þess
að það valdi óafturkræfum skaða á
náttúrulegum laxastofnum vegna
erfðablöndunar. Í verkefninu eru
notuð bestu fáanlegu gögn um hlut-
fall sleppinga, áhrifa hafstrauma,
fjarlægð áa og stofnstærð laxa í
ám auk erfðasamsetningar villtra
stofna. Tilgangur verkefnisins er
að leitast við að gera stjórnvöldum
betur kleift að stýra þróun fiskeldis.
Hafrannsóknastofnun annast fram-
kvæmd verkefnisins,“ segir í svari
ráðherra. mm
Heildar umsvif stangveiði áætluð
um fimmtán milljarðar króna
Rekstraraðilar Landnámsseturs
Íslands og Egils Guesthouse/Kaffi
Brákar í Borgarnesi hafa andmælt
úthlutun Borgarbyggðar á lóðun-
um Brákarsundi 1 og 3 í Borgar-
nesi, sem samþykkt var að úthluta
á fundi byggðarráðs 12. apríl sl.
Eins og greint var frá í Skessu-
horni nýverið var lóðunum út-
hlutað til byggingafélagsins Fylk-
is ehf. sem auk þess fær bygging-
arrétt á lóðinni Brákarsundi 5. Í
húsunum verða átta íbúðir. For-
svarmenn þessara ferðaþjónustu-
fyrirtækja segja úthlutun lóð-
anna á skjön við áætlanir stjórn-
enda Borgarbyggðar um sam-
komutorg á reitnum. Sömuleið-
is andmælir Sigursteinn Sigurðs-
son arkitekt úthlutun lóðanna, en
hann var fenginn til að vinna til-
lögur að nýju deiliskipulagi svæð-
isins þar sem gert var ráð fyrir um-
ræddu torgi. Andmælin voru lögð
fram á síðasta fundi byggðarráðs,
fimmtudaginn 27. apríl. Á fundi
í byggðarráði 4. maí síðastlið-
inn var lögð fram bókun þar sem
fram kemur að úthlutun lóðanna
við Brákarsund mun verða látin
standa, enda samræmist hún gild-
andi skipulag svæðisins.
Útsýnið mikilvægt
Í andmælabréfi sínu segja rekstr-
araðilar fyrrnefndra ferðaþjón-
ustufyrirtækja að með úthlutun
lóðanna verði lokað á tengingu
Landnámsseturs og Egils Guest-
house við sjóinn og fjöruna. Með
því verði gildi fyrirtækjanna og
umhverfis þeirra verðfellt. „Það
hefur verið hluti af þokka og vin-
sældum Landnámssetursins og
gistihússins að staðsetningin hef-
ur verið þannig að fyrirtækin hafa
verið í yndislegu sambandi við
fjöruna, Brákarsundið og útsýnið
út yfir Borgarfjörðinn,“ segir í er-
indi þeirra. Segja rekstraraðilar að
vegna lóðaleigu og lóðagjalda ætli
stjórnendur sveitarfélagsins „að
virðisfella eitt helsta aðdráttarafl
ferðamanna í Borgarnesi, en það
eru þessi tvö fyrirtæki.“
Rekstraraðilar segjast hafa stað-
ið í þeirri trú, eftir að hafa orðið
varir við vinnu Sigursteins arki-
tekts um tillögur að torgi á svæð-
inu, að til stæði að endurnýja
deiluskipulag svæðisins. Sem og
að stjórnendur sveitarfélagsins
hafi áttað sig á mikilvægi þess fyr-
ir veru ferðamanna í gamla bæn-
um í Borgarnesi að halda sjávar-
kantinum opnum vegna útsýnis og
sambandsins við fjöruna. Benda
rekstraraðilar á að fallið hafi verið
frá úthlutun lóða við Brákarsund 1
og 3 á árunum 2003-2006, þegar
Landnámssetur var í mótun, þeg-
ar bent var á að þessi hús myndu
spilla útsýni frá Landnámssetrinu.
Vonast rekstraraðilar Landnáms-
seturs og Egils Guesthouse til að
stjórnendur sveitarfélagsins dragi
ákvörðun sína til baka.
Samkomutorg
nauðsynlegt
Sigursteinn Sigurðsson arkitekt
vísar í andmælabréfi sínu í mikla
óánægju hagsmunaaðila og íbúa
í Borgarnesi með byggingar sem
reistar voru fyrir hrun. Af þeim
sökum hafi verið skipaður vinnu-
hópur á vegum sveitarfélagsins
til að vinna tillögur að nýju deili-
skipulagi fyrir svæðið. „Vinnu-
hópurinn ákvað að fá mig til liðs
við sig um að koma með hug-
myndir og svo tillögur að nýju
deiliskipulagi,“ segir í bréfi Sig-
ursteins. Hann segir nefndina
hafa verið sammála um nauðsyn
þess að gert yrði samkomutorg á
svæðinu sem jafnframt gæti orð-
ið einn fyrsti áfangastaður ferða-
manna sem heimsækja Vesturland.
„Faglegt mat mitt er að Borgarnes
þarfnast enn slíks samkomu- og
áfangastaðar,“ ritar Sigursteinn.
Vinna við breytingar
voru hafnar
Enn fremur segir hann mikla ánægju
hafa verið með tillöguna þegar hún
var kynnt og að hún hafi verið lof-
uð sem slík. „Þannig virtist stefna
í að sátt myndi ríkja með skipulag
gamla bæjarins,“ segir hann en bæt-
ir því við að tillagan haf ekki verið
óumdeild. Safnað hafi verið undir-
skriftum þar sem hæð húsanna var
mótmælt, en hann telur víst að þeir
sem tóku þátt í þeirri undirskrifta-
söfnun muni harma ef byggt verði
eftir gildandi deiliskipulagi. Sig-
ursteinn skorar því á sveitarstjórn
að endurskoða ákvörðun byggðar-
ráðs um úthlutun lóðanna, vegna
þess að vinna við breytingar á eldra
skipulagi hafi þegar verið hafn-
ar. Sömuleiðis hvetur hann stjórn-
endur sveitarfélagsins til að klára
skipulagsmál á svæðinu og vanda
til verka.
Sveitarstjórn stendur
fast á sínu
Á fundi í byggðarráði Borgar-
byggðar síðastliðinn fimmtudag
var samþykkt ályktun vegna mót-
mæla við úthlutun lóðanna við
Brákarsund. „Byggðaráð úthlut-
aði 12. apríl 2017 þremur lóðum
við Brákarsund á grunni gildandi
deiliskipulags. Athugasemdir hafa
borist frá fjórum aðilum við þessa
úthlutun. Því vill byggðaráð árétta
eftirfarandi: Vinnu við endurskoð-
un deiliskipulags gamla miðbæjar-
ins, sem hófst 2013 lauk ekki, og
þar með hefur skipulagið ekki tek-
ið gildi. Fjórar athugasemdir bár-
ust við skipulagstillöguna á sín-
um tíma auk 48 undirskrifta gegn
þeirri tillögu. Deiliskipulagssvæð-
ið var umfangsmikið og fól í sér
tilfærslu á götunum Brákarsundi
og Brákarbraut, tilfærslu á lagna-
kerfi og bílastæðum og niður-
rif húss sem er í einkaeigu, gamla
kaupfélaginu við Egilsgötu 11.
Framkvæmd þessara tillagna hefði
falið í sér tugmilljóna útgjöld fyrir
sveitarfélagið. Byggðaráð leggur
því til að formlega verði fallið frá
vinnu við breytingu á deiliskipu-
laginu enda hefur vinna við skipu-
lagið legið niðri í tvö ár. Byggða-
ráð úthlutaði, sem fyrr seg-
ir, þremur lóðum af fimm og þar
með er dregið umtalsvert úr bygg-
ingarmagni á svæðinu til að koma
til móts við þær athugsaemdir
sem bárust. Vert er að benda á að
breyting á gildandi skipulagi var
gerð árið 2007 þannig að íbúð-
unum við Brákarsund 3 og 5 var
fækkað úr fjórum í tvær í hvoru
húsi og því verða þau hús minni
en þau sem fyrir eru við Brákar-
sund,“ segir í bókun byggðarráðs
Borgarbyggðar 4. maí sl.
kgk/mm
Ferðaþjónar óhressir með úthlutun
lóða við Brákarsund
Loftmynd sem sýnir svæðið við Brákarsund í Borgarnesi.
Ferðaþjónar í Landnámssetrinu og Kaffi Brák segja nýbyggingar við Brákarsund 1
og 3 muni skyggja mjög að útsýni frá þessum stöðum.