Skessuhorn - 21.06.2017, Blaðsíða 18

MIÐVIKUDAGUR 21. JúNí 201718
Borið hefur á smáflugu um vestan-
vert landið að undanförnu sem tal-
in er vera lúsmý. Flest tilfelli sem
vitað er um voru á Hvanneyri fyr-
ir og um liðna helgi, en einnig ofar
í héraðinu. Á Hvanneyri kvörtuðu
nokkrir íbúar undan ágangi þess-
ar agnarsmáu og hvimleiðu boð-
flennu. Hér eru á ferðinni örsmáar
blóðsugur sem yfirleitt leggjast á
smádýr; fugla og spendýr, en einn-
ig á fólk. Ber svæði á líkamanum
geta orðið undirlögð biti og kláð-
inn orðið mikill með hita í bitun-
um. Þannig getur bit eftir lúsmý
verið býsna slæmt, jafnvel verra en
moskítóbit. Flugur þessar ná sér á
strik í hlýju, röku og hæglátu veðri
og smeygja sér gjarnan inn í híbýli
fólks að næturlagi og því verður
það ekki vart við flugurnar fyrr en
eftir að þær hafa nært sig á blóði úr
viðkomandi.
Lúsmý er frumbyggi hér á landi,
varð fyrst vart sumarið 2015 og
var einkar skætt í Kjósinni á liðnu
sumri en einnig víðar um suðvest-
anvert landið allt frá Borgarfirði og
suður í Hafnarfjörð. Hjá húðlækn-
um má lesa sig til um afleiðingar
bitmýs af þessu tagi. Þar segir að
í flestum tilfellum gangi einkenni
bits yfir á nokkrum dögum en eftir
slæmt bit geti myndast blöðrur. Því
getur fylgt slappleiki og jafnvel hiti.
Hægt er að fá sérstök kláðastillandi
lyf í apótekum, svo sem kremið lo-
ritin, en sterkari krem er hægt að
fá eftir heimsókn til læknis og gegn
framvísun lyfseðils. Mjög er mis-
jafnt hversu mikið lúsmý dregst að
fólki. Getur það farið eftir ýmsu,
svo sem mataræði, hversu duglegur
viðkomandi er að taka vítamín eða
bakteríum í umhverfinu. Jafnvel er
sagt að flugur þessar laðist að stöð-
um þar sem áfengi er haft um hönd.
mm
Lúsmý
angraði íbúa
í Borgarfirði
„Það stefnir í gott mót og okkur
sýnist veðurspáin lofa góðu. Það
kólnar að vísu í veðri um næstu helgi
en tekur síðan að hlýna eftir hana,
einmitt þegar við byrjun dagskrána.
Við erum því bjartsýn, það er góð
skráning á mótið og má búast við
fjölmenni,“ segir Ámundi Sigurðs-
son framkvæmdastjóri Fjórðungs-
móts hestamanna á Vesturlandi í
samtali við Skessuhorn. Fjórðungs-
mótið hefst miðvikudaginn 28. júní
en lýkur sunnudaginn 2. júlí.
Mótið verður haldið á félags-
svæði Skugga í Borgarnesi en þetta
er í fyrsta skipti sem FM er hald-
ið þar. Það eru hestamannafélögin
fimm á Vesturlandi sem standa að
mótinu, þ.e. Skuggi, Faxi, Dreyri,
Glaður og Snæfellingur. Auk þeirra
eiga keppnisrétt í gæðingakeppni
mótsins félagar í hestamannafélög-
um á Vestfjörðum, í Húnavatns-
sýslum og í Skagafirði. Tölt op-
inn flokkur, tölt 17 ára og yngri og
100 m fljúgandi skeið er opið fyr-
ir alla. Vegna dræmrar skráningar
hefur verið ákveðið að fella niður
fyrirhugaða keppni í 250 m skeiði.
Þá eiga 68 kynbótahross rétt til að
mæta til dóms en gamla kynbóta-
brautin í Borgarnesi hefur nú ver-
ið endurbyggð vegna þessa. Fimm
ræktunarbú verða á mótinu. Móts-
svæðið er allt orðið hið glæsileg-
asta.
Miðaverði á mótið er mjög stillt í
hóf, en það er 2.500 kr. á allt mótið.
„Þannig að fólk getur gegn hóflegu
gjaldi komið t.d. einn dag á mótið
til að sjá barnið eða barnabarnið
sitt, án þess að fjárhagurinn fari all-
ur úr skorðum við það. Tjaldstæði
er með rafmagni fyrir gesti og verð-
ur á Kárastaðatúni sem er skammt
frá mótssvæðinu. Selt verður sér-
staklega inn á það. Þá verður dans-
leikur á föstudagskvöld og mun
hin geisivinsæla hljómsveit Stuðla-
bandið spila fyrir dansi. Kvöldvaka
verður svo á svæðinu á laugardags-
kvöldið,“ segir Ámundi.
Hann bætir því við að streymt
verði bæði frá hringvelli og kyn-
bótavelli þannig að þeir sem kom-
ast ekki á mótið geta horft á hrossin
á netinu, en á fjórða hundrað hross
eru væntanleg og mörg þeirra af
dýrari gerðinni. mm
Stefnir í fjölmennt og gott
Fjórðungsmót hestamanna
Ámundi sjálfur hefur oft unnið til verðlauna í hestaíþróttum. Meðal annars á
Hrafni frá Smáratúni. Ljósm. úr safni.Mótssvæði Skugga í Borgarnesi þykir kjörið til mótshalds á fjórðungsmóti.
Miðvikudagur 28. júní
Aðalvöllur:
08:30 Knapafundur
09:30-12:00 Ungmennaflokkur forkeppni
12:00-13:00 Hlé
13:00-14:00 Tölt 17 ára og yngri (T1) for
keppni
14:00- B flokkur gæðinga forkeppni
Hestar nr. 1-20
Hlé í 15 mín.
Hestar nr. 21-40
Hlé í 15 mín
Hestar nr. 41-
Kynbótavöllur:
10:30-12:00 Hryssur 4 vetra
13:00-17:00 Hryssur 5 og 6 vetra (15 mín
hlé kl. 14:30 og 16:00)
17:00-18:00 Hryssur 7 vetra og eldri
Fimmtudagur 29. júní
Aðalvöllur:
09:00-11:30 Unglingaflokkur forkeppni
11:30-12:30 Hlé
12:30-14:00 Barnaflokkur forkeppni
14:15 Forkeppni A flokkur
Hestar nr. 1-20
Hlé í 15 mín
Hestar nr. 21-40
Hlé í 15 mín
Hestar nr. 41-
Kynbótavöllur:
10:30-12:00 Stóðhestar 4 vetra
12:00-13:00 Hlé
13:00-14:20 Stóðhestar 5 vetra
14:20-15:00 Stóðhestar 6 vetra
15:00-15:15 Hlé
15:15-16:00 Stóðhestar 6 vetra
16:00-17:00 Stóðhestar 7 vetra og eldri
Föstudagur 30. júní
Aðalvöllur:
09:00-11:30 Tölt opinn flokkur (T1) for
keppni
12:30-13:00 Mótssetning og skrúðganga
hestamanna (án hrossa)
13:00-14:30 Yfirlitssýning hryssur
14:30-14:50 Hlé
14:50-15:30 Barnaflokkur B úrslit
15:30-16:10 Unglingaflokkur B úrslit
16:10-16:50 Ungmennaflokkur B úrslit
16:50-19:00 Hlé
19:00-20:30 100 m fljúgandi skeið
20:30-21:00 B úrslit í tölti opinn flokkur
23:00-03:00 Dansleikur í reiðhöll með
Stuðlabandinu
Laugardagur 1. júlí
Aðalvöllur:
10:00-12:00 Yfirlitssýning stóðhestar
13:00-13:40 Barnaflokkur A úrslit
13:40-14:20 Unglingaflokkur A úrslit
14:20-15:00 Ungmennaflokkur A úrslit
15:00-15:40 B úrslit í B flokk
16:00-17:00 Sýning ræktunarbúa
17:00-19:00 Hlé
19:00-19:40 A flokkur gæðinga B úrslit
19:40-20:20 Tölt (T1) 17 ára og yngri A úr
slit
20:20-21:20 Tölt opinn flokkur (T1) A úrslit
21:20-22:00 Kvöldvaka á aðalvelli eða í reið
höll (fer eftir veðri)
Sunnudagur 2. júlí
Aðalvöllur:
10:00-11:30 Hryssur verðlaunaafhending
12:00-12:30 B flokkur gæðinga A úrslit
12:30-13:15 Stóðhestar verðlauna-
afhending
13:30:14:10 A flokkur gæðinga A úrslit
14:10 Mótsslit
FJÓRÐUNGSMÓT VESTURLANDS BORGARNESI
28. júní til 2. júlí 2017