Skessuhorn - 21.06.2017, Blaðsíða 22

MIÐVIKUDAGUR 21. JúNí 201722
Þjóðhátíðardagurinn var haldin há-
tíðlegur í íþróttahúsi Snæfellsbæj-
ar í Ólafsvík á laugardaginn. Margt
var gert til skemmtunar fyrir gesti
sem fjölmenntu. Boðið var uppá
andlitsmálningu sem Drekinn ung-
lingasveit Lífsbjargar sá um. Björn
Hilmarsson forseti bæjarstjórnar
hélt hátíðarræðu og ungir tónlistar-
menn fluttu atriði. Söngvaborg hélt
upp stuði og kunnu börnin vel að
meta það og tóku virkan þátt.
Menningarnefnd Snæfellsbæj-
ar útnefndi Snæfellsbæinga árs-
ins og kom sá heiður í hlut þeirra
Arnar Hjörleifssonar, Þóru Olsen
og Óskars Skúlasonar en þau hafa
unnið mikla sjálfboðavinnu í Sjó-
mannagarðinum á Hellissandi og
sett þar upp sýningarnar Sjósókn
undir jökli og Náttúran við strönd-
ina. af
Hátíðarhöld á
17. júní í Snæfellsbæ
Snæfellsbæingur ársins. Örn Hjörleifsson tekur hér við viðurkenningu sem hann
og hjónin Þóra Olsen og Skúli Óskarsson hlutu fyrir gott starf við uppbygginu á
Sjómannagarðinum á Hellissandi. Með Erni á myndinni eru Ragnheiður Víglunds-
dóttir og Erla Gunnlaugsdóttir formaður menningarnefndar Snæfellsbæjar.
Thelma Kristinsdóttir var fjallkonan í ár. Hér er hún ásamt nýstúdentunum Guð-
laugu Írisi Pálsdóttur og Anitu Sif Pálsdóttur sem fluttu ræðu nýstúdenta.
Það var líf og fjör í Grundarfirði á
þjóðhátíðardaginn 17. júní. Hlaup-
ið var í Kvernárhlaupinu um morg-
uninn og svo fengu börn og þeir
sem vildu andlitsmálningu áður en
lagt var af stað í skrúðgöngu upp
á íþróttavöll. Þar hélt Þorsteinn
Steinsson bæjarstjóri smá tölu áður
en fjallkonan Rósa Guðmunds-
dóttir steig á stokk og flutti ávarp.
Marta Magnúsdóttir skátahöfð-
ingi íslands hélt einnig stutta ræðu.
Að ræðuhöldum loknum var keppt
í sápubolta þar sem bæjarstjórnin
keppti við kennara og þar var ekk-
ert gefið eftir. Slökkvilið Grund-
arfjarðar var svo með froðurenni-
braut fyrir gesti. Ungir sem aldn-
ir létu sig gossa niður sleipan plast-
dúkinn og brosið skein úr hverju
andliti í gegnum sápuna. tfk
Mikið fjör í Grundarfirði á 17. júní
Hérna er hart barist um boltann á flughálum vellinum. Þorsteinn Steinsson bæjarstjóri gaf ekkert eftir.
Rósa Guðmundsdóttir fjallkona flutti ávarp og
stuttu síðar var hún búin að hafa fataskipti og
þeyttist svo niður sápurennibrautina.
Þorsteinn Steinsson bæjarstjóri með barnabarn sitt í froðunni.
Margrét Bára Þórkelsdóttir sigraði
í keppninni Stálkonan sem fram fór
10. júní síðastliðinn. í raun var það al-
ger slembilukka að hún skyldi sigra á
mótinu, því hún hafði ekki skráð sig
fyrirfram. „Kærastinn minn var að
keppa þarna á sama stað í sterkasti
maður íslands í léttari flokkum, svo ég
skráði mig bara,“ segir Margrét létt í
lund og bætir við að þær hafi verið
tvær í hennar þyndarflokki. Margrét
hefur alltaf verið sterk að eigin sögn.
„Ég er sterk frá náttúrunnar hendi og
ég vissi að ég ætti góða möguleika á
því að vinna,“ segir hún í samtali við
Skessuhorn.

Líkamsrækt varð að
áhugamáli
Margrét Bára er alin upp á Arnar-
stapa á Snæfellsnesi en býr í Reykja-
vík í dag. Þrátt fyrir að vera alin upp
á Snæfellsnesinu hefur hún ekki reynt
sig á aflraunasteinunum á Djúpalóns-
sandi. „Það væri gaman að reyna við
þá. Geri það kannski næst þegar ég
fer vestur.“ Hún hefur æft Crossfit af
kappi síðan 2011. „Ég byrjaði að æfa
Crossfit til að komast í form ári eft-
ir fæðingu dóttur minnar,“ segir Mar-
grét. í Crossfit hefur hún tekið þátt
í fjölmörgum innanhússmótum og
í þrekmótaröðinni. „Ég og kærast-
inn höfum tekið þátt í parakeppn-
inni í þrekmótaröðinni þrisvar sinn-
um,“ segir Margrét svo hún er alls
ekki ókunn styrktarkeppnum. Hún
segist hafa verið á réttum á réttum
tíma þegar hún sigraði í Stálkonunni
10. júní.
Býr að góðri tækni
í Stálkonunni er keppt í nokkrum
styrktar- og kraflyftingagreinum. Þar
á meðal er bændaganga, jafnhött-
un (þar sem lóðum er lyft upp fyrir
haus), réttstöðulyfta, atlassteinum og
hleðslugreinum. „Það voru tvær eða
þrjár greinar sem ég kunni ekki en
ég vissi að ég hefði góðan grunn fyrir
þetta,“ segir Margrét. „Mér gekk ekki
vel í bændagöngunni. Ég missti takið
strax en mér gekk vel í öllu hinu.“ Til
dæmis bar hún af í jafnhöttuninni, þar
sem hún sigraði líka í þyngdarflokkn-
um fyrir ofan sig. „Crossfit fer inn
á svo marga þætti eins og t.d styrk,
þrek, liðleika, afl og margt fleira.
Svo ég hafði smá forskot á þær í jafn-
höttuninni þar sem ég gat notað það
sem ég hef lært til að koma stönginni
upp,“ segir Margrét sem hefur fyrst
og fremst áhuga á Crossfit. „En þetta
mót hefur alveg kveikt áhuga á kraft-
lyftingum hjá mér. Ég held að þetta sé
gaman af því ég veit að ég er sterk.“
Stelpur feimnar við að
vera sterkar
Margrét Bára segir sjálf að hún hafi
alltaf verið strákastelpa. í sínu núver-
andi starfi í framleiðsludeild hjá Öss-
uri vinnur hún til dæmis í hópi með
karlmönnum, þar sem starfið krefst
líkamlegrar áreynslu. Á yngri árum
hafi hún líka verið sterk en segir að
hún hafi ekki orðið fyrir aðkasti fyr-
ir það, eins og stundum vill verða.
„Fólki hefur alltaf bara þótt það
aðdáunarvert hvað ég ér sterk. Mað-
ur heyrir stundum í strákunum eitt-
hvað svona, að það sé mikið testóste-
rón í þessari. En ég hef aldrei tek-
ið því sem neinu neikvæðu.“ Henni
finnst það miður að stelpur þori ekki
að sýna styrk sinn út á við. Hún seg-
ir að hún myndi vilja sjá fleiri stelp-
ur í styrkgreinum eins og kraflyfting-
um. „Ég held að það hafi verið um sex
stelpur í þyngdarflokknum fyrir ofan
mig í Stálkonunni,“ segir hún en það
eru þá alls átta keppendur í báðum
þyngdarflokkum. „Ég veit ekki hvort
stelpur eru svona feimnar við þetta af
því þetta hefur lengi verið hálfgerð
karlaíþrótt. Stelpur eru hræddar við
að vera sterkar. Sumar eru sterkar en
þora ekki að sýna það.“
Fer á sjó á sumrin
Sumrinu eyðir Margrét á sjónum með
pabba sínum. „Ég tók mér launalaust
leyfi frá vinnunni í Össuri og er að róa
með pabba,“ segir Margrét. „Ég gerði
þetta oft þegar ég var yngri,“ bæt-
ir hún við og segir að hún njóti þess
mjög að fara á sjóinn. Sérstaklega í
góðu veðri.
Eftir að hafa sigrað í Stálkonunni
var Margrét þvinguð til að slaka á í
nokkra daga. Hún hafði ætlað að taka
þátt í móti helgina 16.-18. júní en lenti
í smávægilegu bílslys og fékk högg
á höfuðið og stóran skurð. „Þetta er
ekkert alvarlegt en ég þarf að taka því
rólega í nokkra daga,“ segir hún en
bætir við að hún hafi mikinn áhuga á
að taka þátt í fleiri mótum í sumar og
stefnir að því. Auk þess mun hún fara
á heimsleikana í Crossfit í júlí, en þó
aðeins sem áhorfandi að þessu sinni.
„Ég er ekki orðin alveg nógu góð til
að taka þátt þar ennþá.“ Hún hefur
áður farið sem áhorfandi á heimsleik-
ana og lýsir stemmningunni sem viku
hátíð. „Þetta var æðislega skemmti-
legt, ef maður hefur áhuga á þessu.“
klj
Sigraði Stálkonuna í undir 75 kílóa þyngdarflokki
Margrét Bára Þórkelsdóttir skráði sig á mótið á staðnum
Margrét Bára í jafnhöttuninni, þar sem hún sigraði þyngdarflokkinn fyrir ofan sig
líka.
Margrét Bára og dóttir hennar.