Skessuhorn - 26.07.2017, Blaðsíða 27

MIÐVIKUDAGUR 26. JúLÍ 2017 27
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Íslenski félagaskiptaglugginn er op-
inn um þessar mundir í fótboltan-
um. Vesturlandsliðin hafa verið ró-
leg á markaðnum síðan hann opn-
aðist en nú hefur Víkingur Ólafs-
vík bætt við sig tveimur leikmönn-
um frá Litháen, réttara sagt tveim-
ur bræðrum. Eivinas og Gabrielius
Zagurskas munu leika með liðinu út
tímabilið. Eivinas er 27 ára miðju-
maður sem lék síðast hjá norska C-
deildar liðinu Egersund. Gabrielius
er 25 ára vinstri bakvörður og lék
síðast með FK Utenis í heimaland-
inu. Bræðurnir fengu leikheimild
fyrir leikinn gegn Val í gær. bþb
Laugardaginn 22. júlí hófst tólfta
umferð Pepsideildar karla í knatt-
spyrnu með leik ÍA og FH í Kapla-
krika. Fyrir leikinn voru Hafnfirð-
ingar í fjórða sæti með sautján stig
en Skagamenn í botnsætinu með
níu stig. FH hefur haft býsna sterkt
tak á Skagamönnum síðastliðinn
áratug en Skagamenn hafa tapað
öllum tólf viðureignum liðanna í
efstu deild á því tímabili og eru þær
orðnar tólf eftir 2-0 tapleik á laug-
ardaginn.
Í fyrri hálfleik virtist bara vera eitt
lið á vellinum þar sem FH sótti fast
að marki Skagamanna. Skagamenn
voru í alls kyns basli og fengu mark
á sig á 18. mínútu. Skotinn Robert
Crawford slapp þá einn í gegn en
Páll Gísli varði vel frá honum, ein-
beitingarleysi í vörn Skagamanna
varð til þess að varnarmenn komu
ekki boltanum úr teignum. Boltinn
barst því til Atla Guðnasonar sem
lagði hann á Crawford sem stóð
einn og óvaldaður í teigi Skaga-
manna og skoraði í autt markið.
Tíu mínútum síðar skoruðu Hafn-
firðingar svo annað mark. Atli átti
þá hárnákvæma sendingu á Steven
Lennon sem tók vel á móti bolt-
anum, komst inn í teig og renndi
boltanum framhjá Páli Gísla.
Skagamenn vöknuðu til lífsins und-
ir lok fyrri hálfleiks og sköpuðu sér
nokkur færi og varði Gunnar Niel-
sen einu sinni einkar vel frá Garðari
Gunnlaugssyni. Staðan 2-0 þegar
flautað var til hálfleiks.
Það var allt annað Skagalið sem
mætti til leiks í síðari hálfleik og var
mikill kraftur í liðinu. Skagamenn
sköpuðu sér þó nokkuð af færum
en inn fór boltinn ekki. Þegar fór
að líða að leikslokum fjaraði kraft-
ur Skagamanna út og lítið mark-
vert gerðist síðustu mínútur leiks-
ins. Niðurstaðan því þægilegur 2-0
sigur FH á Skagamönnum.
Staða Skagamanna í deildinni
verður erfiðari með hverri umferð-
inni sem líður. Eftir leikinn eru
fjögur stig upp úr fallsæti. Næsti
leikur Skagamanna er mánudaginn
31. júlí gegn Val og fer leikurinn
fram á Hlíðarenda.
bþb
Atvinnukylfingarnir Valdís Þóra
Jónsdóttir úr Golfklúbbnum Leyni
á Akranesi og Axel Bóasson úr GK
stóðu uppi sem sigurvegarar á Ís-
landsmótinu í höggleik sem fór
fram á Hvaleyrarvelli í liðinni viku
og lauk á sunnudaginn. Þetta var
annar titill Axels en hann sigraði á
Íslandsmótinu árið 2011. Nú hafði
hann betur gegn Haraldi Franklín
Magnús (GR) í þriggja holu umspili
um sigurinn.
Valdís Þóra hampar þessum titli
í þriðja skipti, varð Íslandsmeist-
ari 2009 og 2012. Hún lék hring-
ina fjóra á 10 höggum yfir pari og
sigraði að lokum með tveggja högga
mun eftir æsispennandi einvígi við
Guðrúnu Brá Björgvinsdóttur. Val-
dís Þóra hóf lokadaginn jöfn Guð-
rúnu Brá í efsta sæti og voru þær
enn jafnar þegar einungis fórar hol-
ur voru eftir á 12 höggum yfir pari.
Á 15. holunni, sem ber heitið „Yfir
hafið og heim“, fékk Valdís frábært
par eftir erfitt glompuhögg á sama
tíma og Guðrún Brá missti stutt
pútt fyrir pari par. Valdís átti því eitt
högg þegar þrjár holur voru eftir.
Valdís og Guðrún fengu báðar
flotta fugla á 16. holu og því enn
högg á milli þeirra fyrir 17. hol-
una þar sem Valdís fékk glæsilegan
fugl. Holan var skorin aftast á flöt-
ina og því erfitt að komast nálægt
í innáhögginu en Valdís leysti það
gríðarlega vel og fékk fugl. Á 18.
holunni fengu þær svo báðar par og
sigurinn því í höfn hjá Valdísi.
„Alltaf gaman að verða
Íslandsmeistari“
Valdís Þóra var að vonum ánægð
með að hafa tryggt sér sinn þriðja
Íslandsmeistaratitil þegar Skessu-
horn sló á þráðinn til hennar á
mánudagsmorguninn. „Tilfinning-
in er góð. Fyrsti sigurinn var sæt-
astur en það er samt alltaf gaman að
verða Íslandsmeistari,“ segir Valdís
ánægð. Keppnin var sem fyrr seg-
ir mjög jöfn og spennandi allt til
loka. Valdís lét það ekki á sig fá og
lék af yfirvegun. „Þetta var allt mjög
jafnt en ég náði að slíta hana aðeins
frá mér, sérstaklega með fuglinum
á 17. holu. Ég var bara mjög róleg
en hjartað byrjaði aðeins að slá á 17.
flöt,“ segir hún.
Valdís tekur þátt í Íslandsmóti
klúbba í ágúst en sér ekki fram á
að keppa í fleiri mótum hérlendis
í sumar. Hún keppir í úrtökumóti
fyrir LPGA mótaröðina í ágúst og
næsta mót á LET Evrópumóta-
röðinni fer síðan fram í september.
Næst á dagskrá er hins vegar mót í
Skotlandi. „Ég fer út til Skotlands á
laugardaginn og keppi í úrtökumóti
fyrir Opna breska meistaramótið
31. júlí. Það er bara 18 holur og svo
er það vonandi bara Opna breska,“
segir Valdís að endingu. mm/kgk
Valdís Þóra og Axel sigurreif að móti loknu. Ljósm. seth@golf.is
Valdís Þóra Íslandsmeistari í höggleik 2017
Litháískir bræður til
liðs við Víking Ólafsvík
Eivinas Zagurskas
Skagamenn töpuðu tólftu
viðureign sinni við FH í röð
Úr síðasta heimaleik Skagamanna gegn Víkingi Reykjavík.
Ljósm. Guðmundur Bjarki Halldórsson.