Skessuhorn - 27.09.2017, Blaðsíða 55

MIÐVIKUDAGUR 27. SEPTEMBER 2017 55
Hausta tekur og við förum að huga
að því að geyma mat til vetrarins
Skyrmysa er tilvalin til að sýra
slátrið og ýmsan annan mat.
Fáanleg í 2,5, 5 og 10 ltr brúsum
Hægt að panta í Ljómalind í síma 437 1400 eða
á Erpsstöðum í síma 868 0357
Einnig er hægt að panta á netfanginu erpur@simnet.is
www.erpsstadir.is Rjómabúið á facebook.
SK
ES
SU
H
O
R
N
2
01
7
Teikningar, málverk, vatnslitamyndir, skopmyndir
Kirkjubraut 1, Akranes - listamadur@simnet.is
www.listamadur.com - Sími 431 1964 / 857 2648
Gallerí Bjarni Þór í hjarta bæjarnis - Opin vinnustofa og gallerí
Klúbbur matreiðslumeistara stóð
fyrir keppninni um Kokk ársins
2017 og fór úrslitakeppnin fram í
Hörpunni um liðna helgi. Kokk-
ur ársins er Hafsteinn Ólafsson
matreiðslumaður á Sumac Grill +
Drinks. Garðar Kári Garðarsson
matreiðslumaður hjá Deplar Farm/
Strikinu var í öðru sæti og Víðir
Erlingsson matreiðslumaður hjá
Bláa lóninu lenti í því þriðja.
Keppnin fór fram fyrir fullum sal
í Hörpu þar sem fjöldi gesta hafa
allan daginn fylgst með keppninni
þar sem kokkarnir elduðu keppn-
ismáltíðina í IKEA eldhúsum með
hráefni frá Nettó. Lokasprettinn
fór fram samhliða keppninni veisla
fyrir gesti sem tryggðu sér miða
á Kokkalandsliðskvöldverð og
skemmtun. Keppendur háðu harða
baráttu um titilinn eftirsóttta og
naumt var milli efstu manna. Um
val sigurvegarans sá fjölskipuð ell-
efu manna dómnefnd. Yfirdómari
var Krister Dahl frá Svíþjóð. Þór-
dís Kolbrún Reykfjörð Gylfadóttir
ráðherra ferðamála, iðnaðar og ný-
sköpunar krýndi Kokk ársins í lok
kvölds.
Krister Dahl yfirdómari sem er
margverðlaunaður í keppnismat-
reiðslu og stýrir eldhúsum Gothia
Towers í Gautaborg þ.m.t. 1 stjörnu
Michelin veitingahúsinu Upper
House hafði þetta um keppnina að
segja „Það er greinilegt að kepp-
endur koma vel undirbúnir til leiks
og samkeppnin er hörð. Ég verð að
hrósa þessum ungu íslensku kokk-
um fyrir þeirra framlag og er sér-
staklega hrifinn af sigurvegaranum
sem kom og heillaði dómnefnd-
ina með sínum flotta mat og fag-
legu vinnubrögðum. Ísland er svo
sannarlega komið á kortið sem há-
gæða matarland og íslenskir kokk-
ar standa sig afar vel í alþjóðlegum
samanburði t.d. í alþjóðlegum mat-
reiðslukeppnum.“ mm
Völdu kokk ársins
Hæfileikamótun KSÍ og N1 fór fram
á Akranesi sunnudaginn 17. septem-
ber síðastliðinn. Æfingarnar voru
fyrir drengi og stúlkur sem fædd
eru árin 2003 og 2004. Að þessu
sinni voru 14 stúlkur boðaðar á æf-
inguna. Fimm þeirra komu frá ÍA og
fimm frá Víkingi Ólafsvík en tvær
frá Vestra og Kormáki. Piltarnir sem
tóku þátt voru 23 talsins. Sjö þeirra
komu úr röðum ÍA, þrír frá Umf.
Grundarfirði, þrír frá Snæfelli, tveir
frá Víkingi Ó. og einn frá Skalla-
grími. Einnig tóku þátt þrír piltar
frá Vestra, tveir frá Umf. Geislanum,
einn frá Umf. Kormáki og einn frá
Súðavík.
Tilgangur hæfileikamótunarinnar
er meðal annars að fjölga leikmönn-
um sem fylgst er með og fylgjast með
yngri leikmönnum og undirbúa þá
fyrir hefðbundnar landsliðsæfingar.
Einnig að bæta samskiptin við aðild-
arfélögin og kynna þeim stefnu KSÍ
í landsliðsmálum og undirbúa leik-
menn enn betur með fræðslu til þess
að mæta á landsliðsæfingar seinna.
Það var Dean Martin sem stjórn-
aði æfingunum á Akranesi. Stóðu
þessir ungu og efnilegu knattspyrnu-
menn sig með mikilli prýði á hæfi-
leikamótuninni og höfðu bæði gagn
og gaman af. kgk
Hæfileikamótun á Vesturlandi
Hressir þátttakendur á hæfileikamótun. Ljósm. þa
Árlegt fótboltamaraþon og upp-
skeruhátíð Snæfellsnessamstarfs-
ins í fótbolta fór fram um síðustu
helgi. Spilaður var fótbolti í sól-
arhring og skipt upp tímanum á
Stykkishólm, Grundarfjörð og
Snæfellsbæ. Fyrr í vikunni höfðu
krakkarnir gengið í hús og safnað
áheitum og safnaðist vel. Skemmtu
bæði krakkarnir og fullorðnir sér
mjög vel.
Eins og venja er við þetta til-
efni voru veittar viðurkenningar
fyrir árangur og framfarir en áður
en að því kom sýndi Lísbet Rós
frá Grundarfirði dans fyrir gesti.
Leikmenn meistaraflokks karla hjá
Víkingi Ólafsvík aðstoðuðu við af-
hendinguna. Iðkendur í 6. flokki
og yngri fengu allir viðurkenning-
arpening og gamla Snæfellsnes-
búninginn gefins. En frá 5. flokki
og upp úr voru veittar viðurkenn-
ingar fyrir framfarir og árangur. Í
5. og 4. flokki voru veittar viður-
kenningar fyrir framfarir í sum-
ar bæði hjá strákum og stelpum á
yngra og eldra ári í A og B liði. í
3. og 2. flokki voru veittar sömu
viðurkenningar bæði hjá strák-
um og stelpum en einnig fengu
markahæstu leikmenn í hverjum
flokki viðurkenningu. Að lokinni
veitingu allra þessara flottu viður-
kenninga var krökkunum þakkað
fyrir frábært fótboltasumar og þau
minnt á að nú hæfist vetrarstarfið
og að allir sem væru á eldra ári í
sínum flokki myndu nú færast upp
í næsta flokk fyrir ofan. þa
Uppskeruhátíð Snæfellsnessamstarfsins