Skessuhorn - 27.09.2017, Blaðsíða 29
MIÐVIKUDAGUR 27. SEPTEMBER 2017 Matarauður - Veisla á Vesturlandi 29
Bjargarsteinn Mathús er nýr veitingastaður í gömlu húsi.
Þar er mikið lagt upp úr notalegu andrúmslofti og góð-
um mat með áherslu á staðbundið hráefni og það besta
á hverjum árstíma. Sjávarréttasúpa að hætti Gunna er sá
réttur sem breytist ekki milli árstíma enda alltaf jafn vin-
sæll.
Frá staðnum er óhindrað útsýni yfir Grundarfjörð og hið
glæsilega Kirkjufell. Bjargarsteinn hefur líka þá sérstöðu
að á lóðinni stendur gamall hjallur sem var gerður upp.
Þar er fiskur og kjöt hengt til þerris á tilheyrandi og þjóð-
legan máta.
Bjargarsteinn tekur þátt í Súpuslóð Snæfellsness sem
hefst í október.
Bjargarsteinn Mathús
í Grundarfirði
Í veitingahúsi Landnámssetursins í Borgarnesi er bæði
hægt að fá mat, kökur, kaffi og aðra drykki. Á matseðlin-
um er að finna fjölbreytta rétti sem ættu að fullnægja þörf-
um flestra, bæði barna og fullorðinna. „Við höfum holl-
ustu og ferskleika að leiðarljósi og höfum svanga ferða-
langa sérstaklega í huga þegar skammtað er á diskana.
Allir réttir eru unnir frá grunni á staðnum.
Í október bjóðum við upp á tvíreykt kindakjöt borið
fram með rúgbrauði frá Geira bakara, ruccola, pikkluðum
rauðlauk og piparrót-
arsósu. Reykt kinda-
kjöt er sterkt í hefðum
Vesturlands sem er
mikið landbúnaðar-
hérað.“
Landnámssetur Íslands
í Borgarnesi
Hraun í Ólafsvík er ekki nema þriggja ára gamalt lítið
fjölskyldufyrirtæki. „Við hjónin vinnum bæði í eldhúsinu
og börnin hjálpa til. Við höfum frá upphafi notast við hrá-
efni frá Snæfellsnesi og ef það er ekki mögulegt þá tökum
við íslenskt fram yfir erlent.
Markmið okkar er einfalt, en það er að vera trú hráefn-
inu og ekki reyna einhvað sem við ekki getum.
Við tökum nautið okkar frá Hönnu í Mýranauti, salat frá
Áslaugu á Lágafelli við Vegamót, bláskel og hörpuskel frá
Stykkishólmi, þorsk frá Hraðfrystihúsi Hellissands og svo
framvegis.
Við höfum opið allt árið og hefur svo verið alveg frá
upphafi, þó það hafi verið erfitt á köflum.“
Hraun tekur þátt í Súpuslóð um Snæfellsnes í október.
Hraun í Ólafsvík