Skessuhorn - 08.11.2017, Qupperneq 12

MIÐVIKUDAGUR 8. NÓVEMBER 201712
Út er komin skýrslan „Íbúakönn-
un á Vesturland: staða og mikil-
væg búsetuskilyrði.“ Hún er unnin
af Vífli Karlssyni hagfræðingi hjá
Samtökum sveitarfélaga á Vestur-
landi. Er þetta í fimmta sinn sem
könnunin er framkvæmd, en hún
hefur verið lögð fyrir á þriggja ára
fresti. „Að þessu sinni gætir nokk-
urra nýjunga í skýrslu íbúakönn-
unarinnar. „Nú er í fyrsta skipti
reynt að setja fram forgangslista
fyrir þau verkefni sem vert er að
vinna að á hverju svæði Vestur-
lands fyrir sig, grundvallað á nið-
urstöðum könnunarinnar,“ seg-
ir í inngangi skýrslunnar, en hana
er að finna í heild sinni á vefnum
www.ssv.is undir liðnum útgáfa og
tölfræði.
Einnig eru þátttakendur í fyrsta
sinn spurðir út í hamingjustig sitt
og kemur í ljós að Vestlendingar
eru heilt yfir hamingjusamir og
enginn munur virðist við fyrstu
skoðun vera á hamingju kynjanna.
Hins vegar er hún breytileg eftir
aldri, þar sem yngsti aldurshópur-
inn (18-25 ára) er óhamingjusam-
astur. Í því tilliti kom fram mark-
tækur munur milli kynja; konur á
aldrinum 25-34 ára og 45-54 ára
voru almennt hamingjusamari en
karlar á sama aldri.
Þátttakendur könnunarinnar
töldu almennt mjög gott eða frek-
ar gott að búa á Vesturlandi. Um
95% íbúa á Akranesi og í Hval-
firði voru þeirrar skoðunar, 90%
á Snæfellsnesi, 84% í Borgarfirði
og sama hlutfall í Dölum. Hlut-
fall þeirra sem töldu almennt mjög
gott eða frekar gott að búa á Vest-
urlandi hækkaði á Akranesi og í
Hvalfirði frá síðustu könnun árið
2013, stóð í stað á Snæfellsnesi en
lækkaði annars staðar.
Þættir tengdir
vinnumarkaði batna
Heilt yfir var mikil ánægja með
friðsæld, nálægð við fjölbreytta
náttúru, almennt öryggi, gott
mannlíf og greiða umferð á Vest-
urlandi. Þættir sem batna einna
mest á milli kannana tengjast
vinnumarkaðinum; atvinnuöryggi,
úrvali atvinnu og möguleikar á
stofnun fyrirtækja. Þá fylgja launa-
tekjur og þættir sem tengjast vöru-
verði, framfærslukostnaði og vöru-
úrvali fast á eftir. Þeir þættir sem
þátttakendur telja að hafi gefið
mest eftir í gæðum eru íbúðir til
sölu og vegakerfi.
Í skýrslunni er fjallað um búsetu-
skilyrði sem Vestlendingar telja að
þurfi að lagast með því að skilja á
milli landssvæða innan landshlut-
ans. Er þá stuðst við svokallaða
forgangsvísitölu. Á Akranesi og í
Hvalfirði telja íbúar mest aðkall-
andi að eftirfarandi þættir breytist
til batnaðar, í þessari röð: Húsa-
leigumarkaður, vegakerfi, launa-
tekjur, framfærslukostnaður og
möguleikar til afþreyingar. Í Borg-
arfirði voru launatekjur, vegakerfi,
leiguíbúðir, skipulagsmál og at-
vinnuúrval helstu þættir sem bæta
þyrfti. Á Snæfellsnesi voru leigu-
íbúðir, vöruverð, heilsugæsla, at-
vinnuúrval og vöruúrval efst á
blaði. Í Dölum var það vöruverð
sem þótti mest aðkallandi að bæta
en næst á eftir var það vegakerfið,
launatekjur, nettengingar og úrval
atvinnu.
Staða húsnæðismála
frekar slæm
Kaflanum um húsnæðismarkað
Vesturlands er skipt í tvennt; hús-
næði til leigu annars vegar og sölu
hins vegar. Þegar litið er til leigu-
húsnæðis er staðan slæm á sunn-
anverðu Vesturlandi og hefur ekki
verið jafn slæm frá upphafi mæl-
inga árið 2004. Staðan fór versn-
andi í aðdraganda hrunsins en
lagaðist eftir það. Hún hefur síð-
an versnað aftur allar götur síð-
an 2010. Í norðanverðum lands-
hlutanum er staðan sömuleiðis sú
versta frá upphafi en hefur þró-
ast með öðrum hætti en á sunn-
anverðu Vesturlandi. Mikilvægi
leiguhúsnæðis hefur ekki breyst
mikið milli kannana.
Hvað varðar húsnæði til sölu er
staðan frekar slæm á Vesturlandi
öllu en hefur þróast með mismun-
andi hætti innan landshlutans. Á
Akranesi og í Hvalfirði hefur stað-
an farið úr því að vera mjög góð
árið 2004, mun betri en annars
staðar í landshlutanum, yfir í að
vera nálægt því jafn slæm og ann-
ars staðar á Vesturlandi. Á Borg-
arfjarðarsvæðinu lagaðist staðan
jafnt og þétt fram til ársins 2010
en hefur versnað síðan. Mikilvægi
húsnæðis til sölu hefur ekki breyst
mikið milli kannana.
kgk
Vestlendingar heilt yfir hamingjusamir
Niðurstöður kunngjörðar úr nýrri íbúakönnun
Vestlendingar eru heilt yfir hamingjusamir samkvæmt könnuninni Ljósm. úr safni/ sm.
Heilt yfir var mikil ánægja með friðsæld og nálægð við fjölbreytta náttúru. Ljósm. úr safni.
Á árlegum basar í Brákarhlíð í Borg-
arnesi síðastliðinn laugardag var
margt fallegra og nytsamra muna
úr félagsstarfi íbúa boðið til sölu.
Handverk af ýmsum toga en auk
þess prjónavörur, skrautmunir og
fleira. Meðal þess sem boðið var til
sölu á basarnum voru tvíþumla belg-
vettlingar. Slíkir vettlingar voru al-
gengir fyrr á tíð en þeir eru þeim eig-
inleikum gæddir að hægt er að snúa
þeim við. Auka þumall er á handar-
bakinu og hægt að bregða honum
innfyrir til að fela hann ef vill. Þess-
ir vettlingar nýttust því lengur en
þeir sem prjónaðir voru með einum
þumli. Guðný Baldvinsdóttir sem
kennd er við Grenja prjónar þessa
vettlinga og slær lítið af við prjóna-
skapinn þrátt fyrir aldurinn, en hún
varð 103 ára í apríl síðastliðnum.
Guðný var sjálf mætt á basarinn
og í vöfflukaffi og heilsaði upp á
gesti og gangandi. Í spjalli við blaða-
mann sagðist hún bara býsna hress
miðað við aldur. Hún væri þó aðeins
farin að gleyma. Guðný flutti ekki á
Brákarhlíð fyrr en um tíræðisaldur-
inn og segist finna fyrir því að heils-
unni hraki aðeins með því að hafa
minna fyrir stafni en meðan hún bjó
ein í húsinu sínu við Böðvarsgötu.
Þá fór hún daglega út í gönguferðir
og sá alfarið um sig ein og óstudd.
Lengi vel gekk hún daglega upp í
Brákarhlíð og heilsaði upp á vin sinn
Friðjón frá Helgastöðum og las fyrir
hann. Hún kveðst ekki hafa undan
neinu að kvarta og segir starfsfólk-
ið í Brákarhlíð elskulegt. Henni líði
því vel. Aðspurð segist hún hafa lát-
ið heldur færri vettlingapör á basar-
inn að þessu sinni. Pörin hafi verið
26 í fyrra en 15 nú. „Vonandi selst
þetta og nýtist einhverjum. Þetta
eru allavega hlýir vettlingar og það
getur komið sér vel,“ sagði Guðný
Baldvinsdóttir. mm
Slær ekki af við prjónaskapinn
Feðginin Davíð Árnason og dætur hans Unnur og Elín bregða á leik.
Hér er Ragnheiður Kristófersdóttir frá Gilsbakka að skoða vettlingana og ræðir
við Guðnýju frá Grenjum.