Skessuhorn - 04.04.2018, Blaðsíða 10
MIÐVIKUDAGUR 4. ApRÍL 201810
Katla Hallsdóttir hyggst hætta eða
breyta rekstri á Hárhúsi Kötlu á
Akranesi eftir ríflega þrjá áratugi.
Katla stofnaði Hárhús Kötlu í hús-
næði við Suðurgötu árið 1986 og
flutti stofuna tíu árum síðar í nú-
verandi húsnæði við Stillholt. Fyrir
um 15 árum kom Ína Dóra Ástríð-
ardóttir inn í reksturinn og hafa
þær rekið stofuna saman síðan.
„Nú er bara svo komið að Ína Dóra
ætlar að hverfa til annarra starfa og
því var reksturinn settur á sölu. Ínu
Dóru langaði bara að prufa eitthvað
annað,“ segir Katla. „Viðskiptavin-
ir mínir geta þó alveg verið róleg-
ir því ég fer hvergi. Ég hef staðið
í ströngu undanfarið við að svara
síma og tölvupósti frá viðskiptavin-
um sem hafa áhyggjur af að ég sé
að hætta. Ég vona að ef reksturinn
selst muni ég áfram geta leigt að-
stöðu hér innandyra,“ segir Katla.
„Ég hef ekki í huga að hætta í hár-
greiðslunni og get fullvissað alla
mína viðskiptavini að ég fer hvergi,
allavega ekki strax,“ bætir hún við.
Húsnæði stofunnar er í eigu
Kötlu en hún segist ekki ætla að
selja það. „Við ætlum eingöngu að
selja reksturinn en ekki húsnæðið
og þar sem ég ætla ekki að hætta
sjálf kæmi það alveg til greina að
selja eingöngu þann hluta sem er í
eigu Ínu Dóru,“ bætir Katla við.
arg
Hárhús Kötlu
sett á sölu
Þær Katla Halldórsdóttir og Ína Dóra
Ástríðardóttir í góðum gír. Þær reka
saman Hárhús Kötlu á Akranesi en
hafa nú sett reksturinn á sölu.
Ljósm. Aðsend.
Borgarráð Reykjavíkur samþykkti
nýverið að auglýsa nýtt deiliskipulag
fyrir Vesturlandsveg, en eins og fram
kom í frétt Skessuhorns í vetur hafa
vegabætur þar m.a. strandað á að ekki
er búið að skipuleggja svæðið m.t.t.
nýs og breiðari vegar um Kjalarnes.
Deiliskipulagið nær yfir núverandi
Vesturlandsveg á 14 kílómetra kafla
frá sveitarfélagamörkum Reykjavíkur
og Mosfellsbæjar og að gagnamótum
að Hvalfjarðarvegi sunnan við göng-
in. Mörk skipulagsins elta því veg-
helgunarsvæði Vesturlandsvegar og
nær yfir hliðarvegi, gönguleiðir og
reiðvegi sem liggja nærri þjóðvegin-
um. Í skipulagslýsingu kemur fram
að á þessum 14 kílómetra kafla eru
nú 40 vegamót, tengingar og þveran-
ir og einungis ein akrein í hvora akst-
ursstefnu.
Skipulagið nú gerir ráð fyrir að
vegurinn verði gerður að 2+1 vegi í
fyrstu en síðar verði hann gerður að
2+2 vegi. Til að byrja með verður
kaflinn frá Esjubergi að Hvalfjarðar-
vegi breikkaður, eða 9 af þessum 14
kílómetrum sem skipulagið nær yfir.
mm
Auglýsa skipulag að
breiðari Vesturlandsvegi
Eftir velgengni Hrúta er Grím-
ur Hákonarson kvikmyndagerð-
armaður kominn af stað í tökur á
Héraðinu, sinni næstu mynd í fullri
lengd. Tökur fóru fram á Erps-
stöðum í Dölum og í nágrenni fyrir
páska og halda svo áfram á Blöndu-
ósi og Hvammstanga eftir páskafrí-
ið, en lýkur í sumar í Dölum. Hér-
aðið er kvenhetjusaga kúabónda
sem gerir uppreisn í karllægu sam-
félagi. Aðalhlutverkið er í hönd-
um Arndísar Hrannar Egilsdóttur
og í öðrum veigamiklum hlutverk-
um eru m.a. Sveinn Ólafur Gunn-
arsson, Sigurður Sigurjónsson og
Ragnhildur Gísladóttir. Kvikmynd-
in Héraðið er framleidd af Grím-
ari Jónssyni hjá Netop Films í sam-
starfi við profile pictures í Dan-
mörku, One Two Films í Þýska-
landi og Haut et Court í Frakk-
landi.
Fréttaritari Skessuhorns sló á
þráðinn til Grímars Jónssonar fram-
leiðanda og spurði hann út í tökur í
Dölunum. „Tökur ganga vel, þetta
er búið að vera virkilega fínn tími
hér í Dölum. Við erum sérstaklega
þakklát og ánægð með hvað fólkið í
heimabyggð tekur okkur vel. Þetta
er svolítil innrás þegar það koma
um 40 manns og snúa öllu á hvolf,“
segir Grímar.
Bregður sér í gervi
aðalleikkonunnar
Þá er Grímar sérstaklega þakklát-
ur hjónunum Þorgrími og Helgu
á Erpsstöðum sem hafa opnað fyr-
ir þeim bæði heimili og nýja fjósið
á bænum ásamt ísbúð. „Þau eru svo
örlát að leyfa okkur að koma og ráðst
svona inn í líf sitt. Við notum fjósið,
gjörbreyttum íbúðinni og byggðum
nýtt sett þar sem ísbúðin er og köll-
um hana koníaksstofu. En við erum
ekki bara að leigja þessi hús heldur
eru þau hjónin hluti af verkefninu
og hjálpa okkur á margvíslegan hátt.
Helga fer stundum í hlutverk að-
alleikonunnar, t.d. þegar um er að
ræða tæknileg atriði varðandi trak-
tor og vélar. Þá fær Helga bara hár-
kollu og fer í gervi aðalsöguhetj-
unnar Ingu sem annars er leikin af
Arndísi Hrönn Egilsdóttur,“ segir
Grímar og bætir því við að Þorgrím-
ur hefur líka sitt hlutverk í myndinni
sem ein af aukapersónum sögunnar.
Eins og Skessuhorn hefur áður
fjallað um fóru fram leikprufur í
félagsheimilinu Dalabúð áður en að
tökum kom og því eiga áhorfendur
von á að sjá ýmsum heimamönnum
bregða fyrir í myndinni. „Þetta er
það sem Grímur leikstjóri gerir, fær
áhugaleikara á svæðinu til að leika í
myndinni líkt og hann gerði í kvik-
myndinni Hrútum,“ segir Grímar.
Öskrað á Grímar!
Það er ekki frá því að þetta með
nöfnin Grím og Grímar fari að
verða svolítið ruglingslegt, þar sem
framleiðandinn heitir Grímar og
leikstjórinn Grímur. Fréttaritari
stenst ekki mátið og spyr Grímar
hvort þetta valdi ekki ruglingi. „Jú,
okkur er ruglað saman og úr spinn-
ast stundum skondnar aðstæður. Og
svo á tökustaðastjórinn okkar hund
sem heitir Grímar og hann er oft
með á svæðinu. Stundum er öskrað á
hann og ég hrekk í kút,“ segir Grím-
ar hlæjandi.
Grímar segir það vera talsvert
ólíkt að gera myndir úti á landi sam-
anborðið við höfuðborgarsvæðið.
„Það er oft skemmtilegra að taka
upp úti á landi því þá vill hópurinn
verða samheldnari og nánari. Svo er
líka magnað hvað heimafólkið er til
í að gera, það eru allir svo velviljugir.
Það er svo gaman,“ bætir hann við.
Ljúka tökum í júní
Það kemur fyrir að ýmsu þurfi
að redda í snarheitum og þá hafa
heimamenn verið fljótir að bregð-
ast við auk þess sem lögreglan hefur
verið tökuliði innan handar. „Níels
lögga hefur verið okkur mikið inn-
an handar, bæði við að sekta okk-
ur þegar við keyrum of hratt,“ segir
Grímar með bros á vör, „og að stýra
umferð þegar teknar eru upp senur
úti á þjóðveginum. Svo lánaði sveit-
arfélagið okkur félagsheimilið Ár-
blik þar sem við erum með aðstöðu
fyrir búninga, hár, förðun, matar-
aðstöðu og skrifstofu. Árblik hefur
verið nokkurs konar heimili fram-
leiðslunnar,“ segir Grímar og bæt-
ir við að hópnum þyki stór kostur
að geta leigt húsnæði á staðnum þar
sem menn hafa sitt heimili á meðan
tökur standa yfir en þar á hann við
bæði gistihús, sveitabæi og veiðihús
á svæðinu.
Kvikmyndin Héraðið byrjar að
vetri en endar um sumar. Vetrar-
senum á svæðinu er senn að ljúka en
tökuliðið mætir aftur í Dalina í júní
til að ljúka tökum á Héraði.
sm/ Ljósm. Margret Seema Takya.
Tökur hálfnaðar á Héraðinu
Helga Elínborg Guðmundsdóttir bóndi á Erpsstöðum sett í gervi aðalsögu-
persónunnar Ingu.
Grímur og Grímar við tökur.
Tökur í gangi í fjósinu á Erpsstöðum.