Hlynur - 15.10.1983, Page 68

bryggja. í verksmiðjunni vinna um 40 manns en samt
hefur fækkað í A-Barðastrandarsýslu og í sumum fjörð-
um er byggðin alveg eydd. Það fer ekki á milli mála að
á svona stað er aðeins rúm fyrir eina verslun, enda
hefðu sennilega fjármálamenn lítinn áhuga fyrir að
koma á fót slíku fyrirtæki vestur þar.
Á sumrin er mikil ferðamannaverslun. Á haustin starf-
ar sláturhús og þar er líka lítið frystihús en talsvert af
kjöti verður að senda til Reykjavíkur jafnóðum.
Erfið hlýtur lífsbaráttan að vera í þessari sveit þar
sem brött fjöllin umlykja dalina, en það væri eftirsjá í,
ef svo fallegt hérað færi í eyði, enda varla hægt að
reikna með því.
Þetta er hann Halldór Jónsson sem allir þekkja sem Halla í
kaupfélaginu.
Áshildur Vilhjálmsdóttir er hér að vigta eitthvað.
Gísella Halldórsdóttir við vinnu sína á skrifstofunni.
Friðbjörn er að ræða hlutina við einn viðskiptamanninn. Miðað
við pappirsflóðið á borðinu er þetta ekkert smámál.
Við skutumst inní útibú Samvinnubankans þar sem Halldór
Dalkvist Gunnarsson ræður ríkjum. Þetta útibú þjónar Geira-
dals- Reykhóla- og Gufudalshreppum þar sem búa um 350
manns. Halldór sagðist reyna eftir bestu getu að létta undir
með mönnum en öll stærri lán þyrftu að koma annarsstaðar
frá. Þetta er fyrsta árið sem útibúið starfar sjálfstætt en Þa®
var áður umboðsskrifstofa frá Patreksfirði.
68
HLYNUR