Fréttablaðið - 01.06.2007, Page 29

Fiskmarkaður verður opnaður á morgun í port-
inu við Vín og skel að Laugavegi 55. Hann verður
opinn um helgar í sumar. Vín og skel er líka með
sérstakan matseðil í tilefni hátíðar hafsins.
Kristján Nói Sæmundsson er veitingamaður í Víni og
skel og hjá honum er allt að gerast. „Við ætlum að
vera með fiskmarkað um helgar hér í portinu fyrir
utan veitingastaðinn okkar, í samvinnu við Atla-
staðafisk í Keflavík og fiskbúðina Sjólyst. Byrjum á
morgun á hátíð hafsins og verðum með opið frá ell-
efu til fimm,“ segir hann og kveðst líka hafa tryggt
sér krækling frá Norðurskel í Hrísey. „Þetta hrá-
efni munum við selja almenningi og líka bjóða upp
á grillspjót með góðmeti úr hafinu sem fólk getur
keypt tilbúin á grillið heima.“
En stólar Kristján Nói á gott veður eða er hann
búinn að byggja yfir portið? „Við erum að fá tjald
og þar inni verðum við með markaðinn. Svo stefnum
við á að grilla líka hér fyrir utan. Við reyndum það í
fyrrasumar en þá var aldrei veður til þess. Nú erum
við bjartsýnir og treystum því að það komi ekki tvö
rigningarsumur í röð.“
Vín og skel er einn þeirra veitingastaða sem býður
sérstakan matseðil vegna hátíðar hafsins og þar er
kræklingur í forrétt og humar, hlýri og skötuselur í
aðalrétt en endað á perueftirrétti. Að sögn Kristjáns
Nóa verður sá matseðill áfram í gildi í sumar. „Við
fáum væntanlega ferska öðuskel í sumar frá Hrísey
og einnig ígulker. Það þarf að hafa svolítið fyrir
að ná í það, gera út mann til að kafa og tína, en við
reynum að hafa úrvalið eins fjölbreytt og við mögu-
lega getum.“
Kræklingur, öðuskel,
ígulker og humarEin matsk. safieða eitt hylki
Jói
Fel
F
A
B
R
IK
A
N