Fréttablaðið - 05.01.2013, Side 22

5. janúar 2013 LAUGARDAGUR| HELGIN | 22
Guðjón Valur er einn þekktasti íþróttamaður Íslands. Hann hefur leikið sem atvinnu maður frá árinu 2001, þegar hann hélt til Þýskalands eftir far-sælan feril sem áhugamaður hjá
Gróttu á Seltjarnarnesi og KA á Akureyri.
Guðjón var efins um framhaldið hjá sér
hvað varðar landsliðið eftir að Ísland féll úr
leik á Ólympíuleikunum í London en hann
klæjar nú í fingurna af eftirvæntingu fyrir
næsta stórmót, heimsmeistaramótið sem
hefst í næstu viku á Spáni.
Guðjón hafði nýlokið við æfingu með
landsliðinu þegar hann gaf sér tíma til þess
að ræða við Fréttablaðið. Landsliðsfyrir-
liðinn hefur tröllatrú á liðinu þrátt fyrir að
margir lykilmenn síðari ára verði fjarver-
andi á HM. Getur landsliðið haldið áfram á
þeirri braut sem hann og félagar hans hafa
markað á undanförnum árum? „Já, hiklaust.
Það er fullt af tækifærum fyrir okkur sem
lið og ungu strákana sem eru að koma inn.
Að sýna sig og taka við hlutverki í liði sem
hefur verið í háum gæðaflokki undanfarin
misseri. Í augnablikinu erum við búnir að
missa Arnór Atlason og Alexander Peters-
son út úr hópnum og Ólaf Stefánsson að
sjálfsögðu. Það eru stór skörð sem þarf að
fylla. Við erum búnir að setja okkur mark-
mið. Í mínum huga er það einfalt, vinna
fyrsta leikinn – og svo koll að kolli. Maður
þarf að sjá heildarmyndina fyrir sér –
við erum með marga unga stráka í þessu
liði núna sem eru mjög hungraðir. Það er
stundum betra að hafa hungrið og viljann
fram yfir hæfileika. Ég hefði kannski getað
svarað þessu betur en ég var með fleiri
spurningar eftir æfingaleikina gegn Túnis
en fyrir þá. Ég var ekki viss um hvort við
vorum svona góðir eða þeir svona lélegir,“
segir Guðjón, en hann er að fara á sitt 16.
stórmót, þar sem hann hefur leikið alls 100
leiki og skorað alls 512 mörk.
Settum öruggasta leikmanninn á vítalínuna
Síðasti leikur Íslands á stórmóti var á
Ólympíuleikunum í London þar sem ýmis-
legt gekk á í tapleik gegn Ungverjum, meðal
annars varði markvörður Ungverja vítakast
á lokasekúndum leiksins en mark hefði gull-
tryggt Íslendingum sæti í undanúrslitum.
Ef þú ættir tímavél og gætir upplifað
lokakafla leiksins aftur, hefðir þú þá stigið
fram og óskað eftir því að taka vítakastið
sem Snorri Steinn Guðjónsson var sendur af
bekknum til að taka?
„Ég hef hugsað það, já. En ég var ekki
búinn að taka víti á þessum leikum og Ólaf-
ur Stefánsson og Snorri Steinn Guðjónsson
voru í þessu hlutverki. Við settum öruggasta
leikmanninn á vítalínuna á þessu augna-
bliki. Þetta er reynsla sem þroskar og er
nokkuð sem við búum að. Við unnum Frakka
og Svía í riðlakeppninni, liðin sem léku til
úrslita á ÓL. Ferðalagið sem ég hef upplifað
með landsliðinu undanfarin ár hefur verið
stórkostlegt – ég hefði að sjálfsögðu viljað
fá verðlaunapening. Það er enginn að benda
fingri á einhvern og segja þú hefðir átt að
gera þetta og einhver annar átti að gera
þetta. Við vinnum leikina sem lið og töpum
þeim sem lið – ekki sem einstaklingar.“
Það er ekki hægt að sleppa því að spyrja
Guðjón út í „heitasta“ málið á nýju ári.
Hvernig upplifði hann Áramótaskaupið og
atriðið þar sem forseti Íslands hellti sér yfir
leikmenn í búningsklefanum eftir tapleikinn
gegn Ungverjum?
„Ég hef hitt marga sem voru afskaplega
móðgaðir yfir þessu. Við erum alls ekki yfir
það hafnir að það sé gert grín að okkur. Það
má alveg gera grín að okkur eins og öllum
öðrum. Það mátti alveg sleppa síðustu sek-
úndunum í leiknum, það var versta upplifun
mín í þessum „skets“. Ég óska bara eftir því
næst þegar við stöndum okkur ekki að Ólaf-
ur Ragnar Grímsson, forseti Íslands, komi í
klefann og láti okkur heyra það. Reyndar er
það ólíklegt að við stöndum þarna í búningn-
um með orðuna heftaða í brjóstið. Ég brosti
alveg út í annað. Það er höfundanna að svara
fyrir orðbragðið, ég svara ekki fyrir þá.“
Ætla ekki strax út í þjálfun
Ertu farinn að sjá fyrir þér hvað tekur við
eftir ferilinn?
„Mig langar að þjálfa og kenna. Ég held
ég gæti það en mig langar það ekki alveg
strax. Alfreð Gíslason sagði við mig þegar
hann var þjálfari í Magdeburg og ég var í
Essen að hann hefði alltaf séð eftir því að
hafa farið heim til Íslands 32 ára frá Spáni.
Hann var spilandi þjálfari hjá KA í fimm
ár og stóð sig hrikalega vel. Þetta hefur
fest aðeins í mér – en ég var bara 23 ára
þegar hann sagði þetta. Mér finnst rosalega
gaman að taka þátt í því að búa eitthvað til
sem tekur langan tíma. Maður er fljótur að
fá leið á einhverri stöðu sem er alltaf eins.
En ég veit ekki hvað mig langar til að gera
og ég veit ekki hvaða vitleysingur myndi
ráða mig í vinnu – ég ætti erfitt með að
sitja kyrr í stól í átta tíma. Ég spila kannski
bara í 12-15 ár til viðbótar,“ segir Guðjón og
leggur áherslu á að það sé ekkert að marka
þá yfirlýsingu. „Það er ekki búið að setja
síðasta söludaginn á mig en þegar maður er
á þessum aldri veit maður aldrei hvað getur
gerst. Mér finnst ekki líklegt að ég spili á
Íslandi aftur, það hafa margir fyrrverandi
leikmenn varað mig við því að gerast spil-
andi þjálfari.“
Spennandi tímar hjá fjölskyldunni
Það er viðeigandi að alþingismaðurinn Guð-
laugur Þór Þórðarson gangi fram hjá þegar
talið berst að stjórnmálaskoðunum Guð-
jóns Vals. „Stjórnmál eru eins og að vera í
íþróttaliði, nánast alveg eins, og þú værir
fínn í slíku liði,“ segir Guðlaugur og heilsar
Guðjóni. „Ég hef áhuga á að fólk taki réttar
ákvarðanir, ég get verið sammála stjórn-
Sigurður Elvar
Þórólfsson
seth@365.is
Ég veit ekki hvaða vitleysingur
myndi ráða mig í vinnu
Guðjón Valur Sigurðsson, fyrirliði íslenska landsliðsins í handbolta, verður að venju í aðalhlutverki þegar hann heldur
á sitt 16. stórmót á ferlinum. Hinn 33 ára gamli hornamaður, sem leikur með Kiel í Þýskalandi, er enn í fremstu röð á
heimsvísu og hann býst ekki við því að ljúka ferlinum heima á Íslandi þar sem ævintýrið hófst.
STYTTIST Í HM Bjarki Már Elísson, Aron Pálmarsson og Guðjón Valur Sigurðsson skemmtu sér vel á einni af fjölmörgum æfingum íslenska landsliðsins sem fram fóru í vikunni. FRÉTTABLAÐIÐ/VILHELM