Fréttablaðið - 15.10.2015, Page 20

„Það er oft eins og nemendum finn­
ist þeir vera að læra fyrir kennarann
eða mömmu og pabba. Þeir gera
sér ekki grein fyrir því að þeir eru
að þessu fyrir sig. Ég hef oft hugsað
um hvernig hægt sé að breyta þessu
viðhorfi þeirra.“ Þetta segir Elísabet
Jónsdóttir, sem kennir íslensku og
lífsleikni á unglingastiginu í Lága­
fellsskóla í Mosfellsbæ.
Þegar  Elísabet fór á námskeið  í
markþjálfun kviknaði hjá henni
hugmynd um að kenna markmiða­
setningu á unglingastiginu. Hún
sótti um styrk hjá Sprotasjóði til að
búa til nýja valgrein og hefst kennsl­
an eftir áramót. Nú þegar hafa tæp­
lega 40 nemendur í 9. og 10. bekk
skráð sig í námið.
„Ég er búin að vera kennari í
mörg ár og einnig deildarstjóri. Mér
finnst nemendur ekki taka nægilega
ábyrgð. Ég vænti þess að eftir nám
í markmiðasetningu uppgötvi þeir
að þeirra er ábyrgðin á náminu og
að þeirra er valið út frá eigin styrk­
leika og áhugasviði. Áherslan verður
á að kenna nemendum að setja sér
markmið,“ segir Elísabet.
Hún sér fyrir sér að markmiða­
setning verði ekki bara valgrein í
framtíðinni heldur sjálfstætt fag. Í
Lágafellsskóla er lífsleikni sjálfstæð
námsgrein en ekki hluti af sam­
félagsfræði, sem hún er samkvæmt
aðalnámskrá grunnskóla.
Í lífsleikni kynnast nemendur alls
kyns málefnum sem lúta að dag­
legu lífi, að því er Elísabet greinir
frá. „Þeir fá fræðslu um mann­
réttindi,  það er unnið með sjálfs­
öryggi og námstækni. Kynfræðsla,
fjármálalæsi, forvarnir, jafnrétti,
hugleiðsla og jóga er meðal þess
sem þeir fræðast um auk þess sem
við förum og  heimsækjum fram­
haldsskóla og kynnum okkur nám
í þeim.“
Elísabet er viss um að auk lífs­
leikni muni kennslan í markmið­
asetningu búa nemendur vel undir
lífið. ibs@frettabladid.is
Finnst þeir læra fyrir
kennara og foreldra
Kenna á markmiðasetningu á unglingastiginu í Lágafellsskóla í Mosfellsbæ.
Vonast er til að nemendur uppgötvi að ábyrgðin á náminu er þeirra.
Elísabet Jónsdóttir, kennari á unglingastiginu í Lágafellsskóla í Mosfellsbæ, væntir þess að geta breytt viðhorfi nemenda til
námsins með kennslu í markmiðasetningu. FRÉTTABLAÐIÐ/GVA
Af 250 Norðmönnum sem þátt tóku í
rannsókn norskra, breskra og ítalskra
vísindamanna reyndust 247 vera með
eitur frá myglusveppi í kornafurðum í
þvagi. Aðeins þrír voru ekki með eitr­
ið deoksynivalenol, DON, í þvaginu.
Mesta magnið reyndist vera í þvagi
barna en þau borða hlutfallslega
meira af mat en fullorðnir miðað við
líkamsþyngd.
Í frétt á vef norska ríkisútvarpsins
er vitnað í nefnd sérfræðinga um
matvælaöryggi sem fyrir tveimur
árum hafði áhyggjur vegna barna
sem borða graut og brauð í miklu
magni. Ekki er útilokað að lang­
varandi neysla eitursins geti verið
skaðleg heilsunni.
Matvælaöryggisstofnun Evrópu­
sambandsins hyggst nú nota
niðurstöður norsku rann­
sóknarinnar til að reyna
að reikna út hversu
mikið af fyrrgreindu
eitri var í matnum sem
þátttakendur í rannsókn­
inni neyttu. Mögulega verður
hægt að ráðleggja hversu mikils af
eitrinu verður hægt að neyta
án þess að það valdi skaða.
Í frétt norska ríkisútvarpsins
segir að niðurstöður franskrar rann­
sóknar hafi sýnt bólguviðbrögð
í heila og öðrum líffærum músa
sem gefið var á hverjum degi í einn
mánuð jafn mikið af eitrinu DON
og norskir táningar fá í sig. Enn sé
aðeins um vísbendingar að ræða
sem rannsaka þurfi nánar áður en
hægt verður að segja til um áhrifin
á heilsu manna. – ibs
Eitur í þvagi frá myglusveppi
í kornafurðum
Eitur í þvagi
Norðmanna frá myglu-
sveppi í kornafurðum er talið stafa
af neyslu morgunkorns og brauðs. Á
Ítalíu er samhengi milli neyslu pasta og
eitursins í þvagi en í Bretlandi er eitrið í
þvaginu rakið til kexáts.
FRÉTTABLAÐIÐ/HARI
Það er oft eins og
nemendum finnist
þeir vera að læra fyrir
kennarann eða mömmu og
pabba. Þeir gera sér ekki
grein fyrir því að þeir eru að
þessu fyrir sig.
Reykjavíkurborg  og Fuglavernd
standa fyrir fuglaviku í Reykjavík
dagana 17.­23. október þar sem
boðið verður upp á margs konar
fræðsluviðburði. Markmiðið  er
að vekja athygli á því fjölskrúðuga
fuglalífi sem glæðir borgina árið um
kring, gildi þess fyrir borgarbúa og
mikilvægi Reykjavíkur og nágrenn­
is fyrir viðkomu og velferð íslenskra
fugla.
Boðið verður upp á fjölmargar
fuglaskoðanir í Fuglaviku, þ. á m.
fuglaskoðun ætlaða börnum og
fuglaskoðun á ensku. Þessar fugla­
skoðanir verða víða í borginni á
þekktum fuglastöðum.
Dagskrá Fuglaviku er aðgengileg á
vef Fuglaverndar, fuglavernd.is, og á
vef borgarinnar, reykjavik.is. Einnig
má finna síður fyrir einstaka við­
burði á Facebook.
Í tilefni Fuglaviku kemur út nýr
fræðslubæklingur, Fuglaskoðun í
Reykjavík, sem verður aðgengilegur
á netinu frá og með 17. október.
Fuglavika í Reykjavík
Fuglalíf við Tjörnina. FRÉTTABLAÐIÐ/PJETUR
Áreiðanleg, traust og afkastamikil

arskiptanet og upplýsingakerfi
fyrir fyrirtæki
Stórhöfða 23 | sími 415 1500
www.simafelagid.is | simafelagid@simafelagid.is
fjölskyldan
1 5 . o k t ó b e r 2 0 1 5 F I M M t U D A G U r20 F r é t t I r ∙ F r é t t A b L A ð I ð