Fréttablaðið - 15.10.2015, Qupperneq 36

Fólk| tíska
Ég reyndi að gera hálsmen úr gömlu úrverki en þau reyndust of viðkvæm. Ég
kaupi því hjólin í þessi men. Ég
geri mismunandi men og hringi,
af öllum stærðum og gerðum og
það er gaman að setja þau saman
á mismunandi máta,“ segir Hulda
Dröfn Atladóttir, fatahönnuður
í Leynibúðinni, en hún hannar
hálsmen og hringi úr litlum tann-
hjólum og keðjum.
„Steampunk er inn núna og
þetta er í þeim anda,“ segir
Hulda en steampunk-tíska sækir
innblástur sinn til vísindaskáld-
sagna sem byggja á gufuvélum og
iðnbyltingu nítjándu aldarinnar.
Tannhjól, keðjur, sjóngler og
ýmiss konar undarlegar græjur
eru áberandi í bland við viktorísk
klæði.
„Ég hafði verið að gera men
með lyklum og skráargati og einu
og einu tannhjóli og komst svo í
þetta úrval og fór að gera meira
af þessu. Þetta er rosa vinsælt.
Fyrir nokkrum árum var enginn
spenntur fyrir þessu en
núna er greinilega
tíminn. Það er til
dæmis mikið í
tísku núna að
vera með
„chokera“ og
ég fór að gera
„steampunk
chokera“ úr
tannhjólum.
Menin eru mis-
löng og hægt að
stytta og lengja
í keðjunum. Það
er flott að vera með
einn choker og annað sítt
men líka um hálsinn,“ segir Hulda
og ætlar sér að bæta við fleiri
munum í línuna.
„Ég mun fljótlega bæta við arm-
böndum. Svo er ég að gera slauf-
ur og öðruvísi hálsmen í bland,“
segir Hulda.
Með Huldu í Leynibúðinni er
Linda Ósk Guðmundsdóttir, fata-
hönnuður og saman hanna þær
undir merkinu Death Flower.
„Við reynum að skera okkur úr
flórunni, þetta er íslensk hönnun
sem við leggjum okkur fram um
að hafa á viðráðanlegu verði,“
útskýrir Hulda. „Við liggjum til
dæmis ekki með lager heldur tök-
um við sérpöntunum. Við viljum
að stemningin í búð-
inni sé eins og að
koma inn í stofu
og erum með
gamalt útvarp
hér í hillu
og fleira til
að skapa
heimilislega
stemningu.“
steampunk
stemning
íslensk hönnun Hulda Dröfn Atladóttir hannar men undir áhrifum frá steam­
punk. Hún segir menin rjúka út og að tannhjól, keðjur og sjóngler séu inn í dag.
tækni nítjándu aldar Tannhjól, keðjur, sjóngler og skrítnar græjur eru áberandi í steampunk-tískunni. Nordicphotos/getty
steampunk „Það er til dæmis mikið í tísku núna að vera með „chokera“,“ segir Hulda
en hún hefur búið til þröngar hálsfestar úr tannhjólum.
hringir
Hulda hannar
einnig hringi úr
tannhjólum.
iðnbyltingin Steampunk-tískan sækir innblástur í iðnbyltingu nítjándu aldarinnar og
vísindaskáldsögur.
death Flower Hulda Dröfn Atla-
dóttir fatahönnuður setur menin saman á
vinnustofunni í leynibúðinni. myNd/aNtoN
Skeifunni 8 • 108 Reykjavík • Sími: 517 6460 • www.belladonna.is
Verslunin Belladonna
Stærðir 38-58
Flott föt, fyrir flottar konur